السلام عليكم ورحمة الله وبركاته ماتشوفين الشر انشاءالله ومشكلتج بسيطه جدا , بالنسبه حق ماي الورد اعتقد انه يسكر المسامات عشان الافرازات الدهنيه ,,, ما انصحج فيه , عندي لج حل من باب تجربه والطريقه هذي مبتكرها عالم اعشاب وقالت لي عنها الوالده اهي متابعه ومتعمقه بالطب البديل , واستفدت منها حيل,,تروحين ياطويلت العمر الحواج او العطار , تاخذين منه كركم الافصوص مو مطحون وتاخذين منه مره وحلبه , تطحنين الكركم في البيت او تدقينه وتحطين معاه المره والحلبه مع ماي وتسوين نقوع , طريقة الاستخدام بليل قبل النوم بنص ساعه تغسلين ويهج بماي دافي وتنشفينه عدل وتدلكين كل ويهج فيه مو بس مكان الاحبوب , راح تحسين بويهج يشد بس مجرد يوم او يومين تتعودين عليه , بالنسبه للفوائد عشان تقتنعين في هالطريقه , الكركم يساعد على تنضيف البشره ويتغلغل داخل المسامات وفيه مضاد حيوي طبيعي , الحلبه تمتص الحبه من جذورها وتشيلها من غير رجعه ,المره تقشر الوجه بعد ما يقوم كل من الكركم والحلبه في دوره ويجدد البشره , وعلى فكره هالطريقه انا مجربتها في حبوب الجسم بعد وفعاله حيل وانصحكم فيها واتمنى لج الشفااءء العاجل بأذن الله وهالطريقه امجربه اميه بالاميه والنتيجه انشاءالله تبان خلال اسبوعين بس واضبي علي الطريقه , ونسيت لا اقولج من تقعدين من النوم غسلي ويهج بماي دافي وحاولي تخفين من اي شيء يهيض البشره في فترة العلاج اسفه اذا طولت عليكم وشكرا
