فيني بجيه وخانقتني العبره

[البنوته تووووته]

تخيلوا بنات معدلي كان 2.80
يعني مو باقي شي ويصير ثلاث نقاط واللحين نزل صار :lkmnkl:
اهئ اهئ 2.47 والله اني خايفه انزين بنات انا ثاني سنه توقعون بعدين ينزل ولا شلون انا خايفه بعدين يصير على انذارات معدل وهالسوالف تكفون بنات فيدوني وانا برفعه الكورس الجاي ان شاء الله بس ابي اعيد مواد لاني تعبت:eh_s(4):

بنات تكفون شسوي ابي ارفعه :eh_s(2):
:dfgl:

 

[البنوته تووووته]

^
^
مابي اعيد مواد لاني تعبت

 

[الغدق]

مو كثري يابنوته
اصلاً انا خلاص كرهت السستم والمعدل
شوفي بما انج ثاني سنة للحين تقدرين ترفعينه واتطيرينه
وشكلج مهببه هالكورس بس شوفي خذي مواد الكورس
الجاي وحولي اتشدين حيلج كله اي وبي
واتوقع راح يرتفع وايد واذ ما ارتفع وايد عيدي مادة بالصيفي

 

[$$ صعبة الوصوف $$]

ياحيــآتي يابنووتــه . .

خلاص انسي هالكورس ومن الكورس الجاي ان شاء الله شدي حيلج وراح يووصل 3 نقــآط .

اخذي موآد سهله (رفع معدل) لو مو مطلوبه منج او عيدي ماده وحده بس تكونين ضامنه فيها الـ a وصدقيني رآح يرتفع معدلج حيييل مو شويه .

والله يوفقج

 

[أم حمد =)]

ان شالله يرتفع الكورس الياي .. انا كل كورس ينزل .. عادي اهم شي ماينزل عن نقطتين ..

 

[مطـــيــريهـ فـــوشيـــآ]

موو كثري والله
حدددي مقهووره
هالمعدل مشكله
انا الكورس الجاي بحاول اخذ مواد سهله وان شاءالله يرتفع
الله يوفقنا ان شاءالله

 

[G A L A W I]

والله انا الكوس هذا ماخذه 4مواد
مادتين ب
ومادتين ب+
ومعدلي نزل
قهرررررر
كنت متوقعه البي ماينزل اااخ ياقلبي
وانا نفسج سنه ثانيه
بس الله كريم لازم الكورس الجاي كل موادنا a!!!

 

[Kadin Cligin]

انا نفسج بعد كنت 2.87 صرت 2.76

قــــــــــــهــــــــــــــر والله

يبيله الكورس الجآآآي كل موآدنآ a عشان نووصل 3 نقآآط

 

[Sparkle]

شدي حيلج موفقين ان شاء الله

 

[الوتيـــن]

اخذي مواد سهله وشدي حيلج فيهم .. وربي يوفقج ولاتحاتين ..

 

[الخاطر المكسور]

بنووته شدي حيلج الكورس الياي وانشالله يرتفع

لا تنقهرين انتي الي عليج سويتيه

 

[هاناو]

حبيبتي شدي حيلج الكورس الياي
اخذي عند دكاترة زينين بس!! عشان تضمنين درجات عاليه
اخذي شويه مواد!!

و بالتوفيق يا رب

 

[البنوته تووووته]

تسلمووووووون وربي انكم ريحتوني

 

[fri2010]

حبيبتي انا بعد صار معاي جذي كنت 2.68 صرت 2.34 بس بدون ما اعيد المواد اللي زفتت فيها شديت حيلي وخذيت مواد اكثر وقمت اييب كله اي وبي فصار 2.96 وهالكورس الحمدالله يبت كل المواد ايه بس وحده بي وصار 3.07

وانتي شدي حيلج واخذي عند دكاتره متساهلين وموفقه ان شاء الله

 

[البنوته تووووته]

حبيبتي انا بعد صار معاي جذي كنت 2.68 صرت 2.34 بس بدون ما اعيد المواد اللي زفتت فيها شديت حيلي وخذيت مواد اكثر وقمت اييب كله اي وبي فصار 2.96 وهالكورس الحمدالله يبت كل المواد ايه بس وحده بي وصار 3.07

وانتي شدي حيلج واخذي عند دكاتره متساهلين وموفقه ان شاء الله

تسلمين حبيبتي والله يسهل

 

[ام اللقافه]

انا في معلومه سمعتها بس مو متأكده منها

ان اذا كان عدد موادج شويه معدلج بيتأثر بشكل اكبببر من لما تاخذين مواد واحد
يعني تخيلوا لو تاخذون مادتين (مثلا)
لو ماده يبتوا a والثانيه c راح يخسف المعدل
لان معدلج كلللللللله مقسم على هالمادتين

 

[friends]

^ ^ ^
عدل كلامج ونفسه لمن تاخذين مواد شكثر يكون التأثير اقل

 

[0(مـــســـ(مطير)ــــــك)0]

اووووف شكلج لاعبه بالدنيا هالكورس ..

حرام نزل حيل ..

عالعموم .. احرصي انج تاخذين مواد سهله الكورس الجاي واذا اذا تقدرين تعيدين اسهل ماده واجهتج وجبتي فيها سي ماينس واقل عيدي وحده عالاقل عشان يرتفع حيييل ..

وعلى فكره المعدل يظل يرتفع لحد سنه ثالثه وحتى رابعه بس يرتفع شوي ..

وموفقه حبيبتي ..

 

[نووونتها]

عااااااااااااادي حبيبتي تك إيزي آنا معدلي نزل من 2.68 إلى 2.14 صج حددددي مقهوووووره :eh_s(2): بس شنقوول بعد قدر الله وما شاء فعل والحمدلله على كل حااااااااال
آنا معدلي نزل حيييل لأن أغلب موادي طلعت فيها دي وعندي اف اي بعد :lkmnkl:
يالله ان شاء الله نشد حيلنا الكورس الجاي ونعوض حبيبتي لا تحاتين

تــقــبــلـــي مــــروري :eh_s(21):​

​

 

[Mysterious_Girl]

اخذي مواد سهله وحاولي كله تييبين a و b وخري عن ال c قدر الامتحااااااااان ودرسي عدل ... ونفس ما قالو البنات .. اذا مارتفع وايد عيدي ماده او مادتين يايبه فيهم قريد مو زين عيديهم وشدي حيلج فيهم يحسبون لج الدرجه الثانية وتنلغي الاولى ويرتفع معدلج بس شدي حيلج حبيبتي والله يوفقج