فيدوني و افيدكم .. موضوع لاحلى كويتيات MakeUp

[شيخة كويتيات]

صباح الخير حبيباتي شلونكم عساكم بخير :eh_s(17):​

الموضوع عباره عن مجموعه اسئله انا مجاوبه عليها و هم ابيكم انتو تجاوبون عليها
يعني :
عندي جم سؤال ماعليكم امر .. اتمنى تجاوبون عليها و بنفس الوقت هالاسئله راح تفيد كل بنت تحب انه مكياجها يكون حلو و مرتب .. و انا بفيدكم و بقولكم كل شي انا استخدمه تحت كل سؤال ..
نتسلى و نتبادل خبرات ..
و عشان ما اخرعكم انا اعرف احط ميك اب تطمنوا هههههه و مكياجي كل من يشوفه يقول حلو ماشاءالله . الحمدلله . ناعم و ذرب بنفس الوقت . مع انه اسوي وايد خطوات عشان تطلع النتيجه النهائيه ههههه :weight_lift:​

بس حبيت استفيد منكم و افيدكم و ان شاء الله الكل يستفيد من هالموضوع و يكون شامل حق اساسيات الميك اب الصح :rerrerek:​

بسم الله نبدا:​

* قبل لا تبلشون ميك اب , تحطون حمايه و مرطب و بيس مع بعض ؟ ولا واحد من هال 3 ؟ و شنو ماركه كل واحد ؟
انا بس احط مرطب كلينك الوردي , بس احس انه ناقصني شي مع انه الميك اب يطلع واو , بس هم ابي اشياء تحافظ عالميك اب مده طويله خصوصا مع شمس الكويت و الجامعه
امدحولي بيس ديرما كول يقولون ب 3 و شي بجمعيه الروضه مادري في وحده مجربته ؟​

* شنو احلى فاونديشن ؟
انا عن نفسي استخدم قيرلان . وايد حلو و عاجبني بس ودي ب شي احلى
* بشنو تحطون الفاونديشن ؟ بفرشه ولا باسفنجه ولا بالايد ؟
انا احطه ب صبعي ب اماكن متفرغه و اوزعه باسفنجه بودي شوب
مو سبونج بوب هههههه :krkrkr:براا شيخه :eh_s(4):
في فرشه امدحوها حيل و اذا ماخاب ظني الي مادحتها ام علي الله يذكرها بالخير و توا وحده من العضوات الله يجزاها خير كتبت موضوع انه لقتها ب سيفورا رقم الفرشه 43 و سعرها ب 7 و شي . هل تنصحوني احط الفاونديشن ب فرشه ؟ صراحه اغلب فيديوات الميك اب ب يوتيوب يحطون الفاونديشن ب فرشه و اقول بقلبي من وين ييبونها احس تخلي التوزيع و التغطيه حلوه​

* شنو احسن كونسيلر ؟
انا كنت استخدم ماكس فاكتور , بعدين استخدمت شانيل , و قبل جم يوم شريت كونسيلر كريولاين لانه وايد يمدحونه , بس انا شريت الي فيه 3 الوان و الي شفته عقب ماشريته انه اغلبيه المواضيع فيها الكونسيلر بو 6 الوان .. ضاق خلقي :eh_s(2): هل الي انا شريته ماينفع ؟
شنو طريقه استخدام كونسيلر كريولاين الصحيحه ؟
و هل لما احط الكونسيلر البني انطره ينشف و عقب ادرجه و احط الفاونديشن و الكومباكت ؟ ولا احط الكونسيلر البني و اكمل ميك اب عيوني و اخلص عقب ابدي افتح الكونسيلر و بعدين احط فاونديشن و كومباكت ؟
لاني شفت موضوع ام علي الله يذكرها بالخير و كانت حاطه الكونسيلر البني و عقب كملت ميك اب عيونها و خلصت ميك اب العيون و بعدين فتحت الكونسيلر بس للاسف ماقدرت اعرف اذا حطت الفاونديشن عقب الكونسيلر البني و قبل لا تبلش ميك اب العيون , او بعد ميك اب العيون !
و لما احط الفاونديشن امرره على الكونسيلر ك توحيد لون و لا ما اجيسه و اخليه بروحه ينشف و اوزع الفاونديشن بعيد عن الكونسيلر و عقب احط الكومباكت على كل الويه ؟​

* شنو احسن كومباكت ؟
انا استخدم كومباكت ماكس فاكتور الذهبي . بس ابي شي احلى
و شنو احلى المضغوط ولا البودره ؟​

*شنو احسن بلاشر برونز ؟
انا كنت استخدم بودي شوب , والحين لوريال
امدحولي مال توب شوب حيل , يقولون برونز ماكو عليه , بس للاسف ماحصلته :eh_s(16):​

*تعرفون اشياء تثبت الآي شدو و تعطيج اللون الحلو من اول مره ؟
انا عن نفسي لازم ارد احط الشدو مرتين 3 عشان احصل اللون الي ابيه احس جفني يشرب الميك اب مادري شسالفته :bbbiu: و ابي شي يثبته و يبرزه ..​

*شنو احلى ماسكرا ؟
انا استخدم اكثر من وحده . و جربت وايد والله و اغلبهم حلوين , عجبتني ريميل الحمرا , ماكس فاكتور الذهبيه , لوريال الذهبيه , ديور القديمة , ميبلين اليديدة الفوشيه الي فيها زخرفه دانتيل بالاسود , لانكوم حلوه بس عيبها بسرعه تنشف و تخلص مايمر اسبوع الا ناشفه
و الي حاليا استخدمهم بورجوا السودة المتينه تكثيف , و السوده الطويله اليديده تطويل وايد مرتاحه عليهم , بس هم ابي شي احلى . طمااعه صح ههههههه :eh_s(15):​

*تحت العين عقب ما تخلصون ميك اب تحطون اضاءه ؟ ولا تكتفون بالكونسيلر ؟
انا كنت احط مثل لمعه او اضاءه من ماركه بريستيج من الشايع ب 3 وشي , وايد ناعمه و مو اوفر كلش . تعطي لمسه حلوه .. بس الحين ما قمت احطها و قمت احط ب صبعي من نفس الكومباكت الي استخدمه تحت عيني عشان اوحد اللون و اعطي اضاءه طبيعيه نظيفه​

* بالنسبه حق اضاءه تحت الحاجب ماكو على نايلون ماك :rerrerek:​

و بس .. يعطيكم العافيه حبيباتي و اتمنى تجاوبون على اسئلتي و هم تستفيدون و تفيدون :hjy5jewf:
بليز حياتاتي > موبدليه ترا , هاذي كلمتي ( جمع حياتي نفس حبيباتي ههههه ) الي تجاوب ياليت تكتب نوع الماركه و جم السعر اذا تذكره ..:yaaaaaarb:​

على فكره هذا اول موضوع لي و انا توني يديده بالمنتدى , صارلي يومين تقريبا من سجلت :eh_s(22):
يعني توني مستجده افشل مشاركاتي كلها رد هههههه
سوري اذا طولت عليكم ..​

تحيااتي :eh_s(7)::eh_s(17):
:eh_s(8):​

 

[حلوه ولمآحه]

فديتج
توني صآحيه مو مركزه عدل،،
لي احلى بآآك لموضوعج،،~

 

[tt2tt]

انا راح اقولج بس بعد اشوي اوكي

 

[هاااايدي]

انا مو ذاك الزود بالمكياج اتمنى استفيد منكم ياحلوووووات
واصير خبيره ههههههههه
يسلموووووووو ع الموضوع

 

[saroona_cute]

يعطييج العافية ياقلبي​

 

[حلا قطر]

لي رجعه ان شاء الله
بالدوام وحدي بيزي لقيت فرصه قلت بدش اشوف المنتدى

 

[شيخة كويتيات]

حبييباتي نورتوني والله
وان شاء الله بانتظار ردودكم
تحياتي :*​

 

[شيخة كويتيات]

الموضوع جنه اسئلة ب مجلة او استفتاء ورقه تحلينها ب قلمج , تسلية و تبادل خبرات
و اكيد بنكون شاكرين حق الي تفيدنا و بندعيلها
بليز شاركوا بموضوعي هذا اول موضوع لي جذي ماراح اتحمس و اسوي مواضيع ثانيه

تحياتي :*​

 

[ranh]

موضوع حلو تسلمين حبيبتي
الحين بصور افضل منتجات احبها ومستمره عليها وسجلها بالموضوع

 

[خرافية الهوى]

موضوع حلو إن شاء الله البنات يتفاعلون معااج
انا يعني أغراضي مو وايد .. وأكثر شي احط ستايل النو ميكب
بصصراحة للجامعة قبل ، كنت احط كريم ترطييب اولاي وساعات لوريااال يعني ماحسيت له داعي اهو صج يحافظ ع البشرة بس مايغيير وايد في الميكب .. وانا من النوع اللي أتوضأ في الدوام وامسح الميكب وبعدين سالفة لما تردين تحطين مرطب و فاونديشن وبودرة يعني ماله داعي هالعباله .. بس اهوا اكيد مهم لبشرتج وجذييه
استخدم بودرة كانيبو .. واهيا صج ابدااااااع .. يعني انسي شي اسمه فاونديشن .. اهيا فاونديشن اهيا بودرة اهيا اضااااءه .. مع انه عندي فاونديشن بس البودرة كفاااااية ..
الشي الثاني اللي مالقيته في أغراضج الا هو ماك فكس بلس .. يعني من المست هاف شيي مااستغني عنه ..
واذا تبيين شي يثبت لج الميكب اكو قطرة عند ميكب فوريفر تحطينها قبل الشادو وايد حلوة .. ويمدحونها بس للأمانة انا ماجربتها .. ناوية آخذها ..
وترى لازم تاخذين فرشاة حق الفاونديشن صج تفرررق ولما توقفين تحت الشمس يبين الفرق بين وحدة ماسحته بإيدها وبين وحدة مستخدمة الفرشاة .. ارشح لج سيجما اذا بتسويين اوردر .. او عندح فرشة بوبي براون حلوة بعد
ودعواتج حبيبتي

 

[شيخة كويتيات]

حبيباتي نورتوني
حلوه و لماحه , tt2tt , هايدي , سارونه كيوت , حلا قطر , ranh
و بانتظار ردودكم ان شاء الله :*

و خرافيه الهوى ماقصرتي حبيبتي مشكوره واايد و الله يوفقج و يحققلج الي تتمنين يارب
افدتيني ب سالفه ال ماك فكس كلا اسمع عنه و يمدحونه بس دايم يروح عن بالي ,, و باخذه ان شاءالله
و القطره صاجه هم سمعت مدح عليها و بجربها و اقولج تجربتي ..
و الفرشه ان شاء الله باخذ من سيفورا الي قلتلكم عنها رقم 43 الي قالت عنها ام علي الله يذكرها بالخير و اذا ماحصلتها لاسامح الله اشوف من بوبي براون , انا سمعت انه في محل بوبي براون ب 360 اول ما تدخلين الباب صوب الكورنر الي شكله زجاج , اعتقد هاذا مدخل من ورا او صوب الباركينق برا . تصعدين سكوليتر و تلقينه بويهج اعتقد اذا ماخاب ظني يم محل فافافوم
و هم وايد امدحولي فاونديشن بوبي براون بس يقولون تغطيته خفيفه و انا ما ينفع معاي الخفيف بشرتي بسرعه تتاثر و مع الشمس و التغطيه الخفيفه راح يخترب الميك اب ., بس عموما امدحوه و يقولون سعره 15 و شي

تحياتي :*​

 

[krkooora]

* قبل لا تبلشون ميك اب , تحطون حمايه و مرطب و بيس مع بعض ؟ ولا واحد من هال 3 ؟ و شنو ماركه كل واحد ؟

احط حماية لوريال تغنيني عن البيس و المرطب كلها مرة وحده تلاقينها في بوتس ولا مركز سلطان

* شنو احلى فاونديشن ؟ * بشنو تحطون الفاونديشن ؟ بفرشه ولا باسفنجه ولا بالايد ؟
اممم وايد في حلوين بس اذا تبين الهبه هالايام بوبي بروان خفيف و ناعم على الويه مثل جيرلان تقريبا و كل واحد على حسب نوع بشرته و اللي يمشي معاه
اوزع بالفرشه بس اذا ابي كفر قوي اوزع بالاسفنجه المثلثه

شنو احسن كونسيلر ؟
كريولان

شنو طريقه استخدام كونسيلر كريولاين الصحيحه ؟
اي انا مثلج عندي بو 3 الوان
صراحه اللون البني و الاصفر الفاتح ما اجيسه كل شي
فاستخدم البيجي بس و انا شوي هالاتي غامجه احط لون برتقالي هم شاريته من كريولان بروحه و انطره جم دقيقه و بعدين احط البيجي اللي بالباليت المدور
و هل لما احط الكونسيلر البني انطره ينشف و عقب ادرجه و احط الفاونديشن و الكومباكت ؟ ولا احط الكونسيلر البني و اكمل ميك اب عيوني و اخلص عقب ابدي افتح الكونسيلر و بعدين احط فاونديشن و كومباكت ؟
بني امممم قصدج البني اللي في الباليت حرام وايد غامج لا تستخدمينه الا اذا حق كونتور .... اول شي خلصي مرحله الكونسيلر كلها بخطواتها بعديييين حطي الفاونديشن و اخر خطوة بعد ماتخلصين ميك اب العيون حطي الكومباكت

لما احط الفاونديشن امرره على الكونسيلر ك توحيد لون و لا ما اجيسه و اخليه بروحه ينشف و اوزع الفاونديشن بعيد عن الكونسيلر و عقب احط الكومباكت على كل الويه ؟

لا لا لا تفكرين تدمجين فوق بعض بتخربين الشغل كافي الكونسيلر قريب من لون الفاونديشن ماله داعي الدمج
* شنو احسن كومباكت ؟و شنو احلى المضغوط ولا البودره ؟
احب ميك اب فور ايفير ديو مات
و كريولان
ويمدحون كانيبو وايد
المضغوطه اذا تبين كفر عالي
اللوس باودر اذا تبين تثبيت للفاونديشن فقط

*شنو احسن بلاشر برونز ؟
لانكستر او غيرلان
*تعرفون اشياء تثبت الآي شدو و تعطيج اللون الحلو من اول مره ؟
مثبت الشدو من دييغو
*تحت العين عقب ما تخلصون ميك اب تحطون اضاءه ؟ ولا تكتفون بالكونسيلر ؟
اذا لوك عادي يومي ما حط شي بس كونسيلر كافي
اذا لا شي مهم احط اضاءة على عظمه الخد و ماحب اوصلها لي تحت العين وايد لا احطها بشكل ناعم
لانه بالتصوير مثلا بطلع تحت العين وايد ابيض تعكس الاضاءة


ان شاء الله فدتج


​

 

[شيخة كويتيات]

ياعمري krkooora ماقصرتي والله وايد استفدت منج تسلميين
و عسى الله يوفقج و يحققلج كل اللي تتمنينه
تسلم ايدج حبيبتي


تحياتي :*​

 

[ranh]

قبل لا تبلشون ميك اب , تحطون حمايه و مرطب و بيس مع بعض ؟ ولا واحد من هال 3 ؟ و شنو ماركه كل واحد ؟


قبل الميك اب استعمل التالي
1
سيرم فيتامين سي فلافو سي



ايبه من صيدالية الشاميه ومتوفر ببوتس بالشاميه ارخص ب 17 ونص تقريبا

2
وبعدين استعمل ماركه esthederm مجدد البشره سيرم

esthederm concentre cellulaire مو ذاكره سعره من الجوثن



3
وبعدين استعمل من نفس الماركه الخاص للتبيض وعلاج البقع وايت سيستيم ب 37 تقريبا
esthederm white system




* شنو احلى فاونديشن ؟

وموكل وقت استعمل فاونديشن انا اطلع بدون فوانديشن الحمد لله بس وقت المناسبات

la prairie anti age emulsion cellulair



لو تبين تحافظين على الميك اب فتره طويله حلو استعملي تونيك قابض للمسام حلو وفيتامين سي سيرم ايضا يساعد

الصبح بعد هالمنتجات استمع واقي من الشمس وبس ما استعمل فاونديش

* بشنو تحطون الفاونديشن ؟ بفرشه ولا باسفنجه ولا بالايد ؟
اسفنجه فاونديشن


​

* شنو احسن كونسيلر ؟


ما استعمل كونسيلار



​

* شنو احسن كومباكت ؟

ما استعمل كومباكت باودر استعمل لوس باودر لان بشرتي دهنيه

la prairie










​

*تعرفون اشياء تثبت الآي شدو و تعطيج اللون الحلو من اول مره ؟




eye seal make up forever


ا​

*شنو احلى ماسكرا ؟
dior show احبها اكثر من هلينا بس ما صورتها لاني رميتها لان ارمي الماسكرا بعد 6 اشهر وما شريت للحين وحده ثانيه
​

*تحت العين عقب ما تخلصون ميك اب تحطون اضاءه ؟ ولا تكتفون بالكونسيلر ؟


ما استعمل اضاءه بس هذه طريقتي

اوقات استعمل كونسيلار خاص لتحت العين علاجي وبنفس الوقت كونسيلار من la prairie سعره مو ذاكره يمكن كان ب 18

واوقات استعمل من ماركه cernor يحتوي على فيتامين كاف لعلاج الهالات ايضا كونسيلار وعلاجي بنفس الوقت سعره 18 دينار تقريبا


هذه صورتهم الاثنين



وقبل استعمالهم استعمل كريم مرطب من la prairie
correcteur rides تقريبا كان ب 30

​

* بالنسبه حق اضاءه تحت الحاجب ماكو على نايلون ماك :rerrerek:​

هذا الاستعمله تحت الحاجب من ماركه صوب اند جلوري من صيدلية بوتس

​

​

​

 

[شيخة كويتيات]

بعد قلبي ranh ولكم باك و تسلميييين وايد وايد و ماقصرتي حبيبتي
مشكوره على جهدج و تصويرج و شرحج الوافي حق المنتجات الي تستخدمينها سامحينا تعبناج :*
تسلم ايدج حبيبتي و عسى الله يوفقج و يحققلج كل اللي تتمنينه يارب

تحياتي :*​

 

[q8ya sh8ra]

نااايس خوش موضوع

 

[شيخة كويتيات]

يسلمج حبيبتي كويتيه شقره عيونج النايس , و ياريت تفيدينا ب منتجاتج

تحياتي :*

 

[هاااايدي]

اب اب اب

 

[جوهرة البحرين]

صباح الخير حبيباتي شلونكم عساكم بخير :eh_s(17):

صباحج نور الحمدلله بخير نسأل عنج


الموضوع عباره عن مجموعه اسئله انا مجاوبه عليها و هم ابيكم انتو تجاوبون عليها
يعني :
عندي جم سؤال ماعليكم امر .. اتمنى تجاوبون عليها و بنفس الوقت هالاسئله راح تفيد كل بنت تحب انه مكياجها يكون حلو و مرتب .. و انا بفيدكم و بقولكم كل شي انا استخدمه تحت كل سؤال ..



* قبل لا تبلشون ميك اب , تحطون حمايه و مرطب و بيس مع بعض ؟ ولا واحد من هال 3 ؟ و شنو ماركه كل واحد ؟

اقول لكم سر؟؟ انا ماحط ولا مرطب بويهي قبل المكياج مع اني اعرف احط ميك اب وحطيت هني لوكاتي بس ماقد مرة استخدمت مرطب فيدوني ودي اسأل عن طريقت المرطب يعني حتى تحت عيني وفوقها احطة؟؟ ولا بس احط على ويهي بدون تحت العين؟؟ مو فاهمة طريقتة ودي اسأل من زمان بليز ساعدوني..

* شنو احلى فاونديشن ؟
اممممم انا استخدم 3 انواع على حسب المزاج ميبيلين وماكس فاكتر وسمر كيك قليل استخدمها بس تعطي نتيجة حلوة حق شي سريع

* بشنو تحطون الفاونديشن ؟ بفرشه ولا باسفنجه ولا بالايد ؟

انا اول شي ازوعة نقاط على ويهي وعقب بيدي وعقب استخدم اسفنجة واقعد اخففة وادمج لان خلط اكثر من شغلة يعني صوب الحنج يبيلة تخفيف ووتحت العين يبيلة تبييض والخ...

* شنو احسن كونسيلر ؟
كونسيلر ماكس فاكتر خفيف وحلو يعجبني

شنو طريقه استخدام كونسيلر كريولاين الصحيحه ؟
و هل لما احط الكونسيلر البني انطره ينشف و عقب ادرجه و احط الفاونديشن و الكومباكت ؟ ولا احط الكونسيلر البني و اكمل ميك اب عيوني و اخلص عقب ابدي افتح الكونسيلر و بعدين احط فاونديشن و كومباكت ؟
اممم ماقد جربت

و لما احط الفاونديشن امرره على الكونسيلر ك توحيد لون و لا ما اجيسه و اخليه بروحه ينشف و اوزع الفاونديشن بعيد عن الكونسيلر و عقب احط الكومباكت على كل الويه ؟
انا احط اول شي كونسيلر وعقب فاونديشن واخر شي الكومباكت وساعات احط فاونديشن وعقب كونسيلر يعني ع حسب الميك اب اللي احطة

* شنو احسن كومباكت ؟
استخدم ماكس فاكتر

و شنو احلى المضغوط ولا البودره ؟
بالنسبة لي المضغوط احسن البوردي تلعوزني خخخخ اتوهق يوم احطها تحت عيني خخخخ

*شنو احسن بلاشر برونز ؟
pupa


*تعرفون اشياء تثبت الآي شدو و تعطيج اللون الحلو من اول مره ؟
امممم انا ساعات احط قطرة ماي بالشدو عشان يغمج بس ماستخدم هالطريقة وايد على حسب المناسبة

*شنو احلى ماسكرا ؟

احلى مسكرا استخدمتها ماسكرا ماكس فاكتر السودة عجيبة تطول وتكثف عندي مثلها ثنتين وهم ماسكرا ريميل الخضرا بعد حلوة ..

*تحت العين عقب ما تخلصون ميك اب تحطون اضاءه ؟ ولا تكتفون بالكونسيلر ؟
اي احط اضاءة خفيفة جي اطبطب على تحت العين نفس الاضاءة اللي استخدمها لتحت الحاجب استخدمها لتحت العين وعند الخد بس بشكل مخفف عشان يعطي لمعة طبيعية بس بالمناسبات الثقيلة احط هاللمعة..

* بالنسبه حق اضاءه تحت الحاجب ماكو على نايلون ماك :rerrerek:
استخدم اضاءة من مكياجي زوينة

و بس .. يعطيكم العافيه حبيباتي و اتمنى تجاوبون على اسئلتي و هم تستفيدون و تفيدون :hjy5jewf:
الله يعافيج لا شدعوة ماسوينة شي اصلا استمتعت وانا اجاوب خخخخخ مع ان ماحصلتي شي مفيد خخخخ بس يلا غمضي عينج سوي نفسج ماقريتي هههههههه اي صح شوفي لوكي بقسم لوكات متجددة اخر صفحة وقولي لي رايج احم هالله هالله بالرد

بليز حياتاتي > موبدليه ترا , هاذي كلمتي ( جمع حياتي نفس حبيباتي ههههه ) الي تجاوب ياليت تكتب نوع الماركه و جم السعر اذا تذكره ..:yaaaaaarb:
ماذكر والله

على فكره هذا اول موضوع لي و انا توني يديده بالمنتدى , صارلي يومين تقريبا من سجلت :eh_s(22):
يعني توني مستجده افشل مشاركاتي كلها رد هههههه
سوري اذا طولت عليكم ..
حياج الله حبيبتي
​

واب اب لعنوووونج​

 

[جوهرة البحرين]

بل شسالفة اشوف صار اقتباس شسويت انا؟؟
خخخخخخخخخخ مو مني من هالامتحانات والله خخخخخخخخخخ
بي فشلة
السموحة

ترا انا اللي مجاوبة ع الاسئلة مو اقتباس هذا بس مادري شطقيت وصار جذي خخخخخخخخ