فيدوني عن بتايا

[دلع الكون]

شلــــــــــــونكم بنـــــــــات

انشالله بروح بانكوك في عطلة عيد الأضحى .. وناويه أروح بتايا لأن شهر 3 اللي فات رحنا بانكوك وبوكيت

حبيت أسال الي راحو بتايا شلونها وشلون طلعاتها مع فنادقها ؟

لأن دشيت وشفت رحلات فيها وايد حلوه

 

[um meshoooo]

اختي انا بعد ناويه اروح بتايا انشالله لاني شفت بوكت فبغير ابي احد ينصحنا وين نسكن اهم شي بعيد عن شوارع السهر والسكر ووين نرووووح وشكثر نقعد فيها خل نستفيد

 

[أم عبودي الغالي]

مرحبا خواتي انا رحت بتايا مرتين والصراحة ما رحت بوكت فما اقدر اقارن بين الثنتين
عموما بتايا حلوة اول مرة رحتلها ما رحت جزر الا السوق والحدايق وثاني مرة رحتلها رحت كل مكان الصراحة حلوة والجزر فيها هادية حيل يعني ما كو ازعاج ولوية تاخذون راحتكم ( موزحمة )واذا بتروحون روحو حدايق بتايا اللي اهما حديقة النمور وحديقة التماسيح وفي رحلات وايد ما اذكر اساميهم والحلو ان طريجها على ما اظن ساعة ونص او ساعتين بالسيارة وما تتعبون انشالله
وشكرا

 

[أم عبودي الغالي]

اي بعد بالنسبة حق الاماكن اللي ما فيها سهر وسكر اهم شي بعدي عن شارع اسمونة walk street هذا من الساعة 7 اسكرونة وتبدي الهيصة بس احنا الصراحة دشينا فضووووووووووووول بس كان فيه عروض حلوة بس وييييييييييييع كلة اجنوس
وشكثر تقعدون اكفيها 3 ايام

 

[um meshoooo]

مشكوره ام عبود انا خاطري اروح بتايا بس الكل يقول لاااااااااامو مالت عوايل بس انا ودي اشوف واحكم بنفسي بس بعرف انتي وين سكنتي انا مفكري اسكن يم المجمعات احسن عشان المطاعم والكفيهات لان عيالي معي بعد

 

[يالبيه 17]

رد : فيدوني عن بتايا

بتايا حرآم تضيعين فيها نص ساعه

والله كلش مو حلوه

استغلي وقتج حق بانكوك اتجنننننننننننننن


اما بتايا مانصحج فيها

 

[3washeen]

مرحبا حبيبتي...انا رحت بتايا مرتين وناويه ان الله احيانا اروح لها بعد الصراحه بالنسبه لي انا حبيتها اكثر من بوكيت مع ان رحلات بوكيت البحريه اكثر مقارنة ببتايا.كنت اعتقد بالاول انها ما تصلح للعوايل لكني اشوفها اهدا من بوكيت بصراحه ..بس خليني اوضح لج شغله بتايا ديرة سهر وما اجذب عليج شوارعها اغلبها ملاهي ليليه بس اعتقد انج تقدرين تتحاشين هالشغله تقدرين بالليل تتمشين بسوق الليل في واحد يصير على طول البحر والثاني يصير عند فندق D2 اللي مقابل فندق ماريوت السكن في هالفندقين انصح فيهم ولو انهم غاليين شوي كل واحد له ميزه الماريوت حلو من بره وميزته انه ملاصق له مجمع رويال جاردن وفيه متحف بالطابق الثالث يسمى (متحف تصدق او لاتصدق) وتحف الشمع وقرية الرعب وغير وايد وهو وايد حلو فيه مطاعم مختلفه للوجبات السريعه مثل كنتاكي وبرجر كينج و البتزاهات وماكدونالدز والميزه الثانيه انه له مدخل على الشارع الرئيسي الداخلي وله مدخل من صوب البحر اما عيبه انه غرفه صغيره اما عن الدي تو ففندق راقي وهادي وديكوره حلو...اما عن المجمعات تقريبا كلها بشارع واحد عندج من الدي تو اذا طلعتي اخي التكسي الوانيت ويقطج وين ما تبين لاخر الشارع وبعشره بات بس يعني ركبي الوانيت واذا شفتي لج مجمع او مكان بتنزلين له بهالشارع ما عليج الا انج تطقين له جرس ويويقف لج ينزلج من المجمعات اللي بهالشارع عندج فيستفال وال BIG C والMIKE اما عن الرحلات ففيها وايد اماكن وحدايق مثل حديقة التماسيح والفيله وعندهم حديقة حيوان عجيبه تقدرين تاجرين لج سيارة جولف وتفترين فيها وفيها البرج PATTAYA PARKتقدرين تصعدين له وتنزلين بالتلفريك بثلاث طرق يا اما فردي تتعلقين او ثنائي او الكابينه العاديه وبنفس المكان فيها العاب مائيه وتابع له فندق لكن ما يحضرني اسمه والله...
و عندج الاكواريوم حليو وعلى فكره يمه سوق الاوت لت ...-بتايا سنيك شو..-جبل بوذا..وحديقة الاحلام واسمها nong nooch garden ...... وعندج الشلال العجيب اسمه ريونج بس بعيد شوي ساعه ونص طريج ....وفي مسرح يقدم عروض سحريه حليو حق اللي معاه عيال..اسمه TOXIDO ......وفيها البراشوت اذا ما تخافين يركبونج طياره وتنزلين بالبراشوت بس السعر غالي شوي ..وفيها الغواصه اهي مو ذيج الغواصه اللي تتخيلينها والبحر خابط بس اسمه ركبتي غواصه وعني الصراحه مااحبيتها وايد ..عموما انتي ابتعدي عن شارع يسمونه شارع جهنم ومعروف كله مطاعم عربيه هالمكان ما انصح انج او تروحين له والمكان الثاني اللي ما انصحج فيه اسمه WALKING STREET اتمنى اني فدتج ورحله سعيده

 

[um meshoooo]

مرحبا حبيبتي...انا رحت بتايا مرتين وناويه ان الله احيانا اروح لها بعد الصراحه بالنسبه لي انا حبيتها اكثر من بوكيت مع ان رحلات بوكيت البحريه اكثر مقارنة ببتايا.كنت اعتقد بالاول انها ما تصلح للعوايل لكني اشوفها اهدا من بوكيت بصراحه ..بس خليني اوضح لج شغله بتايا ديرة سهر وما اجذب عليج شوارعها اغلبها ملاهي ليليه بس اعتقد انج تقدرين تتحاشين هالشغله تقدرين بالليل تتمشين بسوق الليل في واحد يصير على طول البحر والثاني يصير عند فندق D2 اللي مقابل فندق ماريوت السكن في هالفندقين انصح فيهم ولو انهم غاليين شوي كل واحد له ميزه الماريوت حلو من بره وميزته انه ملاصق له مجمع رويال جاردن وفيه متحف بالطابق الثالث يسمى (متحف تصدق او لاتصدق) وتحف الشمع وقرية الرعب وغير وايد وهو وايد حلو فيه مطاعم مختلفه للوجبات السريعه مثل كنتاكي وبرجر كينج و البتزاهات وماكدونالدز والميزه الثانيه انه له مدخل على الشارع الرئيسي الداخلي وله مدخل من صوب البحر اما عيبه انه غرفه صغيره اما عن الدي تو ففندق راقي وهادي وديكوره حلو...اما عن المجمعات تقريبا كلها بشارع واحد عندج من الدي تو اذا طلعتي اخي التكسي الوانيت ويقطج وين ما تبين لاخر الشارع وبعشره بات بس يعني ركبي الوانيت واذا شفتي لج مجمع او مكان بتنزلين له بهالشارع ما عليج الا انج تطقين له جرس ويويقف لج ينزلج من المجمعات اللي بهالشارع عندج فيستفال وال BIG C والMIKE اما عن الرحلات ففيها وايد اماكن وحدايق مثل حديقة التماسيح والفيله وعندهم حديقة حيوان عجيبه تقدرين تاجرين لج سيارة جولف وتفترين فيها وفيها البرج PATTAYA PARKتقدرين تصعدين له وتنزلين بالتلفريك بثلاث طرق يا اما فردي تتعلقين او ثنائي او الكابينه العاديه وبنفس المكان فيها العاب مائيه وتابع له فندق لكن ما يحضرني اسمه والله...
و عندج الاكواريوم حليو وعلى فكره يمه سوق الاوت لت ...-بتايا سنيك شو..-جبل بوذا..وحديقة الاحلام واسمها nong nooch garden ...... وعندج الشلال العجيب اسمه ريونج بس بعيد شوي ساعه ونص طريج ....وفي مسرح يقدم عروض سحريه حليو حق اللي معاه عيال..اسمه TOXIDO ......وفيها البراشوت اذا ما تخافين يركبونج طياره وتنزلين بالبراشوت بس السعر غالي شوي ..وفيها الغواصه اهي مو ذيج الغواصه اللي تتخيلينها والبحر خابط بس اسمه ركبتي غواصه وعني الصراحه مااحبيتها وايد ..عموما انتي ابتعدي عن شارع يسمونه شارع جهنم ومعروف كله مطاعم عربيه هالمكان ما انصح انج او تروحين له والمكان الثاني اللي ما انصحج فيه اسمه WALKING STREET اتمنى اني فدتج ورحله سعيده

مشكوره حياتي سويتيلي ملخص لبتايا الحمدلله لقيت وحده فاهمتني وبينتلي الجانب الحلو لبتايا عالعموم سفرتي راح تكون بالصيف ماكو مجال الحين فتحمليني راح ااذيج بالاسئله خصوصا انا رايحه مع عيالي بعد:27d66a9c24b146327bf

 

[3washeen]

بالعكس حبيبتي هذي الساعه المباركه واذا عندج اي استفسار انا بالخدمه

 

[شارابوفا]

بتايا ما تصلح حق العوايل كلش لا بالنهار ولا بالليل

 

[um meshoooo]

بتايا ما تصلح حق العوايل كلش لا بالنهار ولا بالليل

مشكور اختي بس انا بكل الاحوال لازم اروح هناك ريلي عنده شغله هناك فلازم نروح وحبيت اسالج وين سكنت