فيدوني بنروح دبي 3 ايام

[نونو جاي بطريج]

هلا حبايبي بروح دبي 3 ايام انا وزوجي
القصد وناسه وبضاعه
بي فتره استانس مع زوجي فيها وين اروح وشسوي ولاهم شحط بلجنطه لي عندها افكار تفيدني بناخذ فترة راحه من لبيت ونصوري الله يخليه لي من من ولدته ونا مهمله زوجي بنروح 3 يام نستانس بروح 24 ووصل28 لفجر
بليزززززززززز ساعدوني ابي فتق وحركه اسويها لزوجي وشحط بجنطتي ولي تفيدني بالباضعه الله يفح عليها ابواب رزقه يارب كل لي تطل وتكتب لي شي لها دعوه من قلبي براحة البال ويحقق لها لي فبالها:jbdwjbd:

 

[ام ريونتي]

انا قبل 3شهور رحت مع ريلي فنرة نقاها من بعد الاربعين بصراحه خذيت من وحده معانا بالمنتدى قميص نوم
بصراحه كلمت روعه شوي عليه ورحت مجمع الايوب شريت جم شغله وحطيتلي ملابس عاديه حق الطلعه
وجو الغرفه كان مو طبيعي كنت حاجزه فندق the adress dubai mall بصراحه وايد حلو
انصحج في وتمشينا بدبي مول ورحنا ذا ووك ومكان في مطاعم وقهاوي بس نسيت اسمه
يس لاتاخذين معاج يهال انا خليت عيالي عند امي حمالت الاسيه مسكينه الله يوفقج حبيبتي

 

[نونو جاي بطريج]

فديتج ولله كلج ذوق مشكوره ع نصيحه اي بخلي وليدي عند لغاليه

 

[cuteya22]

حرام عليج نونو
3 ايام دبي ماتكفيييييييييي
متى بتشترين بضاعة ؟ و متى بتتمشين ؟؟ و متى بتستانسين ؟؟
انا اقترح دبي ع الاقل 5 ايام
روحو
ذا وولك الممشى و يسمونه jbr هذا قعدات و كافيهات و مطاعم راقية ع البحر
روحوا دبي موول يونس و النافورة الراقصة حلوة بس اتوقع الحين حر انكم تقعدون بره وتشوفون النافورة
روحو السكي بامارات موول وناسة و تزلجوا ع الثلج
روحوا شاطيء الجميرة جنه اكو هناك سفينة تتعشون فيها شي جذي سالوا عنها الفندق يدلونكم
روحوا فندق اطلنطس يمدحونه و يمدحون فندق ارماني اخذولكم ليلة هناك
حق البضايع يتراوالي روحي سوق مرشد و سوق عكاظ اهم يم بعض هذوله حق الشيال و العطور و البخور
واذا بتيبين الزعفران الاصلي المظبوط عدل روحي قصر الزعفران الي بسوق مرشد زعفرانه مظبوووط احسن شي
والله بس هذا الي في بالي الحين
و ان شاءالله تستانسين بسفرتج
دعواتج لي

 

[T.O.T.A]

أول شي مرحبا ملاااييين وحياج الله في بلادج الثانية الامارات ^_^


ما شاء الله خواتي العضوات ما قصرن يزاهن الله خير ^_^

وبخصوص البضاعة .. عندج سوق الجملة عدال سوق الذهب في منطقة اسمها الراس أو سوق الراس .. سألي أي تكسي عن سوق الجملة او سوق الراس وهو بيدليج

(سوي سيرج في قوقل باسم: ( سوق الراس الجملة دبي ) وبتلقين وصف وشرح اكثر عن سوق الجملة في دبي)


توصلين وتردين بالسلامه إن شاء الله ^_^

 

[ملواكي]

3 ايام ما تكفي بس يلا ميخالف تغيير
انا توني راده رحنا اسبوع وللحين احس ما شبعت وما رحت كل مكان

 

[لولي@]

سوق دبي موللللللل
سوق الصيني دارغون
سوق الاوت لوت بس برا دبي