فوق 30 و غير متزوجة ولا تعمل فما الحل؟؟؟

[loora3003]

السلام عليكم حبايبي...رفيجتي فوق الثلاثين ولا تعمل وغير متزوجه وقالولها إن في لها معاش من الدولة؟؟؟ فهل صحيح هالكلام....بصراحه هي قالت لي وأنا ما عندي أي فكره عن هالموضوع فيليت إلي تعرف تعطيني خبر ....وشنو هي الوزاره المختصه بهالموضوع....والله يعطيكم العافيه بإذن الله

 

[غلا 200]

اذا مو متزوجة مالهااا اختي معااش ماسمعنااا شي وللحين مااقرو هالقرار الله يرزقهااا

 

[AL-DMERA]

اعتقد الشؤون تمشي معاش للي مومتزوجه ومومتوظفه نفس المطلقه ,,
بس شرط يكون عمرها فوق ال35 سنه وموموظفه وولا عندها دخل ثاني ,,
موفقه ,,

 

[loora3003]

مشكورين بنات بس يليت إذا في وحده تشتغل بالشؤون تعطينا المعلومات علي الأقل اعطيها المعلومه صح

 

[عاليه سليمان]

الله يرزقهاا بالزوج الصالح .. وان شاااءالله البنات يفيدونها

 

[اشلون يعني &]

رفع ااا

 

[LoLaTi]

الله يسر امورها انشالله

 

[بطوووطة$بيضة]

حبيبتي يعطونها الشؤون معاش


هذا الشي معروف خل تروح اتقدم اوراقها

يعطونها تقريبا ٤٠٠ دينار

 

[ღ Cup cake ღ]

عسى الله يرزقها بالزوج الصالح والوظيفه الطيبه عاجلا ً غير آجل

 

[Nokia N95]

ليش ما تدق عليهم احسن ؟

 

[loora3003]

مشكورين بعد عمري والله ما قصرتوا .....بطوطه حبيبتي إنزين سؤالها وين بالظبط تروح يعني وزارة الشؤون أو في مكتب معين للوزاره لازم تراجع عندهم...ويريت إذا في وحده بالشؤون تفيدنا.....

 

[loora3003]

وينكم موظفات الشؤون؟؟؟؟؟ طالبينكم بلييييز

 

[عادت ذكرياتي]

أب


أب

 

[بلاك بري]

الله يوفقنى وياكم ان شاء الله

 

[قطوة@@]

فوووووق

 

[^^ROSE^^]

حبيبتي ماكو الا هي تروح او انتي تروحين تسألين لها
عشان تاخذون كلام عدل
وانا من رايي اذا هي تقدر تشتغل خل تقدم على ديوان الخدمة تاخذلها معاش اكثر من هالمساعدة والحين ماشاء الله حتى اللي شهادتهم متوسط معاشهم قريب 500 نعمة

 

[loora3003]

مشكورين بنات وما قصرتوا.... أنا عطيت المعلومات وربي يوفقها بإذن الله....ولي تشتغل بالشؤون وعندها معلومات زياده يليت تخبرنا

 

[طالبة1990]

تراجع الشؤون اللي بمنطقتها

ويعطونها ورقة بالاوراق المطلوبة

والمعاش ٤٤٧

واذا كانت تاخذ من التأمينات فيعطونها الفرق

بس مو متأكدة من ناحية العمر اذا كان ٣٠ او اكثر

واظن مايكون عندها املاك

ع العموم قولي لها تروح للشؤون اللي بمنطقتهم واهمه يفيدونها

 

[loora3003]

مشكوره بعد عمري ما قصرتي.... عطيتها المعلومات وإن شاء الله ربي يوفقها ويوفج كل إلي ساعدوها ورفعوا الموضوع

 

[MZAJY 93B]

الله يرزقهاا ^^