فوزية القطان والا عالية الفضلي؟؟؟

[ايمان80]

قوة بنوتات كويتيات شلونكم بعد الاجازة الحلوة..
حبيت اخذ رايكم بشغلة وهي اني قررت اسوي تلقيح صناعي الشهر الياي انشالله

بس وين تنصحوني اسويها ؟

عند فوزية القطان والا عالية الفضلي؟
ابي نصيحة عن تجربة ودكتورة فيها ذمة وضمير لاني تعبت من المنشطات ولعب الدكاترة فيني

الله يخليكم تردون علي بأسرع ما يمكن ..ومتى اروحلها هل قبل الدورة والا اثناءها.؟؟

مشكوريين حبيباتي:eh_s(6):

 

[Hello_kitty]

حبيبتي ما عندي فكررررررررره


بس فوزية القطان اشهر من نار على علم واهي ممتازه بهالسوالف

كانت معاها الدكتوره ريم الصافي وايد يمدحونها والحين

فتحتلها عياده خاصة بعد ضغط المرضى عليها


سمعتي فيها؟؟


الله يرزقج يرزقني وكل بنات القسم ياااااااااااااااااااارب

 

[تمر حنا]

والله مادري عن فوزيه بس عاليه ما انصحج فيها على ذمة الي يراجعون عندها يقولون حدها تجاريه وما تراعي مرضاها انتي سالي عدل وتاكدي قبل تروحين والله كريم

 

[um-naser]

انا كنت أخذ علاج عند عاليه الفضلي بس ما طولت عندها
المهم رفيجتي سوت جم مره تلقيح عند دكاتره ثانيين وما صار بس آخر مره راحت حق ماجده اليتامىسوت لها تلقيح صناعي وايد امدحتها والحمدلله الله رزقها ولد عسى الله يرزقكم ---------آمين

 

[& شهد &]

شوفي يا الغلا

الدكاترة حظ نصيب سبحان الله واللي يمشي مع غيرج ما يمشي معاج

شوفي

صلي استخارة وكلي ربج وباذن الله ما يخيب رجاك وبصراحه عاليه الفضلي تهبل واولا وخيرا خلي املج بالله كبير وان شاء الله نسمع الاخبار الطيبه

 

[foozia_87]

انا قول استخيري وروحي حق عاليه الفضلي تراها خوش وحده

 

[محاميه الغد]

حبيبتي
انا بعد ما تاخرت بالحمل سنتين و نص و خلال هالسنتين و نص جربت جم دكتوره بس ما كنت ارتاحلهم ابدا
سويت تلقيح صناعي و علاج و منشطات و ما فاد عند دكتورات غيرهم
اخر شي رحت عند فوزيه القطان و ماشالله عليها واااايد شاطره انا سمعت الكل يمدحها
و فعلا ارتحتلها و ابتدت معاي خطوه خطوه
بس انا طلبت منها تسويلي عمليه الحقن المجهري و اهيا بالبدايه قالتلي ترى انتي صغيره و نطري شوي
بس انا كنت مستعيله و سويتها
و الحمدلله و الشكر له نجحت عمليتي عندها
بفضل الله و الدعاااء و الصدقات اولا
و بفضل الدكتوره فوزيه ثانيا
و اسعارها تعتبر متوسطه و ما تفرق عن غيرها وايد بالاسعار
و الزحمه عندها واااايد
الله يوفقج حبيبتي و انشالله تحملين قريبا

 

[irresistible]

انا رايي تروحين العيادة و تشوفين و تسالين اهم شي الاستخارة و ين يرتاح قلبج

 

[$غــ(ز)ــل$]

انا بعد اقولج استخيري احسن

 

[ايمان80]

شكرا للبنات اللي ردوا علي صراخة فيكم الخير وماتوقعت ردكم بهالسرعة
لأني كنت كاتبة موضوعي متأخر بالليل
يعطيكم العافية وصراحة ريحتوني حق فوزية القطان ولو اني ما احب الزحمة والنطرة
بس انا اتصلت على عيادتها قالولي ان الدخول اول شي عند دكتورة ثانية وبعدين تحولج على فوزية..ليش ما ادخل دايركت على فوزية ليش هالعبالة وشلون هل الدكتورة الاولى تبلش معاي علاجات ووقت التلقيح تحولني على فووزية والاشنو؟؟؟
اتمنى تفيدوني اكثر..شكرا

 

[زنوبة الحلوة]

الظاهر مثل طريقة الدكتورة معصومة

وياها دكتورة من اول زيارة تدشي عندها ومن الزيارة الثانية اتابع حالتج بنفسها

لان اختي تدرين مساكين ضغط الشغل عليهم

والله يكتبلج انشالله


وانا بعد تشوقت اني اجرب عند فوزية القطان وانشالله بروحلها قريب

ويرزقني يارب

 

[Sweet-Heart]

هـــلاااا حبيبتي

الدكتورة الاولي تاخذ كل بياناتج وتاريخج في العلاج

وتعطيج تحاليل تسوينها وبعدها تحولج علي طول عند الدكتورة فوزية

بس عاااد الله يعينج علي الزحمة وتاكدي اولا واخيرا انه كل شي

بيد رب العالمين

وعسي الله يوفقج حبيبتي

 

[Pissy Missy]

انا عن تجربه سويت مرتين عند عاليه الفضلي والحمدالله انجحوا بفضل الله وفضلها وبصراحه ويها خير على وارتحتلها وايد ...نادري عن فوزيه القطانبس اعرف وايد ناس يمدحونها وطريقة التلقيح انها راح تسويلج فحوصات وتبلش معاج الادويه من ثاني يوم الدوره حق التبويض ....... الله يوفقج ويسهل عليج

 

[كويتيه مذهله 87]

فوزيه القطان وبس

 

[الفنانه79]

فووووووزيه القطان اتهبل اتهبل اتهبل

رفيجتي سوت عندها تلقيح تبارك الرحمن من اول شهر احملت واااابت 3 توائم اسم الله عليهم

 

[ZajiL]

ماجربت فوزيه القطان
بس جربت عاليه الفضلي انسانه نصابه وكثر ماتقدر طلع منج فلوس على الفاضي تعالجت عندها شهرين
وبعدين حولت السلام انصدموا من كمية الابر الي عطتني اياها تبي تبرح صيدليتها وبس

صج صج كانت ايام سوده معاها صرت صرف الله لايوريييييييييييييج وكله على الفاضي من كثر العلاج اي تعطيني اياه
كله بويضاتي يصيروووووووووووون وايد وايد كبار وصعب احمل عليهم نصيحه لاتروحين لها
اصلا ماتعطيج مجال بس تقعد معاج 5 دقايق

 

[ايمان80]

يعطيكم العافية عالردود

بس بغيت اسألج lulu
تعالجتي عند منو ولله الحمد الله رزقج الحمال؟

 

[*دانة الخليج*]

ماجربت فوزيه القطان
بس جربت عاليه الفضلي انسانه نصابه وكثر ماتقدر طلع منج فلوس على الفاضي تعالجت عندها شهرين
وبعدين حولت السلام انصدموا من كمية الابر الي عطتني اياها تبي تبرح صيدليتها وبس

صج صج كانت ايام سوده معاها صرت صرف الله لايوريييييييييييييج وكله على الفاضي من كثر العلاج اي تعطيني اياه
كله بويضاتي يصيروووووووووووون وايد وايد كبار وصعب احمل عليهم نصيحه لاتروحين لها
اصلا ماتعطيج مجال بس تقعد معاج 5 دقايق

والله مادري عن فوزيه بس عاليه ما انصحج فيها على ذمة الي يراجعون عندها يقولون حدها تجاريه وما تراعي مرضاها انتي سالي عدل وتاكدي قبل تروحين والله كريم

واوووووووووووووووووووو

معقول صارت الدكتوره عاليه جذى
الدكتور اذا انشهر مايهم الا الماده:eh_s(14):

 

[eng.q8]

فوزيه وبس

 

[Queen-q8]

بنات انا ابي اسأل جم تكلفج مع الابر والمنشطات والسونارات والتلقيح

يعني انا جربت شكثر انواع من المنشطات وما فادني الا نوع واحد والله الدكتور محمد صلاح بطيبة وايد ساعدني عطاني ابر جونال اف اللي ساعد بطانه الرحم تصير طبيعية بس التلقيح عندهم رخيص ب 35 دك بس مشكلته انه مافي عندهم فلترة وما يعترفون بهالشيء وعشان جذي ابي اسأل اقدر اقولها ان هالنوع ناسبني واشرح حالتي تتفهم والا من النوع اللي ما تسمع الا لنفسها نفس باجي الدكاترة وما يعترفون بالمرضى اللي فاهمين حالتهم يعني ما يحبون اللي تكون فاهمة حالتها حيل ؟؟

لأن هذي مشكلتي مع الدكاترة وخصوصا الكويتيات يعني ما تبيج تكونين فاهمة واذا فهمتيها ان صار معاج جذي وان هالشيء ما يناسبج وهالشيء ياب نتيجة معاج ما تعترف بكلامج وتحاول تسكتج والا تستمع لج وتحترم عقليتج وثقافتج ؟؟؟

أبي اعرف شكثر يكلفج العملية كلها التنشيط مع الفلترة والتلقيح ؟؟؟

شلون النفسية والتعامل ؟