فوبيا طبيب الأسنان !!! ( ساعوني !:( )

[qasawa]

السلام عليكم و رحمة الله و بركاته

شلونكم خواتي ؟؟ انشالله تكونون كلكم بخير

بدش بالموضوع على طول ..

انا عمري 22 سنة و عندي مشكله بأسناني من كنت صغيرة اني حيل حيل اخاف لدرجة اني اوصل عند الدكتور و أطقها مناحه ابجي بجي و من كبرت قمت اعاند ما اروح عند طبيب الاسنان ... و الحين حتى اذا احد ياب سيرة طبيب الاسنان أو قاعد يسولف عادي عن مشكلته أو سالفة عادية عن عياده معينه أقعد اتوتر و حالتي حاله و أقولهم غيروا السالفه و أتعب نفسيا ...

لدرجة انه حتى ريحه العياده و شكل الكرسي مسويين عندي حالة رعب .. و كذا مرة حاولت اني اروح و اتشجع و من اوصل خلاص احس قلبي بيوقف و اهون و ابجي و ارد البيت .. ( الحين و انا اكتب قلبي يرقع )

و هالشي حيل متعبني لأنه عندي الحين ضرسين مسوسين و ألم و ضروس العقل طالعين ودي اشيلهم ... و ودي اصير حالي حال اي بنت انه تكون ضروسي حلوة و ثقة لما أضحك أو ابتسم ....

اتمنى اني اكون ما طولت عليكم .. و اتمنى انكم تساعودني و تعطوني الحل

تحياتي :eh_s(17):​

 

[أميـ الورد ـرة]

هلا وغلا فيج حبوبتي
شوفي انا عمري بحياتي كلها من كنت صغيره ماطبيت عيادة الطبيب لاني اخاف منه
بس لما كبرت كل مره اقول لازم اروح اعدلهم وبس حجي وما اسوي شي لاني اخاف
بس بالاخير انجبرت قلت لازم اروح تعبت من عوار الضرس انحفر وحتى الاكل ما اتهنى فيه
والعام رحت وتخيلي سويت اربع ضروس ورا بعض اخلص من هذا يبدأ بالثاني لا وازيدج من الشعر بيت بعد
الثلاثه كلهم حشوه عاديه بس واحد تخيلي شنو هذا اللي ماكنت اتمناه وكنت كل ماشوف الصور او يتكلمون بالتلفزيون عنه اقول
ان شاءالله ما اسويه واتقزز سبحان الله ,, الله قدر لي اني اسويه وقالي الدكتور لازم تسوينه ماله حل ثاني
وسويته الا وهو >> انه يزرعلي البرغي ويلبسه سيراميك مدري شنو المهم طلع ضرس بالاخير خخخخخ
بس صدقيني والله كنت اخاف قبل وامي تقولي ماتقدرين تتحملين ابره ومادري شنو
ولما رحت ماكو اى شي يخوف وربي
عاااااادي والحين بروح بعد باقيلي ضرسين وبشوفلي وقت واسويهم
شرايج تجين معاي ههههههههههههه
ادري هذرت حيل عليج خخخخ
بس صدقيني والله الدكتور اللي رحت له ايده خفيفه وسريع بشغله ونظيف حيل
والله يوفقج ويعطيج القوه من بعد كلامي هذا هع
ماتشوفين شر حبوبه

 

[a6o06 ^_^]

نفس حاالتي =(

بالغصب سويت علاج العصب بعدين قالولي روحي المستوصف اللي انتي تابعتله عشان الحشوه طبعا هالحجي بصيره سنه

ههههههههههههههههه

مادري شسوي احس بعوار بس اخااااف يبيلي تشجيع بس p:

 

[qasawa]

مشكورين على مروركم ...

قريت ردودكم و خفت اكثر

مو الحين هذي حالتي عندي ضرس يعورني مسوس و حدي متصروعه يعني قاعده اخذ حبوب مسكنه و مو قادرة آكل
ما تعرفون طبيب ثقة و شغله زين يسويلي بنج عام

و مشكورين عبرتوني

 

[Pwincess]

نـــــــــــــــــــــــــــفـــــــــــــــــــــســــــــــــــــــــــي بالضبط !! واااي انا عندي زراعه ضرس من سنييييييييييييييييييييييييييين للحين ما رحت .. كانت اول و اخر مره اروح لهم ... والله رعبببببببببببب ... !!
بليز مافي حل ؟

 

[أساور]

الحال من بعضووو وكله اقول ياريت في بنج عام

 

[زبــــــــدة]

واااااااااي انا بعد
سكتي
انا كل ماقول برووح اهون
والله مليييييييت ابي اسوي اسناني بس اخااااااااااف
مع اني مرة حت مع رفيجتي شجعتني وسويت العصب والله كنت ميته من الخوف بس واهوا يسويلي ماحسيت بولا شي بس كنت متوترةهههههههههههههههههه مع ان مافي عوار كلش كلش
وقالي اروح المستوصف عشان الحشوة والتلبيس بس للحين مارحت وصالي سنتين تقريبا هههههههههههههههههههههههههه

يماااااا شجعونه

عاد صج في بنج عام وين يسوونه خنروح كلنا نتسدح يم بعض لوووووووووووووول

 

[ii DareeN ii]

انا عندي فوبيا من اي شي فيه ابرة يعني تحليل اتعب نفسيا وماقدر صج صج اتعب


اخر فترة صار وياي التهاب شديد بلثتي فلازم اروح خفت بصراحة بعدين قعدت اقرا شفت الاثار الي بتحوشني لو ماسويتها

بيطيحون اسناني وبيني الم فضيع فاكيد اي الم بيني مراح يكون بالم الكرسي مال الاسنان سويت معادلة بدون مادري جان اصير قوية وشزيني واروح الطبيب بروحي وطبعا كنت اطقطق وانا رايحة ميتة خوف لين وصلت الكرسي قعدت والله الله يحللها من دكتور ومن فنية حيل مريحين بتعامل وخلاص عقبها مراح اخاف صحتي ابدى من الخوف في شي ابدى من شي

 

[زبــــــــدة]

دارين

شنو سوو حق لثتج
انا لثتي ملتهبه بس ساعات تصير ورديه فااااااتحه وساعات تصي حمره
يسوونلي جراحه؟؟

ولا شنو بالضبط

 

[Pwincess]

وااي لا تخرعوني بزياده بروحي صايره شجاعه مافي احد ما قلت له ورا الفاينال بروح حق ضرسي عشان يشجعوني لووووول
وين في بنج عام ؟

 

[LuLiTa]

حبيبااااتي ما كان في وحدة اتخاااف من طبيب الأسنان كثري تخيلي لحد عمر 17 سنة !!!!
بس عقبها تحسفت على عمري لأني مو مركبة تقويم و ما اقدر ابتسم بثقة حالي حال غيري من كثر ما اسناني كانت اتفشل !!!
بس الحمدلله على كل حااال كاني عقب 3 سنين شلته و ان شالله بالصيف بسوي زراعة و تلبيس اسناني

انا قلت لكم قصة حيااتي عشااان اتعرفوون انه عوار و خووف ربع ساعه و لا نص ساعة بالكرسي يسوى و بالنهاية الصحة و السلامة لكم مو لغيركم

 

[LuLiTa]

و اهوو الدكتوور ما راااح يأذيكم لأنه عاارف شغله زين
و انا كله ارووح الحكوومة بس اذا تبوون عيادات خااصة يمدحوون الحكمة و مستشفى هااادي

 

[Pwincess]

والله مووووووو ربع ساعه !! قبل جم سنه اول و اخر مره رحت عوااار ظل اسبوووووووووع للحين ما انسااه كان عصب و شالوا ضرسي اللي ورا انكسر كنت مسويه حادث ما انسى شكثر تعورت .. الحين عندي زراعه مكانه تخيلي من جم سنه و انا للحين مو رايحه من اياام الثانويه لووووووووووووول

 

[qasawa]

احس شوي تشجعت ... اقل من شويه بعد .. اختي تبي تقنعني تقوللي اخذي معاج الـ i pod و حطي السماعات بأذونج ليما يخلص الدكتور

وحده من خواتي العضوات تقول مستشفى هادي يسوي بنج عام ... الله يكون بعوننا

تسلمون على مروركم خواتي كويتيات

 

[Mrs>3so0ola]

ليش بنج عام وخرابيط
أنا أكبر خوااااااااااااااااااااافه ولو تدورين مواضيعي قبل تلاقيني كاتبه عن فوبيا الأسنا وشسوي وحاله وأبي بنج عام وتوني رايحه شالعه 3 ضروس ولا حسيت بأي شي بس كنت ابجي من الخوف والتصرق والله ابجي لين خلصت بس كنت ماخذة كمام متخدره شوي ماحسيت لا بأبرة ولا بخلع ولا بايده ولا شي
كان شغله وروحه حيييييييييييييييييييل خفيفة وحلوه ويعاملني جني بيبي مع إني أم:klhfl:

وحط لي سماعة بأذوني وسمعت قرآن كريم وماكو ألم عقب الخلع.

وأنا قبل سنتين خالعة ضرس واحد عند دكتوره بنفس العيادة طلعت روحي إيدها كلها بحلجي وييها بويهي وبجي وصراخ وحاله وقعدت اسبوع عوار ومورم ويهي.
بس مع هالدكتور غير.

عيادة ميدان حولي-د.نائل الهزيم وبس

 

[وردة بيتنا]

انا والله كنت حيل اخاف من طبيب الاسنان و اسناني فيها بلاوي بس ميتة خوف من طبيب الاسنان

و عقبها عرفت عيادة بيان عندهم فرعين و اعرف اطبة فرعهم اللي في برج الخرافي في الديرة . اطبّتهم حيل ممتازين ما شاء الله و شغلهم زين و يخفف من خوف المريض و حدي مرتاحة معاهم

انصحج تروحين لهم

 

[MyLittleBerry]

نفس الحاله عمري 26 صارلي 10 سنين وانا مورايحه طبيب الاسنان بغير حشواتي الفضيه ابي اسويهم حشوات بيض ميته خوف

اكثر شي يخوفني لما الجهاز اللي يحفرون فيه الضرس يصير مثل الكهربه

 

[غلاتي الكويت]

وااااااي نفس حالتي


انا اخر مرة رحت طبيب الاسنان يوم كنت ب3 ابتدائي


والحين عمري 23 سنه


ودي ودي ارووووح بس ماااقدر


ظروس العقل عندي مو طالعين عدل


وعندي ظرسين ورا مسوسييين بس اخاااف ماااقدر

 

[BABY MASTER]

حبايبي..
عيادة الاسنان مو غرفة اعدام..
بالعكس اتدشين تعبانه وخايفه..لكن تطلعين..مرتاحه نفسيا من عوار هالضرس..فيه الم بسيط صح..لكن كل شي بحسابه
عشان تتخلصين من الالم لازم تتعبين ع نفسج حتى تنهينه..
وهذا بكل امور الحياه مو بس بالاسنان..
كل شي يبيله جهد ويبيله دفعة حتى نبلغ الهدف اللي نبي نوصله..
حياتي صاحبة الموضوع وكل من دش وكتب تعليق(بدل لا تساعدون البنت خوفتوها زياده)
لازم تحددين لعمرج يوم عشان تروحين للطبيب..
ولا تأجلينه ابدا ابدا ولا تختلقين الاعذار لانها لعبة نفسية..
مثال:
-انا يوم الثلاثاء الساعه 5العصر بكون في عيادة الاسنان.
-انا مو خايفه لان الشغله كلها ضرس والضرس صغيرون,الناس تسوي عمليات قلب وانا بس ضرس.
-الساعه 5بدش العياده وبكون مرتبكه لكن مابخلي هالارتباك يسيطر علي.
-الساعه8بكون في البيت ان شاءالله مرتاااااااااااااحه ع الاخر لان همي انتهى
-آخر الليل اللي هو يوم الثلاثاء تقولين ع فراشج..الحمدلله ضرس وانتهينا منه سبحان الله حالتي امس وحالتي اليوم صج فرق..

وكملي للاخر عزيزتي..
والله يشفي الجميع

 

[زبــــــــدة]

اثير الشوق

مشكوووووووورة حبيبتي عالتشجيع
وانشالله بس اخلص امتحاناتي بروح