فوبيا الفئران

[dalo0oa121]

مشكلتي اني اخاف من الفيران من انا صغيرة لكن اللحين
الوضع تطوور معااي لدرجة اني مادخل الحمام او اي مكان
الا وتاكد انه بدون جرذان والاماكن الوسخة مادخلها شالحل
حته من بعيد ماحب اشوفه اكره ذيله اكره شكله اكره صوته يحرر
ساعدوووني
صار عندي فوبيا منه ومابي اتعالج اخاف الطبيب النفسي يجيب لي
فاار ويخررعني انا تعبت نفسيا اذا شفته عاادي يغمى علي
او اشرد باقصى سرعه ومادخل ابدا المكان اللي كان فيه ,​

 

[VET-Nour]

انتي ماراح تقابلين بحياتج فار الا اذا شاريته !

شوفييه اشحلاته جيكي ع الذيل ورئ , هههههههه

اتوقع اغمى عليج

 

[BaiTotia]

أنتي ساكنة بأي منطقة؟؟؟

الحمد لله أغلب المناطق نظيفة ماشاالله

 

[عسل سل]

اوووووووووف فيه وحده خربتها الي حاطته صورت فار استحي عييب تستهزأين!! ليش ترى متنا متنا ضحك على قطتج السخيفه هههه الاخت راعية الموضوع ماله داعي دكتور نفسي نظفو الاماكن عدل وخلااص

 

[dalo0oa121]

الفااار الوحيد اللي مايخرع هو جيري اللي بمسلسل توم اند جيري

 

[VET-Nour]

اشدعوا كلها صوره لو احطه جدامج شبيصير فيج !


شوفي خن افيدج ,, < يعني صايره فيها دكتوره المهم
انا بصراحه و بكل امانه قبل كانت عندي فوبيا , تخيلي لمن يكون كتكووت معاي بغرفه وحده اناقز و اصارخ ,, اهوو بعييد و انا بروحي اصرخ < احسه مسكين يخترع مني ههههههه ,,,
كل مايحطونه علي ابجي و يقلب وجهي احمر لييين اخر شيء قررت اتسنع و مسكت راس الكتكوت , بس الخوف لي الحين موجود [ خصوصا الرجل واايي تخرع ؛& ] ,,

انتي حاولي تمسكينه او علا الاقل تقبلي شكله ,

حتاا جتني فتره احس فيه حيايا بالبيت كلا اناقز مع اني ماشفت حيه من قبل !
و الحين عادي ,,

يمكن انتي حاطين عليج فار و انتي اصغيره و تعقدتي منهم ؟

-
بخصوص الحلوه الي تقول اني سخيفه ههههههههه خفي علينا يالمهمه ؛** يا رأي المجتمع ؛*
( غشمره لا تاخذين السالفه بحساسيه ؛* )

 

[سكوتي بذوقي]

حاولي ماتفكرين بهذا الشي

صدقيني اللي يفكر بأي شي لازم يطلع له

انسي الموضوع وخلك عاديه لين تتعودين على الوضع

 

[شندوخه]

منووو اللي مايخاف من الفار والزهيوي
كلنا نفس حالتج والله انا وحده انهار اذا شفت زهيوي ولا فار شي طبيعي مايستدعي طبيب نفسي شدعوه

 

[pink Barbie]

لوووووووووووووووووووووووووووووووووووووووووووووووووووووووووووووووووول
امبيه اسفه بس اللي حطت صورة الفار وااااااااي مت من الضحك فقدت لوووووووووول

بالنسبة لصاحبة الموضوع
حبيبتي ترى كلنا فينا فوبيا من الحشرات والقوارض واتوقع ان الفوبيا ماله علاج
الا اذا انتي تشجعتي بروحج .. بس اللي اعرفه ان ماله علاج

الله يعينج بصراحه احس لما يكون في الشخص فوبيا من اي شي يتعببببببببب ويوسوس وااااايد

عاد انتي دشي سيرج قوقل وشوفي شنو الطرق اللي تخففين او تتخلصين من الفوبيا والله يشفيج يا رب

 

[* Snow White *]

منو مايخاف من الفار ويكرهه ويع انتي نفسي
انا اكره الفار والزهيري والبريعصي كره العمى

 

[بنوته ستايل]

امممم صح انتي وين ساكنه..!!!




احس انقرضووو الفيران واكييييييد كلنا فينا فوبيا من الحشرااااات مايبيله دكتور ولا شي..


واذا عندكم حشرات بالبيت جيبو الشركه الي تنظف وترش البيت وبسس ..

 

[انونا]

البنات ما قصروا

ونفس الشي اموت من الخوف

 

[dalo0oa121]

لا الزهيوي مايخرع لاكن الفيران والبريعصية الكبااار ماحبهم
البريعصي
اهوون اقدر اشوفه من بعيد يقرب واييد لا

 

[dalo0oa121]

لكني احب الهامستر واييد كييووت شوفوا الفار لو ذيله راح يمكن اتقبله
والارانب امووت عليهم

 

[VET-Nour]

هامستر يطلعله ذيل لمن يكبر ههههههه
كان عندي فيران او بمعنه اصح هامستر ,, و اكبرو طلعلهم ذيل واتصرقعت منهم و قطيتهم هههههههههههههههه
بالعكس البريعصي يخرع اكثر من الفار ..

< جني قزرت بموضوعج

 

[ديانا سبنسر]

انا الوحيدة اللي راااح اقدر حالتج لاني نفسج بس موبالفيران بالقطاوة اصرخ واخااااف منهم وياليت محد يحطلي صورة كلش مونغزة لاحد

حتى ريلي ببداية زواجنا كان يحسب اني عيارة بس الحيين هو فديته اللي يبعدهم عني يقول مالي خلق فضيحة :dddds::dddds::dddds:

ماعندي حل بس حبيت اطمنج انج حالة طبيعية

 

[جيلان الصحرا]

اكيد لما كنتي صغيره حصل لج موقف مع الفيران خفتي منه ..

للعلم الخوف نعمه على البشر ..حتى يكونون حذرين وحريصين على انفسهم ..لكن الخوف الغير مبرر له يكون بسبب تجارب بالصغر اكتسبها الطفل بموقف اخافه مثلا من القطط او الكلاب او الطيور او الحشرات .

ولستي الوحيده التي تخاف من حيوان او حشره الكثير يعانون من هذا الشيء كوني مطمئنه .

 

[dalo0oa121]

معقولة الهامستر يطلعله ذيل اذا كبر ... !!

 

[dalo0oa121]

بنااااات اشكركم من كل قلبي
احس انه مشكلتي بدات تقل عن قبل
اللحين حالتي تحسنت عادي عندي اشوف الفار
من بعيد لكن مابيه يقرب مني
مازالت اكره الفيران لكن مب مثل اول

 

[dalo0oa121]

هاااي صورة الفار الوحيد اللي تقبلته وحبيته

وااااي شوفوا بعينه البراءة والحلا