فندق جراند مكه ؟؟؟؟؟

[أم عزة]

السلام عليكم
بنات اسال عن فندق جراند مكه من جربته؟ هل اهو 5 نجوم او 4 ؟
شلون موقعه؟ هل هو مقابل باب العمره؟ اللى عندها معلومات تفيدنى الله يجزيها خير

 

[أم عزة]

up up

 

[T R F]

رد : فندق جراند مكه ؟؟؟؟؟

هلا يالغاليه ... انتي تبين فندق جراند مكه ... تحديدا وإلا باب العمره ...
إذا تبين الفنادق اللي قبال باب العمره ... فمافيه شي يذكر ... لأن المنطقه اللي قبال باب العمره ... منطقة الشاميه ... وساوووها بالأرض .... وراح تكون توسعه للحرم بإذن الله

 

[T R F]

رد : فندق جراند مكه ؟؟؟؟؟

للرفع

انا مار علي اسم فندق جراند مكه ... احاول اتذكر لك ...
مادري كأنه فندق مكه ... بعدين تغير اسمه لجراند مكه ... وهو مقابل باب العمره ...

على العموم ... للمعلوميه ... جميع الفنادق اللي في المنطقه المركزيه ... يعني االي حوالين الحرم مباشره .... ومطله .. فئة الخمس نجوم ... كل مابعدتي ... قلت

 

[هنـــد]

رد: رد : فندق جراند مكه ؟؟؟؟؟

جراند مكه بينه وبين الحرم شارع واهو يصير يمين الحرم

 

[T R F]

رد : رد: رد : فندق جراند مكه ؟؟؟؟؟

جراند مكه بينه وبين الحرم شارع واهو يصير يمين الحرم

هلا يالغاليه ... ممكن تعطيني وصف دقيق لمكانه بالضبط ... وايش الفنادق اللي حواليه ... واي باب قريب منه ... اكون لك شاكره

 

[أم عزة]

رد: رد : رد: رد : فندق جراند مكه ؟؟؟؟؟

هلا يالغاليه ... ممكن تعطيني وصف دقيق لمكانه بالضبط ... وايش الفنادق اللي حواليه ... واي باب قريب منه ... اكون لك شاكره

هلا حبيبتى
مشكوره على تجاوبج معاى
انا الفندق هذا ما أعرفه بس قريت عنه فى أحد المنتديات انه مقابل باب العمره وحبيت اسال عنه لأنى ناويه العمره إذا الله كتبها لى
قلت هالمره بأغير وأجرب فنادق غير التوحيد والهيلتون وزمزم بس على شرط تكون 5 نجوم وقريبه جدا من الحرم

 

[أم عزة]

رد: رد : فندق جراند مكه ؟؟؟؟؟

للرفع

انا مار علي اسم فندق جراند مكه ... احاول اتذكر لك ...
مادري كأنه فندق مكه ... بعدين تغير اسمه لجراند مكه ... وهو مقابل باب العمره ...

على العموم ... للمعلوميه ... جميع الفنادق اللي في المنطقه المركزيه ... يعني االي حوالين الحرم مباشره .... ومطله .. فئة الخمس نجوم ... كل مابعدتي ... قلت

معلوماتك صحيحه اللى قريته انه سابقا كان فندق مكه

 

[T R F]

رد : رد: رد : فندق جراند مكه ؟؟؟؟؟

معلوماتك صحيحه اللى قريته انه سابقا كان فندق مكه

هلا يالغاليه ... كل عام وانتي بخير ... وعيدك مبارك

شوفي يالغاليه ... انا سكنت فندق مكه لأربع مواسم وهذا الكلام لما كنت صغيره ... وبعدها تغير مسماه ... اتوقع بنسبه كبيره ... إنه تغير مسماه لجراند مكه ... وكان قبال باب العمره مباشره ... بس يالغاليه باب العمره .... وباب المهدي والأبواب اللي جنبها .... مباشره على منطقة الشاميه ... والشاميه الأن صارت هدد ( يعني أثر بعد عين ) لأنه صار مشروع توسعه للحرم

فيه عندك .. فندق الموفنبيك ... داخل زمزم .. وفيه فندق المروه ... مطل على باب الملك عبدالعزيز ... وهذا الفندق جديد وشكله فخم ... وبتحصلينه بجنب ابراج البيت ... وفيه بجنبه بس مباشره بعد كذا فندق ... فندق المريديان ... مش مطل بس قريب من الحرم ...
وفيه فندق فلسطين ... بس 4 نجوم ... شكله من برا نظيف ... بعيد عن الحرم ... فيه باص خدمه ... وموقعه بشارع احمد الخليل

بس اتمنى اللي ذكرت فندق مكه ... ياليت توضح .. يمكن انتقل مسماه لمكان ثاني

 

[ورد جوري أحمر]

مرحبا أختي فندق جراند مكة مثل ما قالت الأخت trf هدوه مع الأسف وكان من فئة 4 نجوم وانت إذا متعودة على التوحيد و الهلتون خليك عليهم ابرك و أقرب لان فندق موفمبيك و برج المروه الكل ينتقدهم لان الواحد اللي يسكن هناك يبيله مسافه على ما يقطع السوق بعدين المصاعد ...........هذا وجهة نظر اللي جربوه و جربوا الهلتون والتوحيد و الخيار لك ........... و عمرة مقبولة مقدما

 

[T R F]

رد : رد: فندق جراند مكه ؟؟؟؟؟

مرحبا أختي فندق جراند مكة مثل ما قالت الأخت trf هدوه مع الأسف وكان من فئة 4 نجوم وانت إذا متعودة على التوحيد و الهلتون خليك عليهم ابرك و أقرب لان فندق موفمبيك و برج المروه الكل ينتقدهم لان الواحد اللي يسكن هناك يبيله مسافه على ما يقطع السوق بعدين المصاعد ...........هذا وجهة نظر اللي جربوه و جربوا الهلتون والتوحيد و الخيار لك ........... و عمرة مقبولة مقدما

هلا فيك يالغاليه ... وعسى الله يسعدك ... نورتينا ... بس ماعرف اللي تقصده الأخت " هند " ياليت توضح
بس يالغاليه توضيح لأكثر ... انا اللي اقصده ... فندق المروه ... جديد...مش برج المروه
لأن ابراج البيت 5 ابراج ...( الصفا - المروه - هاجر - ساره - زمزم )
المروه كثيير مدحوه وفخم ومطل مباشره على الحرم وتحديدا على باب الملك عبدالعزيز ... ومافيه مسافه
بس الموفنبيك صادقه مسافه وحوسه

 

[M!Ss English]

رد : فندق جراند مكه ؟؟؟؟؟

انصحج بالمروه هادئ وقريب

 

[أم عزة]

رد: رد : فندق جراند مكه ؟؟؟؟؟

عزيزاتى هند وتى ار أف و ورد أحمر جورى و مس انجلش
كفيتوا وفيتوا وصار الوضوع عندى واضح