فندق بواشنطن دي سي واورلاندو

[ميسوره]

مرحبا صبايا

انا حجزت على يونايتد 17-5 واشنطن دايركت والرده 3-6 من اورلاندو ترانزيت ساعه واشنطن واحتمال امدد

ابي فندق عارفينه وساكنين فيه موقعه حلو ونظيف بواشنطن يكون قريب عند المحلات والمجمعات
والسعر معقول من 3 ايام الي 4 ايام تقريبا

شنو الاماكن الحلوه بواشنطن
ومحلات الغير دارجه عندنا للاطفال ومحلات نسائيه
وشنو المطاعم العربيه زوجي ذبحني مو اي شي ياكله

تسوى اروح نيويورك يوم بالقطار وارد او اخذ ليله فيها واروح سيدا اورلاندو

باقي الايام راح اقضيها بأورلاندو
عرفت الاماكن السياحيه
بس ابي فندق داخل ديزني
وفندق بالانترناشيونال درايف هم يكون عارفينه

ويعطيكم العافيه

 

[papaya]

فى واشنطن عندك منطقة tyson corner بيولاية فرجينيا فنادق وايدة فيها اكبر مجمعين ومطاعم عربية وقريبة من مطار دلاس الدولى

 

[منورة الكويتية]

بغيت اسالج حبيبتي جم طلعت عليكم التذكرة ؟
وان شاء الله البنات يفيدونج

 

[دانه الهيرات]

saratoga spring in orlano هذا انا جربته العام وكان ممتاز و فيه مواصلات و يم الديزني داون تاون

 

[ميسوره]

papaya
مشكوره يالغاليه عالمعلومات

منورة الكويتية
التذكره عاليونايتد 320
انا وزوجي 640 دينار

دانه الهيرات
يعطيج العافيه انا شفت فندق الدولفين عجبني وايد

 

[طوق الياسمين]

انا سكنت بفندق حلو ومودرن في واشنطن حق ليلتين بس بسال زوجي عن اسمه لان نسيت وهو في الام ستريت يعين احسن مكان هناك تروحين مشي الشارع كله محلات وطويييييل
وفي مجمع ناسيه اسمه بعد بس شوي بعيد تروحين له بالسياره هو قريب المطار وكله ماركات رووووعه وراقيه اظن هو مع الريتز كارلتون متصل...

 

[bambena]

انا مارحت بس عن اللي اسمعه ان نيويورك ماتسوى

 

[منتهـى الرقه]

هاي ميسوره شلونج _ تهقين انا بفيدج

رحله موفقه ،، انتم السابقون ونحن اللاحقون انشاااااااااااااااااااااااااااااااالله

 

[bambena]

شوفي هالفندق

http://www.booking.com/hotel/us/don...5a18f8;checkin=2009-05-17;checkout=2009-05-20

 

[bambena]

وهذا

http://www.booking.com/hotel/us/st-...5a18f8;checkin=2009-05-17;checkout=2009-05-20

 

[ميسوره]

طوق الياسمين
هذا المطلوب الام ستريت ابي بهالشارع

bambena
انا سمعت مثلج ماتسوى بس مايصير ما شوف تمثال الحريه
ومشكوره على هالفنادق

منتهـى الرقه
انتي تضيعيني وشكرا على حنتج اني اروح امريكا لين حطيتيها بالي وصارت
السنه الجايه كلنا مع بعض

 

[ميسوره]

.. .

 

[sa7ab]

انا سكنت بشقه غرفه وصاله ومطبخ صغيرون وحمام لان كنا قاعدين فيها قريب الاسبوعين كانت صغيرونه وملمومه وكنا مأجرين سياره عشان التنقل وايد ارخص لان لو بتتنقلين وبتروحين المجمعات في بعضها يبيلج نص ساعه او اكثر بس صراحه يسوى وتقعدين يوم كامل لان مجمعاتهم كبيره وهم ماتلحقين
هذا موقعهم والمنطقه حلوه وهاديه مو بالزحمه وكل شي حوالينا
http://www.oakwood.com/corporate-apartments/furnished/US/VA/Arlington/prop6.html

السوق بواشنطن m street هذا وايد حلو وفي مطاعم
وعندج البنتاقون مول هم زوين بس انا ماحبيته
وعندج تايسون هذا بعيد شويه بس مو طبيعي ويسوه و يوم واحد مايكفيله لان فيه مجمعين كبار واحد فيه ماركات
وفيهم مطاعم و فيه مطعم لبناني كنا مطيحين فيه

هذا موقع تايسون
http://www.shoptysons.com/map.asp

وهذا اللي فيه ماركات
http://www.tysonsgalleria.com/html/index7.asp

بس على فكره الاسعار هناك مو رخيصه يعني يبيلج مبلغ وقدره

ونيويورك احنا رحنا بالسياره وبتنا هناك ليله وااايد استانست صراحه وتسوه العنوه بس تروحين وتردين بنفس اليوم اتوقع ماتسوه

 

[طوق الياسمين]

اي صح هو المول اللي اقصده رووووعه وكبير ويسوى العنوه الصراحه..والام ستريت وايد حلو بعد وفيه ملابس باسعار معقوله بس هالمول اغلب الموجود الماركات الغاليه مثل شانيل وغيرها..واشنطن حلوه للتسوق ..والفندق اللي بالام ستريت نسيته وسالت زوجي يقول نسيت بس هو تابع للماريوت ومودرن يمكن اسمه w مب متاكده خبرج عقب شهر من الدواره في امريكا نسيت الاسامي خخخخ

 

[ميسوره]

sa7ab
مشكوره على مشاركتج والمعلومات وراح اشوف الروابط

طوق الياسمين
مشكوره عالمرور وانشاءالله كل سنه تفترين بأمريكا بس ما تنسين اسامي الفنادق واهم شي المولات