فنتازيا جيز كيك ... لعيون كويتيات

[بطه فيها نطه]

الطبق انا اعتبره جداااااااااا سهل ... الابتكارات والاضافات منك ... بس كل اللي عليك

تحفظين اساس المقادير ... علشان تطبقينه بكل مره بدون الرجوع لاي ورقه

او حتى مقاديره معينه .... نبدي




الصلصه البيضه :


3 قيمر / 1 جيس بودر كريم كراميل / 1 جبن فيلاديفيا او 8 قطع كيري

2 جيس بودر دريم وييب / 3 م ك سكر بودر / 2م صـ فانيلا سائله



تضربينهم بالخلاط او اذا عندك المضربه اليدويه وايد احسن مثل هذي

انا دايما استعملها حق الصلصات ... والشوربه








صلصة الكاكاو :


2 قلاص كاكاو بودر ( يفضل محلى مو مر - مثل ماركة كادبري او نستله ) / 1 قيمر


نص زبده الحجم العادي الطويل / 1م صـ نسكافيه للي يحب شويه مروره ونكهه اضافيه


3م سكر بودره




كلهم بجدر على النار او اذا تحبين بحمام مائي بس راح ياخذ وقت اكثر


تخلطين لما يتمازجون مع بعض ... وتتكون الصلصه




الكيك نوعين واحد على فانيلا / كاكاو ... اي ماركه انا استخدمت بترا


تنتفين كل نوع بماعون بروح .... خليه مثل الرمل الخشن



حبيت اضيف طبقات كرز معلب اللي يكون بالصلصه ... وهذا اختياري

بس يعطي حموضه على حلاوة الكاكاو ... شي موطبيعي




كل شي جاهز ... طبقي كيك على صلصه ... طبقات وبينهم الكرز


اخر طبقه الكاكاو .... وحطيت صلصه بيضه بشكل اطواق ... ومشيت بالعود

علشان يعطي هذا الشكل ... وعليكم بالعافيه


















سميتها فنتازيا علشان كلها اللوان ... وممكن تغيرين بمكوناتها ... بدال الكرز جوز

وموشرط صلصه كاكاو ... ممكن تسوين الصلصه البيضه بمانجا او بفراوله مثلجه

+ الصلصه البيضه ... وانتوا وابتكاراتكم

 

[digital]

تسلم ايدج يا بطه

شكلهه حلوو

 

[أحلى همبه كويتية]

تسسسسسسسسسسلم ايدج
عندي نفس ماعونج بس مدور
بسويها فيه ان شاء الله حق الزوارة

ياااااااا حلوج بطتنا ام نطة:ggdw:

 

[Anestazya]

واااااااو روووووووعه بس شنو الصلصه البيضه ؟؟

 

[شباصه ريش]

عوااااااااار قلب
تم الحفظ
تسلم ايدج

 

[Featured Lady]

حبيبتى
تسلم الايادى
شنو ماركة الكرز المعلب اللى معاه صلصة
ولج شكرة الف مرة

 

[jolie_q8]

ماشاءالله تسلم ايدج على هالطبق الحلو

بصراحه كفايه الشكل يهبل ,, بس خل اشتري ماعون عميق ,, اسويه حق الزواه

تسلم الايادي

 

[جماااانة]

يسلموووو ع الحلووو

 

[مساء مونترو]

روعة..

 

[AwradAli]

وااااااااااااااو تبارك الرحمن .. حركاااااات خطيييره يا بطه تسلم ايدج​

 

[NoNy aLM]

يـــــــــشوق شـــكله شـــوقــتــيــنـي
تـــــسـلم ايـــدج ;**

 

[ريمه الكويت]

تسلم الايادي بطه حركااااااااااااااااات

 

[aBoOoRa]

يعطيج العافيه

 

[Snow angel]

عجيييييييييييب تبارك الرحمن

يسلمووووو هاليدين ياقلبي

 

[صـب القـفـشـة]

عجيييبه بجربها ان شاء الله

يعطيج العافية

 

[~ عز ~]

روعه

عاد انا كنت ناويه اسألج عنه بموضوع شنو فطورنا اليوم

 

[&&coco&&]

يسلموووووو يابطوطه

 

[الحراير]

يسلمووووووووووو روعه

 

[دراما كوين]

تسلم ايدج حبيببتي

 

[ماكينتـ*زينة*ـوشة]

شكلة روووووعه

تسلم ايدج


بس ممكن تقولين لنا الطبقات بالترتيب ؟؟
يعني اول طبقة تحت صوص الكرز بعدين الصلصة البيضا بعدين الكيك الفانيلا وجذي ؟؟