انا احب فندق اطلس .. قريب من كل شي
اذا تبين فندق كشخه عندج هما2 .. (بس واااااااااايد بعيد كل شوي يبيلج تكسي يوصلج)
جربي بيتزا داليا .. مكانها بعيد بس اذا تبين عندهم توصيل .. طلبي بالتليفون ويوصلونلج
عاد انتي اذا اول مره لو رايحه مع حمله احسنلج .. يودونج كل مكان
شوفي روحي المتحف اللي داخل الحرم ... صغير بس حلووو
منطقة شانديز عبارة مجرى نهري بين جبلين وعلى النهر مطاعم كثيرة ومتنوعة وأحلى ما فيها الجلسة الإيرانية المقامة على الماء تستلذين بالأكل على خرير الماء
طرقبة سوق شعبي وجوها بارد .. السوق اللي فيها حلو وفيها اشياء صناعات ايرانيه 100% من جلود وتحف واكل
بحيرة كلستان فيها مقاهيها الشعبية وركوب الزوارق للتجول في مياهها الصافية
متنزه الشعب ( بارك ملت ) ومتنزه الجبل الحجري ( بارك كوه سنگي )
أسواق داخل مشهد مثل : بازار رضا - مجمع زيست خاور - سوق الجنة ( بازار جنت )- سوق الغدير (كتب وعسل اصلي)
وفي مدينه العاب يمها حديقه حيوان بس نست اسمها .. بس انتي قولي حق التاكسي ابي ( شهربازي) واو يوديج
طبعا التكاسي كاسريهم مو يقولونلج الف تومان وتعطينهم .. كاسريهم عالسعر الي تبينه
بس حلو المشي
