فنادق شرم الشيخ

[AlZaina]

السلام عليكم

بناات بسألكم شنو احسن فندق بشرم الشيخ ؟ و انا امدحولي ماريوت هل اهوا زين؟
و بلييز ابي يكون 5 نجووم

و شكورين الله لا يخليني منكم

 

[MsKeNa]

شوفي حبوبه دامج بتروحين شرم الشيخ دوريلج فندق يكون بخليج نعمه لانه كل سوالف الترفيه اهناك واحنا سكنا بفندق نعمه بيه وقريب يم البحر .. وعندج الموفنبيك اهناك بعد يعني في فنادق وايد بهل مكان بخليج نعمه .. يعني لاتدورين فندق بره خليج نعمه لانه راح تتحسفين ماراح يكون يمج شي .. خليج نعمه اهوا عباره عن مثل منتزه كبيييييييير فيه مجموعت فنادق ومطاعم وكله قهاوي وسوقه والبحر يمج والرحلات وكل شي حتى ممنوع تدش التكاسي داخل وماكو سيايير تمشي داخل الا نادر يعني مثل باصات الرحلات وهل سوالف بس لانه مايحتاي سياره كل شي تبينه روحيله مشي ..
وانشالله اكون فدتج وولا نسيت شي

 

[softlady]

بنات صج الي نسمعه عنها وايد مفاصيخ على البحر وفصاعه ؟؟

 

[AlZaina]

مشكور حبيبتي و ما تقصرين عالايضاح بس بسإلج ماريوت داخل خليج نعمه ولا لا؟

 

[aa7zan]

اي واايد مفاصيخ لان هناك كله روسيين وايطاليين وماعتقد ان فندق ماريوت داخل خليج نعمه بس انتي قبل لاتحجزين سألي مال السفريات لان صج ترا راح تتحسفين اذا ماحجزتي فندق داخل خليج نعمه

 

[منوتي]

انا من رأيي الفنادق اللي في خليج نعمة كلها مو شي .... وبالنسبة حق التمشي و القهاوي و المطاعم خليج نعمة صار قديم و مو نظيف.... الحين صار عندهم شارع جديد قهاوي و مطاعم و سوق و تمشي اسم الشارع ميركاتو .... أحسن فندقين هم الفور سيزن و حياة ريجنسي.... اذا معاك يهال حياة أحلى.... فندق روعة و كل شي فيه بحر و 4 حمامات سباحةو كيدز كلوب و ملاعب تنس و مطاعم وايد ... عندهم مطعم اسمه السوق يكون فيه فقرات أغاني و فكرته حلو 5 مطاعم في مطعم و هالشي كل يوم على العشا.... بالنسبة حق التمشي و القهاوي فهالشي بتحتاجينه بالليل... فمو شي تسكنون في فندق تعبان و ما فيه فاسيليتيز... عشان والله يم شارع التمشي حق آخر الليل بس... أغلب يومكم بالفندق و الرحلات... و مثل ما قلت لك خليج نعمة صار قديم... ألحين الواحد يروح يتمشى في شارع ميركاتو.... عموما دخلي على سايتات الفنادق و تطمشي.... الفيو مال حياة ريجنسي روعة

 

[فرنسا]

الماريوت وايد حلو واحلى فندق جربتة ويبعد عن خليج نعمة 5 دقايق بالكثير مش بس اخذي جهة الجبل احسن واللي حبيتة هادي لاني سكنت في موفمبيك انزعجت طول الليل لانة بالوسط وسكنت في نعمة بية وكل مانزلت اللوبي ما القى كرسي من الزحمة ولابعد بالصيف ريحة ووووووعععععععععع...
وبعدين تري شرم الشيخ موكلها سياحية بس جهة الفنادق وكلها تلفينها بنص ساعة فلا تحاتين البعد كلشش
وبالنسبة للي تسال فية مفاصيخ الصراحة اية حتى شهر يناير يسبحون لان شرم مو باردة بس انا انام الضحى لية ال10 او 11 واقعد على راحتي واذا طافني وقت الريوقاخذ قهوة ويعدين اطلع اتمش بس عقب العصر روحي البحر تمشي خفت الزحمة وايد وبرد الجو والبحر رووووعة

 

[ضحـاوي]

الماريوت احلى شي تقريبا

بس انتبهي للحجز اكو 2 ماريوت

MARRIOTT MOUTAIN HOTEL

MARRIOTT Beach HOTEL

اثنينهم متقابلين بينهم شارعين

انا قعدت في MARRIOTT Beach ووايد حلو ومريح

لكن الثاني احس شوي كئيب

ويوم حجزنا من الكويت طلع الحجز بالغلط على الجبل

ويوم رحنا ما بقيناه وكلمنا المدير وحولنا على Beach وزدنا الفرق لانه اغلى

ويبعد عن خليج نعمه يمكن 4 او 3 دقايق بالتاكسي

انا رحت شهر 1 وكان برد وفي مفاصيخ وايد وعلى البحر المفاصيخ مكودين

مو وايد كنت اروح البحر اكثر شي كنت اتمشى بخليج نعمه واقعد بالقهاوي

 

[مالفينيا]

واي ابي اروح شوقتوني