فنادق جينتنغ

[Dancing^Queen]

السلام عليكم والرحمه والبركات
مرحبا خواتي شلونكم
بنات واللي يعافيكم طالبه مساعدتكم بالحجز
عيزت عيزت ومليت
ابي احجز حق جينتينغ شهر اول 8
عيزت مابقا سايت مادخلته ماكو
والسفريات هم اون روكويست ومو محصلين
ويوم حصلي يابلي الليله سعرها 100 دينار!!!!!!!!!!

تخيلو جينتغ باميه !!!

بغيت احجز حق جينتنق بفندق جينتغ هاي لاند (اللي صار اسمه ماكسيم)
ماتعرفون سايت زين غير اسيا روم وترافل ايسيا وبوكينغ وهوتيلز؟؟؟


او صادفتو سفريات سعرها معقول عندهم هالفندق؟




مابي فرست ورلد يوم حصلت فيه الا غرف عاديه مابي مابي ثلاث نجوم وغرف عاديه!!! شيصير
حتا الورلد كلوب مو موجود

 

[keeka]

ولو اني ما انصح بالمبيت بجنتغ بس لقيت لج هالسايت

http://directrooms.com/malaysia/hotels/genting-highlands-hotels/price1.htm

وهذا فيه ماكسيموم
http://www.allmalaysia.net/hotel_listing.php?state=1&loc=GEN&country=MAS&servicetype=hotel&flag=bl

 

[Dancing^Queen]

اشكرج كيكه

 

[شباصه ريش]

الله الليله بامية دينار
شدعوه
عزالله راحت الميزانيه بس عالفنادق

 

[Dancing^Queen]

بالنت حصلته 75

 

[أمواج البحر]

شوفي هالموقع كوين

http://hotels.7ojozat.com/City/Genting_Highlands.htm

وهالموقع بعد

http://www.bookinhotels.com/

 

[Dancing^Queen]

شكرا امواج
بس مافي افيلبلتي

 

[banota]

انا كنت احجز بالفندق مباشرة في فندق فيرست وورلد نوع الغرفة ديلوكس سوبريور الغرفة تقريبا 20 دينار تور 2 لان الاحدث الحمد لله كنت القى حجز نفس الوقت
بس كنت اورح جنتنج مبجر
اي سؤال انا حاضرة

 

[banota]

هذا موقع الفندق
و صور الغرف
http://www.genting.com.my/en/accommodation/firstworld_hotel/index.asp

 

[ArEEj]

الجنتنغ كلها ليله
وطول اليوم بالالعاب برا
انصحج اخذى الفيرست وورلد
رخيص وسعره مناسب
وفندق واحد 3 نجوم ماكو مشكله
ونصيحه انتبهى لا تحجزين يوم سبت واحد
ززززززززحمه

 

[لوكريسيا]

كوين السفريات لقالنا حجز بالفيرست ورلد بس نسيت سالفة الديلوكس سويت برد اسأله و قالي اليلة بالغرفة المزدوجة 25 دينار و احتمال كبير اكنسل الفندق لأن الكل نصحني بأن لا نبت بالهاي لاند يقولون ما يسوى روحوا الصبح و ردوا بالليل

 

[Dancing^Queen]

لوركسيا لاتاخذين الغرفه العاديه الفندق تعبان دخلي شوفي الصور وحكمي !!!!!!
الورلد كلوب ويالله


وانا ابيها بنهايه الحرلهه لانها قريبه من كواللمبور والمطار
لاني بتبتدي رحلتي بكوالالمبور وابي انهيها بمكان قريب


banota

مشكوره علي السايت الحين بحاول فيه

ArEEj

المشكله شنو ان العرف ويع والحمامات مو لي هناك فعلي الاقل يمشي الحال مع الكلوب روم هذا بالنسبه للفيرست ورلد
او ويا جونير سويت بجينتغ هاي لاند مكسيم حاليا
ولو تشوفيييييييييييييييييييييين لاين الجيك ان حق الغرف العاديه !!!! دور طابور يخرع

واحنا نبيها نهايه لان هدوء

 

[keeka]

ابله كوين منكن اسوي مداخله على سوعالج ليش ما تخلوون نهاية رحلتكم في السن واي لاغون او السروند ايريا افضل
احنا سكنا في الون وورلد عاد مابي احرق موضوعي هههههه بس خوش فندق وفيه مول قعدنا فيه اخر يوميين من الرحله وفيه مول الفندق بعد حق النسوق اخر شي ويبعد عن السن واي ربع ساعه انصح فيه

 

[طوق البنفسج]

كوين ترى جتنق ماتسوى اذا كلكم كبار .. الالعاب مالت سنين الطواعين ماكو شي يديد

بس اذا وياج يهال بيستانسون و يوم واحد كافي عليها .. و بتملون .. خاصه اذا صادفكم مثل جونا ضباب و بعدين مطر و بعدين ضباب و مطر طول اليوم .. و طبعا توقف الالعاب فا اختاروا لها يوم شمس عشان تضمنون ..

اوافق كيكه الصن واي ايهبل و يسوى احنا قعدنا فيه اخر 4 ايام من الرحله ما طلعنا منه

فيه اكوابارك
و مدينه ملاهي
و سكيتنق
و سوق بيراميدز و فيه مطاعم و الدور الارضي سكيتنق هذا بروحه متعه اتشوفين هالحريفين يلعبون و يتدربون احنا مجابلينهم ليما يسكر السوق ب 12 جنج قاعده شو ابلاش و تقدرين اتاجرين مدربه اذا وياج عيالج ..

اي و بعد فيها جامعه و كان بالفندق حفله التخرج و اتشوفينهم كاشخين .. و بره الفندق فيه سكيك بس ماتسوى و فيها مطاعم بعد بس نفس الي بالمجمع..

اونس من الجنتنق مليون مره

 

[د.شريفة]

ماله داعي تنامين في جنتج كلش حدها زياره من الصبح لي الليل وردي كوالامبور بس روحوا تمشوا ورجعوا وايد عليها

 

[bambena]

ما انصح كوكو تباتون هناك ماكو شي

روحو الصبح وردوا بالليل

شوفي

asiarooms.com

 

[bambena]

شوفي

Genting hotel Genting Highlands

Resort hotel Genting Highlands

 

[Dancing^Queen]

يعني ماتنصحونا ننهي بجينتغ؟
انا قالولي جينتغ اونس من سن واي لاغون !!!!
ضعت الصراحه



سن واي لاغون ولا جنتنغ ! بسرعه بسرعه

 

[Dancing^Queen]

انا قلت بروح سن واي لاغون وانا بكوالالمبور امر عليها
كل من قالي لاتنامين

 

[أبلة كويتية]

حبيبتي
آنا رايحة ماليزيا مرتين
أنصحج تخلين نهاية رحلتج في الصن واي لاجون
أو الماينز بيتش ريزورت طبعا لاصق بالأحصنة الذهبية
بصرااحة رووعة ويم المطار
فيهم مجمع ومدينة ألعاب ووناسة

7

7
جنتنج حلوة تقدرين تروحين من الصبح وتردين بالليل
بس يمكن ما يمديج تفرينها كلها
وإذا بخاطرج تنامين هم حلوة ومتعة خاصة بالليل
تشوفين الغيوم حده ونااااسة
نامي في فندق فرست ورلد ليلة وحدة كافي
ما في شي آنا ساكنة فيه بس ريوقه مو حلو ولا تروحين سبت وأحد ديري بالج حده زحمة
وطول الوقت إنتي بره ما راح تيين للغرفة إلا وقت النوم

​