فنادق جنتنغ !

[fatam]

بنات حبيت اسأل عن فنادق جنتنغ .. وين تنصحوني احجز ؟ انا ناويه ليلتين هناك بس محتاره بالفندق ؟؟!!

 

[dalprincess]

عندج فندق فيرست وورلد او مو ذاك الزود وغرفه عاديه واهو 3 نجوم جنه .. بس مكانه حلو يعني داخل المجمع ومدينة الملاهي .. والباجي ماجربتهم عشان اقولج

 

[AlZaina]

حبيبتي انا ما اصنح تسكنين هناك روحي يوم واحد و ردي احسنلج احسنا قعدنا هناك ليلتين و الفندق كان يلوع الجبد

 

[missq8_6]

الفندق صج كان يلوع الجبد بس اكثر الوقت احنا برا يعني بس نووم وبنام يمشي الحال مع اني اول ماوصلت ولا انصدم لانه الغرفه ما كان فيها تكيف بس بنكه و كنت تعبانه عاد طلع البجي كله شلون بنام بالحر وبعدين بليل ولا يصير برد لانه المنططقه مرتفعه عاد الكل قالي لانه النطقه مرتفعه ما يحتج تكيف بس اذا يايه من طريج سفر وزاهقنه اكييييد اي شي بخليج تنفجرين بس وناسه

واذا حجزتي الفندق تاكدي انه تحجزون ريوق لانه احنا توهقنا طلع مو حاجزين لنا ريوق رحنا ندور مكان ناكل في ماكو عاد ما كان في غير ستار بكس بس حتى ستار بكس طلع اكلهم في لحم خنزين اخرتها نطرنا لما الغدا ولا نطيحلج على مطعم برجر كنج جنه طايحين على كنز لانه من اول ما وصلنا ديرتهم ما كنا نشوف غير مكدونلز صج امووووووت عليه بس همن التغير حلو

صج بسفرنا طحنا في مغالب بس الحين احلى ذكريات انشاء الله تروحين وتردين بالسلامه

 

[ايام العمر]

فرست وورلد

شوفي الرابط ان شاء الله يساعدك

http://www.m-arabi.com/

 

[حاااايره]

جنتنج ملاهي ومطاعم بس وااااااااااااااااااااجد عليها يوم حرام تنامين احنا نمنا وتحسفنا ماتسوى

 

[malekatsabaa]

اذا معاج يهال لا زم تقعدين اكثر من يوم لان فيه العاب داخل الفندق والعاب بره واشكثرها ما يمديكم تخلصونها

بعد الواحد مسافر طريج اشطوله حلاته يستمتع عدل..واخذي معاج ملابس شتويه لج ولليهال تر بالليل يصير وايد برد

ولا تتركين الدريشه مفتوحه بليل تر اتقومون بلاعيمكم صاكه..الله لا يقول..وتر المكان روعه وفيه تلفريك وتقدرين تنتقلين بين الفنادق مفتوح من الداخل .. شي حلو واذا احتجتي شي فيه بعد محلات ملابس..انا رحت مع واحد من اعيالي ليلتين ثلاث ايام بس ملينا اخر يوم لان ولدي اكبير عمره سته ويتحرك معانا ابسرعه

صج الفندق موذاك الزود بس تر ما تقعدون فيه الا للنوم بليل يعني تتقزر..

انصحج اتباتين ليله بحيث انكم تستغلون اليومين بالكامل!!!

 

[fatam]

بعد عمري والله ما قصرتوا

آنا معاي يهال اكيد بيحبون المكان , فقلت ابات احسن علشان يشبعون لوول

الفندق اول شي حجزت فيرست وورلد ثلاث نجوم بس وايد ناس نصحوني اغيره علشان جذيه سألتكم اذا فيه احسن منه ... فيه ناس قالولي فندق هايلاند ارقى واحد في الفنادق هناك ... مادري اذا فيه احد منكم جربه!!

وتسلمون بعد عمري على مساعدتكم لي

 

[fatam]

فرست وورلد

شوفي الرابط ان شاء الله يساعدك

http://www.m-arabi.com/

حبيبتي مريوما تسلمين على مساعدتج لي .. ماقدرت ارد عليج للحين ماعندي 20 مشاركة

 

[Fa6oM]

فيرست وورلد الغرف عاديه والريوق لوعه .. بسسسس مكانه وايد حلووو تحتج مجمع وملاهي وسوالف .. يعني انا انصحج فيه

 

[banota]

انصحج في فندق فيرست وورلد اخذي الغرف اللي في تور 2 لان الاحدث
انا سكنت فية 3 مرات

 

[henoo]

حبيبتي عندج فندق جنتق هايلاند احسن الفنادق اهناك وايد حلو وريوقهم عجيب عجيب جنة غدا من كثر الانواع فيه ومدينة الالعاب تروحينلها من الفندق يعني في جسر بين الالعاب والفندق وهو راقي حيل

وانصحج تنامين يومين عشان الطريج واتريحيين احسن لج

 

[mooomooo]

وااااااااااااااااااااااااااااي

ذكرتيني بايامن مضت

هههههههههه

ودي اودي عيالي وان شاء الله يارب نروح

هذي صور من فندقنا نسيت اسمه والله









وعلى فكره ترى اهما بس 3 فنادق وكانوا بيفتحون الرابع حزة اللي كنا هناك

 

[Layz]

ما أنصحج بـ فيرست وورلد مو شي ..
بس تحت حلو داخله ألعاب و مطاعم .. أما السكن لا الغرف حيل صغار ..

إحنا سكنا بـ Theme Park Hotel أعتقد اهوه أقدمهم .. بس نظيف و زين ..

شوفي هالموقع إن شاء الله يفيدج ..
http://www.genting.com.my/en/accommodation/index.asp

 

[bambena]

احنا نروح يوم واحد اتينن تشرح القلب مانبات هناك بس فندق جنتنغ حلو