فكرتي بليله عيدي زواجي<<ابي رايكم

[يكفيني من اكون]

بناااات انااا عيد زواجي قرريب تقرريباااا بعد 15 يوم<<


بقول لكم شنو بسوي واماااانه ابي ارائكم وتعليقااتكم<<بسس مو الجاارح فديتكم<<

فكررت بسهره بحديقه بسس بالبيت كيف<<بقولكم


اولا المكاان كالعاده<<غرفه التلفزيون

راح افضيهااا من القنفاااات <<اول شي
وااشترري زوليه على شكل عشب اخضرر شفتهااا مرره بالضجيج

واشترري بعد كررسين كباار من القش <<او الديررفه المتحرركه الخشب وبلبسهااا شيفوون اخضرر وابيض

ولقيت قبل العيد بكرز الشلال الصغير بصوت العصاافير

بحطه بالغرفه<<<وبشترري اباجوره القمرر ومحتااره بابجوره البحر بعد اي وحدة اختاار<<

وبطلب العشااء مشااوي<<ماحددت المطعم تو<<

ايه صح وبشترري فيلم <<وبحط عند باب الغرفه ناافوره الشوكلاته شااريتها من السعوديه ب70 من ساكو

مع سله فواكه<<وبسوي عصيرر التفااح بالسفن اب

وبحطه بقلاساات كباار

والهديه افكرر بانعال<<كرم الله القاري<<وبحطهاا بقفص نفس مال العصافير بس بضبطه بكرستالات وحركاات

واللبس اول شي بلبس شورت جنز وتشيشرت ابيض وانعال فلات وبرفع شعري <<جني بحديقه

بعدهاا ببدل بلبس قميص ولحد الحين مااشريته محتااره بعد


وبسسسسس

هابناات شررايكم حلوه ولا

ولاتقلون صعبه بالعكس احسهااا غريبه



ابي اشووف الردود السنعه<<بشعاار لا لا للتحطيم

وانشاء اذا سويتها بحط الصور<<لعيون كويتياات
ودمتم بحب<<



بناات اماااانه اذكروا الله بذمتتتتتتتكم<<

 

[Qiooot]

رد : فكرتي بليله عيدي زواجي<<ابي رايكم

Ma shaa Allah. .... '3rebah w wooooooow. Tinn

 

[كشختي ماركه]

رد : فكرتي بليله عيدي زواجي<<ابي رايكم

مـاشا الله عليج ذووقج تووب
بس أهـم شي تحطين شمووع عشاان صج صج يصير جوو رووماانسي
والله يوفقج مع ريلج

 

[صديقت قوقل]

رد : فكرتي بليله عيدي زواجي<<ابي رايكم

مشاء الله افكارج مميزه

~

 

[نيوفه]

رد : فكرتي بليله عيدي زواجي<<ابي رايكم

ما شاء الله خوش فكره
و اكيد راح تعجبه لان شي مو متوقعه كلش
بس عاد لا تكون الهديه نعااال

 

[يكفيني من اكون]

رد : فكرتي بليله عيدي زواجي<<ابي رايكم

Qiooot

كشختي ماركه


صديقت قوقل


نيوفه





تسلمووون على المرور والردود


كشختي ماركه <<امممم الشموع اشوفها بتعطي اضاءه اوفر مع الاباجوره والتي في
واهم اهم اهم شششششي زوجي مع الاسف مايحب الشموع اكره شي عنده


نيوفه بهديه نعال<<لان هي الشي الوحيد الي ماهديته له

 

[انا مو هني]

رد : فكرتي بليله عيدي زواجي<<ابي رايكم

نااايس بس وايد تعب وعباله واغراض الصاله وين تحطينهم احس اشويه لويه

 

[أم الفيصل]

رد : فكرتي بليله عيدي زواجي<<ابي رايكم

حلو ماشاء الله عليك بس النعال اخريها شوي ماتناسب هذي الليله

فكري بهديه ثانيه وربي يسعدكم ..






.

 

[الأميرة جوري]

واااااااو ,,,,,,,,,,,ياليت بعد في حركات وافكار ثانيه ويكون موضوع شامل ليالي غيرررررررر

 

[semaasem]

مشاء الله ياربي يهنيكم وانا معاج بسالفة النعال وعلى فكرة شفت نعل ماركات مسوين عليهم خصم بالمثنى قايلة بروح اشتري حق زوجي

بس مارحت ان شاء الله على نزلة المعاش موفقة يارب وبانتظار الليلة بالصور بعد التطبيق. الله يوفقكم ويسعدكم يارب

 

[سيدة الذوق]

الله يوفقكم ان شالله

بس ليش ماهو يسوي مفاجاه بعد ليش كله الحريم !!

 

[الفدنه]

خوش فكره ونبي ردة فعله عليها
الله يهنيكم حبيبتي

 

[شقرديـه عالطل]

خوش فكره
ودامه يستاهل اتعبيله هالليله
:s142:

 

[Brounzi_girlly]

رد : فكرتي بليله عيدي زواجي<<ابي رايكم

الله يهنيكم يارب
مع التحية.................

 

[الاميره وبس]

حلووو الفكررررررره مررره
ماشاء الله علييك
ومع البنات احس الجزمه موب لزوم
جيبى عطر وبجامات او ساعه

 

[مدام زيزو]

رد : فكرتي بليله عيدي زواجي<<ابي رايكم

انزين شلون بتدزين القنفات؟ ووين بتحطينهم

 

[أبله كويتيه]

رد : فكرتي بليله عيدي زواجي<<ابي رايكم

اي شلون بدزين القنفات صعبه وايد والتلفزيون والاثاث واكسسوارات الصاله اوله تخيلت على صالتي حسيت وايد لويه

لا عادي النعال كهديه يحبون الرياييل وبعدين اهو ماركه مو نعال حمام لوووول

خليه اهو بعد اييبلج هديه ويسويلج مو بس انتي .. اذا مايابلج قوليله ( اي يبه لنا الله عيد زواجنا انا اظبطلك واشتريلك هديه واسويلك جو رومانسي


وانت ماتسويلي شي يلا الحمدالله على كل حال ) وشوفي ويهه لووول ماراح يمر مره ثانيه هاليوم الا ايسويلج شي

 

[pusy cat]

من رايي تغيرين الهديه

جيبله ساعه حلوه احسن من النعال لانه راح يلبسها بأيده وكل ما طالعها راح يتذكرج او تجيبينله كذا هديه راح يستانس اكثر

الله يوفقج انشالله ويسعدكم

 

[ام جوري89]

حلوو كل شي مظبوط ماعدا النعال مادخلت مخي هالسالفه

امم اذا تبين رايي اشتريله تيشيرت + جوتي + ساعه + اذا تقدرين عطر احس شكلهم اذرب

 

[سندبادة]

حلوة الفكره بس تعب عليج
دام انج تبينها ونفسج فيها سويها وربي يوفقج ويسعدج