فقط لصاحبات الذوق (واللي صالتها الأستقبال واااو) ممكن تدش حياها الله أبيها 

[ماعرفتك زين!!!]

السلام عليكم
بناااات بدش بالموووضوع في صالات
لما أروح استقبال أشوف صالات ماشاء الله تبارك الله
القعده تهبل والصبغ روووعه والكرنيش حلو الزويليه قمه
حتى الزباله الله يعزكم تهبل علبة الكلينكس تهبل
واطقم الاسقبال الاستكانات الصواني والفناجيل
يعني كل شي غريب وأنا أستحي أسأل
ماشاء الله تبارك الله ذووووق
بنااااات أبي وحده تحس نفسهااا عندها ذوووق وتعرف المحلااات
الحلووووه والغريبه تقولنااااا عنهااا ولاتبخل وعسى ربي يوفقها دنيا وآخره


أسألتي هي ؟؟
1-أحسن مكاااان تفصلين فيه قعدة الاستقبال الكشخه والذرب؟
2-أحسن صبااااغ لصبغ صالات الأستقبال؟
3-أحسن مكان حق الزوالي الكشخه والذربه؟
4- أحسن واحد يسوي كورنيش؟
5- بناااات أبي أطقم ذرررربه وكشخه استكانات وفناجيل وصواني ومطاطير ؟؟
6- وين الطاولات الإستقبال الذربه والكشخه؟؟
7- الزباله الله يعزكم وعلبة الكلينكس الكشخه؟؟
8- التحف الغريبه وساعااات الحااائط الحلوه وين مكانهم؟؟
9- الأبجورات الكشخه والذربه؟؟
10- بنااات أبي الحلااا والفطاااير والكبب والورق عنب للإستقبال أبيها
طعمهااا حلو وشكلهااا حلووو؟؟






بنات أدري كثرت عليكم بالأسأل والله علشان الكل يستفيد


بناااااات فقط لصاااااحباااات الذووووق الرفيع


بناااااات يد بيد لنساااعد الجمييييع 

 

[ŦSЩД3УФИУ]

رد: فقط لصاحبات الذوق (واللي صالتها الأستقبال واااو) ممكن تدش حياها الله أبيها 

uppppppp

​

 

[tattoma]

رد: فقط لصاحبات الذوق (واللي صالتها الأستقبال واااو) ممكن تدش حياها الله أبيها 

إن شاء الله أقدر أجاوب على كل أسئلتك ومتأكدة أهي اللي تبينها

1) أفضل قعدة للإستقبال تكون جاهزة، أمريكي عادة، أو الخشب أمريكي والباجي محلي ولكن قعدة كاملة تفصيل إنسي الـموضوع.. تبقينهم في:
رومانتك / ذي كاسل / اللمسات الأخيرة (مجمع وارة في شارع كندا دراي)


2) الصّباغين الزينين وايد (غير الشركات طبعاً)، أما اختيار الألوان فيكون حلو باختيار صاحبة البيت أو مصمم الديكور إذا كانوا يتعاملون مع أحد، لأن الصباغ الزين ممكن يعرف كل شي ولكن ما ينفذ إلا اللي تقولين له


3) الزل الإيراني أهو الأفضل، وفي منه صوف / صوف مع حرير / حرير:
السجاد الحرير أهو الأفخم ولكن عيبه غالي جداً جداً.. وممكن تحطين الصوف الـمخلوط بحرير


4) ما فهمت قصدك


5) الأواني الألمانية أهي الأفخم ولكن غالية والإيطالية بعد.. وأكو محل بمجمع 360 وايد حلو ولكن غالي


6) 7) 8) 9) تلقينهم كلهم بمحل اللمسات الأخيرة وذي كاسل اللي عالدائري الرابع.. سطرة محلات 3 وصاحبهم واحد.. تلقين أفخم الأصباغ والديكورات والإكسسوارات


10) جربي أمبرس.. وعموماً ما لي خبرة بالأكل أتمنى يفيدونج البنات

 

[كـويتية]

رد: فقط لصاحبات الذوق (واللي صالتها الأستقبال واااو) ممكن تدش حياها الله أبيها 

حبيبتي قبل سويت موضوع لصالتي انها كبيرة ومادري شسوي فيها وصالتي الاستقبال مشالله تبارك الله 10متر في 12 متر يعني كبيرة ححييل

رحت يا طويلة العمر اتفقت مع مصممة ديكور الله يذكرها بالخير فرحت وريتها صالتي طبعا صالتي بيضا ماحطيت فيها ولا شيء اللهم الديكور موجود يعني من اول ما بنينا الفيلا والديكور مالي فخم ومابي اخربه بلون ويطلع مو حلو

فاتفقت معاها وهي اهتمت بكل شيء بالصبغ الطوف وصبغ الديكور وورق الجدران وإطارات الطوف والقنفات والاكسسوارات وطاولة الاستقبال والابجورات والتحف والساعات والمناظر وكل شيء وتناسقت الالوان مع بعض وطلعت رووعه والكل يمدح صالتي ومشالله صالتي النمبر 1 من صالاتي حمواتي كلهم

هذا كله من المصممة الله يوفقها انشالله

فانصحج شوفي لج مصممة او مصمم ديكور يضبطلج امورج

اما بخصوص طاولات الاستقبال والتحف والمناظر والاكسسورات وكل هالامور تلقينهم بالري او بمحل بنتا

بخصوص الفناجيل والصواني الفخمة عندج سوق السالمية اكو محلات هناك وايد مالت المواعين

وحبيبتي في عضوات بالمنتدى يبيعون صواني على اشكال مختلفة وذربة وانا مجربة منهم

وكذلك الله يكرمك الزبالة وعلبة الكلينكس موجودة يبيعونهم العضوات

والمحلات عندج الروماني او كلاريج او جوكليت او سابيلة وعندج حريم يبيعون اكل لذيذ ويهبل

وهذا كل اللي اعرفه او اللي اجاوبج عليه

انشالله اكون افتدج مووفقه حبيبتي

 

[رتبه دبلوماسيه]

رد: فقط لصاحبات الذوق (واللي صالتها الأستقبال واااو) ممكن تدش حياها الله أبيها 

up up up up

 

[كـويتية]

رد: فقط لصاحبات الذوق (واللي صالتها الأستقبال واااو) ممكن تدش حياها الله أبيها 

وحبيبتي انصحج بالالوان الملكية او الالوان الترابية يعني مثل الذهبي والبيج والبني هذول الالوان الاصلح لصالات الاستقبال

انا صالاتي افوايت مع ذهبي يعني الديكور ذهبي كله والاطارات مالوت الطوفة لونه ذهبي والطوف كلها افوايت والقنفات افوايت والحواف مالت القنفات ذهبي وطاولة الاستقبال ذهبي والاكسسوارات ذهبي يطلع فخااامة وانصحج تكثرين المرايا عند الباب او المدخل كل هذا من ذوق مصممة يعتمد عليها 100%

 

[فتافيت.]

رد: فقط لصاحبات الذوق (واللي صالتها الأستقبال واااو) ممكن تدش حياها الله أبيها 

كويتيه حبيبتي جم خذت منج لان دايما يخوفونا ان اسعار المصممين غاليه

 

[أم لطووف]

رد: فقط لصاحبات الذوق (واللي صالتها الأستقبال واااو) ممكن تدش حياها الله أبيها 

^
^
^
نفس السؤال جم اخذت منج؟؟!

 

[ماعرفتك زين!!!]

رد: فقط لصاحبات الذوق (واللي صالتها الأستقبال واااو) ممكن تدش حياها الله أبيها 

Up up up
بنااااات واللي يعافيكم نبي تفاااعل

 

[tattoma]

رد: فقط لصاحبات الذوق (واللي صالتها الأستقبال واااو) ممكن تدش حياها الله أبيها 

مصممين الديكور اللي ياخذون وايد عادة أجانب.. لبنانيين أو مصريين​

 

[أم لطووف]

رد: فقط لصاحبات الذوق (واللي صالتها الأستقبال واااو) ممكن تدش حياها الله أبيها 

اب
اب

 

[:نسوني غلاه:]

رد: فقط لصاحبات الذوق (واللي صالتها الأستقبال واااو) ممكن تدش حياها الله أبيها 

اااب

 

[I_MESH]

رد: فقط لصاحبات الذوق (واللي صالتها الأستقبال واااو) ممكن تدش حياها الله أبيها 

كويتية حطي لنا اسم المصممة ورقمهاا ماعليج امر حبيبتي

 

[فتافيت.]

رد: فقط لصاحبات الذوق (واللي صالتها الأستقبال واااو) ممكن تدش حياها الله أبيها 

اب

اب

 

[زهقآنه]

رد: فقط لصاحبات الذوق (واللي صالتها الأستقبال واااو) ممكن تدش حياها الله أبيها 

مصممين الديكور اللي ياخذون وايد عادة أجانب.. لبنانيين أو مصريين​

طيب وانتي بعد مصممة ديكور شكثر تاخذين ؟ اسفه عالسؤال بس نبي نعرف الفرق انتي قلتي الاجانب ياخذون اكثر شكثر فرق بين الاجانب وبين عيال وبنات الديره ؟


بالنسبه للمواعين الكشخه بايام معرض رمضان بمشرف لقيت كم محل اخذت كروتهم شغلهم فنتك فناتك للحريم يهبببببل بدور الكروت واحط اسمائهم

 

[tattoma]

رد: فقط لصاحبات الذوق (واللي صالتها الأستقبال واااو) ممكن تدش حياها الله أبيها 

طيب وانتي بعد مصممة ديكور شكثر تاخذين ؟ اسفه عالسؤال بس نبي نعرف الفرق انتي قلتي الاجانب ياخذون اكثر شكثر فرق بين الاجانب وبين عيال وبنات الديره ؟


بالنسبه للمواعين الكشخه بايام معرض رمضان بمشرف لقيت كم محل اخذت كروتهم شغلهم فنتك فناتك للحريم يهبببببل بدور الكروت واحط اسمائهم

أخذ بالضبط قد الشغل ونسبة بسيطة جداً..

مثال: تصميم قصر في الكويت (لأحد الشيوخ)، اللبنانية كان عرض سعرها 120 ألف
فقط تصميم من غير تنفيذ

أما الكويتي فكان عرض سعره 60 ألف تقريباً

طبعاً أنا أتكلم عن مساحة جداً كبيرة.. وعموماً السعر يختلف حسب الزبون شنو يبي:
يبي صيني وتصميم بسيط ولا يبي إيطالي وتصميم فخم وصعب..

الأسعار حسب طلب الزبون.. يعني يشيل ويحط ويتغير السعر لما يناسبه

 

[اسرار الغلا]

رد: فقط لصاحبات الذوق (واللي صالتها الأستقبال واااو) ممكن تدش حياها الله أبيها 

اب اب

 

[روعة الوجدان]

رد: فقط لصاحبات الذوق (واللي صالتها الأستقبال واااو) ممكن تدش حياها الله أبيها 

آآب لعيونج حبيبتي

 

[يا كويتنا]

رد: فقط لصاحبات الذوق (واللي صالتها الأستقبال واااو) ممكن تدش حياها الله أبيها 

انا عندي صاله كبيره


سكنت قبل ست شهور بس خليت الصاله الكبيره للحين فاضيه


ابي ميزانيه زينه واسوي الشغل اللي ببالي



ورق الجدران صاير الوااانه خورافيه وفي فخامه


الاصباغ كذلك


الاثاث يعجبني الكندور وكاكولي بالضجيج

واثاث ميداسوالغانم هم حلو



بالنسبه للمسات الاخيره مثل التحف والاستقبال من مطاطير وفناجيل وكاسات

انا باذن الله ناويهاشتري طقم كاامل بشوف الحريم او افر بكذا محل

عجبني اي تو زد


وخلي لمساتج حسب ذوقج انا احب الكلاس والناعم

 

[ماعرفتك زين!!!]

رد: فقط لصاحبات الذوق (واللي صالتها الأستقبال واااو) ممكن تدش حياها الله أبيها 

رفـــــ رفع ـــــع