فــضــفــضــه وألا حــشششش ؟؟؟؟؟

[نوره 99]

السلام عليكم ورحمة الله وبركاته :33_1185028183:

ياهلا ومرحبا بكل من دخلت ومالت عليها أغصان الجنه ان شاء الله :eh_s(3):

بدخل بالموضوع على طووول

سؤال دايم يحيرني كثيييير
وش الفرق بين الفضفضه والحش ؟؟؟

يعني انا مومن النوع اللي هوايته الحش .. بس احيانا لما يغلط علي احد وتضايقني تصرفاته تجاهي واكون ماقدر ارد عليه غصب اشتكي سواء لأختي أو صديقتي احس اني بنفجر لو ماتكلمت ... ولو مالقيت احد اكتب عنه بالمنتدى ... المهم اني اطلع اللي بخاطري ...
غالبا أختي ما تعلق عادي ما يهمني بس المهم انها تسمعني أو ع الأقل ما تسكتني ..
بس تفاجأت بصديقتي تلمح لي بأن أغلب سواليفي فيها حش وتقطيع بخلق الله
قلت لها انا قاعده افضفض ... لأني لو مافضفضت راح انفجر وكل اللي اقوله عن شي صار فعلا مو افتراء ..
قالت لي اذا بتفضفضين تكلمي عن نفسك مو عن خلق الله ...
وانا احترمت رغبتها جدا جدا ولا عدت اتكلم قدامها الا بمواضيع عامه لا تخص شخص معين ولا زمان معين >> مع أنها الصديقه الوحيده

بس مو مقنعني كلامها ... أو يمكن بالنسبه لي صعب التنفيذ ...
انتم شرايكم ؟؟
كلامي فضفضه والا حش ؟؟؟ >> على فكره اللي بيعرف نوعية فضفضتي في لي موضوع جامعه فيه كل حشاتي :ch12:

 

[مهرة البيد]

رد : فــضــفــضــه وألا حــشششش ؟؟؟؟؟

السلام عليكم ورحمة الله وبركاته :33_1185028183:

ياهلا ومرحبا بكل من دخلت ومالت عليها أغصان الجنه ان شاء الله :eh_s(3):

بدخل بالموضوع على طووول

سؤال دايم يحيرني كثيييير
وش الفرق بين الفضفضه والحش ؟؟؟

يعني انا مومن النوع اللي هوايته الحش .. بس احيانا لما يغلط علي احد وتضايقني تصرفاته تجاهي واكون ماقدر ارد عليه غصب اشتكي سواء لأختي أو صديقتي احس اني بنفجر لو ماتكلمت ... ولو مالقيت احد اكتب عنه بالمنتدى ... المهم اني اطلع اللي بخاطري ...
غالبا أختي ما تعلق عادي ما يهمني بس المهم انها تسمعني أو ع الأقل ما تسكتني ..
بس تفاجأت بصديقتي تلمح لي بأن أغلب سواليفي فيها حش وتقطيع بخلق الله
قلت لها انا قاعده افضفض ... لأني لو مافضفضت راح انفجر وكل اللي اقوله عن شي صار فعلا مو افتراء ..
قالت لي اذا بتفضفضين تكلمي عن نفسك مو عن خلق الله ...
وانا احترمت رغبتها جدا جدا ولا عدت اتكلم قدامها الا بمواضيع عامه لا تخص شخص معين ولا زمان معين >> مع أنها الصديقه الوحيده

بس مو مقنعني كلامها ... أو يمكن بالنسبه لي صعب التنفيذ ...
انتم شرايكم ؟؟
كلامي فضفضه والا حش ؟؟؟ >> على فكره اللي بيعرف نوعية فضفضتي في لي موضوع جامعه فيه كل حشاتي :ch12:

مساء الخير


عزيزتي نوره 99


هناك فرق شاسع بين الفضفضه والحش


الفضفضه هي نوع من التنفيس او التحدث بموضوع معين سبب لج الم

او مشكله وقعتي بها وحابه تاخذين مشورة صديقه او اخت

او تصرف بدر من صديقه ازعجج

بإمكانج تفضفضين من غير ذكر اسم الشخص حتى تبعدين نفسج عن الغيبه


اما لو تحدثنا عن الحش

فهو صفه ذميمه يتم من خلالها التعرض للاخرين وانتقاد تصرفاتهم

وقد تكون ذات طابع ساخر او انتقاد سلوك حتى لو لم يتعرضوا لك باي شكل من الاشكال



هذا الفرق بين الفضفضه والحش من وجهة نظري

ولكي ان تحددي اي الاسلوبين كنت تتبعين حتى تقيمى تصرفك بنفسك[

تقبلي مروري/COLOR]​

 

[A L L U R E]

رد : فــضــفــضــه وألا حــشششش ؟؟؟؟؟


ماقصرت مهرة البيد ~

 

[tmtmt]

في فرق حبيبتي
بالنسبه لي الفضفضه اني اتكلم عن تصرف شخص ضايقني
ولـــــــــــــــــــكن !

ما اذم الشخص ما اسبه ومااقول شي اهوا ما سوا ( كمثال )

اقول شي واضح ولازم اكون متأكده من كل كلمه اقولها
ومااذا كان جدامي الشخص الي مضايقني ما اكون متردده اني اقوله نفس الكلام الي قلته بغيابه

اما الحش ...
الي من غير سنع
شفتي فلانه طلعت مع فلان
وتذكرين فلانه يقولولج رايحه فيها ...........الخ

باختصار الحش تتكلمين عن موضوع يخص شخص ما يخصج

اتمنى تكون وجهة نظري واضحه

 

[گـحِـلْ |~]

رد : فــضــفــضــه وألا حــشششش ؟؟؟؟؟

,

قال صلى الله عليه وسلم: “أتدرون ما الغيبة؟ قالوا: الله ورسوله أعلم”، قال: “ذكرك أخاك بما يكره” قيل: أرأيت إن كان في أخي ما أقول؟ قال: “إن كان فيه ما تقول فقد اغتبته وإن لم يكن فيه ماتقول فقد بهته” ذكره مسلم.

إذا فهمنا الحديث الشريف عدل ومشينا فيه راح نبتعد عن الغيبه بكل أوجهها ,

,

 

[Q8.Bee]

رد : فــضــفــضــه وألا حــشششش ؟؟؟؟؟

وعليكم السلام و الرحمه

اهلين حبيبتي

شوفي سلمج الله بضرب لج مثال صغير

لنفرض بنت خالتي تشتكي لي من موقف صار بينها و بين اختها و قالت لي الموقف كامل و قالت احساسها و كل شي يخص هالموقف و تحلله كأنها تفكر بصوت عالي , اهني ما يكون حش , الحش لما اخلي الموقف و استلم اختها و صفاتها و اقعد اعدد عيوبها و اخطائها و كلام حتى لو صحيح بس غلط اني اقوله لان بالاخير انا مو مفوضه اقعد احلل شخصيات اي بشر و افتفتها و كأني انا الوحيده الصح و لا فيني عيوب

و حلو انج احترمتي رغبة صديقتج هذا شي طيب الله لا يفرق بينكم

بالتوفيق

 

[Stylista_Q8]

الفضفضه لمآ تقولين الموقف كمآ اهوه ويكون سآيرلج إنتي مو سآمعته من أحد !
ومستعدة تقولين هالحجي للشخص اللي قلتيله عنهآ لآنج قلتي الحق مآ جذبتي .. وانه انتي كنتي متضآيقة من هالتصرف وهيك

امآ الحش إنج تيبين طآري البنت أو الشخص عآمةً مثلن

شفتي فلآنه سوت هيك و هيك .. شفتيهآ طآلعه معَ وآحد ؟!


> هذآ الحش

ويآختي يقوولج الشكوى لغير الله مذلة

بس مرآت لمآ بتنفجريين بسسس فضفضي عشآن لا يقولون لج كل كلآمج حش بخلق الله

والأحسن لمآ تفضفضين مآ تذكرين الشخص منو اللي مضآيقج عشآن تتجنبين الغيبة ~

 

[Tulips]

رد : فــضــفــضــه وألا حــشششش ؟؟؟؟؟

الفضفضه الهدف منها انج تنفسين عن نفسج

والحش الهدف منه تقرضين بالناس

 

[Tulips]

رد : فــضــفــضــه وألا حــشششش ؟؟؟؟؟

الفضفضه الهدف منها انج تنفسين عن نفسج

والحش الهدف منه تقرضين بالناس

 

[نور مغليها]

رد : فــضــفــضــه وألا حــشششش ؟؟؟؟؟

بسراحه موضوعج حيل حلوؤ ... بس في فرق بينهم
الفضفضه: اسولف عن اشياء بداخلي .. واعبر عن الي فيني .. من دوبن اني المس اي شخص بـأي كلام مو حلو ،،،، او ، اتكلم بموضوع او موقف صارلي ..

اما الحش : فـ هو من وجهة نظري اني اتكلم عن ناس بأشياء ما يحبونها
يعني اذكر ناس وأذكر مساوئهم عند الغير ...
يعطيج العافيهـ

 

[اللهم الجنة]

الغيبة ذكرك اخاك بما يكرة

 

[العبيدان tenuta]

رد : فــضــفــضــه وألا حــشششش ؟؟؟؟؟

ي

سعلي صباحج مافهمت شنو يعني مالت عليها منو اهي ​

 

[نوره 99]

مشكورات حبيباتي ع التوضيح
ورايكم مثل رايي بالضبط
ومايمنع اني اعترف اني ارتكب بعض الأخطاء اللي تدخل بالحش يعني انا مو ملاك
بس بحاول بأذن الله اتجنب كل اللي يدخل بالحش الله يجنبنا

 

[مهرة البيد]

رد : رد: فــضــفــضــه وألا حــشششش ؟؟؟؟؟

مشكورات حبيباتي ع التوضيح
ورايكم مثل رايي بالضبط
ومايمنع اني اعترف اني ارتكب بعض الأخطاء اللي تدخل بالحش يعني انا مو ملاك
بس بحاول بأذن الله اتجنب كل اللي يدخل بالحش الله يجنبنا

عزيزتي نوره99


احييج على شجاعتج

حلو ان الوحده تعترف بغلطها

وهذا اول الطريق للتغير للافضل

ومثل ما قلتي احنا فعلا مو ملائكه

وجميل اننا نتعلم من اخطائنا

تمنياتي لك بالتوفيق​

 

[Tom ♥ Jerry]

.


قال رسول الله ( صلى الله عليه و سلم ) :
" الحلال بين و الحرآم بين : )

الفضفضه مآ اتييبين طآري فلانه و تقعدين تتطنزين عليها
و تسبينهآ و تظحكين عليها و تقولين و الله انا قاعده افضفض
الفضفضه تروحين حق وحده فاهمه كبيره واعيه و تقولين لها الي بقلبج
من غير مآ آتييبين اعراض الناس : )

الله الهآدي .!
يزآج آلله خيرر حبيبتي :*

 

[المـــاســــة]

اى والله مرات نبي نفضفض نلقا نفسنا نحش الله المستعان

 

[dnyay_mll]

رد : فــضــفــضــه وألا حــشششش ؟؟؟؟؟

البنات كفو ووفو

بس برايي انت فضفضتي مع فضفضتج شوووي حشيتي

عاد فسريها

 

[كلي وفا@]

رد : فــضــفــضــه وألا حــشششش ؟؟؟؟؟

قال صلى الله عليه وسلم: “أتدرون ما الغيبة؟ قالوا: الله ورسوله أعلم”، قال: “ذكرك أخاك بما يكره” قيل: أرأيت إن كان في أخي ما أقول؟ قال: “إن كان فيه ما تقول فقد اغتبته وإن لم يكن فيه ماتقول فقد بهته” ذكره مسلم.