" فــآرس & رفيــــف" .. على ضفة النهـــر

[مــرح]

السلام عليكم ورحمة الله وبركآتــــه ...

... روآيتـــي .. حملت الحب فأتاهآ المخآض في الضفه الغربيه من النهــر

عندهآ انولدت تلك المشآعـــر ..

الروآيه الاولـــي لي وشاركتني بهآ أحدى قريبآتـــي ..

أتمنى ان تنال اعجابكم ..

" فــآرس & رفيــــف"



قمت من النوم وانا مفزوعه اسمع صوت دوي يهز المكان وصفارات الانذار تفجر اذوني ,, وبهاللحظه تبطل باب غرفتي بقوة ودخلت امي ودموعها اربع اربع وحاضنة اخوي بقوة ,,
وقالت:" رفيف اجمعي اشيائج المهمة وخل نطلع من اهني بسرعه,,
قمت من فراشي وانا ارجف :يمه شصاير...؟!
قالت واهي تدور بالكبت : هجموا علينا..,,
قلت وانا احاول اوقف على رجولي: ويم بنروح وابوي وينه..؟!
طاحت الاغراض على امي وصرخت ..رحتلها اركض وحاولت اساعدها قالت: ابوج التحق بالجيش امشي خنطلع ..,,
وقفت بمكاني مذهولة ماني عارفه شسوي ولاني عارفه شاخذ معاي..الدنيا ماتسوى خليت كل شي ومسكت امي ورحنا نركض بالشارع..~
كآن الجو يخوف ..الدنيا ظلما ودخآن بكل مكان وصوت الدبابات والسيارات اللي تمشي بسرعه جنونية,ومع اغلب الناس اللي راحوا يركضون وتركوا بيوتهم مسكت ايد امي بقوة ورحنا نركض وكنت اشوف من بين الناس جيرانا وصاحب البقاله "بو ايوب" حاولت احفظ اشكالهم عدل لاني ما ادري راح اشوفهم بعد هالمرة او لا؟؟..
اخوي الصغير قعد يبجي بقوة وامي تعبت والروماتيزم أثر على خطواتها اللي بدت تقل..مما خلاني اتوتر..وفجأ شفت انفجار عماره قدامي وقفت مذهولة وانا اشوف حجز هالعمارة يطيح على الناس والسيارات وغير هذآ امي اللي طاحت ورحتلها اصيـح.."يما قــــومي"
قالت واهي تتمدد على الارض :"أخذي اخوج وكملي طريقج "..صارخت والعبرة خانقتني"لآآآآآ قومي معانا"
قالت بصعوبة واهي تلفظ انفاسها: "ر فـ يــــف ر...رووحي "
قمت من عندها و ووقفت بنص الطريق ابي استنجد بأي أحد يمر بس محد وقفلي او عطآني بآل ,الكل لاهي بنفسه واهله ,, رجعت لامي والحزن يغمرنـي ودموعي تتساقط بغزارة .. اسندت راسي على كتفها وقعدت ابجي بقوة..:"مآآااابــي اخسرج يمــه"
انتبهت لاخوي اللي مآسكت من طلعنا من بيتنا ,,رحتله وشلته ابي اهديه بس ماكو فايده ..التفت ورآي وشفت شاحنه جايه بتجاهنا تركت اخوي ووقفت بوجه الشاحنه ,, أبي اوقفها
بس السايق كآن يسوق بسرعه جنونية ,, ماهتميت رغم صوت الهرنات اللي يطلقها بوجهي عشآن ابعد ,, ولمآ شاف صمودي وقف فجأه ..نزل وقرب باتجاهي وهو عاقد حاجبه ومعصب..قبل لايتكلم اشرتله بايدي الصغيرة على امي اللي متمدده على الارض ..
التفتلها ورآحلها يركض , مسك معصم ايدها وحط ايده الثانيه على رقبتها ,, وقآل : لاحول ولا قوة الا بالله ..قبل لا اتكلم سمعت صوت انفجآر ورحت له ركض ..
> خذنآ معااك
ماسمعت منه رد ,,تعلقت بدشداشته بقوه : "عمي اخذنآآ معاك.."
قالي وهو يبعد ايدي عنه : لا يابنيتي رووحي لامج..
شفته يروح رحتله اركض وطحت على رجوله ..وبرجآء كنت :الله يخليك عمي ..الله يخليك"
رفعني وهو يمسح دمعته بطرف غترته اللي قاطها باهمال على كتفه ..وقآل
:انا بآخذ امج وانتي اخذي اخوج و.."
قاطعته: لااا خذنا معاهااا ..
قرب من امي وهو يقول: ماقدر آخذكم انتي واخوج ..شاحنتي لنقل الحيوانات..بس بآخذ امج..
>ما استوعبت الكلام اللي يقوله ..بس سمعته يقولي"احرصي على اخوج وبعد الحرب بتلاقين امج ان شاء الله "




حرك الرجال شاحنته ورآح ,, اما انا رجعت عند الرصيف وحضنت اخوي وقعدت ابجي بقوة,,واخوي يبجي بعد ..احس بضيآع..ولا عارفه اتصرف..
من لي الحيـن ..ابوي اختفى ولا ادري وينه ..وامي راحت وبيتنا انهدم,,وانا طفله عمري 12 سنه وبايدي طفل صغير يبي من يهتم فيه ,, فجأه كأن الارض زلزلت من تحتي..قمت والخوف يتخلل عظامي ..ورحت اركض..واطلقت رجولي للريــح...."




مآادري كم مر من الوقت ولا ادري احنا في ليـل والا نهآر.. رجولي تنزف دم من الركض وشفاتي جافه من العطش..وشايله اخوي اللي نام من كثر البجي..
مرت سيارة وفيها ركاب واجد ,,ووقفولي لما شافوا صغر سني والطفل اللي بايدي,,نزل شاب وقالي :اركبي يابنت ..وبطلي الباب الخلفي ...كآن المقعد كله شباب ومافي مكان اقعد فيه ..
استحيت اركب مع اني اعتبر طفله بنظرهم بس امي دايما تحسسني اني كبيره ..
مآانسى ذآك الموقف لما نزل واحد من الشباب وقال: " بوخالد بطل الدبه بركب فيها وخل البنت تركب مكاني.."
رآح الشاب وقعدت مكانه..وكآنوا اللي بالسيارة طول الوقت يدعون الله يفرج همهم ..
ماحسيت بنفسي الا وانا نايمـه..واخوي بحضني نآيم ..وبعد فترة وقفت السيارة عند محطه بانزين ..وعيت بنفسي وقعدت ..سألني شاب: "ويـن اهلج.."
>ابوي بالجيش وامي راحـتـ..
قال: منو ابوي ..وبدلت ملامحه تتغير ..
>قلتله بخوف: "وليد الحسن..."
صرخ الشاب وهو يقول: يابنت الكلــ..."
ونزل من السيارة معصب وراح يكلم السايق ..ماكنت عارفه السبب....بعض الشباب قعد يسب فيني ويشتم ابوي ..وبعضهم كآن يدافع ويقول:" البنت مالها ذنب..ابوها اللي خون بالجيش..اتقوا الله ياشباب.."
ماكنت ادري شنو يتكلمون عنه.. بس انفتح الباب وكآن السايق يطالعني بغضب ويقول: "يآ بنت النذل انزلـي..."
ناظرت باللي كانوا يدافعون عني استنجد فيهم ..بس عم الصمت بالسيارة..نزلت وقعدت عند البانزين ..واخوي معاي ,,كسيره وذليله..وعرفت ان اسم ابوي مالازم اذكره لأحد...


وانا قاعده عند محطة البانزيـن..لمحت سيارة وفيها شايب..نزل وعبى بانزين لسيارته المتهالكه وكآن مستعجل..وقبل لا يفتح باب السيارة لمحني..
الشايب : " تنطريــن منووو؟.."
> التفت الجهه الثانيه ومارديت عليه..
كرر سؤاله بنبرة قوية وصوت عالــي ..
>صرخت وقلت : نآااطرة الموووت .."
الشايب تبدلت ملامحه لحزن..وجآ باتجهنا وسحبي من ايدي بقوة واخوي كنت شايلته بايدي الثانيه ..
حاولت اقاومه لكنه كآن متسمك فيني بقوه..ركبت مع اخوي الصغير في المقعد الخلفي ,,وكنت اقول في نفسي "يمكن يساعدنا.."


ومع مرور الوقت والطريق الطويل اللي خذنا اكثر من خمس ساعات واحنا نمشي فيه..وهالشي خلاني استسلم للنوم..
قمت على صوت اخوي اللي رجع يبجي من الجوع ,, التفت للدريشه
كنا في منطقه خضرا والسمآ صافيــه والشمس تستعد للشروق..والهواء نقي وكأن الصورة وضحتلي من بعد ماحسيت اني فقدت النظر بسبب دخآن منطقتي..
> :احنا ويـــن ..؟
الشايب : انتوا بامان يا بنيتي لا تخافون .. احنا طلعنا من الديرة وبعد ساعتين او 3 بالثير بنوصل لمنطقتي.."
حاولت اهدي اخوي ..وانا مو عارفه شسوي..ومن وين اجيبله اكل في هالوقت..؟"

قعدت ادعي ربي انه يهدي اخوي ويحفظنا ونوصل بالسلامه..بدى يعلى صوت اخوي..وغير هذا حتى بطني من الجوع مو راضي يسكت ,, حطيت اصبعي بفم اخوي..وقعد يمصه وبعد عشر دقايق تقريبا رجع ناام...
اما انا قعدت اطالع المناظر الطبيعيه الخلابه والخضار اللي مغطي الارض..واشوف الفلاحين اللي عايشين حياتهم ببساطه ويباشرون عملهم بجد...تنهدت بحرقه..
سألني الشايب : شسم ابوج..؟يمكن اعرفه.."
>تبلعمت ..اقوله اسم ابوي او اسكت..بس رجع وسألني ..اذا قلتله يمكن يعصب ويتخلى عنا : ابوي خـ ال د الفايز..اسمه خالد الفايز .."
قال : خالد الفايز؟...شنو يشتغل طيب ؟
>رديت عليه بحيره : امم دكتور .."
قال بعد تفكير : اسم اول مرة يمر علي..ماعتقد اعرفه يابنيتي..
سكت انا وهو شغل الراديو قعدنا نسمع اخبار منطقتي اللي استولى عليها العدو وما خلى شي فيهاآ..

وبعد دقايق بدى الشايب يصعد بسيارته الجبل..وقعدت اطالع البيوت اللي مبنيه عليه ..خفت حيل..بيتنا كان في منطقه قريبه من البحر..ولا نشوف جبال ومزارع..
الشايب : بعد شوي بنوصل البيت..
بلعت ريجي بخوف...شلون بقعد اهني..بيوت المنطقه متهالكه..واهلها واضح انهم فقراء..
وقف الشايب سيارته عند بيت قديم وصغير نوعاً مآ ,, نزلت من السياره وانا شايله اخوي..ووقفنا عند باب البيت..
ثواني وفتحتلنا حرمه في سن امي وبآن على وجهها الاستغراب من شافتني..سلمت على الشايب وهي تقوله : الحمدلله على سلامتك عمي..خفنا عليك.."
دخلت البيت وانا اتلفت ..والخوف مسيطر علي..
الشايب: تعالي يابنيتي..لاتخافين..اعتبري البيت بيتج وهذي حسبة امج..التفت للحرمه وهو يقولها : جيبيلنا شي ناكله..
طلعتنبي بنظرات غريبه وراحت..

قعدت اخوي من النوم وقمنا نآكل بشراهه مع الشايب..اخوي ماكان يناسبه الاكل بس كنت الين الاكل واعطيه..
وفي هاللحظه..دق جرس الباب ..وراحت الحرمة تفتحه..ودخلوا ولدين وبنت بنفس عمري ومعاهم رجال كبير..

ركضوا كلهم لجدهم ..اللي هو الشايب وسلموا عليه..وكآن حاضن البنت وعيونها غرقانه دموع..
الشايب: لاتبكين يامزون ..انا بخير والحمدلله وصلتلكم سالم.."
التفتلي وكمل كلامه : هذي البنت يامزون ابيج تعتبرينها مثل اختج ولحد يزعلها ابد..سمعتوا ياعيال..

..........


العايله تتكون من : ابو حمد الشايب , وحمد ولده الوحيد زوجته سميره وعياله فارس ومحمد ومزون ..


..........


المرأه من نظراتها حسيتها مومتقبلتني أما الأبو رحب فيني ،،،
واسمعه يقول لزوجته : " كلها ايام وبتروح لاهلها بس احسني معاملتها ..
مسكتني المرأه وودتني لغرفة البيت كان مجرد الطابق الارضي فقط ،، بعكس بيتنا اللي فيه اربع طوابق.. كان صغير حيل وملموم وباين عليه البساطه في اثاثه وسجاده ،،
بطلت باب الغرفة اللي كانت عباره عن مخزن وقالت بصوت جدي : " اهني بتكون غرفتج وغرفة اخوج .. "
ناظرت الغرفة الصغيره حيل واللي مغبره وتذكرت غرفتي الكبيره اللي كلها دببه والعاب ،،
سمعتها تقول : " نظفي الغرفة على ما اجيب لج فراش .. . "
قبل لاتروح صاح أخوي بصوت عالي ..
التفت لها وقلت : " خالتي تكفين اخوي له يومين مارضع شي .. . "
طالعتني المرأه بخوف وقربت مني وخدت اخوي بهدوء وراحت عني ،،،
ظليت انا بروحي اناظر الغرفه وبعد دقايق دخلت علي بنت بكبر سني وبايدها مكنسة يد وقالت : " مرحبا .. "
ابتسمت ابتسامه صفرا وقلت : " هلا "
ابتسمت حيل وقالت : " انا مزون عمري 12 وبعد شهرين بيصير 13 ،، "
خذيت عصا المكنسة منها وقلت : " انا عمري 12 بعد "
قالت البنت بحماس : " راح نصير صديقات راح اعرفج على كل ربعي راح ونشوف التلفزيون مع بعض و نلعب بالشارع ونروح لاخر الجبل ونلعب بالثلج بالشتا ونرقص تحت المطر نسوي مغامرات ونسرق اكل من البقاله و .. و ... و .. "
شفتها على مضض معقوله كل هذا بسويه معاها ؟؟ ؟
ماعررفت شلون امسك المكنسه لان انا في بيتنا مثل الاميره حتى محد يآمرني ..
قربت مزون مني وقالت : " عطيني اعلمج انتي من منطقة " .. .. " معروفين بفلوسكم الكثيرة .. "
ابتسمت لها
قالت : " ششسمج ؟؟ "
قلت وانا افتح الدريشه اللي عجبني المكان اللي وراها : " رفيف .. . "
قالت : " حلو اسمج ،، تعرفين تقرين ؟؟؟ "
التفت لها وقلت : " اكييد .. . "
نزلت راسها بياس وقالت : " انا ماعرف ..
بعدها طلعت من الغرفه بسرعه ورجعت من جديد وبيدينها فوطة وقالت : " نظفي الدريشه والجدران عشان الغبار الموجود ما يأذيج ... "
مسكت منها الاغراض وانا مستغربه وقلت : " أخوي وينه ؟ ؟ "
قالت : " لاتخافبن اهوا عند امي امي تحب الصغار حيل بس الدكتور منعها انها تولد وراي لانها بقت تموت لمن ولدت فيني ... "
تدكرت امي وينها الحين وابوي بعد وينه دمعت عيني ،،
مسكتني مزون مع كتفي وقالت : " رفيف ،، خليج قويه ،،ان شاء الله بتلقين أهلج . . "
مزون مع انها صغيره بس كان عقلها اكبر من عمرها
اكثر من مره كانت تهديني وتواسيني وتصبرني . . .
وسوينا مع بعض الغرفة وحطيت فراشي على الارض وفراش اخوي عندي ومزون جابت اخوي عمر لانه نام ،،
وغابت الشمس وكنت قاعده بالغرفة ونادالي الشايب ابو حمد ورحت له
كان بالصاله الصغيره اهوا ومزون وابو مزون حمد وامها سميرة ناداني وقعدني بجنبه واخد يمسح على راسي وظهري وقالي : " كليتي شي يابوج ؟ "
استحيت وقلت : " لا . .. "
وقال : " مزون قومي يابنتي حطي لاختج اكل . "
قالت : " حاظر جدي "
وراحت مزون .. .
وبعد دقايق جت وبيدها صينية فيها الاكل اللي عباره عن جبن وطماط وزيتون وقطعة خبز صغيرة وكوب شاي ،،
ماحسيت بنفسي الا وانا اقفز على الاكل واكله بسرعه وكان ماابي احد ياكل معاي
ماكنت احب الشاي ولا شربته بس اخده ابو حمد وشرباه
وبعدها حسيت بالنعاس وقالي روحي نامي
ورحت انا لغرفتي ونمت بجنب اخوي . ..

 

[مــرح]

اشرقت الشمس من جديد بس طولت واهيا تشوق وتغيب ويوم عن يوم مايتغير شي ولا يختلف شي وهذي
السنين تمر سريعه ويوم عن يوم الالم اللي بقلبي يزيد
كنت محتاره امي وينها وابوي وينه وشصار عليهم ؟
منطقتي شصار عليها وكنت افكر كل يوم باني انحاش انا واخوي بس للاسف كانت ام محمد قدام عيني ومعتبرتني انا الخادمه في هالبيت تنظيف يوميا طبخ غسيل ملابس وغير هذا كنت اشتغل ساعتين عند جارتهم ،،
حطيت راسي على الوساده ودخل اخوي عمر النحافه كانت ماكله كل شي فيه ملامح وجهه طالعه حييل اللي يشوفه اول مره على طول يتخرع رفعت راسي وانا اطالعه الحزن كان واضح عليه قعد على الارض ونزل راسه قربت منه ومسحت على ظهره ،،
قال بألم : وين أمي وأبوي ؟ . . .
قلتله بحزن : " مادري .. . "
التفت لي وقال : " انا اكره ام محمد ،، "
" ليش ؟ "
" تعبت منها كل تشغلني اشغال متعبه الجهال بالحاره يلعبون وانا اشتغل تنظيف بالمزرعه .. . "
حظنته بقوه طفل عمره 12 سنه ماتهنى فيها شغل ليل ونهار وغير هذا لو انه في منطقته ماكانت هذي حياته ابوه جنرال معروف وامه من اسياد منطقتنا وللاسف عيالهم مشردون وموعارفين شنو يسون بهالدنيا اللي قست عليهم ولاشعورا طاحت دموعي بقهر والم ،،،
تركت عمر وطلعت من الغرفه بسرعه ابي اهرب من هالمكان فتحت باب الشارع وتركت العنان لقدمي لتروح وين ماتروح مشيت بين طرقات هالبلده وبين زقاقها كان هدوء يعم هالمكان وانا بروحي اللي بالخارج قعدت في مكان بعيد عن كل شي ....
تنهدت بحرقه كبرت و اعتبر اني مسؤوله عن نفسي مافيها شي لو هربت من هالبلده اللي تشعرني بالالم بس المشكله وين اروح وشلون بعيش وعمر وين يروح ,,,,
قعدت على هالصخره وانا اتذكر الست سنوات اللي عشتها اهني وكأنها ستين سنه ،، الشايب ابو حمد توفى من اربع سنين وترك وصيه لولده حمد انه يهتم فيني ويرعاني ،، حمد ابو محمد كان رجل واقعي جدا لا حنون ولا قاسي معاملته مع الناس وحده بس انه يحترم الكل ،، ماينشاف واجد لانه مشغول بحراثة الارض ،، ام محمد وما ادراك ماام محمد قاسية حيل ومشاعرها بارده كلامها يجرح بقوة بس مع ذلك انا محترمتها ومستسلمه لكل شي الاحلى شي فيها انها ماتمد ايدها بس تمنيت تمد ايدها وتكف لسانها عني وعن اخوي ،، محمد الولد الكبير عمره 27 سنه طيب حيل وحنون دايما يعطيني هدايا يجبر خاطري فيهم هداياه كانت بسيطه بس بالنسبه لي غاليه احيان احس انه يحبني بس انا انظر له نظرتياخوي وخصوصا ان كثير من الاحيان احسه يشفق علي وما احب هالنظرات ،، محمد ماكان له كلمه في البيت ولا له تسلط مايتواجد كثير لانه على طول بالمزرعه بس كل اللي اعرفه واللي يعرفونه عنه انه انسان ضعيف ومعدوم الشخصية بعكس اخوه نايف اللي اصغر منه بسنتين جبار حيل وقاسي بقوه متسلط ومتحكم بكل شي بس انه قوي وله شخصيه ومكانه بين ربعه من عشت معاه وكان يقول ان راح يصير له مكانه عظيمه في الدوله وإلى الآن عايش بهالحلم وماتنازل عنه مع انه فقير بس كان غير كثير من الاحيان انقهر منه لانه شخصيه من امه ومااذكر ذاك الموقف اللي اهاني فيه قدام الكل ،،
كانو يلعبون الصبيان كرة قدم واحنا البنات كنا الجمهور انتهت المبارات بفوز فريق فارس بعدها حصل اجتماع وفجأه صرخ باسمي : " رفييييييييف ،، تعالي بسرعه ،، "
اكثر البنات كانوا معجبين بفارس وبشجاعته وبطوله الفارع ،،
رحتله اركض كان عمري 14 تقريبا وكنت اقول بقلبي : " راح اقهر هالبنات .. "
وقفت عنده وكنت اوصل لحد اكتوفه
قال بصوت عالي : " شفتوا هالبنت .. "
الكل وقف ويطالعني ..
قال واهوا يمسكني مع شعري : " هذي خداااااامتي , , ,, , "
انصدمت وايده اللي بشعري تحولت لاداة حاده شد على شعري بقووه وقال : " شفتووها ،، هذي مجرد خدامه وبس ،، يلا رفيف يلا امسحي جوتييتي لانه توسخ يلا ... "
ولاني ضعيفه وغبيه حيل مسكت بطرف ثوبي وقعدت تحت رجوله وامسح جوتيه كان يضحك باستهزاء والكل يضحك علي بعدها رفسني وقال : " روحي جيبيلي ماي ,, , "

مواقفي مع فارس كلها ألم كلها وجع وهم ، ،،
ماذكر بيوم رحمني وعطف علي او على اخوي كان يشوفني خدامه وبس وبس وبسس ,, , ,

اما مزون فيها من محمد بالعطف والحنان والاخوه وفيها من فارس بقوة شخصيتها ماكانت تعرف للقساوة طريق ،، كانت طيبه معاي حيل وتكلمني عن كل شي بحياتها ،، تحب ولد خالتها اسامه تموت فيه كانوا كناري يتبادلون الرسايل وتصير لهم مواقف جميله ،، احيان كانت تتكلم عنه وتبكي اقولها ليش تبجين تقول من الحب ،، كنت افكر معقوله بيجي يوم واحب مثل مزون ؟؟ معقوله ببكي واصيح من محبوبي . ؟؟ مع انه ماجرحها بيوم ولا فكر يجرحها بس تقول انا خايفه من المستقبل وخايفه ان اسامه يتغير علي ,,
كنت ادعي الله بانهم يتزوجون ويعيشون سعداء ،، ،

حسيت بالتعب ،، وقمت من مكاني ورحت اتوجهه للبيت ،،
وانا بطريق عودتي ،، شفت محمد يمشي له اسبوعين كان غايب ،،
وقبل يدخل البيت لمحني ترك البيت واشوفه يتقدملي ،، محمد طويل وضعيف ابيض حيل عيونه فيها حزن شعره كثيف حيل ولونه فاتح ،،
قرب وقال بصوته الحنون : "رفيف شعندج برى البيت .. ؟ ؟ "
بلعت ريقي الناشف وقلت " تضايقت ورحت اغير جو .. . "
قال : " عسى الوالده مومتعبتج ؟ ؟ "
ربعت ايديني برجفه وقالت : " لا .. ،، ألا انت وينك .؟ ليش غايب اسبوعين ؟ ؟ "
قال بخجل : " تكلفت بمهمه في مزرعه بعيده عن بلدتنا , , , "
" أمممم ,, , "
طلع من جيبه شي وقال : " رفيف شوفي هالصخره ,,, "
تقربت منه واخذت الصخره من ايده كان شكلها غريب وقال : " هالصخره فيها ذهب ويجمعون هالذهب من نهر يكتسبون فيه رزقهم وقلت خل اجرب حظي ولقيت هالصخره ،، "
طالعته باندهاش وقلت : " واااو يعني لو تبيعها بتجيب لك ملايين , , , "
ضحك وقال : " لا مولهدالرجه ،، هذي ماتعتبر شي .. . "
ابتسمت له ومديت له الصخره ..
قال بخجل : " هديه لج , ,, "
نظرت له بنظرات غريبه ليش يتصرف معاي جذي ...
قال : " بسرعه خل ندخل الوقت تأخر ,,, "
وراح يبطل الباب رحت وراه بس دخلت لغرفتي من دون لا اتكلم معاه او اشكره على الهديه , ,
حطيت هالصخره تحت وسادتي وحطيت راسي ونمت نومه عميقه ولله الحمد . .. . .



سميره : رفيـــــــــــــــــــــــــــف وصمخ..بتصير الساعه 11 وانتي للحيــن مانظفتي البيت..لاتنسين انج بعد نص ساعه لازم تروحين لام عماد جارتنا وتشوفين شغلج ...قوووومي..
وطلعت وسكرت الباب بقوه

: يااااربي شلون مر كل هالوقت وانا نايمه وماحسيت بنفسي..

طلعت الصخره الصغيره من تحت وسادتي وابتسمت ...
:اغلى هديه بحياتي يامحمد j

خلصت تنظيف بيتنا بوقت قياسي ورحت طيران لام عماآآد..
وماطلعت من بيتهم الا المغرب..طولت بالشغل عنها بحكم العزيمه اللي كانت مسويتها لحريم الحاره..

دخلت البيت وانا تعباااانه .. رحت المطبخ عشان اشرب ماي..
ولقيت فارس هناآك.. كان واضح انه يدورله اكل وحاط ايده بمخباته..ياكرهي لهالانسان l

فارس : توج تشرفين..يااخت رفيف..
: كنت عند ..
قاطعني : سويلي اكل ..
: بس ..
بصراااخ: بلا بس بلا بطييــخ انا جوعااان.. خمس دقايق..والقى الاكل جااهز

طلع من المطبخ ...ومن الخوف سويتله اكل خفيف باقل من خمس دقايق..

طلعت وانا ماسكه الصينيه ومتوجهه للصاله وانا ارجف.. لاني سمعت صوت خالتي سميره ..

فارس"دخلت رفيف الصاله وحطت الاكل قبالي وعيوني تناظ ايدها البيضه الصغيره..ياربي هالبنت فيهاآ برائه الدنيـا..مع اني اقدر انطر للعشا بس احس بلذة لما أأآمر عليها واصارخ واهي تناظرني بخوف"

مزون: رفيف امشي خنروح لغرفتنا..ودي اغيّر مكان السرير..

رحنا لغرفتنا انا ومزون : يالله وين تبينا نحطه؟

مزون: خلينا من السرير الحيـن..اقعدي بكلمك
انا بخوف: شفيك مزون..صايرلك شي واحنا ما ندري ؟
مزون :اهههههه لا ..لايروح تفكيرك بعيد..

ناظرت تحت وقالت: اسامه...بيتقدملي.
قمت وحضنتها: واخيــراً يامزون بنفرح...مبروووك ياحبيبتي
احلى خبر سمعته..

مزون : الله يبارك فيك..والفال لك ان شاء الله.

قمت عنها ودموعي ماليه عيوني..
وقفت معاي مزون : رفيف انا آسفه مو قصدي اجرحك..
وانا امسح دموعي وابتسم : لا يامزووون انا تضايقت لما تذكرت انج بتفارقيني ....بس

مزون وارجعت تحضني مرة ثانيه : وش هالكلام يارفيف ان شاء الله بخلي اسامه يجيبني عندك كل يوم..>> كانت تحاول تواسيني لكن انا عارفه من قبل ان اسامه بيدرس خارج بلدتنا واكيد بياخذ مزون معاه بعد الزواج l

مر اليوم بسلام وماشفت عمر الا بليل رجع ونام على طول من التعب..
بعد اسبوع اسامه تقدم لمزون بشكل رسمي والكل فرحلهاا​

 

[بطوطه كول]

رد : " فــآرس & رفيــــف" .. على ضفة النهـــر

يااااااااااااااااااااااي القصه مو طبيعيه جنـآآن رفيف صغيرهـ وبعدين ابوها هو الي خان الجيش هي مالها ذنب ليش يسبونها ؟؟ ..


كملي ناطره

 

[*جمالي بأخلاقي*]

الروااايه حلوووه مثلج

كمــــلي حبيبتي

ابي اعرف شنو يصير برفيف

 

[مــرح]

أشرقت شمس يوم جديد وفي طريق رفيف للحمام طرت فبالها فكرة واستغلت الهدوء اللي بالبيت وتأكدت ان ابو فارس راح للمزرعه و ام فارس طالعه لجمعه الجيران كعادتها كل يوم الضحى فرآحت لغرفتهآ وفتحت الكبت تبي ومدت ايدهآ وهي ترجف للفلوس اللي لقتهم
رفيف في نفسهآ : لالا انا مستحيل اسرق ..
سحبت ايدهآ ورجعتها مرة ثآنيه وخذت الفلوس " لازم اسوي هالشي عشآن يطردوني من هالبيت واروح في حال سبيلي اي هذي الطريقه الوحيده " .. وهي طالعه من الغرفه تركض اصطدمت بوآحد طوله فارع وضخم واكتافه عرضه مما خلاه يسكر عالباب وما يخليلها مجال تطلع .. رآحت راسها بخوووف
فارس بنظرات تهديد : شكنتي تسوين بغرفة امي ؟؟؟
رفيف : أأأ ...اممم كنت محتاجه فلوس
فارس مسك كتفها بقوة : تسرقيييين يارفيف ؟؟
رفيف: اي اسرق اتركني .
فارس: ماراح اتركج يا رفيف , تحلمييين وانا بسكت وماراح اقول لاحد باللي شفته ورجعي الفلوس يالله قدامي ورماها عالارض
رفيف رمتهم تحته وطلعت
فارس " طييب يارفيف المشوار طويل ,, راح اطلعج من البيت بس مو لحالج "

......


كنت قاعده بغرفتي ...
دخلت علي مزون وقالت : " فارس مسوي اجتماع ويبينا كلنا بالصاله تعالي بسرعه . .. "
سكرت مزون الباب وكأن قفصي الصدر سكر على قلبي
ارتجفت في مكاني مامر على السالفه الا يومين وفارس نذل اكيد بيقول لهم اني حاولت اسرق فلوس ام محمد ،،
بلعت ريجي بخوف بس قلت لازم اروح انا موملزومه اعيش طول عمري اهني //

فكرت بأمي اللي طاحت وخذتها الشاحنه اكيد امي ماماتت ،، وطرى على بالي ابوي وينه الحين وشصار عليه ، ،

دنقت راسي للارض انا كسيره ووحيده
حملت نفسي بصعوبه بالغه ودخلت للصاله
كاان ابو محمد قاعد وام محمد
مزون قاعده ومحمد اللي من شافني احتمر وجهه وطالع للارض
اما الطاغيه فارس كان قاعد رجل على رجل ويطالعني بنظرات تشكيك وبيده مسباح احمر يحركه ببطيء مميت وكانه يحرك اوتار قلبي
جلست
وقال بقوات عين : " الموضوع مهم ،،، . .. "
قال ابو محمد : " ياعساه خير .. . "
شافني فارس وقال : " احتمال خيرر .. "
تنهدت ببطيء .. .
قال : " انا عندي مشروع جديد ،، و و و هالمشروع يتطلب ايادي عامله ،، ، "
حمدت الله ،،
طلع ماله شغل باللي صار بيني وبينه ,,
قالت ام محمد : " الله يبارك لك ،، ويجعله فاتحت خير . . .
قال بغرور : " أنا ماكملت كلامي .. .
مااستحملت ثقالة دم فارس فقمت من مكاني . .. .
وقبل لا اطلع قال فارس باستهزاء " " نحشتي يا أخت الحرامي , , , "
شفته بحنق جيت بتكلم بس انا بوضع مايسمح لي , , ,
ضحك بصوت عالي ,,,

بس طلعت وتركته ....


:::::::::::::::::::::::::::::::::::

كنت اضحك عليها من حر مافيني وانا اشوف نظرات اخوي محمد العاطفيه لها ،، كان وده يقوم يذبحني على الكلمه اللي قلتله بس منعاه خوفه ضعيف وبيتم طول عمره ضعيف .. .
قال ابوي : " كمل كلامك ترى ورانا اشغال .. . "
قلت : " أنا مضطر آخذ رفيف معاي . . . "
قال محمد بصدمه : "شنو وو ؟؟ ؟ "
الكل التفت له باستغراب , ,
قلت : " ليه بينك وبينها شي . . . ؟ ؟ ؟
التفت امي على مزون وقالت لها " روحي غرفتج . .. "
راحت مزون بسرعه ..
وقال محمد : " شتقصد بكلامك ؟ ؟؟ ؟ ؟ ....
قلت : " اللي اقصده ياطويل العمر ،، ان رفيف مالها قعده اهني . . . "
شافني ابوي وقال " انت شايف عليها شي ؟ ؟ ؟ "
طالعت ابوي وقلت بهدوء : " شنو راح يصير لو قلت ايه ؟ ؟؟ "
قال محمد بعصبيه : " لاتظلمها !!! "
قالت امي : " محمد شفيك كأنك أنقرصت اسكت خل نسمع لاخوك . .. "
قال بسرعه : " يما كذاب انا ادري فيه خاف الله البنت يتيمه . .. "
شفته وقلت بعصبيه : " شنو يتيمه لي متى بنقص على انفسنا بهالشي ،، ابوها اكبر مجرم سياسي اذا ماتدرون وهرب وللحين يدورون عليه ،، البنت كذابه عطتنا اسم ابو غير عن ابوها كل هذا عشان تعيش عندنا واحنا موومكلوفين بهالشي ، ، يبا انا واخوي كبرنا واهيا بنت غريبه علينا . . . "

قال ابو محمد : " منو ابو البنت ؟ ؟ ؟ "

" حسن ... . . . واهيا تقول ابوها خالد كذابه من اهيا صغيره واهيا ملعونه ،، وانا شايف عليها اشياء ومضظر ابعدها عن هالبيت , , ,, : "

قام محمد من مكانه بسرعه وطلع برى البيت ، ،
لا ن مجرد سماعهم بحقيقة ابو رفيف الحقير اللي تخلى عن هويته وعن بلاده بسبب الفلوس كانت كفيله بانها تطيح رفيف من عيونا وغير هذا بسبب كذبها لنا وانتحالها لابو ماله وجود , , ,

بدت امي تسألني عن اشياء غريبه بس مارديت عليها //


قال ابوي : " نتفاهم على هالشي باجر الصبح . . .. "
وراح ابوي لغرفته ولمن يأست أمي بعدم ردي على اجوبتها لحقت ابوي وراحت لغرفتها ، ،
تميت انا بروحي وانا افكر بمشروع يبعد رفيف عن عيونهم وخليها قريبه اكثر مني ،،، بما اني مهدت لهم الطريق فانا باستعداد تام لوجود الفكره ،،

قمت من البيت ورحت اتسكع بالشوارع , , ,,

وانا قريب من البحر مريت على جماعه تشتغل من شافوني خافوا ،،
حسيت ان فيهم شي ،، تقربت منهم ,,,

وكانوا خمس شباب من بينهم صديق اعرفه ،،
تقرب لي هالصديق وقال : " الحمدلله انك فارس ولا واحد ثاني , ,,
استنكرت لوضعه وقلت بتشكك : " ليش ياسامي شنو فيه عندكم . . . ؟ "
مسكني بكتفي وقال : " امش خل نروح بسرعه وافهمك .. . "
مشيت معاه وقال : " بصراحه ،، نشتغل بالتهريب ؟!؟! . .. . "
ضحكت وقلت : " تهريب شنو ؟؟ "
قال واهوا يتلفت : " لا يروح فكرك بعيد ،، تهرب شي بسيط .. . "
" خلص تهريب شنو ؟؟ ؟ "
" أممم ،، شوف تعرف ان على الضفه الثانيه من النهر قصر من قصور الحاكم ،،، واهناك ممنوع الصيد ،، مع ان اجود انواع السمك واكبرها واحلاها موجوده اهناك . . "
قبل لايكمل كلامه قاطعته : " اشششش تهريب سمك قال .. . شهالغباء اللي فيك . . . "
مسكني وقال : " يافارس السمك هذاا سمك نهر ولو نبيعه على الفنادق يعطينا اكبر ربح ،، شفيك انت احنا ناس نترزق الله ،، "
طرت على بالي فكره وقلت : " تحتاجون احد يشتغل معاكم ؟؟ ؟ "
قالي : " للاسف نحتاج لنساء معانا بس من قد هالشي .. "
استانست هذا هو جاك يامهنى على ماتمنى ضربته مع كتفه بقوه وقلت : " افا علييك هالشي عندي انا ،، لاجيبلك وحده شنو تشتغل شغل ،، بس خلها علي , ,, "
ضحك سامي وقال : " والله انت خوش رجال ،، قدها . . . بس ياابو الشباب اشيا ناقصتنا واحنا موبقدها , , , "
" شنو اللي ناقصكم وانا كل شي اسويه ,, , "
" أمم أحنا درسنا الوضع كله ،، شفت القصر عنده كوخ قديم بعيده شوي عن القصر بس انه قريبه من النهر ،، نبي نشتري هالكوخ لانه صاحبه موراضي يبيعه لنا ،، ومنه تعيش البنت اللي تقول عنه فيه واحنا نصيد ونقطه عليها ،، على اساس اهيا المسكينه اللي صايدته ،، وكل يومين نبيع هالسمك ،، لان انا بتعاقد مع اشهر الفنادق البحريه اللي بدولتنا ابيع لها هالسمك , ,, "
التفت له وانا افكر ،، السالفه فيها افلوس كثيره : " وانا كم لي ؟؟؟!! "
شافني سامي بخوف وقال : " لك اللي لك ،، بس مشها لنا .. "
صافحته مع ايده وقلت : " اوكي اشوفك على خير بس روحو لحقو على السمك لاينحاش هههههه "
ضحك سامي وراح ..
بينما انا عشت بفرحه قويه ،
ورحت بسرعه للبيت ،،

دخلت للبيت ،، وسيده رحت لغرفة رفيف ،، ضربت الباب ضربات خفيفه بس ماسمعت رد ، ،
بطلت الباب ودخلت ،،
كانت الغرفه ظلمه حيل ونور خفيف من النافذه .. .
تقربت بخوف لي فراش رفيف اللي كانت في سباتها العميق ،، حسيت بالخوف وانا اشوفها ،،،
كانت نايمه بهدوء وسكينه وأمان ،، وكأنها طفل صغير مو حاس بالدنيا ولا معطي اهتماماته لاي شي ،، بس زاد حنقي عليها لمن تذكرت انها بنت منو وانا كذبت علينا بابو غير ابوها وغير هذا دخولها لغرفة امي بغير حق ،،
تنحنحت ،،
شفتها تحرك ،،
قلت بصوت خفيف : " رفيف .. رفيف ... "
بطلت عيونها بخفوف ومن شافتني فزت من مكانها .. .
وقفت وقلت : " شوفي ،، الساعه ثمان الصبح خليج جاهزه ,, , "



:::::::::::::::::::::::::::::::::::::::::::::::::::::::::::::


من فتحت عيوني وانا نقزت من مكاني بخوف ،، فارس عند راسي شنو يبي فيني اول شي فكرت فيه انه يبي يقتلي ولكنه قال الساعه ثمان خليج جاهزه ،، ،
قلت بخوف : " لييش ؟؟؟ ؟ "
قال واهوا يتراجع للباب : " خليج جاهزه وبس ،،، "
طلع وسكر الباب من وراه , , ,
قعدت بمكاني وانا ارتجف ،، يالله ساعدني ،، شنو يبي فيني الاخ فارس ووين يبي يوديني؟؟؟
حسيت نفسي بدوامه ،، انا بوضع لااحسد عليه ,,,
ياربي شسوي ....؟؟
مرت نص ساعه خانقه وانا بفراشي ،، مافي الا محمد اكيد بيفهمني ،، طلعت من غرفتي ،، ورحت لغرفة محمد اللي ملاصقه لغرفة فارس اللي كان مبطل نور غرفته ومعلي على صوت الموسيقى ،، شتان بين حالتي وحالته ،، اتجهت لغرفة محمد بطلت الباب ،، بس ماحصلته موجود ,
طلعت من غرفته وانا حاسه اني مختنقه من هالبيت الكئيب ،،
رحت لغرفة مزون يمكن اذا شفتها برتاح ،،
دخلت للغرفه بس للاسف ماحصلتها موجوده ،، اكيد طالعه لبيت خالتها او مع اسامه , ,,
طلعت من البيت ،، وقعدت بالحديقه ابي انطر محمد ...
نطرت ونطرت ونطرت ..
بس للاسف تأخر علي حيل حيل ،،،
ورجعت بعدها لغرفتي حاولت اتقلب لين مانمت ، ،، ، ،

مرت الساعات كنها دقايق ،،
مانمت الا ساعتين تقريبا قمت لقيت الساعه ست ونص ،،
فزيت بسرعه سويت شغل البيت بهدوء ،،
خلصت شغل البيت وشفت الساعه لقيتها سبع ونص بدت تتسارع دقات قلبي من الخوف مابقى شي ويوصل فارس , قررت اني اهرب ولميت كل اغراضي المهمة بدون ما افكر لوين بروح, وصلت عند الباب لكنه انفتح بقوه @-@ تجمدت بمكاني لما شفته .
ضحك باستهزاء وقال >على وين رايحه ,لاخوج بالمعسكر والا ابوج بالسجن هه
>فارس ابعد عن طريقي.
قرب عند اذني وهمسلي واهو يهدد >لو مانفذتي اللي اقولج عليه تعرفين نهايتج.
رغم اني كنت اتظاهر بالقوة بس ماقدرت اتحمل ,سندت ظهري على الباب وبكيت بقوه

.......
فارس...
طلعت من البيت ورفيف معاي , حاولت اطول المسافه وادخل اكثر من حارة عشان تكون الرجعه صعبة بالنسبة لرفيف , عبرنا النهر ووصلنا للكهف بالضفة الثانية, التفت لرفيف اللي كانت ترجف من الخوف وتتحاشى قربي وانا في نفسي اقول "رفيف تطمني انتي معاي ولا راح اضرج بشي وماسويت كل هذا الا من حبي لج" ...ليتج تعرفين بس

>بتعيشين اهني وانا راح اوفرلج كل احتياجاتج الضرورية .
حاولت ابين نفسي قويه وراح العب هالدور مع فارس ليما آخذ بثاري وثار اخوي منه..قلتله ببرود اعصاب>بس هالمكان مايعيش فيه الا الحيوانات الضاله امثالك.
صدمتني بهالكلمة بس تمالكت نفسي وقلت>عشان جذي اخترته لج عشان تعيشين فيه.
>شجع.
تجاهلتها ومشيت.


......................


رفيف...
راح فارس وتركني بمكان موحش مافي انسان ممكن يعيش فيه , بس لازم اتحمل واصبر لما اوصل لمرادي,,
نظفت الكوخ اللي اخذ مني وقت طويل واستعدت الشمس للغروب وبعد ساعه ظلمت الدنيا واستوحشت المكان وبدا الخوف يسيطر علي , فجأة سمعت صوت خطوات تقترب من الكوخ , استخبيت في زاوية الكوخ بس تطمنت لما سمعت صوت فارس وكان يتكلم مع مجموعة شباب.
فارس: مثل ما اتفقنا يا شباب بعد ماتصيدون السمك راح آخذه منكم واوصله للضفة الثانية وهناك في ناس راح اكلفهم بتنظيف السمك وبيعه للمطاعم والفنادق والكل راح ياخذ نصيبه.."
>اتفقنا وموعدنا يوميا بعد شروق الشمس.
راحوا الشباب ودخل فارس للكوخ ينادي رفيف , وانبهر لما شاف النظافة تعم المكان
فارس: رفييييف ,, رفيييييييييييييييييييف ؟؟
رفيف خذت نفس عيق وطلعت لفارس وبيدهآ شمعه : نعممم
نايف: امممم بكرة يبدي العمل خليك جاهزة وانا بجيب لك مصابيح بكرة ,, دبري حالك الليله بالشموع,, وباستعلاء قال وهو يناظرها من فوق لتحت: ولو ناقصك شي بلغيني

........طلع فارس من الكوخ ورجع للبيت ...​

 

[مــرح]

في بيت أبو محمد ..

مزون طالعه من غرفة محمد تبجي بعد ماعرفت ان محمد نفذ اللي في باله:يمااا يبااا محمد مو بغرفته.
ام محمد"منيره": يمكن بالحمام او طالع المزرعه.
مزون وهي تمسح دموعها: لا يمه محمد تارك رساله في غرفته يقول انه سافر مع صديقه ابراهيم ويقول...لا تنتظروني ارجع وراحت لغرفتها تبجي.
وفي نفس الوقت دخل فارس البيت ولقى امه وابوه في حالة صدمه ومانتبهو لدخوله.
فارس: يبه خير .. شنو صاير
ابو محمد: محمد ترك البيت وسافر
فارس باستعلاء : ههههههههههههه سواها الحبيب_ وفجأة تبدلت ملامحه لغضب وبصوت خافي: باللي مايحفظه , خلونا بالمهم انا...قررت اتزوج رفيف
>طلعت عيونهم من الصدمه
ام محمد : ياربي انتوا شصاير فيكم؟ تبون تجننوني؟واحد هاجر وواحد يبي يتزوج بنت شوارع,,لا يافارس لااا
فارس:يما انا ما فكرت اتزوجها حبا فيها لكن مايصير اخلي البنت برا البيت لحالها لازم اقعد معاها بشكل رسمي وانا اوعدك اذا تخلصت منها اهي واخوها اني لاتزوج اللي انتي تختارينها
منيره: بس ...
فارس قاطعها: يما هالزواج شكلي بس


.......

في مطار نيويورك

ابراهيم يلتفت لمحمد ويبتسم: الحمدلله على السلامه يا شيخ
محمد: الله يسلمك.. ابراهيم انا عارف اني..
ابراهيم: لا تكمل يامحمد..وبابتسامه نابعه من القلب: عدني اخوك اللي ماجابته امك ولو بغيت اي شي لا يردك الا لسانك


بعد حوالي نص ساعه وصلوا لشقه ابراهيم القريبه من الجامعه اللي يدرس فيها ,, اثاثها كان كلاسيكي ويتسم بالبساطه بنفس الوقت..اول ماوصلوا كل واحد رمى نفسه عالفراش ودخل في نوم عميق من التعب ..

( رآح تتنظر محمد حيآة جديده في نيويورك ومفاجآت ما كان يتوقعها ...انتظروني بالبارت الجديد )