فضيحة معرض فندق رمادا

[Sa7rt al9looop]

السلام عليكم بنات

امبيه أنا مو متعوده اكتب مواضيع بس الي شفته اليوم حرني صراحه

لي متى الحريم جذي مستهينين بخلق الله مؤ كافي أسعارهم النار وجذبهم الزائد علينا الي صار اليوم ما ينسكت عليه حرام حرام حرام

الله يسلمكم وانا أتفرج عال موديلات الي كلها من الكاتالوجات واحنا مقصه الا اسمع صوت صراخ ونجره على بالي احد فيه شي رحت اطمئن الا صاحبة المشغل ماسكه فون وثنتين ماسكين حرمه صغيره ويطقونها ويصرخون عليها ليش ؟



يقولون مصوره موديلاتنا. عمى بعينهم صج ماكو حيا طاقين الحرمه عشان مصوره والحرمه تحلف مؤ مصوره فشلوها

ليش مؤ باسكات كلموها وتفاهموا معاها عيب الي صار ويدل عالهمجيه




اسم المشغل ليان

أوجهه كلمتي لها حسبي الله عليج ومستحيل أتعامل معاج
إحنا معانا يهال عمرهم ما اسمعوا الكلام الي قلتيه للبنت خر....../بنت الكل....../قحب......./زبال.......
ورافعين الزباله الله يكرم السامع ولاحقينها المسكينه
لا حول ولا قوه الا بالله
كفرت البنت !؟يوم أنكم ماسكينها جنكم ربع بشار

وين قاعدين مستوى اكس صراحه ومستحيل أتعامل مع ناس ما تخاف الله

شرايكم بالي صار ؟

 

[ناتشوو]

اعوذ بالله

معقول اللي تقولينه صج؟
مصورتهم
ولا مصورة موديلاتهم؟

خلاص بنات خل نتفق
تبون تشترون
من اللي يجمعون لكم شغل العربيد
ويبيعونه بسعر اكثر
براحتكم
بس اللي اخلاقها ردية
وصوتها عالي ماكو تفاهم
مو كفو تتعاملون معاها

 

[Sa7rt al9looop]

هلا ناتشووو

وربي على كلمة طلعت مني شاهد

لا تقول مصوره موديلاتنا امبيه فشلوها ولاعبو بحسبتها جدام خلق الله

على قولتج أخلاق رديه وموديلات العربيد

 

[وحيدة امى]

حسبي الله ونعم الوكيل
فيهم الله ياخذ حق هالبنت منهم بصحتهم يارب
ويحفضحهم
رمادا شويه هليق من عرضهم ​

 

[بنت الاحلام]

معقوله وصلت لي هالدرجه

 

[ليتني مـآ كبرت]

يوو رمادة مع الاسف هلاققققققققة

وكله نسخ و خلاجين

والخامات تفشل واشكال اللي يعرضون

اشباح استغفر الله

مهولين بأعمارهم



آسفة بس هذي وجهة نظري

التاجر الذربة تعرف وين تنزل بمعارض ذربة

طبعا انا بحياتي كلها مارحت ألا مرة وقلبت جبدي

وربي خياط فرعنا احسن بامية مرة ههههههه

 

[زعفرانة_73]

لا تعلييق:0bee2e8d89:​

 

[sara al3jmi]

حسبي الله عليهم

 

[Dr.Nouf]

طقوها؟؟؟؟؟؟؟؟؟؟؟
بخصوص الإنحطاط؟

 

[عذابة القوافي]

امبيه قوووووويه صج ناس تشيب

 

[hooryah q8]

شالاسلوب ؟؟؟ احنا بأي زمن ليش التخلف بالتعامل
الحمدلله و الشكر

 

[Sa7rt al9looop]

والله يا بنات ما شفتوها المسكينه أنا طلعت اركض لريلي بالسيارة مخترعه من الصدمه عيل شلون أهي والحريم يفججونهم وهم مصرين على قلة الادب وقالو لها الحريم ورينا الصور الجذابه ما ورتنا امبيه فشلوها عالفاضي هالهيلق

الله يأخذ حقها

 

[ام حنااين]

لاحول ولا قوة الا بالله . حتى لو فرضنا انها صورت الموديل مو بهالاسلوب يمسحون الصورة من التليفون وخلاص. وايد بالمحلات والمعارض الحريم يصورون ويدزون لخواتهم وبناتهم يناقشونهم بالموديل او اللون مافيها شي

 

[DaLoo3t BaBaTii]

.



خفي علينآ

يآ ALEXANDER MCQUEEN
يآ STELLA MCCARTNEY
يآ victoria beckham
يآ إيلي صعب


:krkrkr:


آشدعوه عليج تكوفنين آلبنت علشآن صورت موديلج !!

لوووول آلله و آلموديلآت عآد !! آقصآج عآرضةة بـ رمآدآ ! لو تعرضين بـ بآريس شتسوين !؟


آلحمدلله و آلشكر ! تخلف !

.

 

[سواري الليل]

شدعوه عليهم
الله يهالموديل اللي مايبون احد يقلده تكفين افكارج جهنميه وابداع وحرااااام انه يتقلد


شدعوه عليها عشان مصوره موديل طقتها هذي لو شابتها جان شسوت يمكن ذبحتها

استغفرالله هيلق
انا رحت لهم قبل مره وحده عندهم شغلت حلوه ناعمه بس اسعارهم نار والخام موشي

مسكينه هالمره الله يعينها ماعتقد بتخليهم صدقيني بتاخذ حقها بأذن الله*

 

[قمر2012]

ههههههههههههههه شهالهلاقة ارحمينا عاد من زين تصاميمها ..

الله ياخذ حق المره منها فشلتها عالفاضي استغفر الله ..

 

[الكويت غالية]

انا كنت توني واصلة للمعرض ومعاي اختي
واحنا نازلين على الدرج قلنا الله يستر شنو صاير تحت
وماشوف الا حريم يتطاققون لوووووول استغفر الله
ذبحوا بعض حشى مو حريم
واللي نطقت اكثر شي الهندية المسؤولة عن المعرض
ويوم طلعنا لقينا الدورية عند باب الفندق
وعلى فكرة مو أول مرة تصير هوشة بالمعرض

 

[بسكوته ذايبه]

موووو صج اللي صااار من صجكم على موديل ماسكينهااا و طااقينها وين قاعدين صج ناااس ما تستحي ؟!!!!!!!​

 

[ندوش الشوش]

مو اول مره بسوون جذي رمضان اللي طاف صار طق بالعطوف والكشافات والنعول ناس زباله وهيلق ومقصه عالناس
انتي لو تشوفينهم شلون ينادونج صايرين مثل سوق الخضار
هيلق فضحونا

 

[ديزاينر الكويت]

اصلا هل معارض دايما هواش و طق انا قبل فتره شفت طق و تخذف فناجين و كلام بقمة الانحطاط صراحه

و خاصه هل مشغل مشاكله واايذ

و كلهم نصابات اغلب الموديلات بالعربيد و الاوقاف و البلوكات يبيعونهم ب١٥ و اهما يبيعونهم ب ٧٠ و فوق و هل اوادم ياخذون واعليه عليهم

الله يستر علينا