- إنضم
- 13 أكتوبر 2010
- المشاركات
- 349
- مستوى التفاعل
- 1
- النقاط
- 0
السلام عليكم
خواتي حابه افيدكم بشغله يمكن محد منتبه لها فضل <<<بسم الله الرحمن الرحيم >>>
مره بنتي قالتلي انه رفيجتها قالت لها إذا تبين الحصه تخلص بسرعه سمي ثلاث مرات تخلص بدون ما تحسين او تبين الهده تيي بسرعه برق الا انتي ببيتكم وادعيلي
اول شي ضحكت عليها قلتلها والله تالفون وتسون بلاوي بس عشان تفتكون من الدراسه
رحت موعد اسنان وكان حده زحمه اول ما دخلت المستوصف سميت ما حسيت الا ياييني الدور قلت يمكن صدفه
صرت قبل ما اقوم بناتي وريلي حق الدوام اسمي ثلاث مرات واقول يا معين لان قومتهم حمل مو طبيعي
تتلف اعصابي كل يوم الصبح
وماشاء الله تبارك الله يقومون بسهوله ماا حس الا كلهم طالعين واولهم ريلي هذا لو اكتب مني لي بكره ما خلصت
من عذابي معاه من قومت الدوام لما اقومه يعصب خليني نايم ولما اخليه يعصب متاخر ليش ما قومتيني وهاذي
حالتي معاه كل يوم بس عقب التسميه ما شاء الله ساعات اكون مشغوله مع بناتي البسهم الاقيه رايح
عاد هنيه صرت بكل شي اسويه اسمي يخلص والله كل شي ابيه يخلص بسرعه اسمي ثلاث مرات
اكون عندي موعد ومتاخره والله اني الحق عليه
والله رايحه البنك واسمي طول الطريج لان حده حده وعلي ما لقينا مسفط والساعه وحده وركظ عليهم ولا قاعدين
ينزلون الباب الحديد الشبك واشرت حق الحارس يقولي دشي وخلصت المعامله وطلعت وريلي يقولي مشاويرج علي
الفاظي يايبتني الظهاري قلنا لج مسكر ما تسمعين الكلام طلعتله الفلوس قالي جذابه امداج تسحبين وتردين
لين شاف الورقه وتاريخها يا الله صدق
وآخر شي اليوم رحت اييب التموين ورقمي 413 وانا رايحه الساعه 8 الصبح وفيه فواتير من امس والعالم شكثرها
يعني ما راح يحوشني الدور الا العصر واسمي وانا قاعده ومعاي اربع حريم قبلي ويت وحده وراي قالت وحده من
الحريم حق المسؤول ليش ما تمشينا مايصير حنا والرياييل مع بعض قدر شوي جان ينادينا ويخلصني انا قبلهم والله
العظيم ينادون بالاسم وانا ساكته ما تخيلت انه حقي لين صارو ينادون بالاسم الثلاثي يا الله استوعبت انه لي
والعامل معصب يا حجه بنادي من الصبح ما ترديش وانتي هنا
اتمني انكم تجربونها صج مو قادره اصدق انا عندي مواقف وايد بس هاذاالحين ييت ركظ علي المنتدي
عفيه الي تشوف النتيجه لا تنساني من الدعاء انا وفطوم< رفيجه > بنتي
خواتي حابه افيدكم بشغله يمكن محد منتبه لها فضل <<<بسم الله الرحمن الرحيم >>>
مره بنتي قالتلي انه رفيجتها قالت لها إذا تبين الحصه تخلص بسرعه سمي ثلاث مرات تخلص بدون ما تحسين او تبين الهده تيي بسرعه برق الا انتي ببيتكم وادعيلي
اول شي ضحكت عليها قلتلها والله تالفون وتسون بلاوي بس عشان تفتكون من الدراسه
رحت موعد اسنان وكان حده زحمه اول ما دخلت المستوصف سميت ما حسيت الا ياييني الدور قلت يمكن صدفه
صرت قبل ما اقوم بناتي وريلي حق الدوام اسمي ثلاث مرات واقول يا معين لان قومتهم حمل مو طبيعي
تتلف اعصابي كل يوم الصبح
وماشاء الله تبارك الله يقومون بسهوله ماا حس الا كلهم طالعين واولهم ريلي هذا لو اكتب مني لي بكره ما خلصت
من عذابي معاه من قومت الدوام لما اقومه يعصب خليني نايم ولما اخليه يعصب متاخر ليش ما قومتيني وهاذي
حالتي معاه كل يوم بس عقب التسميه ما شاء الله ساعات اكون مشغوله مع بناتي البسهم الاقيه رايح
عاد هنيه صرت بكل شي اسويه اسمي يخلص والله كل شي ابيه يخلص بسرعه اسمي ثلاث مرات
اكون عندي موعد ومتاخره والله اني الحق عليه
والله رايحه البنك واسمي طول الطريج لان حده حده وعلي ما لقينا مسفط والساعه وحده وركظ عليهم ولا قاعدين
ينزلون الباب الحديد الشبك واشرت حق الحارس يقولي دشي وخلصت المعامله وطلعت وريلي يقولي مشاويرج علي
الفاظي يايبتني الظهاري قلنا لج مسكر ما تسمعين الكلام طلعتله الفلوس قالي جذابه امداج تسحبين وتردين
لين شاف الورقه وتاريخها يا الله صدق
وآخر شي اليوم رحت اييب التموين ورقمي 413 وانا رايحه الساعه 8 الصبح وفيه فواتير من امس والعالم شكثرها
يعني ما راح يحوشني الدور الا العصر واسمي وانا قاعده ومعاي اربع حريم قبلي ويت وحده وراي قالت وحده من
الحريم حق المسؤول ليش ما تمشينا مايصير حنا والرياييل مع بعض قدر شوي جان ينادينا ويخلصني انا قبلهم والله
العظيم ينادون بالاسم وانا ساكته ما تخيلت انه حقي لين صارو ينادون بالاسم الثلاثي يا الله استوعبت انه لي
والعامل معصب يا حجه بنادي من الصبح ما ترديش وانتي هنا
اتمني انكم تجربونها صج مو قادره اصدق انا عندي مواقف وايد بس هاذاالحين ييت ركظ علي المنتدي
عفيه الي تشوف النتيجه لا تنساني من الدعاء انا وفطوم< رفيجه > بنتي
