فضفضه

[فديت حلاتي]

سلام عليكم

مساء / صباح الخير

بنات موعارفه من وين ابتدي

انا مخطوبه وقريب راح املك

ومتضايقه حيل ماودي اتزوج مع ان الولد مافيه شي ينعاب وصليت صلاة الاستخاره

بس لمن صار كل شي رسمي وصارت الدعوه صج حيل خفت وتوهقت وفكرت اني ألغي الخطبه

خايفه يطلع الزواج موحلو ؟ او تكون العزوبيه افضل ؟ وافكار كثيره ببالي موعارفه كيف ارتبها :eh_s(2):

وماحس اني فرحانه وخايفه ومتوتره .. مشاعري مختلطه


ادري ان كلامي ملخبط لاكن اعتبروها مجرد فضفضه :eh_s(17):

 

[ظبية بوظبي]

ياربي حتى انا صرت مثلج
اعوذ بالله ما ادري شلي صار فيني شي مب طبيعي
والمشكله لازم لازم اتزوج لعده اسباب لكن النفس مسدوووده معن ما كنت كذا استغفر الله والله ان هالموضوع كرهني بحياتي والمشكله ان خلاص فالنصف الثاني من العشرينات اش استنى بعد !!!!!!!
واااي تعودت على العزوبيه وراحه البال
معن والله حياتي مافيها شي حلو روتين قاااتل
ومرات بيتنا العيشه فيه اشبه بالجحيم
لكن مالي اي رغبه ولا عندي اي دفعه حماس ابتدي حياه جديده :"(

نريدو حلا يا جماعه
ترى ماني صغنطوطه وبتالي محتاجه احد يفهمني بالعكس فاهمه كل ابو السالفه
لكن اش اقول
اهئئئئئئئئئئئئئئئئئئئئئئئ :"""""(

 

[ظبية بوظبي]

مكرر > ا ش سالفه المنتدى يعلق

 

[فرآولة]

ياجماعه شي طبيعي

انا كنت جذي

قبل الملجة بكم يوم.. كارهه الدنيا وضييقة .. وخايفه ان مايطلع نفس ما ابيه

وبعدها لما بديت اعرف شخصيته وجذي ارتحت

بهالفترة كنت اقرى البقرة يوميا واستغفر وتميت استخير لين يوم الملجة

شعور التوتر والخوف مو دليل على الاستخارة ان مثلا مب خير لج

لاء

هاي شعور طبيعي.. كلنا مرينا فيه

لاتخافون.. عادي

لان بيرتبط اسمج بشخص .. فتخافين شوي

لكن لما يكلمج اول يوم وتجوفينه بترتاحين له

 

[امـ خــزامـى]

عادي وضعك طبييعي
هذا كله من الخوف والمسؤليه اللي بتكون كلها على راسك


حاسه فيك لاني مريت بحالتك واشد ببعد والحمدالله على كل حال

 

[بنفسجيه_Q8]

الله يتمم عليييج ويهنيج

حبيبتي عادي اغلب المخطوبات يحاتون
انتي استخيري وتوكلي على الله والله يكتب لج فيه الخير والصلااح


وكثري استغفار وسورة البقره
وبترتاحين ان شاء الله

 

[موكا لاتيه]

عادي حبيبتي هالشعور كلنا مرينا فيه
لاحساسج بالمسووليه وبيت وعيال

 

[جذابه بنت ذيابه]

كلنا كنا نفسسسج


تعوذي من ابليس و ادعي بصلاتج ان ربي يسخره لج و يهديه

 

[اميره^_^بحلآها]

حبيبتي هـاذا شعور طبيعي كل العرايس صار فيهـم جذي مو بس انتي ..~
و بعدين استغفري الله ٢٤ ساعه عشان اتسهل سالفة الملجه و ربي يوفقج و يتمم عليج يا عمري

 

[حناينq8]

دايما تتكرر هالمشكله ما بين كل فتره وفتره من عضوات هالقسم

يعني هالشعور جدا طبيعي
ويصير حق كل بنت مقبله للزواج

استخيري ربج - وماخاب من استخار
وتفائلوا بالخير تجدوه

الله يوفقج حبيبتي منه المال ومنج العيال :eh_s(7):

 

[فديت حلاتي]

مشكورين بنات

كلامكم ريحني

الله يوفقك ضبية بوظبي ويتمم لك على خير

 

[ي قلبي ابتسم]

طيب واللي مثل حالتي زواجها بعد خمسه اشهر ولاسوت

وربي النفسيه خايسه ولالي خلق حياة جديده واحيان افكر ارجع لهم المهر واقول مابي زواج

وبعدها اتعوذ من ابليس بليز بنات نبي شيء يرفع معنوياتنا

استغفر الله كارهه حالي وانا ماسويت شيء



سوري على ردي خيتو بس موضوعك ع الجرح *_*

 

[فديت حلاتي]

تعوذي من البليس شيخة الزين

انا مثلك النفسيه تعبانه ومالي خلق حياه جديده بس كل ماشوف فرحة امي وابوي اغير رايي

ومثل مايقولون شر لابد منه . والبنت مالها غير بيت زوجها وهذي سنة الحياه >>> شوفو مين اللي تنصح

 

[دلوعة أبوهآ]

يمكن شي طبيعي
لآنك خايفه من المسؤوليه وحياه جديده وشخص يعيش معاكِ طول العمر ومآتدرين عنه و و و ..
بس هذي سنة الحيآه ..
مصيرك للزواج وتكونين بيت واسره وعائله ..

كل شي بالتساهيل والدعاء
ابعدي عن الخوف والوسوسه وتوكلي ع الله ..

وخوفك من الزواج يعتمد عليك وع شخصيتك
يعني باسلوبك تخلي علاقتكم حلوه وحياتكم وباسلوبك تخليها العكس ..


وآلله يشرح صدرك

 

[فديت حلاتي]

كلامك عدل دلوعة ابوها

وكل بنت على حسب شخصيتها وامكانياتها في انجاح الزواج او فشله

 

[فرآولة]

يابنات ياحبايبي شعور طبيعي

كلنا نحس جذي

مثلا لو جابو لج علبه مسكرة .. اكيد تبين تعرفين شنو داخلها .. وشي حلو اللي داخل ولالا .. وكذا

وبس لما تعرفين شنو محتوى العلبه وشنو داخلها بترتاحين صح

احنا جذي... نحاتي ... لان مانعرف شخصية الزوج عدل .. ولا نعرف هله عدل

فلما نعاشر الزوج مع هله بعد الزواج .. بنرتاح لان بدينا نفهمهم ونعرف طبيعة حياتنا اليديدة ونتاقلم ع هالاساس.. ويصير كل شي واضح بالنسبة لنا

ترى انا مو احسن منكم.. مرات اتعب واخيس وكل شي يسود بعيني واتضايق واتشائم

ومرات اهدى والنفسية تعتدل .. واقوم اشغل نفسي بالتجهيز بدال مافكر بهالاشيا ..

الله يتمم لنا على خير يارب

 

[فرآولة]

كلامك عدل دلوعة ابوها

وكل بنت على حسب شخصيتها وامكانياتها في انجاح الزواج او فشله

حبيبتي مافي زواج فاشل

انا كنت افكر نفسج.. واتعب .. وان انا المسؤوله وبيدي انجح هالعلاقة وبيدي اهدمها .. وووالخ

لكن لو فكرنا ان المسؤولية كلها علينا في انجاح الزواج وفشله بنتعب

في اخصائية اسرية قالت مافي فشل فالزواج ... لان الزواج ينبني على وايد اشيا


انتي و ريلج ..

وحتى لو فشلتو بنقاش او تسوية بعض المواضيع .. عادي تصير .. احنا بشر واكيد نختلف

لكن مب معناته فشل

انا معاج البنت الذكية بشخصيتها تقدر تتحكم بنجاح العلاقه

بس الريال بعد له دور كبير ..

الله يقدرنا ونسعد رياييلنا ويرزقنا حياة سعيده يارب :yaaaaaarb:

 

[فديت حلاتي]

الله يتمم لك على خير فراوله

صحيح الزوج بعد له دور بس احس الدور الكبير كله على الزوجه يعتمد على ذكائها

مثل مايقولون الولد على ماربتيه والزوج على ماعودتيه

الله يهدي بالنا وويتمم لنا على خير يارب

 

[بلوبري]

الله يوفق الجميع

و تتمم علينا بخير و يفرح اهلنا

المشاعر و الاحسايس هذي مرينا فيه و الحمدلله على كل حال تمم الملجه ومرتاحه بس ساعات تصير مثل هشغلات زواج ة بيت و مسووليه و اتضيق عقب استغفر ربي

هههههه و اروح اعفس نفسية امي و ابجي تقول امي استغفر ربح و ادعي في صلاتج يسخره لج و يهديه

بالتوووفيق و لا احد تضيق

اذا تضيقتي استغفري ربج


تقبلي مروري

 

[Miss Glamorous]

حبيبتي هذا شي طبيعي

انا مثلج قبل الملجه كنت خايفه

واللحين كل ما يقرب العرس اخاف اكثر

بس هذي سنه الحياة حبيبتي ما تبين يصير عندج عايله وعيال !

فكري بالاشياء الحلوة وشيلي من بالج الاشياء اللي مو زينه