فضفضه

[حلا باسل]

السلام عليكم ورحمة الله وبركاته

بناااااااااااااااااات اي مشورتكم
الحين انا مخطوووبه ومشكلتي ابووووووووووووووووووووووووووووي
ابوي مسكين كبييييييييييييير بالسن
المهم تخيلوا يبي يقول لخطيبي عن كل مشاكلنا ومشاكله مع امي الي عاشوووووووا طول العمر بمشاكل مايقدر يمسك لسانه يعني عنده من كثر مايحبه لازم يقوله كل شعره زينه وشينه
وغير جذي يبي ياخذ من مهري
وبعد بيقول لخطيبي عندك معاريس لبناتي الباقين خواتي الي اكبر مني واصغر مني شنو اسووووووووي والله مره تعبانه نفسيا الحين اطيح من عين خطيبي والسبب ابوي والله مو عارفه ايش اسووي

 

[حنان الحربيه]

الله يعينك
بس حاولي تفهمين ابوك انه مايصير يقول كل شي
لخطيبك وخواتك ممكن بزواج يشفونهم الناس ويخطبونهم

 

[أم*سلمان]

الله يعينج والله يخليه لج

اقعدي معاه و خلي خواتج يكلموونه بعد و الله يهديه

 

[الدانتيل]

_


حاولي يكون موجود مع ابوج احد من اخوانج الكبار او خوالج
والله يعينج مالج الا الدعاء ان الله ييسر الامور ع خير ان شاء الله
موفقه

 

[Lena]

شوفي حبيبتي الرجال كل ماكبر بالسن يصعب التعامل معه يكون اكثر عناد و يسوي اللي براسه و يكون اكثر حساسيه
فيحتاج مراعاه اكثر بالكلام و التعامل .. اسأليني انا .. بابا نفس حاله ابوك كيذا عنيد و ع نياته ع باله عادي يتكلم باشياء مو مفروض
يقولها و كثير يحرجني بس يظل بابا و احبو و العاقل من الناس يشوف إنو مايقول هالاشياء الا من طيب نيه .. فإذا كان خطيبك
عاقل و رزين مابينتقص والدك ع كم كلمه قالها و بيحترمه مهما كان هاذا اولا .. ثانيا انتبهي تنتقصي اهلك قدام خطيبك
دايمن بيني له إنك مفتخره فيهم و إنو عندك ابو يسوا الدنيا و مافيها بعينك .. و من البر اساسا انك ماتنتقصيه و لاتنتقدي كلامه
و تصرفاته (و بتكبري بعين زوجك لأنو اللي مافيه خير لأهله مافيه خير للناس شلون بترضيها ع والدك) ..
و كمان فيك تجلسي مع والدك و تفهميه إنو و الله مو حلو تخلي خطيبي يطلع ع كل تفاصيل حياتنا و مشاكلها
يعني مي حلوه بحقك إنتا رجال لك هيبتك و مكانتك و اسرار البيت تظل بين اهل البيت مو حلو تهتز صورتك قدامه ..
(حاولي تبينيها بااسلوب مو كانك تؤمري و تنصحي انا بصراحه مااعرف شلون لأني صريحه جدا اقولها هيك هع هع )!!
إذا كان ع المهر عارفه و الله إنو حقك و يمكن يادوبك يكفي لجهازك بس هوا كمان والدك رباك و تعب عليك و كبرك
مابيستاهل هالكم دينار اللي بتعطيه ياها؟؟ اعتبريها رد لجزء بسيييط من اللي سواه لك كل هالسنين و احتسبيها
عند ربك و خلي نيتك إنو برا بوالدك راح تعطيه .. سبحان الله بر الوالدين اثره بالدنيا قبل الاخره وتأكدي ربي يتمملك و ييسرلك كثير
بس عشان هالكم دينار .. و موضوع إنو يقول لخطيبك ماعندك عرسان لبناتي .. إنتي قلتيها والدك كبير بالسن و اخواتك برضو
مو صغار و هوا بس من باب إنو شايف إنو كبر و خايف عليكم من بعده يبي يتطمن عليهم لأنو مابيدوم لكم !! بابا سواها فيني مره
قال لولد من جيراننا تعال ازوجك بنتي .. صحيح زعلت و حزت بخاطري بس لمن فكرت فيها بابا يحبني و خايف علي
و الله ماقالها إلا لأنو يبي يتطمن علي بنتو انا .. محرج الموقف بس ايش بسوي خلاص موضوع و عدا ..

 

[أجمل إنسـآنـه ~]

اللـه يهديـــه الشيـآب كلـهم جذي..ربي يسر لج أمورج..

 

[حلا باسل]

اللهم امييييييييييييييييييييييييييييييييييييييييييييين والله يفرج كربتكم

ويسهل امورررررررررررررررررررررركم

 

[حرم ميمو]

وووووي الله يعينج
شوفي قوليله يبه بعد الزواج انا ادبر خواتي بطريقتي سواء مع ريلي ولا مع حريم بدون لا اطيح من قدرهم وارخصهم بعين احد
وبالنسبه لموضوع امج قوليله اذا درا بالموضوع شنو بنستفيد يمكن هالشي ياثر علي ويخرب زواجي وتشيل همي فوق هم خواتي

والله يسهل عليج ويلهي ابوج عن ريلج لووووول

 

[ماركة انثى‘]

الله يعينج خلي احد من خوانج يكون مع ابوج

 

[حياة حبيبي]

وعليكم السلام والرحمة والاكرام



حبيبتي انا مع لينا


بس الافضل انك تخلين احد ابوج يحترم رايه


عاد انتي شوفي عمج خالج اي احد له تأثير على ابوج


خليه يكلم ابوج ويقوله ما يصير هالكلام يقوله لخطيبج

واكيد ابوج راح يقتنع

انا افضل انج ما تكلمينه

واذا قال لا تبينين لخطيبج انج منحرجة من الكلام


عادي خلج واثقة من نفسج


واذا قالج قولي له المثل يقول اخطب لبنتك ولا تخطب لابنك


وقولي ان خواتج يخطبونهم كثير بس ما يكونون مناسبين وما يصير نصيب

وبالنسبة للمهر عطيه لا تقولين له لأ


بس حاولي تفهمينه بدلع ان السوق غالي ومن هالكلام والمهر ما يكفي


واذا اصر انه ياخذ عطيه وبعد فترة ارجعي قولي له ناقصني فلوووس

راح يحن عليج صدقيني ويزيدج بعد

موفقه خير حبيبتي


والله يتمم عليج

 

[((غلاي))]

الله يهديه

 

[Janna-q8]

اذا ريلج سنع بيستانس اصلا من ابوج وبيفهم ان هذا من نظافه قلبه يقول كل شي كل اللي بقلبه على لسانه

عادي انتي بعد لا تتضايجين من ابوج

اذا انتي مفتشله جدام ريلج من ابوج ترى بتكونين غلطانه هذا ابوج رباج و تعب فيج

لكن لما تكونين مفتخره فيه و تحسسين ريلج ان ابوج اللي يقوله عسل على قلبج حتى لو كان غلط بتكبرين بعينه و بيعرف انج باره بابوج

 

[عازفه القلوب]

بالعكس هذا ابوك عطيه من مهرك عشان يتبارك فلوسك والله انا عطيت اهلي وابوي وجهزت نفسي وكفت الحمد لله وبتتزوجين وتشتريين اللي تبين الفلوس تنعوض

 

[&موناليزا&]

الله يطول بعمره ويخليه لكم ان شالله