فضفضه هوتميلية

[M.O.F]

السلام عليكم ورحمه الله وبركاته


شلونكم بنات شخباركم ؟؟

اسمحولي بفضفض والله حدي منقهره

شصاير بالهوتميل ؟؟ شنو هذا كل ما تعودنا على شكله وتعلمنا عليه بعد يومين تغير والله قبل كنت حدي احبه وافضله على كل المواقع الحين رافع ضغطي حدددددده صاير معقد وفوق هذا بطـــــــئ ويعلق ومادري شيصير فيه !!
جنه بقلب عالياهو مع اني ماحبه بس شنسوي بعد


لا ما تصدقون شفتو اخر تغيير للهوتميل والله والله بدوووون مبالغه لما اقعد عليه اتيني دوخه وراسي يعورني منه !!!!!
المشكله ايميلي الحين فيه اكثر من 2000 رساله ومو قادره اشوفهم لانه تلوع جبدي منه لووووول


جني وايد طبيت فيه بس صج حاااارني :s



انتو شرايكم ؟ اييكم هالشعور ولا بس انا !! [

ودي اقدم شكوى عليهم ​

 

[CANDLES]

قدمي شكوى او طرشي ايميل وقولي رايج على هالاستايل لووول
والله محد عاجبه بس شنسوي بعد

 

[M.O.F]

احلى حلاوة

والله شكلي بسوي جذي :\

تخيلي توني شفت ايميلي ولا الهوتميل نفسه دازلي هالكلمه

We made Hotmail even better, and we're not done...‏


وااااااااااااااااااي بموت شنو يعني وي ار نوت دون شنو بيغيرووون بعد لوووووووووووووووووووول !!

الله يستر

 

[CANDLES]

هذي الترجمه
هوتميل حتى قطعناها على أنفسنا على نحو أفضل ، ونحن لسنا القيام به

 

[M.O.F]

هههههههههه الترجمه مو مفهومه

انا اللي فهمته ان خلينا الهوتميل افضل ولم ننتهي بعد


طبعا ماظنتي افضل خلوه يعور الراس وهم ناوين يكملون ابداعاتهم :s

 

[Whisper ~]

^

جنه داري انكم طابين فيه :$
عشان جذي دازين لج رساله يحرونج زياده خخ

شنسوي هذي الدنيا :$
كل شي يتغيرر :$

 

[*دنــيـQ8 ــا الوله*]

اي والله يبطون الجبد ... من قالهم يغيرونه ... انا يالله تعودت عليه وتأقلمت ... حلوه تأقلمت هذه مادري من وين طلعت خخخخ

المهم ... ياريت ياخذون راينا مره ثانيه بالتغيير ... لانه صج مو عاجبني

 

["لمسة حرير"]

اي والله حده مليييييييق

ولا جربي تكبرين الشاشه ماتطلع الاميلات من اليمين تتكبر من جهة اليسار والباجي فاضي

صج صج صار معقد

وبايخ وموحلو

يليت يردونه مثل قبل كان اريح واكبر

 

[غرشوبه]

الله حتى الياهو معقد وما يعجبني وخصوصا في تغير الخط والخلفيه كلش معقد ومليق

لكن الهوتميل الصراحه تغيراته تنبلع ويبيلج بس مسألة تعود ولا كل شي جديد اذا ما تقبلناه ما راح نواكب التطور

انا اقولج اقضب مجنونك لا يجيك اجن منه الهوتميل أحلى من باقي المسنجرات وعن تجربه

دمتِ بود

 

[M.O.F]

لووول اشوه يعني مو بس انا بروحي اعاني
وصدقتي وسبر اشكره بيحروني لوووول

صاير استغفر الله معقد حددددددددددددددددده ما ينبلع يعني انا استغرب ليش ما ياخذون راينه بالتغييرات اللي تصير يسوون تصويت


غرشوبه لالا المسنجر غير قاعدين على الهوتميل صدقتي اهوه الاحسن
بس قصدي استخدام الايميل نفسه بخليه عالياهوو :\

صج الياهو مقعد بس ما يغيرون فيه وايد وتغييرات بسيطه وحلوه مو الهوتميل :\