فضفضه لحوامل البجريات عامه و لعرايس 2013 خاصه♡ .. حياكم خواتي

[لوولوو_88]

السلام كروشات ؛**

حبيت اسوي هالتجمع للبجريات عامه .. و لعرايس 2013 الي حملوا ..

ربي يهون على كل الكروشات و يقر عينهم بشوفه ضناهم و يجعلهم من الذريه الصالحه ..

اهني تفصفضون و تتبادلون المعلومات و الأشياء إلي تمرون فيها .. تفيدون بعض و تواسون بعض بفترة حملكم ♡

و سلامتكم حبيباتي و خواتي ..

 

[قطعة حلا2]

بعد عمري لولو اييي والله يبيله انتجمع اهني عقب ما صرنا حريم هههههههههه

لولو بشريني عنج ?

 

[شربـــات لـــوز]

اخيررا هالتجمع يه بوقته
الله يرزقج لولو

 

[ToOosha88]

انا معاكم تزوجت شهر 6 وحملت شهر 9 انا بالرابع الحين وعسى الله يهون علي وعليكم

 

[الأوركيد~]

مبروك عليكم عرايس

و الله يرزقنا انا و لولو و كل من يتمنى

:eh_s(7):

 

[ms_5ajoola]

اهلين بنااات مبرووك التجمع انا بجرية و الاسبوع الياي داشة شهري التاسع ادعوولي

 

[مذهلة2013]

انا بجريه

ربي يتمم علينا
ويرزق الجميع

 

[أأأميرة الورد]

الله يتمم حملكم على خييييييير

ويرزق اللي ماحملت عن قريب

 

[لوولوو_88]

حياتي حلا بخير انتي شخبارج

آمين حبيباتي و يرزق الجميع .. و يهون عليكم فديتكم

بنات شتنسيتو فيه ؟؟ او شلون عرفتو انكم حوامل .. خل نسولف

 

[ToOosha88]

انا سبحان الله ياني احساس اني حامل حسيت بشعور غريب في بطني وصدري قام يعورني وظهري ومن تأخرت الدورة يوم واحد حللت بالبيت وطلعلي خطين ووقفت مصدومة مصدقه و مو مصدقه وماقلت حق ريلي وثاني يوم الصبح رحت بروحي المستشفى وسويت الهرموني وقالتلي تعالي بعد ساعه وماااا اطولك يا ليل اطول ساعه في حياتي كانت ههههه

وبس رحت والا اتقولي مبروك حامل وانا بس اطالع الورقه متنحه واقولها اكيد يعني ؟؟ اتقولي اكييد يالله رووحي .. جان ابلغ زوجي واهوا مو مصدق يقولي صوريلي التحليل هههه والحمدلله على كل حال الله يرزقكم كلكم ولا يحرم احد من هالشعور الجميل

واذا عالنساة تنسيت في اللبن والورق عنب هههه

 

[Om_HoBi]

عاد في موضوع تجمع بجريات

 

[لوولوو_88]

يا حلوج توشا .. الله يهون عليج حبي

أم هوبي والله ما شفته .. بس كان ودي أخصصه لعرايس 2013 أكثر .. لأنه واسينا بعض و احنا عرايس و أغلبهم حملو .. ولا إهانة بصاحبه هذاك الموضوع و كل الحوامل .. حياهم الله أكيد

 

[^لغموضي معاني^]

عليييكم السلام والرحمه


انا بجريه :$


وبالسابع الحين الله يسهل يارب على كل وحده ولادتها ويرزق كل محرومه يارب


بغيت اسالكم ابي دراريع للنفاس وين احسن شي ولادتي شتوي


جهزت للبيبي وخلصته

وابي افكار حلوه للاستقبال


< ياكثر اسالتج

 

[لوولوو_88]

حبيبتي لغموضي الله يهون عليج .. و يا رب البنات يفيدونج ..

يالله كروشات قصصكم شحسيتو قبل لا تعرفون أنكم حوامل و شتنسيتو ؟؟

 

[كرز.]

انا بجريه بعد ومن عرايس هالسنه
انا طال عمرج ماحسيت بشي بس كنت كله اناااااااام وتاخرت الدوره يوم وسويت تحليل منزلي طلع بوزيتيف وعقبه سويت دم ونفس الشي
والحين نساتي بشقتي وريلي وماحب اشم عطوووور كلش
والله يتمم علينا يارب ويرزق كل من تتمنى

 

[ام أسد]

وانا وياكم بجرية والحين بالثامن والله يسهل علينا يارب

 

[لوولوو_88]

الله يتمم عليج كروزه حبيبتي

و يهون عليج أم أسد ..

بعد قولولنا شلون عرفتو انكم حمل و شتنسيتو فيه

 

[ام أسد]

انا كنت قبل كل ما اسوي التحليل المنزلي مو حامل وظليت فترة ماسويت ومرة كنت طالعة مع ريلي قتله مشتهية اكل اناناس قالي اوك الحين اروح اييبلج وبنص الطريج قالي ماراح اييبلج تروحين تسوين تحليل الحمل يمكن حامل مو زين الاناناس عليج قتله اوك واحنا رايحين انا ادري اني مو حامل مأيسه لان كل ٣ ايام مسويه تحليل منزلي وماكو شي الصراحة اهووو ينني ورحت سويت تحليل وناطرة النتيجة وقلبي يطق وادعي اني حامل طلعت النتيجة وويه الهندي مادري شلون صاير يطمن ومايطمن طلع واهو ويهه معتفس سالته انا حامل جان يهز راسه يقول اي ويضحك وانا اقوله انا انا حامل يقولي اي قتله يامعود تاكد واهو يضحك وانا طبعا من الوناسه قلبي يطق حيييل وريلي طبعا الضحكة شاقته شق مستانس ودقيت على امي قتلها انا حامل قالت صج ولا تقصين علي قتلها اي صج جان تقولي ما اصدقج لين تييبين التحليل وبس وناطرة اوولد بالسلامة متشفقه على شوفته


والنسات طبعا كل شي كنت ابيه الجوافه الفراولة التين الكنار فلفل عيش ولحم حسينية كل شي

 

[مذهلة2013]

انا حسيت من الخمول و صدري كبر و كثره التبول عزكم الله
تاخرت الدوره 4 ايام وحللت وطلعت حااااامل



الف حمد وشكر

 

[معزوفة عشق&]

هالتجمع جاء بوقته
انا بعد بكرريه ودخلت التااسع لي اسبوعين دعووااااتكم كروشات
وبليز بنات ابي افكار استقبال وصور افيدوني الله يسعدكم وينولكم مرادكم