فضفضت حامل

[متفائله بلا حظ]

شلونكم بنات
مبارك عليكم الشهر
والله يتمم كل حامل حملها ويرزق اللي تدور العيال ويجعل ذريتنا صالحين ومتعافين
انا هذا ثاني حمل لي
ومن اول ماحملت ونفسيتي دمار دمار
ظروفي كلها عاكستني اللهم لااعتراض
اول شي زوجي فقدت التواصل معاه وصارت حياتي معه هواش ومشاكل ومتضايقه وابكي

بعدين انصدمت بموت اغلا الناس عندي ابوي الله يرحمه
هالشي كسسسر ظهرري صج والله لليوم ابكي وحزينه عليه عسى الله يبيحه ويرزقه الجنه ويقيه من عذاب القبر وفتنته ويبرد عليه قبره

بعدها بشهرين ماتت خالتي ام زوجي وكانت طيبه وحبيبه الله يرحمها ويغفرلها

واللحين انا بالتاسع طبعا بهالفترره كلها اهمال موطبيعي مااكل وجبات منتظمه و مااخذ فيتامينات ولا كالسيوم ولاحديد ووزني وانا بالتاسع 58
واللحين قربت ولادتي وخايفه
خايفه من الولاده وخايفه ع البيبي
يارب اني وكلت امري اليك يارب تسهل ولادتي وترزقني بطفل سليم متعافي
ادعولي بنات والله بحاجة دعاكم

 

[الريم_85]

الله يهون عليج ان شاءالله ويهدي زوجج لج
والله يرحمهم يااااارب

 

[راقيه وجذابه]

ياحياتي الله يسعدج دنيا واخره وعسى ربي يسخر لج زوجج ويهديه لج ويجعل فيه حنان الام والابو ويعوظج عن كل شي يارب

وعسى ربي يعوظج خير بعيالج ويسعدج فيهم ويفرح قلبج فيهم يارب وينسونج الدنيا كلها

الله يسهل وييسر ولادتج يارب العالمين ويرزقج طفل سليم معافى بلا زياده ولا نقصان يااااااااااااااارب

 

[-فلانة-]

حبيبتي عسى ربي يرحم موتاكم و يرزقهم الفردوس الأعلى..
و يسهل أمورج كلها و يكتبلج الولادة السهلة الميسرة إن شاء الله..
عسى ربي يجبر بخاطرج و يمسح على قلبج و يرزقج بالضنا السليم المعافى من كل شر إن شاء الله.​

 

[ديمة بنت غنيمة]

ادعي وقت الولاده ان الله يهدي زوجج وان الله يغفر لموتاكم

 

[متفائله بلا حظ]

مششكووورييين بناااات
والله يسسمع منكم ويجزااكم الف خير ويسهل علي وعليكم ويسخر لي ويسخر لكم يااارب

اسعدني دعائكم والله 

 

[sosowaty]

عسالله يهون عليج و لا تخافين

ان شاء الله ما فيج الا العافيه

و الله يرحم ابوج و خالتج

و ترا كلنا من نحمل نفسيتنا تنقلب ١٨٠ درجه

بس مو معناته ندور الهواااش

نتحمل لا تكرهين ريلج فيج

و الله يسخرلكم لبعض

 

[مناوووي]

الله يرحمهم


وعسي ربي يهدي زوجج

 

[المزه]

حياتي الله يهون عليج ويشرح لج صدرج وييسر لج امرج والنفسيه شي عادي مع الحمال خاصه بالشهر الاخير وبعدين انتي معذوره عشان وفات ابوج الله ييرحمه وزوجج بعد اكيد متاثر من وفات امه الله يرحمها ان شاءالله من تقومين بالسلامه انتي والمولود الجديد يتغير حياتكم شوي للافضل ان شاءالله وتنشغلون معاه شوي وكثري دعاء وصلاه على النبي واستغفار وبترتاحين

 

[جـــواهر]

الا بذكر الله تطمئن القلوب

 

[سارة ة]

الله يهون وييسهل عليج

 

[Katkoota85]

الله يرحمهم ويغفرلهم ويعفو عنهم وعن موتانا وموتى المؤمنين .. والله يصبركم ويسهل عليج يارب

 

[mi corazon]

الله يشرح لج صدرج

هاذي فرصة ابليس يدخل لج

لا تخلين له فرصه ترى يدمرج

تقربي من العزيز الرزاق رب العالمين وبتشوفين الخير

 

[عسل حدي]

للرفع