فضفضتي

[لذة شقاوه]

السلام عليكم حبيباااتي
حبيت افضفض لاني تعبت نفسيا
نفسيتي تحت الصفر والله
بس ابجي وخاااااااايفه ومو قادره ادرس >> مو من صالحي ادري
بس والله تعبت ابيكم تشجعوني ترفعون معنوياتي
بيتنا درسي درسي ثانويه عامه اوكي بدرس بس قعد يضقطون علي حيل وهذا مو من صالحي والبي بي اسحبوه وطلعه ماكو ونت ماكو وتلفزيون ماكو وانا تعبت ملييييييت
انا 12 ع
وبس اسمع يوتيوب ياحلم قلي وش يضر لو تحققت
تكفووون مالي غير الله ثم انتم
اي وعلى فككره الاسبوع الي طاف نفس هاليوم جدي توفا يعني طالعه من عزا والنفسيه زفت

 

[دبدوبه q8]

حياتي انتي

اول شي <<< عظم الله اجرج
و عساه قبره روضه من رياض الجنه



و اذا ع الدراسه
عادييييييييييي عاديييييييييييييييي <<< انا 12 ع



ترا امتحانات الثانويه العامه حالها حال باجي الامتحانات

بسسسسسسس يبيلها دراسز نماذج امتحانات لا تقولين باكل الكتاب

ما ينفعع لااازم نماذج <<< نظام الاسئله غير الكتاب و مكرر



و اذا للحين ما درستس هم عادي

الفيزيا جدامج وقت
و الرياضيات قبله بريك 4 ايام
و الكيميا خلي له يوم واحد بس اللي اهو باجر درسي الفصل الثاني
وو الاول بالامتحان


اما الانجليزي و العربي و الاحياء و الاسلاميه <<< ما اظن يبيلهم دراسه مثل اللي قبلهم




و اذا نفسيتج مو شي
غيري مكان الدراسه <<< درسي بالسطح بالدرج (( انا ادرس بغرفة الغسيل فوق النشافه )) << من صجي
و اذا ع الوقت <<< اخذيها مني قومي 7 الصبح و درسي

دراسه النهار غير الليل
نامي طوووووووول اليوم بس من 7 لي 3 العصر دراسه


اهم شششششي ركعتين قبل لا تفجين الكتاب و اقري شوي قران بترتاحين


و الله يوفقج و يسسسسسسسسهل عليج
من قلبي هالكلام <<< لاني السنه اللي فاتت جدي متوفي

 

[@ورد البنفسج@]

عظم الله اجرج حبيبتي
انا بعد 12 ادبي لاتححاتين واايد ع الدراسه والجدول حيل حلو كل امتحان صعب حاطين قبله ايام عطله
والله يوفقنا ان شالله

 

[Miss Baskin]

ياعمري
ماعليج من احد
ترا الثانويه العامه حالها حال باجي الفترات
بس يعني مغيرين الاسم
انتي ان شالله قدهاا
تدرين شلون اذا ضغطوا عليج
اكيد بتضايقين طلعي حرتج باالدراسه
قولي بشد حيلي عشان ابين لهم اني قدها
انا جذي اقول بكسر عينهم
شكثر ناس باطين جبدي ودي اخذ نسبهم عشان اسكتهم
ترا ورد البنفسج وضحت لج الطريقه صح
والله قعدي الصبح لي العصر المغرب بالكثير انتي مخلصه
وترا الفيزيا عندج الويكند
والماث بعد
والكيميا سهالات لاتحاتين الفصل الثاني تعاريف ومسائل بس فهمي طريقه الحل
والاحيا سخيف مو نفس العذاب الكورس الاول
والاسلاميه بيومه العربي
امممم ع حسب دايما غبي اف اكره
بس لاجيتي تدرسين قولي لازم اشد حيلي اخر مره امتحن العربي وبفتك منه
عشان تشجعين نفسج
والانقلش ع حسب اذا انتي حافظه من قبل ولا لا
ع اقل احفظي Unit 11&12
لانج مادرستيهم
والباجي ممتحنه فيه
والله يوفقج
ويوفقنا
وصدقوني الايام تركض بسررعه
باجر بتنزلين موضوع
بنات خايفه متئ النتايج
وقولي انا ماقلت 
واهلج اذا ع سالفه النت والفون قوليلهم اوك
بدرس بس لازم اخذ بريك شوي
مو زين ع نفسيتي
وقولي لهم بكلم رفيجاتي اشوف شنو معانا مو معانا
مو حلو انقطع عن العالم
والفي عليهم قولي بسال ابلااتي
جنه عندج ابلات بلستتج
هع هذي الحركه اسويها
بس صج اكلم ابلاتي
بالااخير
الله يوووفقج

 

[Miss Baskin]

اخذ نسبه *
مو نسبهم "

 

[Miss Baskin]

اللي عندهاا رابط نماذج امتحانات تحطه

 

[MayOumii~]

بعد عمري لذوذ
فظم الله أجرج إن شاء الله وعسى مثواه الجنة قولي آمين


شوفي حبيبتي بمآ إن مآ بقى شي
رآح أعطيج جدول تقدرين تمشين عليه وان شاء الله تقدرين اتييبين نسبة عآلية

أول شي بخصوص النفسية
خلي عنج الأغآني هذآ أهم شي والله وكله حطي القرآن بإذنج وقبل لا تنآمين وسمعي أقل شي سورة الملك
صدقيني نفسيتج بتقلب 180° وبتصيرين تشوفين الدنيآ أحلى وغييير

ثآني شي بعد كل صلآة ضروري ادعي حق يدج ثم ادعي لنفسج ان الله يوفقج بالامتحآنات ويهدي قلبج ويرزقج النسبة إلي تبينهآ وإدعي حق غيرج لأن الدعوة مردودة لصاحبهآ ..وترى للدعاء أهمية كبيرة لا تهملينهآ..الله سبحانه يحب إن العبد يرجعله كل وقت فإن شاء الله مآ راح يردج

ثآلث شي بمآ إن مآ بقى شي على امتحآن الفيزيا سوي جذي
هالثلاث أيآم كله درسي فيزيا قسمي فصل فصل وبجذي قبل الامتحآن بيوم بتكونين مخلصة 3 فصول يبقآلج وآحد رآجعيه مع الثلاث فصول قبل الامتحآن بيوم
وانصحج أخر فصل خليه أسهل فصل
و
واليوم الي وره بيكون عليج إسلاآمية اذا انتي ذآكرة شوي من مآل الفترة الثآنية هذا شي حلو لان الي بعده كللله سهل والاسلامية دايمآ يكون سهل لا تحآتينه

الي وراه راحة بنفس اليوم ردي البيت من الاسلامية مسكي الكيميا درسي الفصل الصعب عليج واتوقع الفصل الأخير أصعب من الي قبله فدرسي واليوم الثآني راجعيه ودرسي الفصل الاخير

إلي بعد عربي لا تآخفين ترى سهل وآيد واحسه اخف من الكورس الي فات خاصة البلاغة درسي مآل الي بالموقع مال الوزآرة ملخص وحلوو واقري بعدهآ الكتآب بتركيز

وبعدين راح اتييج 3 ايام راحة والرابع امتحآن مسكي هالثلاث ايام كل فصل يوم وطبعا الاحصاء مآ يبيله شي سهل تقدرين اتدعسينه بين اي من هالثلالث فصو


الي ورآه انجليزي اتوقع هم سهل والقصة أحلى من الي قبلها واسهل لا تحآتينه

الاحياء عندج يومين درسي فيهم ترى سهل بعد

والله يسهلها عليج ويلهمج الصبر
ويرزقج النسبة الي تبينهآ والعالية

ترى كلنآ أهلنآ يحبسونآ انا اصلا اقول حق امي مآبي أطلع أخاف أشوف ويه النآس وانسى
والتلفون لاحقة عليه تذكري ان هاذي اخر مرة يسحبونه منج وقوليلهم ابيكم توعدوني اذا يبت النسبة الحلوة مآتاخذونه مرة ثآني

والله يوفقج

 

[MayOumii~]

وبخصوص الامتحآنآت دشي على ثآنوية الإمآم مآلك وبعدين دخول الطالب بعدين نماذج الامتحآنآت راح تلقين امتحآنآت السنة الي فاتت

 

[فصلآويـه]

عظم الله اجرج حبيبتي
:*

انا متخرجة وكنت تقريبا نفسج واهلي قبل الامتحانات بشهر ساحبينه مني
لا تحاتين اللي كاتبه ربج بيصيرر
لا تتعبين روحج حيل باول الامتحانات عشان ماتاكلينها بعدين

وصدقيني هونيها وتهوون وكل امتحان سهرري له
ولاتشغلين نفسج بشي غير دراستج

واذا حسيتي ان الكمية وايد كبيرة ركزي على الاشياء المقدور عليها
لاتضيعين وقت وتتوترين

والله يوفقج ويسهل عليج وماتنسين شي بالامتحان كلش يااارب

 

[لذة شقاوه]

اجرنا واجركم حبيباتي جزاكم الله خير وعسى الله يوفقكم ويوفقني ونتخرج ونييب نسب عاليه يااااااااارب
لا تنسون تدعولي وادعيلكم يارب

يارب كلنا نااااجحااااااااات وبنسب ترفع الراس يارب

 

[PO PO22]

حبيبتي لذووذعظم الله اجرج الله يرحمه ويغفرله
مااشاءالله البنات ماقصرو حتى انا استفدت منهم
يعطيهم العافيه
والله يشرح صدوورنا للدراسه ونحفظ عدل ونفهم عدل ونجيب اعلى الدرجات ونجي هني ونحط نسبنا بكل فخر 

 

[لذة شقاوه]

اجرنا واجرج حبيبتي اي والله ما قصروا فديتهم
وانتي بعد فديتج
يارب ان شاءالله والله يفتح نفسنا للدراسه ونحبها