فضفضة جامعية

[طموحي انجلش]

السلام عليكم ورحمة الله وبركاته
دورت بالقسم موضوع فضفضة وتبادل خبرات مالقيت فقلت اسوي هذا
شلونكم وشخباركم مع الكورس اليديد
_____________
بدخل بالموضوع دوووغري
________________
اليوم طبعا أول يوم واحتست حوسة العالمين فازعة من صباح الله خير ورايحة كليتي ( الآداب) وسفطت بموقف حلو ممتاز جداااام الباب
رحت القاعة والا الدكتور غير موجود _ للعلم أنا متأخرة عشرين دقيقة بعد عن الوقت_ انتظرت شوي ومايا الدكتور فقلت اطلع
باقي على محاضرتي الثانية اكثر من ثلاث ساعات ومن كثر ماكنت متحمسة كنت أحسب إن اليوم هي محاضرتي الساعة التاسعة ونص ونسييييت انها هالمحاضرة اللي بالتسع ونص فقط يومي الأحد والأربعاد وانتظرت وبالاخير رحت الكافتيريا افتح ريجي
__________
ألحين اتيي الفضفضة الحقيقية :
بعد ماتريقت رحت أسأل عن مبنى واحد بالاداب قال لي السيكيورتي ان هالمبنى بكلية التربية :eh_s(16): شاف كريشتي جدامي ورأف بحالي قال معاكي سيارة ؟ قلت اييييه قال خلاص روحي بالسيارة لأن مشوار بعيد عليج ..رحت وكانت الساعة تقريبا عشر إلا ..... وأنا محاضرتي 11
رحت وبطلعة الرووووح لقيت موقف والبيوت الي جدام التربية مساكين كلللهم حاطين حديد ممنوع الوقوف
سفطت بعيد شوي وأنا أمشي لبوابة التربية شفت شي يرفع الضغط ... السواااق الي قاعد بسيارته وصافطها بحلج الباااااب ومتشرقد ومشغل لج أغاني والأخ ممزج عالآخر ... يقهرووووون كلهم ماخذين المواقف مكتسحينها:eh_s(14)::eh_s(14):
جان زين اتيي دورية وإن شافت سايق طلعته وخلته يمشي متى مابغته المعزبة دقت عليه وياها برسم الخدمة خو بعد سيارته تحت ايده ..فخل يسفط بعيد أو موقف مخالف أو يسكر على احد حزتها يقدر يوخر
دخلت وسالت عن مبنى رقم 1 ووصلت له .. ولقيته دور واحد ولما سألت السيكورتي عن القاعة رقم 300 وشي .. جان يصدمني .. قال ( دي بالآداب مبنى عشرة ) لاااااااااع .. لاتقووول تكفى:eh_s(16):
وتخيلوا اروح أمشي على ريولي إلى مبنى عشرة الدور الثالث على ماوصلت إلا البيبي ببطني صااااير كرة متيبس حبيبي ..
وبسسسس
كان الخطأ من السستم كاتبين مبنى رقم واحد وهو الصحيح رقم عشرة
_____________
في شي ثاني باط جبدي وبسألكم عنه .. هو عن السحب والإضافة .. بس إذا شفت تفاعل .. وإلا خلاص .. عشان قصة الويه :eh_s(8):

 

[فزهةّ خٌفوق]

وعليكم السلام وآلرححممه *

الله يعينج وعسسى ربي يتمم عليج ،

انا صارتلى نففس السسالفه *
بَ التربيه . .

كاتبين بالسستم مبنى 2 وطلع الجبرَات *_*

وخلص وقت المحاضرهه وانا أفتتتتر آدورهاااا

 

[نبض الجود]

ويه جد الله يعينج ،

يكتبون اسم المبنى غير بالجدول ،

نفسي اليوم المبنى 32 ومكتوب بالجدول 3

وكل الطلبه يعرفون ان 3 اهو 32 زين والمستجدين ؟ واللي مآعندهم احد يعرفونه بيتوهقون ،​

 

[#شيطونه#]

وااااي حياتي الله يتمم عليج يا رب شنو ما فيه اصنصير اشدعوا جامعه ما فيها


الله يسهل عليج يا رب

 

[DaLoo3t BaBaTii]

.



آلله يعينج ، آنآ مآ آحب كيفآن كلهآ مشي و تضيع :/

،

بالنسبة لي ، كلاسي الاول ادله لان يم كلاسي الكورس اللي طاف فـ سيدآ رحتله < و قعدت سآآآآآعة و الدكتورة مآ حضرت :/

،

و آلكلآس آلثآني قعدت آدوره ، و عقب رحت مع رفيجتي سألنآ السكيورتي ، طلع آلكلآس يمه :/

و هم كآن معتذر :/

فـ دوآمي آليوم كلش مآآآآله دآآعي !

عآد آن شآء آلله دكآترة بآجر يدآومون :/

.

 

[Mrs_Efron]

محد يدري اذا الاداريه داومو الدكاتره ؟

 

[RORO_13]

ويع الله يعينج

عاد انا خلقه اذا دخلت كيفان اضيع احسها مغموته

اما سالفة السواق تفقع مرارتي :eh_s(14)::eh_s(14):

 

[طموحي انجلش]

واي بنات بعد عمري والله ماقصرتوا عالدعوات الحلوة

 

[طموحي انجلش]

شيطونة حبيبتي امبلا فيه بس مافطنت له الا بعدين

 

[فتاة أعمال]

كيفان صج مكتضة بس يم بعض ... تعالي شوفي شوويخ كل كليه بمكاان بس زيين مكان واسع نظيف و مو زحمه .....

 

[الرهيبه]

والله هالكوورس سالفته سالفته و كرهت دوامي

ما في الا نقول الله كريم

 

[Nor3eni]

موفقين بناااات

 

[MiSs^^3OoBa]

وآآآآي دوامي حدده يبط الجبد الاحد والثلاثا عندي ماده ساعه2 رحت لها الاحد طلعت معتذره والثلاثا هم معتذره ولا اللي يبط الجبد انه المحاظره بالجبرات ولا وعشان ماده وحده اداوم واليوم الله لايوريكم ززززحمه كيفان من1 ولي 4المغرب والسايد موقف
ماوصلت البيت الا خمس ماسوت علي هالدوام

بس الاثنين والاربعا دوامي زين يعني كل الدكاتره حاضرين بس اول محاظره تاريخ الكويت عند الدكتور محمد نايف العنزي يمممممممممه هالدكتور يخخخرع يقول اذا الشعبه ماطلعت محترمه راح الصعب الامتحانات واملج تجيبين 10 من 50 واذا كنتوا محترمين كل شعبه a وانا شيضمني اذا الشعبه زينه ولا لاء يمه كلامه يخوف وشدديد حيلل


اي بنات بغيت اسأل عن السحب والاضافه السستم مسكر صارله يومين مو راضي يفتح ليشش واذا ابي السحب مادة الاحد واضيف ماده الاثنين والاربعا يستقبلوني مكتب العماده لا ن اغلب البنات يسسحبون مواد يصير اضيف ماده وانا مسجله 12
وحده


وبسسسسسسسسسسسسسسسسسسسسسسسسسس


ردوا على سؤالي بليزززز

 

[طموحي انجلش]

مس عوووبة .. حبيبتي يقولون ان اليوم في واحد ميت بسيارته عند بوابة رقم 4 والشرطة مختبييييين ومباحث وطبعا لقافة الناااااس ماتخلص
ساعة الا ربع طلعت من موقف سيارتي وتميت واقفة عنده ماااااتحركنا ..السيارات واااقفة بطلعة الروح دعست نفسي لين طلعت من صوب مواقف سنترال كيفان واضطريت انزل من رصيف رفيع واأنا سيارتي صالون ..
بالنسبة لسؤالج رحت مكتب مساعد العميد أول يوم دوام أنا خابرة البنات الي هناك نفسهم حلوة .. ذاك اليوم صارت الي جدامي مصرية وتهاوش مادري شفيها أسألها بصوووت نعووووم ..لو سمحتي ببدل مادة ..جان تهاوش : ليش دي الوأت؟ لما بدت الدراسة ممنوع التبديل والسحب
قلت لها في مادة ماتناسبني كللللش وابي أبدلها بمادة العصر وأنا 12 وحدة
جان تقول ياسلام طب مانتي عارفة القوانين اقل شي 12 وحدة وماتقدريش تسحبي مادة عيزت افهمها اني ببدل مابي أسحب جان تقول اسبوع السحب والاضافة خلص سكرنا مافيش

يممممممه واي قاعدة اطر منها الظاهر ..
فما اتوقع يامس عوبة انج تقدرين تغيرين
حتى السستم مسكر معاي
يالله فضفضوا فضفضوا وأنا أختكم

 

[فتاة أعمال]

اصلا الزحمه انا اشوفها من طلاب و طالبات الجامعه ... كل وحده اهيه و سيارتها متفشخره فيها يعني عندي سياره .... لا و السياره كبيره و فاضيه ما فيها الا اهيه اقووول مالت بس ...... و لا البنات بعد يمشون ع بيض و ع كيفهم مو جنه في ناااس وراهم خلصووونا روحو بااص او ركبي معاج بنات بدال هالسياره الفاضيه ......و لا عند الدخله مالت كيفان اللي نلف السياره عشان ندخل .. نص السيارات واقفه هني و ناطرين الاشاره و ما يبون يدخلون الجامعه ... و لا صوب للفه ننطر الاشاره اللي جدام متى تصير خذرا عشان تمشي السيارات اللي صوب المدخل مع انه ماله شغل بالاشاره .... يقهروون هذول اللي يوقفون صوب المخل الجامعه ع اساس ما يبون يدخلون لا يبون يروحون جدام و يعدون الاشاره ....

 

[مزن الكويت]

واااااي الله يعينج ماالومج والله
احناا البناات اذاا مشينااا يهد حيلنااااا هد
شلون الحوامل الله يعينهم ويسهل عليهم
ونفس الحال عندناا بالكليه يخربطون بالقاعات وسبه السستم
الله يعيناا

 

[طموحي انجلش]

بنات انا عند الدكتور حمد صقر ال بن علي
ترا لاعت جبدي من طرييييقته مايعلللم مااااايشرح واي ابتلشت عاد المادة أساسية 141
واذا قلنا شي غلط مايصحح لنا .. يقول اف بصوت واطي ويعفس ويهه .. ويغير البنت الي جاوبت مايعطيها فرصة تصحح اجابتها وتحاول ..وايد يدقر..
وكان قايل لنا بالبداية ترا انا دوامي على جو الكويت يعني غبار ومطر مايداوم..ياسلاااام سللللم..
كلاسه مايحممس مافيه منافسة نقرا الدرس نرفع ايدنا نجاوب على اسئلة الدرس بدووووون مناقشة ..
شلون بيدرسنا القواعد بعد اسبوع مااادري؟ مايشرح

 

[البارونـه]

الله يعيينج ويسهل عليج
احنا دوامنا بعد اسبوع وللحين معتفسه بالتسجيل
بنات انتو يسكر عندكم الحذف والاضافه من اول يوم ؟ احنا يسكر بعد اول اسبوع عشان تجربين الدكاتره وتضبطين الجدول

 

[ورور92]

ويع الله يعيينج

توني اتحلطم بتجمع الشريعة على المسافط وهالسواويق اللي ياخذون مسافطنا !

مرة ثانية بسكر عليه وبمشي عشان بتأدب ويبطل هلاقة !

ما احوس ساعة الا ربع عشان الاخ يتسدح ولا ينزل من السيارة يهذر

وظيفتكم سايق تقعد بالسيارة بعيد وتنطر مو تاخذ مواقفنا

وهالشي ينطبق بكيفان بالذااااااااااااااااااااااااااااااات بالتربية والشريعة بشكل خاص !!

صج ان لم تستحي فافعل ما شئت

اذا شفتي هندي بمسفط ذهبي وانتي حامل بعد الله يعيينج و يسهل عليج ولادتج .. طلعيه من المسفط واذا ما رضى سكري عليه وحقريه ونزلي

والله أأجرت لي جيب عادي ودوامت فيه وايد ارتحت عشان اسوي فيها اللي ابي ومااخاف عليها واسفطها بعيد نفس سيارتي الاساسية لووول

الله يعيينا عالزحمة ومزاج الدكاترة