فضايح دكاتره " ...... " كما سمعتها ..!!!!

[fsamn]

السلام عليكم ورحمه الله وبركاته ,,
/
/
/

الي يحب يقول عني متخلفه .. رجعيه .. " مو فاهمه " << وركزوا علي هذي بالذات
علي كيفه وانا احترم رايه .. مو طيب مني .. لكن لاني اشوفه جاهل
والجاهل دايما ظنه " بحسن عقله " ...موضوعي باختصار :

(( عمل الرجل في تخصص امراض الناسء والولاده )) :0bee2e8d89:

الي ينرفز احيانا ان " شرف وعرض " مهنه الطب انتهك من بعض اطباء امراض النساء للاسف الي خالفوا الفطره السليمه ... ودخلوا في تخصص ما ينفعهم
ولا يضيف لهم اي ميزه .. بل علي العكس تماما ..عادوا " بفعل فاعل "
الي بدايات جنسهم المكتوب لهم في شهاده الميلاد ... " ذكور "

ما يعرفون الغيره ولا الحياء ... ومهما برروا هذيلا الاطباء طبيعه عملهم ...

ما راح يكونون في نظر معظم الحريم الا .. " نسوان بشوارب" :eh_s(14):

نتيجه احتكاكهم " الاكثر من مباشر " بالحريم ..

في بدايه ظهور الطب الحديث والي كان منبعه الغرب
كان فيه تقسيمه للتخصصات الطبيه والي ادخلوا فيها الرجال والنساء ..
ومنها امراض النساء والتوليد .. وهم طبعا ما عندهم اي اعتراض علي مبدأ ادخال الرجل لهالمجال لان لا دين ولا عادات تمنعهم من استبعاده !!!

ولان احنا " مو ناقصنا شي " ولازم ما يغلبونا
ويقولون اننا متخلفين عن قطار الحضاره السريع ..
تقبلنا الموضوع .. وصار فيه فئه " مثقفه " من الحريم تطلب الدكتور بدل من الدكتوره علشانه " يفهم " اكثر ..

حتي الاطباء انفسهم وعن طريق الكشف .. صاروا يعرفون الي جايه تبي تعالج
من الي في عقلها خلل .. لانها وبكل هبل ..>>> راح يجيلي من هالفئه شلل رباعي

جايه تدور الوناسه في المستشفي مع ان اماكن العربده صارت متوفره للاسف


*********

وهذي بعض المواقف الي سمعتها من اخوات " غيورات " علي اخواتهم النساء حصلت
من بعض الاطباء " المتبحرين " بهالمجال ..

وحده من الاخوات قاعده تنطر دورها في قسم امراض النساء للدخول علي الدكتور
وفجاه جائت احدي المراجعات وهي شابه وحامل في اول حمل لها مثل ما سمعت اختنا
منها لاحقا ودخلت علي دكتور كويتي وطبعا " كشف " عليها
وطلع من الغرفه وما لاحظ ان الاخت جالسه تنتظر .. فقال حق رفيجه الي طالع من غرفه الاطباء " بشفاح " واضح ..
((( الحق في وحده داخل لا تطوفك ))

طبعا اخينا راح داخل الغرفه وبعد شويه طلع !!!!!!
الاخت المنتظره دخلت عليها وسالتها الدكتور الثاني شسوالج قالت " فحص علي "
لكن الاخت الجالسه ما سكتت وقالت لها علي الي سمعته من الاطباء وللاسف كانت رده فعلها غايه في البرود ..
وقالت شسوي مع ان الشاهده مستعده تشهد بالي شافته ..



ايضا روايه ثانيه صاحبتها كانت في وضع ولاده .. والدكتور الوافد مع الممرضه
الفليبينيه <<<<< وما ادراك ما الفليبينيه اقذر خلق الله
وكان الدكتور يتغزل بالممرضه وبالفاظ فاحشه قذره .. علي اساس ان الوالده ما تفهم انجليزي او بالاحري في وضع ما يسمح لها بملاحظه الي يصير في الغرفه
ولما خلصت صاحبتنا من ولادتها .. قالت للدكتور عن الي سمعته من باب النصيحه وانكار المنكر .. وهو الي تفاجا فيه الدكتور وما عرف شلون يرد عليها ..



دكتور عراقي من الي " انغسلت وجوههم بالدم "
والي والله ثم والله .. يبيله ضرب " بالخيازرين المملحه " علي دياثته
كان يولد وحده من قريباتي وكانت ولادتها متعسره شوي ..
فطلب كرسي علشان يقعد .. تخيلوا لما طلع الطفل " طشر " الدم في وجهه الدكتور
طبعا بكل صفاقه وجه .. قالها :
شفت يا فلانه شسويتي فيني ؟؟؟
وليش ما يتغشمر ؟؟ هو في وجهه ذره حياء او باقي عنده رجوله بعد هالي صارله ؟؟؟



دكتور مصري ثاني .. ممن تخصص في مساعده الازواج في
" مهمتهم الزوجيه " .._03BA:
يتكلم عن الحريم .. ويقولها وبكل صراحه :

" هي البلد دي ما فيهاش رجاله ولا ايه ؟؟؟ ده النسوان دول تعبانين خالص .. ربنا يكون في عونا " :


اخواني اخواتي :
هذي حمله بديتها انا في احد المنتديات الاسلاميه وشاركوني فيها كثير من الاخوات الفاضلات ... لتوعيه الحريم الي استسهلوا السالفه بحرمه الولاده علي يد الطبيب الرجل .. والي الدين ما وصل عندهم لدرجه الايمان
ومثل ما يقول ..
" اذا لم يكن لك ناه من دين فليكن لك زاجر من عقل "

وهذي بعض الادله " العقليه " علي هالكلام " :



1- توفر العنصر النسائي من دكاتره مواطنات ووافدات وممرضات

2-الولاده عمليه اصلا ذاتيه وما تحتاج لتدخل ممرضه فما بالك بدكتور ..
وحتي لو سائت الحاله فيكون دكتوره ومو دكتور

3-توضيح نقطه مهمه وهي ان شهاده الدكتور مثل شهاده الدكتوره
" نفس التخصص والدراسه والشهاده "
وهي رد علي الي يقولون بضروره تدخل الدكتور في حاله الخطر

4-لو احتجوا الحريم بالفتاوي القديمه فسيكون الرد ان هذه الفتاوي ظهرت علي الوضع المتوفر انذاك وهي قله العنصر النسائي

5-تذكير الاخوات بحياء الصحابيات والامهات والجدات قديما وان الحياء اصلا دليل علي ايمان المراه .

6-لازم الامهات يمنعون عيالهم من دخول هذا التخصص وان تتشدد في منعها لو تطلب الامر وتوضح له حرمته حفاظا علي سمعته وهيبته ورجولته .

7-فيه من يقول بضروره وجود رجل يتخصص بامراض نساء وولاده لانه الاقدر علي السفر.. لو تطلب حضور مؤتمرات طبيبه في الخارج .. او بعثه يدرس فيها كل ما هو جديد في عالم تخصصه .. وهذا مو عذر لانا بنطالب الدوله بافاد كادر طبي متخصص لتدريس بناتنا في بلادهن .. والحكومات الخليجيه غنيه ووتقدر توفر هالشي لو تعاون معنا نواب البرلمان الاسلاميين وطالبوا بذلك ..
او تتكفل البلد بمصاريف المحرم لهذه الطالبه ..

6-وانا ادري ان المطلب الاخير يتطلب وجهود كبير منا
وطرق كل الابواب بعد باب الله سبحانه وتعالي
لكن بالاستعانه والتوكل علي الله
راح نوصل والناس فيها خير كثير لو اخلصنا النيه والعمل ..

واما الدليل الشرعي
وتقدرون ترجعون لفتوي الشيخ ابن جبرين بهالخصوص

**********

 

[عود ومسك]

مشكوره على هالكلام والله يجزاج خير
بالعكس هذا مو تخلف .. والله اني قبل يومين قاعده افكر اقول ليش الرجال يدخل هالتخصص؟
وانا والله لو ما كنت محتاجه عمليه ما كان خليت الرجال يلمسني واللي حدني على هالشي اني كنت حاله مستعجله وكنت رايحه مستشفى حكومي تعبانه وصارت الولاده والا انا عندي ملفين عند دكتورتين وما احب اراجع عن رياجيل

 

[الحلوة محد يردها]

مثل ما قالت أختي اللي فوقي كلامج حبيبتي مو تخلف
بالعكس هو الأصح لو جيتي بالشرع اذا صوت المرأة عورة
فما بالج اذا هي كشفت جزء من جسمها لرجال غريب
والله يا حلاة الدكتورة هي اللي راح تفهمج أكثر و تريحج
لأنها أكيد جربت الولادة مثلج اما الدكتور بالعكس ما جرب آلام الولادة
و لا راح يجربها فمنو حبيبتي راح تختارين !!

تقبلي مروري
أختج : الحلوة محد يردها

 

[العين الكحيله]

موتخلف بالعكس هو الصح

ماقصرتى ياقلبي

 

[مسك أبيض]

جزاك الله كل خير ياليت من يتعظ ذكرتيني كان عندي عملية تنظيفات وطبعا دكتوره بس كان في طبيب التخدير رجال وانا كنت خايفه بعد ماخدرني قلت له دكتوووور قال لي نعم قلت له اطلع بره هههه ونمت وماصحيت الا العملية خلصت بس بعدين قمت اضحك على حالي وانا اقول له اطلع بره بس كنت خايفه انه يشوفني مع انه كان فوق راسي عشان التخدير بس الله اعلم بالنيات ...

 

[0(مـــســـ(مطير)ــــــك)0]

الشرهه مو على المره الحامل اللي تخلي رجال يفحصها ... الشرهه عل المره الثانيه اللي سامح زوجته يفحصها رجال !!!

 

[عود ومسك]

الشرهه مو على المره الحامل اللي تخلي رجال يفحصها ... الشرهه عل المره الثانيه اللي سامح زوجته يفحصها رجال !!!

هههههههههههههههههههههه ياحلوج يا مسك...احتمال يجيج هجوم الحين على هالكلمه
والله ومو بس كلمتج هذي قولي بعد مرت الدكتور شلون ترضى؟
انا لو يجيني دكتور بهالتخصص ما اخذه..وحده من جماعتنا ولدها الحين يدرس طب والسنه الجايه بيدرس نسا وولاده..هم كل سنه يدرسونهم عن شي..انا قعدت اصيييييييييييح اقولها تكفيييييييين لا يدرس يا فضحى والله شي يفشل شي محررررررج تقولي ياحرام شيسوي دراسته كذا والا هو ما وده

 

[شوارفسكيه حمره]

ماقصرتى ياقلبي

 

[Ibtisama]

انا اعرف وحده من اهلنا تخصصها تمريض و كان عندها ميداني باحد المستشفيات تقول يات بنت شابه صغيره حق دكتور توها متزوجه و تشتكي من التهابات و تقول قال لها الدكتور تكشف .. والله يا بنات البنت اللي اعرفها تحلف تكون الدكتور و اهو يفحص غييب يعني صار بعالم ثاني و البنت طبعا تتألم و تتأوه من الفحص لأنه كان يضغط عليها بأماكن والرياال صار بعالم اخر لما يسمعها تتأوه .. تقول انا خفت و طلعت بره الغرفه و سالت الممرضات اللي يشتغلون الدكتور هذا سوا جذي و جذي قاموا يضحكون الممرضات وقالوا عادي هذا الدكتور مو صاحي كله يسوي جذي.. تقول و طلعت المريضه على نياتها تقول ودي اقول لها بس بعدين سكت

نصيحه يا بنات فحصوا عند دكتورات

 

[mi corazon]

والله انتي صح من فوق لي تحت

نفس الفكره كانت في بالي

وتساألت عن شي مالي درايه فيه .. هل يوجد دكتوات حريم في مجال الذكوره والبروستات؟ يعني المره تكشف عالريال؟

اهني تصير المسألة منتهيه والحياء انمحى من الدنيا

اختي ولدت على ايد وحده من اجمل الدكاتره اسمها ناهده العلي بصراحه اختي على وصفها حسيت ان شهادتها فيها مجروحه

ولادة اختي كانت صعبه وكان فيها سكر الحمل والبيبي طلع منتفخ من السكر

كان المفروض قيصري بس خلتها لي الاخير وولدتها طبيعي الله يعطيها العافيه

وسوتلها تجميل لأنها كسرت خاطرها من الولاده

عالعموم يابنات من ترك شيئا لله عوضه الله بأحسن منه

 

[مرافئ الذكريات]

موتخلف بالعكس هو الصح

ماقصرتى ياحياتي

 

[fsamn]

حبيباتي الغيورات

عود ومسك

الحلوه

بنت العز

مسك ابيض

مسك مطير

شوارفسكيه

ابتسامه

مس كورازون

مرافئ الذكريات


اسعدني مروركم الحلو والخفيف

واتمني من الله ان يحفظكم دوم

تقبلوا تحياتي

 

[][ sarah ][]

امبيييه والله ضاق خلقي وانا اقرا , صج هالدكاتره ينخاف منهم , ترا حتى دكاتره الاسنان , مره وحده تقول رايحه تسوي ضروسها والدكتور مصري تقول شوي ويقعد بحضني ويقرص خدودي , وتقول شعره ويبوسني , تقول ماعرفت شسوي خفت اصرخ وريلها عند الباب والله يرتكب فيه جريمه قتل , تقول ماكملت راحت حق دكتوره ثانيه على طول

والثانيه تقول كانت حامل والدكتور هم بعد مصري وقاعد يفصح و كل شوي يرفع ملابسها اكثر جليل الحيا , ويلمس واهيا تنزل

يخرب بيتهمممم لو انا جان طراق على ويهه , وماله داعي اصلا اروح عند دكتوووووور

 

[Namlah]

يعطيج العافيه..وجزاج الله خير
لكن احنا في مجتمع عندنا في بعض الاهالي يرفضون بعض هذي التخصصات لان وقت عملهم مايناسب بيئتنا ...في وايد بنات كان ميولهم طب بجميع انواع التخصصات مو شرط الولاده لكن الاهل رفضوا ...لان مايبون بنتهم برا البيت لوقت متاخر..ولايبونها تسافر بره الديره علشان تمكل تخصصها وهذا السبب اللي يودي لنقص النساء في مجال الطب بشكل عام...ومستشفياتنا الحكوميه اغلبها دكاتره....وفي فئه ماتقدر تروح الخاص لظروفها الماديه وغيرها...
وانشاءالله ربي يستر علىجميع البنات

 

[انونا]

اول شي يسلم ايدج اختي

ثانيا هو مو تخلف لكن اختلاف في وجهات النظر

انا ما انكر ان في حريم زينين بس مو الكل لان المره الصراحه في حالات ما تعرف تتصرف

والصراحه تعقدت من الحريم
لو تزوجت وحملت الصراحه ابي اولد عن دكتور مو دكتوره بتقولولي عيب لا والله ما اشوفها عيب

وعلى فكره الريال الدكتور اشطر من المره الدكتوره

لان هذا دكتور مو عيب ان يكشف علي بنية العلاج او الولاده

يمكن في دكاتره مو زينين بس همن في دكاتره يهبلون وعسل ومحترمين

وبالاخر هذي وجهة نظر

 

[happy&single]

اولا في كل مجال اكو الزين واكو الشين
وهذا علم ماله علاقة اذا كان ريال ولا مره ،، و90% من علماء الدنيا رجال
واذا راح تفكرين بهالطريقة عيل لازم ماكو تاجر ريال ولا سايق ريال ولا مدير على بنات ولا مسؤول ولا فراش ولا.. ولا.. ولا..
لأن التحرش الجنسي موجود بكل مهنة
،، الرادع الدين والاخلاق بس ،،
والوحده المفروض ما تروح الا حق دكتور معروف ومضمون وله سمعه طبعا ما راحت الا مضطرة وهي عموما وجهات نظر

 

[فجر الغلا]

لا والله حبيبتي لا تخلف ولا شي عداج العيب
بس الدكاتره لازم ايكون عندهم ضمير بهالوظيفه
والمشكله فلي بايعين ضميرهم لشهوات استغفر الله
الله يحفظ كل الحريم ويهدي هالدكاتره إلي من هالنوع

 

[ياعشيري جعلك السلال]

كلامج صح 100% ومافيه تخلف والي يقول عكس هالكلام اهو المتخلف

الي تخاف ربها ربي يسهل لها كل شي

 

[دراهــم]

صاجة بكل كلمة كتبتيها

والله يستر على الحريم

 

[وردة بيتنا]

صاجة والله

مادري شلون ريال يدخل هالتخصص ويع ! شنو خلصوا تخصصات الطب يعني ؟؟؟؟؟؟؟

و مادري شلون حريم يروحون لدكاترة رياييل و يكشفون عليهم !!!!!!!

استغفر الله

موضوعج عجبني وايد . يزاج الله خير