فسرو لي الي صار

[المتفائله1]

بنات انا من يومين صارت معاي حاجه غريبه لان سبق وحملت مرتين الساعه وحده بالليل وانا قاعده اقرى بهالمنتدى بدى معاي طلق منتظم كل خمس دقايق طبعا انا بالاسبوع 38 من اسفل الظهر ويجي على قدام وانتظر يهدى ماهدى طبعا انا قبلها باسبوع نزلت معاي تقريبا سدادة الرحم مخاط مع دم وانتظر وانتظر كنت اقول لايكون طلوق كذابة لان صار لي ان تجيني اوجاع بس بالليل المهم زوجي يشتغل بالمستشفى وانا اتعالج عند نفس المستشفى قلت لزوجي بالله اساالي الدكتوره اخاف زي ذاك اليوم كاذب انا اقدر انتظر ولا فيه خطوره قالت له الدكتوره خليها تاكل الحبوب المسكنه للطلق الي صرفتها لها اذا كاذب راح يهدى اذا طلق صجي راح يستمر وهنا لازم تجي المهم تصبرت على هالطلق سبع ساعات الصبح رحت لهم سوولي تخطيط فعلا بين معاي طلق قوي ومستمر كل خمس دقايق وساالتني نزل شي قلت ايه افرازات بنيه مختلطه بدم الكلام هاذا استمر حوالي بعد ست ساعات تقريبا على 12الظهر يعني بعد ماصار لي 12 ساعه تقريبا اطلق. بدى يهدى كل شي بدون سابق انذار ه استنو الدكاتره لحد ماصار طلقتين كل ساعه هنا طلعوني من غرفة المخاض وحطوني ترقيد جاء العصر والوضع هدوء واستمر معاي هالدوء لحد ماطلعت اليوم طبعا تحت الحاح مني لااني تحطمت نفسيا رحت تعرفون بعد تعب الحمل ورحت فازه وفرحانه انها انتهت رحلة الشقاء وتصير هالشغله كاانه حقت تحطيم نفسيه والي مخوفني اكثر ان وزنه 3ونصف اخاف اذا طولت يكبر ونظطر لعمليه........بنات وش تفسيركم لهالحاله انا لاان الطلوق الكذابه اعرفها وكل ليله تجيني خصوصا فيه علامات صارت مثل السداده الي قبل اسبوع الي طاحت :eh_s(10):

 

[قاهره عذالي]

والله يا اختي ما ادري


بس هل تستعملين مثبت للحمل مثل الدافستون
؟
ما صرفولج مثبت ؟

واذا الطفل وزنه 3 ونص ونبضه زين

الحمدلله نعمه

و3 ونص وزن طبيعي للمواليد

اغلب المواليد 3 ونص


رفيجتي ولدت من شهر كان وزن بنتها كيلوين و900

وجابتها بعلمليه لان راس الجنين فوق

انتي خلج متابعه مع الدكاتره

واساليهم اذا يصيرون يعطونج مثبتات او لاء

واقري يوميا سورة مريم


والله يهون عليج ولايخسرج تعبج

 

[orange blossom]

هلا حبيبتي
حالتج طبيعية
انا كنت احس بطلوق من أول شهر
و زادت بالشهر الأخير
انا سمعت من دكتوره ان هاذي تمارين يسويها الرحم
علشان الإنقباضات تكون اسهل
فمبين معاج انها طلوق كاذبه
بس انتي ٣٨ اسبوع
يعني قربتي واااايد من الولاده
الله يسهل عليج و تولدين بالسلامة

 

[ام الحلوااات]

اللــــه يـــســـهــــل عــلــيــج ويــقـــوومـــج بــاالــســلامـــه

 

[المتفائله1]

طيب انا حاولت اسوي تحفيز واول مادخلت ايدها قلت بس وقفي قالت بس ترى نص الي سويته قلت ماعليه ومن الليل اشتغل علي الطلق الي قلته تهقون بسبتها

 

[حبيبي مالكني]

لا تحاتين حبيبتي
والله يسهل عليج

 

[كويتيه مذهله 87]

الله يسهل عليج وقت ما ولدتي ربج كاتبه خليه ابطنج يدفى لاحق

 

[خاشعة للرحمن]

شوفي حبيبتي إنتي الحين بالأسبوع 38 يعني خلاص صبرتي هالأشهر كلها باقي إن شاء الله أسبوعين وتخلصين إن شاء الله تحمليهاا ؤترا هذا طلق كاذب ولا تروحين تتعبين نفسج إذا الله أراد ينزل الجاهل راح ينزل بؤقتة وكثري الاستغفار وقراءة القرآن وكثري مشي والجماع مدام الرحم مفتوح يوسع بعد أكثر
ؤالله يقومج بالسلامة ئارب