فسرو حركة هالعايله من صجهم ذولا والا انا مكبره الموضوع

[انامل ساحره]

السلام عليكم ورحمة اﻷه وبركاته

بانت هاي هالمشكله لعايله تقرب لي واعزهم وانقهرت وايد وابي البنت تقرا ردودكم


تقول البنت خطبنا لاخوي وحده وتم كل شي تقول غبنا كم شهر وهي متواصله ويا اخت العروس وعلمتها بظروف عايلتهم وتعب اخوهم ومرض امهم
امهم طاحت عليهم فجاه الله يشافيها واخوها العود جاه الخبيث تقول الوالده من عرفت وهي بجي وجذي
تقول يانا اتصال الا ام العروس وينكم ليش ماحددتو العرس وقالت لها امهم الظروف
تقول لي من درو وهم لا ارسال ولا شي عقبها تواصلت ويأي اخت العروس كيف اخوكم وجذي بشري خلصت الشقه ومن هالسوالف عقبها غطعو ولا يرسلن دقت امهم تطمنت وسكرت وعقبها قال الوالد بنسلمهم المهر فشله وجذي والزواج
بيكون عائلي لاطق ولاشي وراح لوالد العروس وسلمها المهر وكل شي واتفق وياابوهم عقبها بفتره اتصالات اوزعاج يبون رقم العريس واعطوهم الا يقول اخو العروس امي زعلانه تبي طق وجذي وحرام فرحة العروس قالهم العريس ماكو عرس واخوي مريض وسكر السماعه

ولا دقو ولاعتذرو

البنت تبي رايكم شنو يسوون وشنو رايكم فيهم


انا براي وقاحه وقلة ادب وحرام الدينار فيها ولو العروس شاريتهم جان سكتت امها واعتذرت بادب لام العريس

بنات ارائكم البنت تنطركم

 

[ناتشوو]

بصراحة
الحين كذا عايلة من اهل المعرس
لي صارت عندهم ظروف
يتكفلون بحفلة البنت
بس مايحضرونها
ع اساس
اهل العروس لهم اهلهم ومعارفهم وصديقاتهم
ويبون يحتفلون معاهم

اذا اهل العروس من نفسهم اعتذرو عن الحفل
وشاركو اهل المعرس حزنهم
شي حلو
بس ماينجبرون
يكون العرس سكيتي

انا برايي
اذا اذا اهل المعرس
مصرين مايبون عرس
يروحون يكلمونهم
ويشرحون الوضع
وبنعوضها بسفرة
بكلام طيب
لا يدشونها حرب
الحين اقرب قريب
لي صار فيك شي
قال نفسي نفسي
تبين ناس توهم مناسبينهم
يبچون علشانهم ويوقفون حياتهم

احنا مانقول المفروض چذي والمفروض چذي
نتكلم من واقع

 

[معصبه وايد]

ماعندي تعليق والله يمكن لان اهما مايقربون لبعض

حاطين ابالهم العرس هم عروس وامها ويبون يفرحون لان هذي فرحة العمر
لكن بالنسبه لاهل الزوج الله يرحم حالهم ويشفي مريضهم

والله ماعندي كلام غير جذي وماحب انافق واقول ان البنت ماتستحي لو كل وحده كانت في موقف البنت جان فهمت قصدي

 

[أسرار الجمال]

والله انا رأيي هذي فرحتها ومو كل يوم راح تتزوج دام مافي وفاة انا شوف ما فيها شي

 

[انامل ساحره]

ياحبي لج نورتي



امبلا حبيبتي اتفقو ان العرس سكيتي وجذي بس ام العروس زعلت واتصالات الا تبي حفله وطقطقه رغم ان والد العروس وموافق وماعنده مانع


وقبلها ازعاجات متى تحددون العرس وهي عارفه بظروفهم وجذي بس تبي ينحدد الزواج وتاخرتو وبنتي تنطركم


والعروس لها سفره خاصه تعويض لها عن الحفله وعندهم خبر

بس ام العروس لا اعتذرت ولاشي الا تبي طقطقه

 

[التوق]

كل بنت بخاطرها تلبس أبيض ويفرحون فيها أهلها رفيجاتها
واذا هم مايبون أهل المعرس بالمره عرس عالأقل يتكفلون ببعض الأشياء يعني يحجزون صاله لها وتعزم معارفها
او يعوضونها بشهر عسل بس بالمره ماكو عرس صعبه شوي والله يشفي مريضهم
ومن ناحية الوقاحة ممم انها تطلب عرس من حقها اما ردة فعلهم اهم اهلها ولا سألوا وزاروا هني معاج حق بس ككل من وجهة نظري عادي تسوي لها عرس يفرحون فيها اهلها

 

[انامل ساحره]

حبايبي سالت البنت

تقول قلنا لهم بناجل العرس فتره لين مايتعافى اخوهم شوي لان حالته صعبه الله يشافيه

بس مارضو ازعاج متى ينحدد العرس طولتو

 

[Ranoon]

عيب وقلة أدب من أهل العروس جنا يبون فكه من بنتهم !


أما يتأجل عرس حتى ربي
يعافي العريس وتتحسن ظروفهم


او يقولون أهل معرس مانبي حفلة
وصالة إذا تبين سوي في بيتج
ومعرس يجي ياخذها
كيف أهل معرس مو مجبر يتكفل بحفلة
وأهله لهم ظروف صعبة
لازم يراعون هالشىء
وعيب اسلوبهم من اتصالات وتبي ونبي
إذا ما عجبهم رأي أهل معرس خلاص
لا تزوجون بنتكم
قدروا ظروف معرس




وفي شكثر عرائس يسون عرس
ببيتهم تحجز كوشة بسيطة
ودي جي وخدمة ضيافه وعشا
عادي ما فيها شى


أهل عروس غلطانين بكل شىء
تخيلوا البلاء لأهل عروس شنو كانو
يسوون


الله يشفي مرضى مسلمين

 

[أميرة-]

خلاص اهل المعرس يحجزون صالة وتسوي العروس عرس لاهلها وقرايبها بعد مسكينه تبي تفرح

انا متفهمه موقف أهل المعرس وظروفهم بس بعد المسكينة بعد بتفرح مالها ذنب

 

[granted]

انزين شلمشكله لو سويتوا عرس؟!
اذا انتوا متمسكين بالبنية ١٠٠٪ واهلها زينين راضوهم مو حسافة كسبوهم
اخوالمعرس الله يشافيه ويخليله لهم بس هم البنية هذي فرحتها يعني انا كلش مو شايفه سبب ان يلغون العرس ؟
يعني وايد عندهم كانسر وعايشين حياتهم عادي اوكي يتعبون بس هم الحالة النفسية مهمه حقهم
ولاتلغون شي عشان حد مريض بجذي تزيدون المرض ويحس بتانيب الضمير

 

[انامل ساحره]

مشكورين بنات ع الردود

بنات حالة الولد ماتسمح بزواج اﻷه يشافيه واهل المعرس كانو بياجلون العرس اهل العروس مارضو

الا هالصيف يكون العرس رضو اهل المعرس وقدمو العرس رغم ان حالة ولدهم صعبه الله يشافيه

ماعجب ام العروس الا تبي طقطقه وناسه وع حساب العريس بعد


مو كافي التعويض والسفره لبنتها

 

[شــــــــــــــوقــــه]

يا كرهي حق سوالف العرس لازم يصير جذي

حبيبتي احنا مرينا بنفس السالفة على زواج اخوي بس يدي الله يرحمه كان بين الحيا و الموت

و اهل العروس الا يبون بس من نفسهم قالو احنا نتكفل بكل شي انتو لا تقطون بس تعالو عشان تكمل الصورة مو حلوه اهل المعرس مو موجودين

و رحنا و استحينا من نفسنا والله

المظاهر مشكلة صج اكره هالسوالف

 

[امـ خــزامـى]

انا مع ناتشو الناس ماهمها الا نفسها

وبعدين اذا اخووهم مريض خلاص يعني تووقف الدنيا

الله يشفيه ويعاافيه ويخليه لهم بس بعد انتم راعواا الناس بيفرحوون ببنتهم


وعشان لاتزعلين اكثر انا بنفسي مو اخوي ولا بنت خالي
قبل زواجي بيومين توفى عمي واغلى اخوان ابوي
تخيلي توفى الاربعاء وانا كان زواجي الجمعه يعني ثالث يوم عزا

وكان اهل زوجي حاجزين قاعه وعشاء وتكاليف
بس طبعا انا مارضيت وقلت باجل زواجي
هذا وهو بس زواج رجال مافيه حريم
يعني لاطقطقه ولا شي

واهل عمي المتوفي قالوا يتم الزواج لاتلغونه
وزوجي يوم قلت له بلغيه عصب وتنرفز وانا عذرررته
وعذررت اهله بعد بيفرحون بولدهم وش دخلهم بظروفنا
هذا غير اهلهم اللي بسافرون ويتعنون لهم

بس عذرتهم ومازعلت وقلت وقاحه ماقدروا ظروفي مع انها حالة وفاة مو مرض
وتخيلي ابو العروس يزف بنته وبنفس الوقت ياخذ عزا اخووه

بس انا مارضيت وقلت ماابي ابوي يزفني بنفس وقت عزا اخوه
ووضحت مشاعري لزوجي وقلت له حقكم بيرجع لكم
ولد عمي مااقصر معي مع انه عزا ابووه
كان صديقه صاحب القاعه اللي حاجزها زوجي
ورجع لهم العربون كامل
وبعد العزا بيومين تزوجت لان قالي مااقدر ااجل اكثر من يومين لا حجوزات شهر العسل كلها بتروووح خساره
طبعا تكفلنا بالعشا وكل شي
ولا بعد بعد زواجي بفتره سوينا حفله بسيطه تعويضا لهم



حبيبتي انت بحاله حزززن بس هم بحالة فرررررررررح
حسي فيهم مثل ماانتي تبين يحسون فيك

 

[انامل ساحره]

ام خزامى مشكوره ع الرد بس انتي مو فاهمه العرس كان بيتاجل عشان الظروف بس ام العروس مارضت كلش الا تتزوجون بنتي هالصيف وماقدرت ظرق العايله صرفو مبالغ ع ولدهم

وافقو اهل العريس وقدمو العرس عشان خاطر ام العروس وفوق كل هذا عوضو العروس بشهر عسل سفرات وجذي لاوروبا بدال الحفله

وهم ماعجب ام العروس الا تبي طقمقه ووناسه ع حساب العريس بعد ماتبي عرس سكيتي


عشان جذي قلت انهم وقحين فوق الازعاج واهل العربس بهم وحالة ولدهم وايد صعبه كان سكتت ونطرت بنتها مو طايره لو تاخر العرس شهر

 

[smo0o]

أنا أشوف يأجلون العرس
أتوقع هالحل مناسب للطرفين
وكل تأخيره و فيها خيره

 

[3houd86]

أول شي الله يشفي الأخ و يعافيه. طهور يا رب.

و لأ ترى الناس مو وقحه و لا مزعجه هذا حقهم. البنت مملوج عليها و يبونها تتزوج و تستقر. و سالفة نطروا علينا ليما يتشافى ولدنا هاذي مو عدله. الرجال فيه سرطان مو انفلونزا.

مو لازم اهم يروحون العرس مع إن اسمحيلي مو شايفه سبب يمنع روحتهم, يعني الأم تعبانه لا تروح و نفس الشي الأخ.
بس المعرس و خواته و اخوانه الثانين وينهم؟ اسمحيلي بس مو معقوله كلهم قاعدين يمرضون أخوهم 24 ساعه.

و بالنهايه أرد أدعي له ربي يشافيه.

 

[انامل ساحره]

حبايبي فديتكم منورين

ماقلت لين يشفى ولدهم بس يعدي هالمرحله شوي لانه بحاله خطره بهالفتره ومو هني بالديره تقريبا يتاجل العرس لين العيد بس مارضت ام العروس

 

[كليـ دلعـ]

واهم شحقه متمسكين فيها!؟

اللي هذا اوله ينعاف تاليه

اللي من بدايتها تعالو تزوجو بنتي غصب وبسرعه

وفارضه رايهاا وداشه بجهاد شيبون فيها وف بنتها

المثل يقول ائئلب الحله ع فمهاا تطلع البنت لامها

وامها ماااااااتستحي ووقحه بعد

الناس حالتهم حاله ولدهم نور عينهم يصارع المرض وهي

تبي ترقص وتهزز كتف وتطق رقبه!

صججج سخيفه وتفكيرها تافه نفسهااا

لواهي مكانهم بترضيى!؟ هذا ضنى ضنى

غاااالي غاااالي الله يعينهم ويشافيه لهم

اللهم امييييييييين

بس لانها موبنت اصوول ولاهي كفو

والا المفروض اهي من نفسها تقول احنا وانتو واحد

وكدركم كدرنااا وحزنكم حزننا

هذي اهي الاصووول

موغصب سووو عرس!

خلاص حطي كوشه لبنتج فبيتج

وحطي ديجي اذا ميته ع الردح>>>>> اخافف من ربع هجججع ولك!؟

وتلبس ابيض ورقصو عندها يا اهلهاا وعايلتها وبسس

واهل المعرس مايحضرون اييي المعرس المنكوووب ياااخذ

النشبه بنتها وخلاص!

اما احجزوو وسووو وحطو غصب خخخخخخ تووووووولييييي

خ تووولي

والمعرس لوانه ريال جان كتب ورقت بنتها وخلاهااا

تجابلهاا بالصيف!! ع قولتها ابي عرس بنتي بالصيف

خخخخخ ماتستحي والله واللي من بدايتها جذي نهايتها وخيمه

خ يطلق بنتها اللي هذا اوله ينعاف تاليه

البنات خااايسسات ببيوت اهلهم ياشر وياخذ

بنت اصوول تقدر ظروف انسباااهااا وتراعي مشاعرهم

وتعاملهم نفس اهلهااا

مو هالدعله

​

 

[ام بيان]

الله يشفي اخو المعرس
بس مايصير تبي حفلة عرس وسفر
يا حفلة او سفر

 

[انامل ساحره]

كلي دلع

ضحكت من ردج والله انج صاجه وهذا اللي اقوله وردج بالصميم وربي انج بنت اصول يسلم ام جابتج