فزعه يالكويتيات ... لا تضيعوني هههه لبى قلبكم

[دانات**]

مساء الخير ..


كيفكم يالحلوات

انا بزروكم ثاني العيد .. عاد لاتفشلوني ...

مادل بالكويت بليز ساعدووووني

ابي محلات تقليد شنط ماركات .. ولاتقولو لي اسم المحل بدون وصف

يعني كثير قالو لي مناور مادري مناير .. مجمع هو وين يصير

انا ادل شارع الخليج والدائري الخامس بس ههههههه

كيف احجز للمسرحيات وبالعاده وين يكون عرض المسرحيات

ابي محلات اكسسوارات فنتك وين القاهم

وبالافنيو السنيما من اي بوابه اروح لها ومجمع 360 وين يكون

وبعد الاكوابارك او المسيله .. بكم الدخول .. وايام العيد مفتوح

 

[..’’ياقلبـك الخوّاف’’..]

راسي عورني حسستيني ديرتنا كبر امريكا ترا ديرتنا نتووووفه وعنووونه فديتها ولا محاشرينا فيها ويبونها خخخخخخ


شوفي الافنيوز تروحين له هو عالدائري الخامس وتدخلين من بوابة ايكيا اهو بالدور الثاني فوق ايكيا بالضبببببط
الاكواباراك شفتي شارع الخليج امشي سييييده لما توصلين عند الابراج اهي جمب الابراج وماوصيييك لاخلصتي من الاكوابارك روحي مطعم جمب الابراج اسمه عبدالوهاب يجنن اكله


مجمع ٣٦٠ عالدائري السادس تلقينه منور شحلاته



امممم المسيله جمب فندق المسيله(الجميره حاليا) علي طريق الفحيحيل السريع قبل جسر المسيله

امممم الجنط الماركه روحي مجمع المغاتير تلقينهم ياكثرهم ورخاص

الاكسسوارات في كل مكان حتي بالمغاتير ..

حجز المسرحيات سهل في بميدان حولي يعني منطقة حولي

*

 

[دانات**]

يابعد قلبي .. ياقلبك الخواف

فديتك .. الله يحمي ديرتكم ويحرسها رب العالمين .. يارب

الي مايدل يتوه ياقلبي .. لكن الطيببين مثلك مايقصرو

ولا مره تهنا وقفنا احد بالاشارة الا قال ابشرو امشى وراي والله يودونا لين المكان الي نبي
ثم يرجعون لطريقهم ماشاء الله شعب طيب وخلوق ربي يحميكم

مجمع المغاتير وين يصير باي منطقه .. ههههههههههههه

 

[..’’ياقلبـك الخوّاف’’..]

يابعد قلبي .. ياقلبك الخواف

فديتك .. الله يحمي ديرتكم ويحرسها رب العالمين .. يارب

الي مايدل يتوه ياقلبي .. لكن الطيببين مثلك مايقصرو

ولا مره تهنا وقفنا احد بالاشارة الا قال ابشرو امشى وراي والله يودونا لين المكان الي نبي
ثم يرجعون لطريقهم ماشاء الله شعب طيب وخلوق ربي يحميكم

مجمع المغاتير وين يصير باي منطقه .. ههههههههههههه

ههههههههههههههههه عقب المدح اكيد في شي ((خخخخ لا اضحك معاك ياقلبي



في منطقة الفروانيه ))

 

[PuPa^^SWeeT]

مساء الخير ..


كيفكم يالحلوات

انا بزروكم ثاني العيد .. عاد لاتفشلوني ...

مادل بالكويت بليز ساعدووووني

ابي محلات تقليد شنط ماركات .. ولاتقولو لي اسم المحل بدون وصف

يعني كثير قالو لي مناور مادري مناير .. مجمع هو وين يصير

يمكن قصدج مجمع منيرة بالسالمية اهو جبال المارينا يمه الحوش للجواتي تكرمين

انا ادل شارع الخليج والدائري الخامس بس ههههههه

كيف احجز للمسرحيات وبالعاده وين يكون عرض المسرحيات


بس يصير 3 يوم العيد روحي لموقع المسرحية و حجزي
ابي محلات اكسسوارات فنتك وين القاهم


مادري بس كل مكان عنده سوالف فناتق شنو بخاطرج و اقولج وين
وبالافنيو السنيما من اي بوابه اروح لها ومجمع 360 وين يكون


صفطي بمصافط ايكيا ودشي المجمع طلعي برة ايكيا اتلاقين السينما فوق ايكيا


360 هذا موجود بجنوب السرة ضاحية الزهراء
وبعد الاكوابارك او المسيله .. بكم الدخول .. وايام العيد مفتوح

ماعندي فكرة عن البحر