فزعتكم يا أهل الكويت

[اماراتيه وكلي فخر]

السلام عليكم ورحمة الله وبركاتة
بغيت منكم مساعدة
وين اقدر احصل جلابيات كويتية بسعر الجملة
و ابي اعرف عن اسواق الكويت
وين ارخص سوق عندكم لبيع الدراريع والجلابيات
ابي بحث عن الاسواق عندكم
بليز لا تردوني

 

[سمبوسة]

حياج الله حبيبتي بين خواتج الجلابيات بصراحة انا مو زود معاهم بس اللي أعرفه انه مجمع العربيد بالفروانية كله جلابيات تفصيل يعني انت تشوفين الموديلات اللي عنده وهو يفصل لك نفسهم ويسوون تقليد لجلابيات المسلسلات والمصممات الكبار بأسعار نسبيا رخيصة بس ما أدري عن الجملة وعندج مجمع الأوقاف كله جلابيات وهذا اللي أعرفه بما انج طالبة الأرخص لأن الدراريع الحلوة عند المصممات والمشاغل وهذيل أسعارهم غالية ومبالغ فيها واذا تقصدين الأسواق العادية أو المولات فعندج وايد منهم الأفينيوز والمارينا وسوق شرق والفنار والراية والكوت والمنشر وهذيل كلهم مولات كبيرة بس ما فيهم دراريع وأتمنى البنات يفيدونج أكثر
وحيا الله أهل الامارات الغاليين

 

[اماراتيه وكلي فخر]

مشكورة الغلا على الرد
اتمني اجد تفصيل

للي يعرف


التفصيل كم يوم ياخذ عندكم

 

[malekatsabaa]

حبيبتي انتي موضوعج مكانه غلط

عادي كلنا سويناها اول مره...لووول

بس لوتطلبين من المشرفات ينقلونه قسم الطلبات أوالمول ..راح تلقين ردود اتبرد قلبج

وبالتوفيق!!!

 

[أسيرة أحلامي]

هلا والله بهل الامارات .. حياج الله بديرتج الثانيه .. حبيبتي اذا تبين الدراريع الرخيصه عندج خياييط العربيد بالفروانية والتفصيل ياخذ اسبوع او على حسب الخياط .. وعندج مجمع الاوقاف عندهم جاهز واسعارهم معقوله ..
واي شي بعد انا بالخدمه ....

 

[سمبوسة]

شوفي هالموضوع للتفصيل
http://www.q8yat.net/showthread.php?t=157565

 

[حمدة الله]

ماقصروا البنااات

 

[اماراتيه وكلي فخر]

اشكركم على الردورد الطيبه
اتمني نقل الموضوع في المكان المناسب

 

[بنت جنيف]

العربيد بلازا الي بالفروانيه اسعاره رخيصة واغلبيه المصصمات نشوف دراريعهم بالعربيد

 

[اميرة الغيد]

عزيزتي الاماراتيه
حياج الله والكويت تنور فيكم
انا بعد من رايي العربيد بالفروانيه سعرهم رخيص وفنانين بالتطريز والتقليد يعني يسوون لج مثل اللي تبين اذا شايفين الموديل ، في بعد خياطين بالفحيحيل للدراريع
وبالنسبه للجمله ماعندي علم بس يمكن العربيد يرضون يسوون لج كميات حسب طلبج