فزعتكم يالسنعات ! ابي مينيو لعزيمه

[هب العطر]

السلام عليكم يا بنات

اول مره اسأل اهني و اتمنى ما تردوني يا حلوات

ما اطول عليكم

عندي عزيمه

بيون خالاتي و بناتهم و عيالهم

عزيمه غدا


شنو اطبخ لهم ؟

محتاره بالاطباق

هم ذوقهم شوي عتيج ، و انا ابي سفره فيها طبخات
تقليديه و اطباق مودرن


الحين بقول لكم الصاعقه خخخخخخخ

انا مو وايد فالحه بالطبخ

بس اتعلم بسرعه ماشاء الله

شاركوني الراي

شنو اسوي اطباق رئيسيه ؟
و مقبلات
وسلطات


و اسفه اذا ثقلت عليكم

 

[هب العطر]

افاااا
ههههههه

 

[Nzzz'3a]

اب اب اب

 

[هنا22]

عندج المنتدى مليان اكلات شوفي ذوق قريبج يحبون السمك او
الدجاج

 

[Bnt-USA]

شوفي مواضيعي
عندي الكرواسون بالكريمة والخضار عجيب يصلح للغدا !! وتقدرين تحطين معاه دياي اذا ما يحبون الربيان او اللحم او السمج

ووو عندي العيش اللذيذ بالربيان والجزر مودرن وقديم بنفس الوقت تقدرين تحطين معاه صبارة تسوينها

وهم عندي ورق عنب

وفي سلطات حلوين بالمنتدى ان شاءالله افدتج

 

[نوف الصقعبي]

سوي بشاميل

مع مجبوس دياي او لحم

وسوي شيش برك

كلهم وصفاتهم بالنت حلوين وسهلين

بدال الشيش برك عندج كوسا محشيه باللبن او كبة برغل باللبن

اذا العيش مايضبط معاج سوي كبسة لحم مع بيديان وبطاط وطماط حجم كبير او وسط
مثل مقلوبه

وخلي لعبتج السلطات

سلطة الفاصوليا الحمرا مع الذره اعشقها
تقدرين تضيفين المعكرونيا المسلوقه معاهم

سلطة الفته هاذي لازم راح يدمنون عليها سهله ومافي اسهل منها
النخى اخذيه جاهز مطبوخ من راعى النخى والباجيلا
مايبيلها شي
بيديان خبز مقصص صغار محمص بقدونس كزبره هرده روب اعشقها انا

طريقتها اذا ماتعرفين كتبي بغوغل طريقة عمل الفته

اشتري كتاب منال العالم بالمكتبات حلو ومفيد
تابعى قناة فتافيت
تابعى حلقات الشيف عدوله اللى اهى عادله الشرهان طباخها عجيب

في حلقات كانت تسويهم عادله الشرهان مع الفنانين وايد استفدت من طباخهم روعه

خصوصآ سليمان القصار عليه طباخ مطبق هامور عجيب​

 

[نوف الصقعبي]

اذا كلش كلش توهقتي دقي على بنات المنتدى هنى هم عليهم طباخ حق عزايم وايد حلو

وحده اسمها ام نواف غير
والثانيه مطبخ الذويقه خل يورونج المينيو وايد حلو بس ماجربتهم ترى بس شفت الصور​

 

[نوف الصقعبي]

اذا ماتعرفين تشوين السمج مالج غير الملاح اللى بالسالميه عند مدرسة العسوسي بشارع المطاعم احلا سمج مشوي بالكويت عنده

شغله شغل بيت مومطاعم ناخذ من عنده النقرور المشوي ومن داخل تعالي شوفي التتبيله والحشو شحلاته ناطع تارسها حشو ينن الحشو مالهم
وعندهم زبيدي مقلي قباقب بالجبن او مشوي او بخار او مقلي
عيوش
ربيان لابستر كل شي من ناحية سيفود

تقدرين تخلين نص طباخ بيت ونص طلبي من برا عادي

اخذي الحلو من برا او اذا تبين ورق عنب وملفوف حامض حلو او ناطع
ميني وملون عندج حلويات كوين مال ام يوسف اليوسف
الحلو مالهم اينن انا ادمنت عالورق عنب والملفوف الميني ادمان​

 

[M!SS.LOBY]

المجابيس لحم او دياي ا و سمك

السلطات عندج تبولة او فتوش او سلطة بالماينيز

المشويات

عندج شوربة ذرة بالدياي او شوربة الفطر

سوي معبوج حار بانواعه

 

[F.Strawberry]

السلطات : سلطة ناجوز و سلطة فلافل
الاطباق : ميني بيتزا و طبقين باستا و لفايف صاج مسخن و اجنحة بالباربكيو و صينية بطاط و دياي بالكريمة هالسوالف
وتقدرين تسوين مجبوس دياي او شي جذي حق خالاتج لأنهم اكيد بيفضلون العيش دامه غدا
و اذا عن المشروبات فحطي عصير و ميرندا و بيبسي صغار و بطول ماي

و عليكم بالعافيه

 

[ام ليث الاسد]

انا بصراحة بهيك حالات ولاني مو شاطرة بالطبخ كتير وبالذات بالعزايم بطلب اكل من المطاعم. في موقع اسمو طلبات Online Food Delivery | Order Food Online | Talabat.com بختار من كل مطعم كم اكلة وشوية سلطات وحلويات وبوصلني الاكل ساخن وعالموعد. او بستخدم تطبيق الموقع من الموبايل. هيك بضل بامان بدل ما اضل مرعوبة طول الوقت انو الطبخ ما يزبط