فزعتكم يااهل الكويت الحبيبه

[سعوديه تعشق Q8]

السلام عليكم ورحمة الله وبركاته

شلونكم يا اهل ديره مامثل اهلها اهل ديره:eh_s(7):

اختكم في الله ان شاء الله لها جيه قريبه للكويت الحبيبه:ggdw:

لاكن انا من النوع الي احب ارتب وضعي وكل شي قبل لا اسافر حتى لو فتره بسيطه

عشان كذا لي كم سؤال وستفسار ياليت تساعدوني فيها فديت قلبكم

ابي اعرف اسعار التكاسي الجواله عندكم للمشاوير

مع العلم اني بأذن الله راح اسكن في السالميه عشان اكون قريبه للأماكن

وابي اعرف اذا ممكن اتعامل مع مكتب بحيث اني اطلب سياره طول يومي لمشاويري

لاكن يكون نظام24 ساعه يعني الاقيه متى مابغيته للطوارئ الي ان شاء الله ماتصير

وابي افضل الفنادق او الشقق الي تكون اسعارها معقوله يعني ماتتعدا ال35 دينار بعملتكم

وابي اعرف اوقات دوامات المجمعات والأماكن السياحيه يعني حدها لحد الساعه كم

وابي افضل الأسواق من حيث الأسعار

وابي وين الاقي الشغلات الخاصه بلكويت كشعارات واعلام وبروشرات وتيشيرتات تكون خاصه بشعار الكويت الحبيبه:eh_s(7):

وابي اعرف جو الكويت راح يستمر روقانه الى اي شهر

ادري تعبتكم معاي فديتكم بس مابي اروح ادربي براسي وماعرف شي:bbbiu:

يعطيكم العافيه والله يحفظ الكويت بلدا وشعبا ويبعد عنها كل مكروه
:eh_s(7)::eh_s(7):

 

[Break Time]

ابي اعرف اسعار التكاسي الجواله عندكم للمشاوير؟


اذا داخل المنطقة المشوار بدينار و إذا برا المنطقه يعتمد عالبعد يعني من دينارين لي اربعه اغلب شي 3 دنانير

و بالنسبة للأسواقنا حد المحلات 10 ونص و المطاعه 12 بالليل



و بالنسبة للشعارات احتمال تحصلين يا أما بأبراج الكويت أو يوم البحار



و حياج الله يالغالية

 

[ام حنااين]

الاسواق صحيح حدها عشر ونص لكن السينما والمطاعم تستمر اكثر
الجو حلو لنهاية شهر مارس
الشعارات غالبا بالاسواق الشعبية الحين لكن بشهر فبراير بكل مكان
الاسعار بكل منطقة في غالي وفي مناسب وهذي من مميزات اسواقنا يعني لو رحتي السالمية او العاصمة. او الفروانية اي منطقة فيها غالي وفي مناسب.
التكاسي والفنادق للاسف ماعرف فيهم

 

[عبق البنفسج]

حياج الله بديرتج الثانية الكويت :eh_s(7):

بنسبة للتكاسي عندنا كذا نوع ..

أول نوع التاكسي الجوال الي يفتر بالشوارع وخليه يشغل العداد .. وهذا سعره رخيص يعني المشاوير القريبة ماتعدا دينار واذا شي شوي بعيد مايتعدا 3 أو 4 دنانير
والنوع الثاني تاكسي تحت الطلب وهذا تدقين عليه تلفون وبتلقينه عندج بأقل من عشر دقايق بس سعره أغلى شوي ..
واذا تبين سايق طلبي من الفندق يوفرلج سيارة وسايق من برة الفندق لأن الفندق سعره غالي وطلبي سيارة صغيرة عشان تطلعلج أرخص .. أو خليج على تاكسي الجوال وخليه يوديج وينطرج أو تاكسي تحت الطلب تدقين عليه بأي وقت

بنسبة للفنادق والشقق الفندقية الي بالسالمية ورخاص عندج ..
ايبس ibis
راؤوم روم Raoum Inn بشارع المطاعم وقريبة منج المجمعات
أرينزا Arenza Tower
عندج بعد فوق العشرة بالسالمية بس أسعارهم 50 وطالع .. ويمكن في بعد بأسعار رخيصة بس ماعرفهم
وفي بعد رخاص بس بالديرة وفي بحولي
انتي شووفي موقع booking وحطي الفترة الي تبينها وشوفي الصور والأسعار وحجزي ..
بنسبة للمجمعات يفتحون من 10 لي 10 وبالويك اند الافنيوز يفتح لي 11 ومحلات الشايع تقعد لي 12 .. والسينما مادري لي جم بالضبط بس اذا ماني غلطانة لي 1 ونص أو 2 ..

بنسبة للأسواق شنوو تبين ؟؟ عندنا وايد محلات ..
عندج المجمعات ويكون فيها المحلات الي موجودة بكل الدول (الأفنيوز، مارينا، سوق شرق، الفنار)
وعندنا مجمعات يكون فيها بدل كشخة وأكثرها صناعة الكويت (المهلب، كويت ماجيك، مجمع البستان، مجمع النقرة)
وعندج الأسواق الشعبية وتلقينها بكل مكان مثل المحاميد والجوهرة وسوق كرز والموعد .. الخ
وعندج سوق المباركية .. في محلات عطوور وبخور وشغلات قديمة وبشوت ومكياج الهنود واكسسوارات وسوق ذهب ..

بنسبة للشغلات الي خاصة بالكويت امممممممم هذيل أكثر شي تكون متوفرة قبل العيد الوطني بس الحين مادري وين في .. بس بالنسبة للشعارات والاعلام تلقينهم بالأسوقة الشعبية .. أو مثل ماقالت وحدة من الأخوات يمكن بيوم البحار ..

بنسبة للجوو ترى عجيب وباااااارد لازم جاكيت يعني درجات الحرارة مابين 4 لي 15
وتقريبا يستمر لي فبراير

 

[سعوديه تعشق Q8]

مشكورين بعد قلبي ماقصرتو جعل الله لايقصر في اعماركم

هذي الهقوه فيكم يا اهل الكويت

والي عندها اي معلومات ممكن تفيد حياها تحطها

على راسي فديتكم