فزعتكم بناااااات

[شوشو الأمورة]

قوة حبيباتي

مبارك عليكم الباقي من الشهر والله يتقبل منا ومنكم صالح الأعمال

بنات انا ان شالله مسافرة دبي أول يوم العيد المغرب ورادة الأثنين :eh_s(2): أدري الفترة قصيرة حييل

بس ماكو حجز بالمرة لأن كنا ناويين نرجع الثلاث او الأربعا بس ماكوووو حجز

ان شالله رادين الأثنين

الزبدة بنات وخبيرات دبي أبي برنامج حلو حق هالثلاث ايااام وشنو الأماكن الحلوة اللي اقدر اغطيها في هالفترة:gr4uu:

وأبي اسامي مطاعم حلوة واسعارها معقولة لأن بنروح عايلتين او ثلاث وانا من زمان عن دبي مو رايحتها

واللي بتساعدني لها دعوة حلوة من قلبي هذا غير الصوغة :tongue22:

 

[ام ريونتي]

حبيبتي دبي حلوه ثلاث ايام انا ساعات اروح يومين وارجع
عندج مجمع دبي مول في سكيتي واكواريوم وفي وايد محلات روعه وماتخلصين المجمع بيوم لانه وايد كبير
وعندج واد وادي مثل الاكوابارك بس احلى بمليون مره وعندهم ايام بس للنساء وعندج امارات مول في مطعم
لبناني اسمه الحلاب مشوياته مو طبيعيه وامممممممممممممممممممممممممممم اي عندج في سكي دبي تونس
و ذا ووك في وايد مطاعم وكافيهات وروحي النافوره في صوبها وايد مطاعم وكافيهات ومنها تقعدون تشوفون النافوره
القعده فيها مو طبيعيه واذا ذكرت شي بقولج

 

[شوشو الأمورة]

مشكورة أم ريون عسى الله يخليلج ريون وأبوه وإخوانه

فديتج حبيبتي ماقصرتي

بنااااات وينكم

أب أب

 

[وجدان الكويت]

انا توني رادة اول يوم رمضان بس ماستانست وايد وياي ولدي وريلي ماخذت راحتي بالسوق

احلى مكان رحتلة مارينا ووك وناسة كلة مطاعم وكافيهات
رحنا مطعم اسمة الكوفة كبير وحلو بس في مطرب عور راسي

وسكنا باتلانتس مري شوفي حلو في نفس الاكوابارك والاكواريوم راح يستانسون عليه اليهال حيل والمطاعم فيه حلوة

عندج ستي سنتر حلو عجبني
صدمتيني تقولين مافي حجز احنا بنحجز بالعيد بس قلنا تو الناس