فرط تعرق الكفيّن .. عطوني الحل

[A6AYEF]

هلّووووووووو بنات

انا من طلعت على الدنيا و انا راحت اديني يعني ( الكفين )
يعرقون بشكل مو طبيعي لدرجه اني اقدر اغسل فيهم سياره مع العلم ان جسمي ما يعرق
و استحي اصافح الاوادم حتى اذا ابي اسلم:eh_s(8): امد ويهي و ابوس (( فشله )):eh_s(14):

و سمعت ان في ابر يقزون مكان التعرق.. تطمس هالعرق الزايد ..
و اللي تعرف لا تبخل علي او تشور على دكتور شاطر
و بكم تكون تكاليف العمليه و هل في بنج موظعي و كم جلسه احتاج .. اذا في بالمنتدي دكتوره خل تفيدني

 

[miamy]

انا اعاني من نفس المشكله بس انا يمكن اقل منج

سمعت عن الأبر بس خفت من آثارها

وذاك اليوم انا رايحه حق طبيبه مو جلديه بس سولفت معاها عن هالموضوع قالتلي معناته فيج نقص كالسيوم

انا استغربت اول مره اسمع هالمعلومه...

المهم قبل الأبر سئلي عن علاج ثاني لان الابر تقزينها كل 6 اشهر يعني على المدى البعيد اكيد في اثار جانبيه

نصايحي علشان ماتستحين تصافحين احد وان شاء الله تنفع معاج انا عن نفسي استخدم هذي الطرق:

ونتي بالسياره متجهه حق العزيمه بردي ايدج بالتكييف وبجذي تخلين ايدج بارده وحلوه

او لي بغيتي تسلمين لا تصافحين حطي ايدج اليمين على جتفها اليسار (يعني وايد تحبينها) جذي ماراح تحس بايدج

ممكن بالقعده اذا اكو قلاصات ماي تمسكن القلاص البارد بايدج علشان تبرد واذا احد بسلم عليج مسكي كلينكس شويه تنشف

وافضل من هذا كله روحي حق اكثر من طبيب وشوفي انواع العلاج والي يناسبج


واتمنى البنات يتفاعلون معانا ونستفيد منهم

 

[مريوما الحلوه]

هلا فيج حبوبه انا بنت خالتي نفسج بس الحين ما تعاني من هالمشكله

راحت طبيب جلديه عطاها ابر بس تقول ما تعور وكريمات مشاءالله الحين مافي تعرق

عندج العثمان والمشاري وعيسى بشور عندهم هالحالات شفت عندهم وارتاحوا

اما عن تكاليفها فاعتقد قطي فلوسج احسن عشان ترتاحين لا تروحين مكان رخيص ويلعبون فيج

 

[دلـــع_الكويــت]

حبيتبي ان فيني نفس الشغلة وعلاجها مو كريمات ولا شي علاجها عملية..وهذي العملية يسوونها بالسعودية..وهي اسمها تدبيس العصب لان السبب في العرق اهو عصب موجود ناحية العمود الفقري...يدبسون العصب هذا وتنحل المشكلة وتكلفة العملية مو متأكدة منها بس انا ناوية اسويها ان شاء الله..


لاني اعرق بشكل مو طبيعي.. وهالابر الي يقولون عنها مو متاكدة منها وحتى الكريمات الموضعية مؤقتة!!

اذا انتي صج معقدتج المشكلة هذي مثلي نطريني على ما اسوي العملية واقولج بالنتايج..((انتحارية)) p:

لا والله بس انا وايد تحرجني هالمشكلة...

بس

 

[رهوف]

لا العملية مو سهلة اهي بمنظار تحت الابط بس فيها خطورة على الرئتين وموجودة بالكويت عند دكتور طلال الهيفي اعتقد هذا اسمه

بس الحل بالطب البديل صدقيني شربي ميرمية كل يوم مره معروف انها تخفف التعرق وسوي لج كمية ومسحي فيها ايدج والنتيجة تبين بعد 10 ايام وفي كريم بقولج عنه بس الحين انا مو بالبيت بس ارد اكتبه لكم

 

[احلى-قطوه]

الله يعينج صج احراج بس حبيبتي سوي نفس طريقة اختنا سوي نفسج بتسلمين وحطي ايدج على جتفها

 

[pink angle4]

انا بعد عندى نفس المشكله و شافنى دكتور بس قالى علاجها عمليه ما ادرى شنو يسوون بالعصب اما بالرقبه او تحت الابط و فى احتمال ترجع بعد العمليه فخفت و قلت ما ابى اسويها بس الحمدالله انا الحين مو مثل ايام الدراسه صراحه كنت اعانى...... ورقه الامتحان كانت تتبلل من كثر العرق الله يشافينه و يشافى جميع المسلمين .....آآآآآآآمين

 

[حبيبته آنا]

علاجها ابر البوتوكس واغلب اطباء الجلديه يسوونها


مريوما الحلوه
حبيبتي ترا الدكتور فهد العثمان عطاج عمره صارله اكثر من سنه عسى الله يرحمه ويغمد روحه الجنه

 

[nanah70]

شوفي حبوبه انا اختي تعاني من تعرق ايدين موطبيعي..واول ماتزوجت والله العظيم راح التعرق ترا هاذي كلها هرمونات..انصحج دكتوره اماني قسم الجلديه بطيبه كلينك تعطيج كريم تستخدمينه بالليل يوقف التعرق بس ريحي منه "شكله جنه رول مال الديودرنت"نهايه الاسبوع..وانصحج العرق يبيله وقت ويروح لاتسوين عمليه..وسوي تحليل غده لان في نوع يسبب تعرق..وسلامتج:tek: