فراقنا اهوا المصير

[شوكة رنانه]

السلام عليكم
بنات انا متزوجه تقريبا بيصيرلي سنتين وعندي ولد عمره خمس شهور
مشكلتي مع زوجي الله يسامحه
بنات انا بقولكم باختصار اللي صاير
وابي كل وحده بمكاني تقولي
تتطلق ولالا لو كانت بمكاني؟؟
لاني مفكره ما اردله ابدا وبتطلق

زوجي صغير اول الايام جكيته يخوني واااااايد وطبعا خيانه بالتلفون
وطبعا معاملته زفتتتتتتتتتت معاي
مايحبني
احس مل مني
اخر الايام قام يمد ايده علي على كل شي
والحين قطني مع ولدي بيت اهلي من اسبوع
ولادق ولاسال

والله كنت امووووت فيه بس الحين لاااااا
كنت مدلعته ومسويته ملااااك كنت اعبده استغفر الله

الله يسامحه

اللي قاريه مواضيعي قبل اكيد عارفين سوالف ريلي
مالي خلق ارد اكتب


بنات لو بمكااني؟؟ شتسووون

 

[aloooya]

الله يعينج

 

[هيبة ملك]

الطلاق كلش مو حل

حاولي وحاولي وحاولي عشام الولد
خلي الطلاق أخر شئ

 

[classicyah]

انآ قريت موآضيعج السابقه تونيْ ،

أحسج وآيد اتفتشين و وآآيد اتحبيـن تركضين ورآه ،

و كله تسإلينه ، و تشتغلين محققه ويـآه . .

مخليتنه محور حيآتج ، !

و هذآ خلآه يطفر أكثرْ ، و يخون أكثر و أكثر . .

،

مشكلتج لهآ حلولْ ،

أول شي ردي بيتجْ . . و لآ تطلبين الطلآق . .

و ابدي بنفسجْ ،

اتقربي من ربجْ ، و عليج بالصدقه و قيآم الليل و قرآءة سورة البقرهْ ،

ترى حيآتج بتكون ملخطبه اذآ كنتي بعيده عن ربج ، !

خلج هآديـه و ريلآكسْ ، و تلفون زوجج لآ اتفتشينه ،

اشتري لزوجج أشرطه دينيه ، و خليه يلتزم بصلآته أول بأولْ . .

لأن الريال اذا كان مب ملتزمْ ، طبيعيْ ما عنده مانع يخون زوجته . .

لانه مب مستشعر وجود ربه في حيآته ،

و شوفي شو اهتماماته ، و هواياته ،

كوني صديقته قبل لا اتكونيـن زوجته . .

خلج هآديــه ، و صوتج وآطــي ، و بنفس الوقت مرحه و فرفوشيه و كله مبتسمه ،

و لسآنج مآ ينطق الا بالكلمه الطيبه ،

و لآ اتصيحينْ على أتفه الأسبآب ، ترى الريآل يكره الحنه و النكد . .

و غيري أثاث بيتجْ ، أو الاكسسوآرآت و جيه ، لأنه يغير النفسيهْ

هذآ الي الي أقدر أقوله باختصار . .

و ترى أنآ مب متزوجه ،

بس هذآ الي فهمته و استفدته من هالقسمْ ،

و الوآلده مآ اتقصر ، خبيرة علاقات أسريه

و هذا الي أعرفه و خريته لج ،

،

و الله يوفقجْ و يسخره لج ،

 

[لوفيه]

الطلاق صعب حيل ويعور القلب
خصوصا عندج منه ولد راح تتعبين
بس آنا قريت مواضيعج عنه بصراحه انسان مثل زوجج اسمحيلي يقهر حييييل
عفيه عليج صابره على هالاشكال
يعني ولد عمج وابو ولدج مو عارف يضبط نفسه ويتأدب وييع لي متى ؟؟

استخيري ربج .. ربج بيختارلج الانسب
لا أنا ولا أي وحدة بتفيدج أخاف اقولج تطلقي واكون غلطت بهالنصيحه
وبعد اخاف اقولج لا تتطلقين بس هم مايهون علي اي بنت تتعذب من شخص تحبه

وعسى ربي يهديييييييييييييه ويصبرج

 

[iLLuMinaTion]

تمهلي حبيبتي

 

[عاشقة هواك]

الله يهديه ويسخره لج يااارب

 

[ورده الكرستال]

الله يهديه ويسخره لج

كثري الاستغفار والصدقه بنية صلاح زوجج

 

[زوجة عزيز]

انآ قريت موآضيعج السابقه تونيْ ،

أحسج وآيد اتفتشين و وآآيد اتحبيـن تركضين ورآه ،

و كله تسإلينه ، و تشتغلين محققه ويـآه . .

مخليتنه محور حيآتج ، !

و هذآ خلآه يطفر أكثرْ ، و يخون أكثر و أكثر . .

،

مشكلتج لهآ حلولْ ،

أول شي ردي بيتجْ . . و لآ تطلبين الطلآق . .

و ابدي بنفسجْ ،

اتقربي من ربجْ ، و عليج بالصدقه و قيآم الليل و قرآءة سورة البقرهْ ،

ترى حيآتج بتكون ملخطبه اذآ كنتي بعيده عن ربج ، !

خلج هآديـه و ريلآكسْ ، و تلفون زوجج لآ اتفتشينه ،

اشتري لزوجج أشرطه دينيه ، و خليه يلتزم بصلآته أول بأولْ . .

لأن الريال اذا كان مب ملتزمْ ، طبيعيْ ما عنده مانع يخون زوجته . .

لانه مب مستشعر وجود ربه في حيآته ،

و شوفي شو اهتماماته ، و هواياته ،

كوني صديقته قبل لا اتكونيـن زوجته . .

خلج هآديــه ، و صوتج وآطــي ، و بنفس الوقت مرحه و فرفوشيه و كله مبتسمه ،

و لسآنج مآ ينطق الا بالكلمه الطيبه ،

و لآ اتصيحينْ على أتفه الأسبآب ، ترى الريآل يكره الحنه و النكد . .

و غيري أثاث بيتجْ ، أو الاكسسوآرآت و جيه ، لأنه يغير النفسيهْ

هذآ الي الي أقدر أقوله باختصار . .

و ترى أنآ مب متزوجه ،

بس هذآ الي فهمته و استفدته من هالقسمْ ،

و الوآلده مآ اتقصر ، خبيرة علاقات أسريه

و هذا الي أعرفه و خريته لج ،

،

و الله يوفقجْ و يسخره لج ،

معاها :rerrerek:

 

[FeShinGoOo]

مادري والله حبيبتي القرار يرجع لج تقدرين توصالين مع انسان جذي ولا ماتقدرين

بس قعدتج فبيت اهلج غلط ومو من حقه انتي ليلحين على ذمته يعني البيت بيتج وماله حقج يطردج منه ..!!

خلي ابوج يدق ويتفاهم معاه وخل يقوله فلان بنتنا اذا تبيها تعال اخذها ماتبيها طلقها بس ماتخليها معلقه عندنا جذي ..!!

 

[ايمان80]

اشفيهم استخفو رياييل هالوقت
جنه الطلاق لعبة علي اي مشكله تافهة او مل منها طلقها
واللي يقهر شنو مليت منها
انت عمي يوم خذيتها؟؟؟
ما اقول الا مالت عليهم

 

[جلكسيه اس 3]

الحل الوحيد لكل المشاكل التقرب لله واله يهدي زوجج يارب

 

[Rawonah]

الله يعينج ويهديه ان شاء الله

 

[خالف تعرف]

لاتتطلقين عدليه وعدلي نفسج اكيد في اسباب حاولي تعرفينها

 

[طيبة83]

شوكة رنانة،،،،،،، عرفتج انتي كنتي معانا في تجمع مواليد شهر ٥
المهم
لا تطلقين حرام ولدج توه صغير وماله ذنب
وسوي نفس ماقالت كلاسيكية

 

[*الغاليه*]

ااااالله يهديج ويااه

اختي الطلااق اخرر حل وافضل شي بعد تشيلينه من راسج

ولااااتخلين زووجج اهو شغلج الشاغل واهو همج ولاتنبشيين وراه

وحاولي قد ماتقدرين اطنشين وماتكبيرين ولاتصنعين مشكله

تقرربي من ربج واشغلي روحج بالاشياء اللي تحبينها

وشوي شوي راح تلقين روحج هدت نفسج وتعدلت امورج

والله يسخركم حق بعض

​

 

[لبى عيينش]

تتطلقين وين تروحين بيت امج وابوج ماراح يدوم لج حبيبتي لاتخلينه حق غيرج فتحي وتحملي راح يكبر ويحس بالمسؤوليه ومصيره بيمل من الخرابيط ويعقل لاتخلين بيتج حق غيرج والزوج يجي مره مو اكثر واذا جا مرا ثانيه مااظن بيكو ن زين لان منو ياخذ مطلقه وعندها ولد صعبه وااااايد عليج تحملي وادعي له بالهدايه والله يهديه ترا راح تتندمين عامليه مو كا وحده تغار عليه عامليه كصديق اذا مل منج لازم تغيرين طبعج
بس بيتج لاتتركينه لغيرج وتحملي

 

[ابلة لولوة]

الله يهديه ويسخره لج

قولي آمين

مابيدنا شي عليج غير الدعاء

 

[dectora 7elwa]

الله يفرج همج

 

[دمرت كياني]

الله يفرج همج
الله يهدي لج