فديتكم لا تردوني الله يوسع لكم

[شوكولاه 22]

السلام عليك ورحمت لله وبركاته

كيفكم بنات أشتقت لكم وايد

بنات أنا لي وايد بالمنتدى وأستفدت من هالمنتدى الغالي وايد اشياء وواثقه فيكم وفكل طرح يفيد كل امراءه :hjy5jewf:


أنا بصراحه لي ثلاث سنين متزوجه واللوك هو اللوك ماغيرته:s141:

الشعر رفع دايم فوق والميك اب خفيف والملابس أغلبها بناطيل

وبصراحه أشوف الحريم اللي اكبر مني ستايل وكل فتره يتغير:icon30:

وأنا كل مره اقول بغير وترجع حليمه لعادتها القديمه وحاسه زوجي وايد مل مني :eh_s(11):


عاد أنا قلت مالي الا خواتي الغاليات يساعدوني

حابه اغير ستايلي وأعمل نيولوك جديد :icon30:
وابي نصايحكم وافكاركم من صبغات قصات ملابس مكياج تسريحات الله يعافيكم وياليت لو يكون بالصور :hjy5jewf:


واللي تساعدني الله يوفقها وييسر لها كل أمورها ويرزقها ويعافيها من الشر في هالشهر الفضيل :yaaaaaarb:

 

[هيبة ملك]

حبيبتي شوف اللي يناسبج

حسب لون بشرتج صبغي شعرج

وغيري تسريحتج كل يوم خليج بشكل

واللبس عاد كلج ذوق شوفي واختاري

 

[little monster]

في صالون يديد اسمه دوسوليه بالجابرية مصففه الشعر عندهم عجييييييييبة قصت شعري
شعري كان طويل والحين قصييير أحلى من قبل كلمن مدح شغلها
وصبغهااااااا عجييييييييييب
صراحة انا ما صبغت شعري بس أختي اصبغت عندهم واااااااااااااااااايد حلو بني وهايلات أشقر
ويسووون اسبا اظافر ومانكير وباديكير حلو منها يغيرين لون اظافرج ولوكج بالكامل حق العيد

( نصيحة سوي اشتراك شسوار عندهم كل اسبوع شسوري تغير )

واي نسيت اقولج مسوين عروض وخصومات حق رمضان روحي استفيدي قبل لا يخلص العرض

هذا رقمهم لازم تحجزين : 25334045

الصالون بالجابرية ( لفة الخباز - بعدين يصير ثالث لفة على اليسار = لفة سعد كتور )

 

[little monster]

نسيت اقولج إذا تبين اي معلومات او استفسار عن الصالون دخلي على الفيس بوك @ salondusoleil kw

 

[MoonDiamond]

صبغي شعرج
قصيه واذا طويل درجيه بس لان حرام تحشينه
حطي حمر الوان قويه مثل حمره حمره فوشيه او عدسات ومسكره بس
خلي البنطلونات وطيحي بالدراريع القصيره الخفيفه البارده وحطي ربطات الشعر الاسترتج والا نزلي شعرج مع عجفتين بمقدمة الشعر فهمتيني والا لفيه بالليل ولا قمتي بيصير ويفي
لبسي شحاطات الشوارفسكي ام اصبع وحجل وصبغي اظافر ريلج
ولبسي التراجي الصيغرونه كلش من كليرز

حتى اثاث البيت غيري فيه شويه وغيري استايل البخور مثلا حطي الزيوت العطريه مالت بودي شوب
غيري طقم النسكافيه وييبي البساكيت والكاكاويات الميني حق القعدات حطيهم بطرف الصحن

اتمنى افدتج

 

[dnyay_mll]

رد : فديتكم لا تردوني الله يوسع لكم

ديري بالج لايمل الريال منج

غيري شعرج اذا طويل قصيه واذا قصير درجيه

واذا اشقر صبغي بني واذا غامج صبغيه احمر او اشقر

والبجايم العاديه انسيها

لبسي البرمودات والنفانيف القصيره الحلوه ياكثرهم بالسوق

انسي ترفعين شعرج بالبيت خليه مفلول وعلى راحته وقصي قذله تصغر الويه وتغير وموضه الحين

وابدي اهتمي بنفسج ولاتهملين بروحج

اذا ماكشختي وتمتعتي الحين وانتي صغيره متى بتتمتعين؟

 

[شوكولاه 22]

كل الغاليات اللي رديتو ونورتو موضوعي ماقصرتو الله يوسعها لكم ان شاء الله