فديتكم بناات تعالو شوي حدي خاايفه :(

[دنيتى زوجي M]

السلام عليكم

بنااااااااااات اناا بنتي عمرها 6 شهور اقصد تاريخ 25 تكمل 6شهور

وريلي حبيبي يبيني احمل وراها بسرعه يقول عشان تحت بعض وترتاحين لان اناا وياه

مقررين من الاول مانبي يهال وايد 2 اللهم لك الحمد كافي

الحين اناا دورتي كل تاريخ 7 وتاخرت عاد امس شريت تحليل منزلى وطلعت حامل الف حمد

وشكر لك رب العالمين :yaaaaaarb:
وريلي وايد استانس بس اناا خايفه حيل بنات احس مسؤليه واااااااااااااايد

وغير جذي لما اتذكر شنو صارلي بولادتى ببنتي يماااااي اموت خوف وخصوصا انها بعد طلعت

تعبانه وقعدوها بالشيشه اسبوعين وماطلعوها على ططول لان ماكانو عارفين شنو فيها

وهم افكر اقول يمكن يتغير على :eh_s(11): مادري بنات احس الف شي وشي افكر فيه

نصحونى فهمونى يقولى زوجي يعني بالعكس شي حلو ان اليهال يكبرون معاج اناا عمرى 23 يعني

مادري بنات كلموني قولو لي اي شي :eh_s(16):

 

[زينانه]

قولي الحمدلله
صج انج استعجلتي شوي بس ميخالف نعمه
لاتحاتين كل حمال غير الثاني
وكذلك الولاده
مافي شي مثل مثل
لكن بالمره اليايه حاولي تخلين سنه بين كل حمل
وحمل اريح لج ولرحمج
لان الرحم يرجع لوضعه وحجمه الطبيعي عقب ٦ شهور

 

[ام ساره 4]

قولي الحمد والشكر أنا كان عمري ٢١ سنه وعندي بنتين يبتهم ورا بعض لا وحملت من الأربعين بعد بينهم عشر شهور ونص بس أقل من سنه صج تعب بس الحمدلله على كل حال

 

[مواصله]

الله يتمم عليج وعلينا بخير

الوحده اول ماتحمل يجيها هالشعور تخاف وتتردد وتحاتي هرمونات حمال

صبري شوي وشوفي شلون ياخذ عقلج وقلبج البيبي

صج ورا بعض التعب يكون مضاعف ،،لكن تعبي مره وحده ربيهم كأنهم تواأم

واهما ياحياتي يتسلون مع بعض

وعمرج زين تكونين قد المسؤليه

انا جبت بناتي 3 ورا بعض حملت بعد الاربعين

وكان عمري 20وانا اربيهم كنت ابجي معاهم لووول،، الله يحميهم

 

[أغلى أمنياته]

الله يتمم عليج انشالله​

 

[@ام يوسف@]

ان شاء الله الف مبروك والله يتمم عليج واحسن لج التربيه والتعب واحد انا كنت نفسج ولدي البجر لما صار عمره 8 شهور حملت في اخته ولما صار عمر بنتي 6 شهور حملت بالثانيه والبنات اللحين كل من يشوفهم يقول توأم والله يحفظهم

 

["*آآآنؤؤؤقهـ*"]

ماعليييج عاادي كل شي سهالات
صج بتتعبين لان بنتج توها 6 اشهور الموت لا مشت تحاتين اكثر
وبكون عندج بيبي ثاني التربيه تكون غيير عن واحد تكون اصعب
وفوق هذا اذا انتي موظفه الله يعيينج يبيلج خدامتين
يجابلون طفلين رضع الله يعيييييينج
بس الحمدلله هذي الحياة انتي بس خليج صبوره
والله يعينج ويقدرج ،، ان شااااءالله

 

[شقرا كويتيه]

عسى الله يتمم عليج صج تعب بس يكبرون مع بعض احسن وريحي بعدها

 

[مس لوتس]

مبروك حبيبتي ماعليج خوف ف البدايه بعدين سهالات

 

[engnera]

الله يتمم عليج

 

[ترف بابا]

راح تتعبين في البدايه

بس بعدين ترتاحين

 

[دنيتى زوجي M]

بناات خرعتوني زياده

ريلي يبي ورى بعض وحل استانس

واحنا مفكرين بس يهال 2 وخلاص نوقف

واهو قالي ورى بعض عشان تفتكين

حتى امي قالت لى عشان تخف عليج النساة

بس انتو خرعتونى مادري ابي ابجي