فخوذي السوده صارو ؟؟؟ دخلي وشوفي بالصور

[حبيبه العلي]

بسم الله الرحمن الرحيم​

السلام عليكم ياحلوات شلونكم عساكم بخير​

اليوم جايبه لكم قنبله الموسم بالنسبه لي ويمكن البعض يعرفها

لكن حبيت اكتبها لكم وخاااصه لمن كانت مثلي تعاني من سمااار المنطقه
الحساسه

انا وحده حدي خوافه من أي كريمات تستخدم للمنطقه الحساسه
وللامانه ماجربت الا مره وحده خلطه وماشفت نتيجه

ببدي لكم السالفه من اول وقبلها احلف بالله العظيم اني صادقه


بكل شي بقوله واللي ماتنفعها الخلطه لاتدعي علي


ونرجع حق سالفتنا ههههه ادري مصختها

طلعت من العده قبل شهرين الحمدلله وتعرفون الاهمال وقت العده

عساكم ماتجربونها .

المهم واقوم قلت يالله يابنت خلصت العده و شدي الهمه واشيل قشي

واروح الحمام (عزكم الله) وهات ياتفريك بالمغربي وملح الحليب للين

شبعت وخاصه بين الافخاذ واطلع وماحسيت الا النار والله اقعد كم

اسبوع اعالج من الحساسيه اللي حاشت فخوذي وبعدها قلبوا فحمه


بصراحه كرهت نفسي وصرت 24 اطالع فخوذي وابكي

وبسرعه اروح لعمي قوقل وادور ولاحظت الاغلبيه رتن والدوكين

وعليهم كم كريم قلت يالله يام فخوذ موفحمه ابدي

المهم رحت طلعت اغراضي كريمات (اموت بسوالف الخلطات

والحمامات) واسمي واجمع وبديت استخدمهم على الفخوذ

والحمدلله بينت النتيجه بثلاث اسابيع وراح استمر ولمفاجأة

ان المنطقه الداخليه ماعرف اشرح اقسم بالله صارت ورديه

وخط البكيني لون واحد وماني نحيسه وزعتها على خواتي

وحريم خواني بس توهم لهم يومين واكيد مايغلى عليكم

شوفوا الصور قبل وبعد واحكموا



المكونات

- مقدار قفشه (حلو) رتن أي

- مقدار 3قفاش الدوكين

- مقدار 3قفاش الفالون البرتقالي

- مقدار فقشتين كريم neo viderm وهذا استخدمته بديل لكريم

الحساسيه وللأمانه قريت فوائده عجبتني لانه كان عندي استخدمه

لعلاج بشرتي من بعد الليزر وادخلي على موقع الشركه وشوفي

مكوناته

- وبعد اضفت شوي من خلطه عندي للتبييض البشره والله من سنتين

انا وخواتي عليها ماشفت منها ضرر مع اني اتركها كثير لكن مفعول

تبييضها يطول كثر مايبين

واقسم بالله ماعرف صاحب الخلطه ولا لي هدف الا الفايده لكم


احط الخلطه يوميا قبل النوم بعد ماغسل بالصابون وانشف

والصبح اغسل بالصابون واحط زيوت مرطبه زيت اللوز والحلسرين

وفيتامين e وحاليا اضفت فير اند لفلي وقت بروحه

ملاحظه : يمكن الخلطه ناسبتني وماتناسب غيري يعني جربي

بمكان صغير وشوفي


وبالاخير ادعولي بالزوج الصالح والذريه الصالحه (بدل بنتي مريومه الله

يرحمها)




اتركم مع الصور قبل وبعد واذا الصور مو طالعه بلغوني

http://www.q8yat.com/redirector.php?url=http://hh7.net/

 

[زبدة ككاو]

مــآشــآلله تجربتــج روعــآ
وهــآلكريمــآت قريت عنهم إن مفعــولهم وآيــد حلــو
وينفعون للمنطقـة الحســآســة والــركب
إنشــآلله أجرب وأدعيلــج ، ويعطيـج ألف عــآفية يــآقلبي ويهنيـج بــآلنتيجة إللي وصلتي لهــآ

 

[بوجي وطمطم]

ماشالله تبارك الرحمن

 

[بوجي وطمطم]

من وين احصل كريم افالون في الامارات...

 

[حبيبه العلي]

بنات حذفت الصور مادري ليش قلبي قرصني مارتحت ابسأل اذا يجوز او الا احطهم واللي عندها علم ياليت تفيدني

 

[بوجي وطمطم]

حضي اني شفت النتايج.....اتطمنت

 

[بوجي وطمطم]

الغاليه حطي صور الكريمات

 

[مـزآج ــــية]

ماعرف هالكريمات

يا ليت لو تحطين صور الكريمات

و الله يعوضج خير

 

[حبيبه العلي]

قريت انه عادي اذا الملامح مو طالعه

اتمنى من المشرفات ادخال الصور بالموضوع

 

[حبيبه العلي]

مــآشــآلله تجربتــج روعــآ
وهــآلكريمــآت قريت عنهم إن مفعــولهم وآيــد حلــو
وينفعون للمنطقـة الحســآســة والــركب
إنشــآلله أجرب وأدعيلــج ، ويعطيـج ألف عــآفية يــآقلبي ويهنيـج بــآلنتيجة إللي وصلتي لهــآ

هلا وغلا اهم شي تستفيدون

 

[حبيبه العلي]

ماشالله تبارك الرحمن

الله يجزاك خير

 

[حبيبه العلي]

ماشالله تبارك الرحمن

ماعرف هالكريمات

يا ليت لو تحطين صور الكريمات

و الله يعوضج خير

مشكوره وحطيت لج الصوره بكبرها

 

[ألمـاااس]

سبحان الله وبحمده .. سبحان ربي العظيم​

عدد خلقه ..
وزنة عرشه..
ومداد كلماته ..​

 

[✿فيْۈنڪْہ✿]

ما شــااء اللــه تتهنيــن بالنتيجـــه ...

استمــررري ...

 

[&موناليزا&]

مشكورة حبيبتي وعليج بالعاااااافيه عزيزتي

 

[غلا-زوجي]

من وين احصل الكريمات .. ماشاءالله استمري بظهرج وويهج بس ديري بالج من الشمس لاتنصلخين

 

[omsalooom@hotma]

اختي شنو كريم الي مدور

 

[دلوعه ناعمه]

ماشالله النتيييييجه موصج استمرري

 

[دلوعه ناعمه]

بسس صج بليييييز الكريم المدور شنوو ماعرفته؟؟؟

 

[عز الخويه]

حلو النتيجه وين احصل الكريمات بلجمعيه ولا الحواي ولا الصديليه