فحص ما قبل الزواج الشامل

[كيكة الكرز]

حبيت تشاركوني بموضوع جدا مهم و ما كتبتها الا اني شايفته حيل متكرر مع وايد ناس اعرفهم
الموضوع هو فحص الزواج الشامل و خصوصا الحيوانات المنوية لدى الزوج

هل تأيدون ان اهل العروس يطلبون من الخطيب فحص شامل للمعرس و خصوصا تواجد الحيوانات المنوية عنده ؟؟
وايد بنات تزوجو و هدفهم من الزواج الاستقرار و الستر و انجاب الاطفال لكن ينصدمون صدمة العمر اللي هي عقم الزوج او قله الحيوانات المنوية عنده

انا ما كتبت الموضوع هذا الا بعد ما تكررت جدامي حالات وايد سواء من رفيجات او أهل أو معارف بهالمشكلة
​

حبيت تشاركوني برايكم ؟ و اذا في قصص او سوالف سامعينها عن هالموضوع و هل تايدون هالفحص قبل الزواج او لا ؟

 

[Combat]

انا بصراحه ماأؤيد هالشي
فشله نطلب جنه نسبق الاحداث وندور حجه
بالرغم انه وايد تزوجوا وواجهوا هالمشكله بس بعد احس فشله
وهذا مكتوب ممكن يكون كل شي. تمام والزوجين مافيهم شي نهائي وما يكتب لهم ربي حمال

 

[um salman]

انا صراحه اوؤيد وبشده ووايد مهمه هالسالفه
لازم يحلل .. عشان محد ينصدم!!

 

[قدساوية 99]

لاا ما أيد كلش فشله صراحة واللي كاتبة ربج بيصير

 

[عادت ذكرياتي]

ليش الحكومة ما تقرر هالفحص ما قبل الزواج لأن سمعنا بحالات ...إلخ

 

[لوريت]

بصراحه شي محرج جدا..

ممكن الفحص الخاص بالامراض .. اوكي هذي تقرره الحكومه..

بس الفحص الثاني ما ايد.. اللي الله كاتبه بيصير..

دمتم بود

 

[LiLy_S]

انا أيد... وليش فشله؟ أعتقد هذا من حق الأثنين علشان ولا أحد ينظلم فيهم!
ومثل ما للمعرس فحوصات هم المفروض يكون في فحوصات للعروس، يعني مثلا يشوفون اذا في احتمال ايبون بيبي في مرض لأن من الجينات يبين! وخاصه زواج الأقارب.
انا أتذكر مره كنت خلاص وافقنا وباقي بس الفحوصات بس الله ما كتب يصير شي خيره الحمدلله، بس اني انصدمت لمن دريت انه مجرد جم تحليل و مو شامل! شالفايده عيل!!! ما فرقت كلش.
وأكيد اللي الله كاتبه راح يصير ما قلنا شي واحتمال يطلع البيبي سليم ونتايج التحاليل كانت كعس جذي. بس انا أقول ما فيها شي اذا احنا توصلنا لي علم يبين لنا بعض الحالات، على الأقل مو أحسن من ما يتزوجون وبعدين ينصدمون وكل واحد يبتلش بالثاني؟ نادر ما نلقى حالات انه الطرفين متفاهمين...يا البنت خاطرها تييب عيال أو الزوج وبعدين يا يطلقها أو يتزوج عليها وقليل جدا المتفهمين.

مادري انا هاذي وجهة نظري وأتمنى إن شاء الله يكون في فحص شامل بالمستقبل

 

[كويتيهة]

انا ضد هالقرار واللي كاتبه ربي بيصير
والطب الحين تطور وفي علاج للعقم وغيره ...


واذا ع الصدمه و ان البنت تبي تستقر و تجيب عيال ترى
في ازواج صار لهم سنين متزوجين و مايشتكون من اي شي والطرفين سليم و للحين ما صار حمل
الموضوع كله بيد ربي و هذا نصيب و خلاصه الموضوع اللي كاتبه ربي بيصير سواء سوينا فحص او ماسوينا


احنا فحص دم و جتنا حاله فما بالج فحص شامل

 

[*مطبخ الذواقة*]

بصراحه شي محرج جدا..

ممكن الفحص الخاص بالامراض .. اوكي هذي تقرره الحكومه..

بس الفحص الثاني ما ايد.. اللي الله كاتبه بيصير..

دمتم بود

:eh_s(15):

عدل 100 %


المفروض ماما الحكومة تفرض هالفحص وتوفر علينا وعليكم الاحراج

 

[أميرة-]

لا ما أؤيد أنه الأهل يشترطون لأنه صراحة فيها إحراج

 

[اميره1980]

الموضوع فعلا محرج
يا ريت الحكومة تطبقة فعليا لان فحص الزواج اللي قاعدين يسوونه مو شامل و ما يوضح الحاله الطبية كاملة للزوجين للاسف

 

[طموحه بزياده]

صراحه شي مو حلوه يتعدون على خصوصية كل من الرجل والمرأة


فيها هتك ستر ويمكن هالرجال في منه امل علاج وصبر بس خلاص من يعلنون انه في مشكله تعيق الانجاب تخرب حياته وينرفض ومايتزوج ولا يعف نفسه


فحص الامراض الخطيره المعديه وفحص للجينات والامراض الوراثية كافي وخوش قرار


لكن غيره صراحه ما أأيد


تزوجوا وتوكلوا على الله وكلن يشوف نصيبه ويرضى فيه


ويجاهد ويسعى ويبحث عن العلاج

 

[el.mlkaa]

ضضد / لأن فششله شلون بيفاتحونه بالموووضووع والقدر مكتوووببببببب

 

[noorq8]

شرعا لايعتبر عقم الزوج سببا للطلاق

 

[وايليه 1]

مـــــــع


لابد منها لتجنب المشاكل لاسمح الله ؛ ولاحياء في علم او دين



شكرا ​

 

[mi corazon]

تبين الصدمه؟

اكو امراض فحص الزواج ما يبينها وومكن تصيب الزوجه او الزوج بالعدوى

الايدز واحد منهم تخيلي اكو نسبه كبيره ما يبين في فحص الزواج الا بمراحله المتقدمه

وغيرها من الامراض التناسليه

الفحص مو شامل للاسف

 

[Japanese]

آؤيد وبشده بعد!

اوبيه بنات صدمتوني يعني اشلون اذا البنت تبي تسوي فحوصات اشمل؟ فيه شي جي ولا شلون :/

<< عزابيه بس حدي تخرعت وودي افهم الموضوع اكثر

يعطيكم العافيه​

 

[floragucci]

لا طبعا مو معا

عفوا شنو قلت هالادب

يعني اشكره جنج تقولين لريال انت ريال ولا لاء

سألوة مره وحده جم مره تقدر تعاشر باليوم وجم المده وشنو الحركات الي تعرفها والوضعيات

اذا اخوانج يرضون على نفسهم احد يسألهم هالسؤال لما يروحون يخطبون ذيج المره سألوا الناس الي تييكم

 

[floragucci]

تبين الصدمه؟

اكو امراض فحص الزواج ما يبينها وومكن تصيب الزوجه او الزوج بالعدوى

الايدز واحد منهم تخيلي اكو نسبه كبيره ما يبين في فحص الزواج الا بمراحله المتقدمه

وغيرها من الامراض التناسليه

الفحص مو شامل للاسف

لا حبيبتي شامل

تو وحده بقسم العرايس مسويه فحص طلع فيها فيروس الكبد سي

والايدز يبين من الدم

 

[أبـنسـآكـم ♥]

مــــــــــــــــــــــــا أأيـــــــد فشله من قلب