""فتيات عصفت بهم امواج الحياة""

[::صايغة الرند::]

بسم الله نبدي


فلاااااااااش بااااااااك


.......: يوووه عااااد مهوووي مايصييير جذي

..........: لااا خليها الخبلة مستانسه بعمرها يعني شنو راااح تسوين

مها : شغلة وحدة ياحلوة انا بقعد وراااش وانتي ارفعي ورقتش وبنقل منش

......: بــ (تقاطعها)

......: صدق من قال انتس نحيسة انتي شخسرانة خليييها وانتي مالتس شغل والمس تحبتس
ترا مو قادرة اركز ألجمووو ..

.....: والله محد خسران اذا انصاد الا اهي نوار خليها تغش وذنبها عليها

نورا : خلاص شوفي انا بقعد صوب الطوفة ولمى اخلص ويعني
آنا اسولف مع المس وانتي نقلي بس اقولج من الحين
اذا صادتج تعرفين آنا the best عندها ماراح يصيدني شي
يعني اصطفلي

مها : مالش شغل بس حلي بذمة وضمييير بشور شفيش ساكتة ؟؟

بشاير : ساكته انطرج تخلصين حجيج ....
انا بسالج بربج ماتخافين من ربج ؟؟؟
وانتو راضين سارو تقولين لنوار غششيها ؟؟؟

ساره : استغفر الله ....
شسوي بشور طفرتني من امس تحن علي قولي لنوار..
قولي لنوار وكيفها بينها وبين ربها بنات مالي شغل ترى .....
الله يغفرلي انا شدخلني استغفر الله ( واستمرت باستغفارها )

مها : نوار مالش شغل فيهم
بعد الامتحان نستغفر انا وياش للحصة الاخيرة
وربنا غفور رحيم
مو كذا صافي خليش محضر خير يالظبي ..

صافية : صافي تقولتس فارقيها قبل لا تكوفنتس ذا الحين
ترى الفرصة بتخلص وعادني ما خلصت ذا الدرس الي ناقصني
والمدرسات كلهم اليوم يبون يعطونا مراجعه
يعني ما اقدر انقل بالصف

مها (بضحكه) : فارقتش مامنش فايدة ياصافية
(وركزت على احرف الاسم)

صافي (تنرفزت... وخزت مها وحدة من خزاتها المعتادة ) :
لا تحرشين ابرك لتس ابعدي عني اسلم لتس

مها : (بتهويل للامر) بسم الله سكنهم مساكنهم .....
هلااا والله ارحبوااا ارحبواااا هلااا بالي بتفزع لي ..

..... : هههههههه ليش شصاير اكيييد مسوية مصيبة

مها ( ترمش بعينها ) : حرااام عليش انا بريئه هم يتحرشون فيني (وبصوت باكي)
مايبون لي الخير

ساره : خليج نوفه تبي نوار تغششها بامتحان الانجليزي

نوف : انا بعرف متى بتدرسين الانجليزي
كل الموااد امتياز الاهم هل المادة
انتي شلون بتعيشين هذا زمن الانجليزي كل شيء فية بهاللغة
انتي ذكية بس عطي الانجليزي بال شوي
وبتصكين على نوااار حتى

نورا : خلاص بنات سكروا الموضوع بغششها
بس الفرصة بتخلص واحنا ما تهنينا
ما صدقنا على الله يدمجون فرصتين وانشوف بنات علمي
يابعد قلبي ياصافي عطينا ويه

صافي : خلااص ثواني ...
(لفت بابتسامة والغمازات وضحت حيييل ) يابعد طووااايف صافي والله
لبية بنت عمي شخبارتس (قالت بخبث ) بنت الحضرية

نوار : تاج راسج الحضرية
لولا اني ما ادري انج تتغشمرين جان ياااج كلام كلش مو شي

صافي : ياغضروف قلبي وكبدي والامعاء بعد
انتي وامتس ذا الحضرية والله اني احبها

مها : خلونا من سوالفكم عن امش وامها لوعتي كبودنا انتي وامعائش ....
مادريتواااا اخر خبر

ساره : نعم باام هلااال شصار

مها : اقول اكلي هوااا ....
(مها وبصوت واااطي وطبعا يعني سرية الامر )
شفتوا البنت الطويلة الي بثلاثة ادبي /2 ......
الي توها منتقله عندنا السنه هذي

نوف : أي عرفتها ياطولها زرافة ما شاء الله

مها : وااا حلااالاه ياطولها لوكنت طولها
ما اكلمكم شبي فيكم اححححححح بس اححححح

صافي : اخلصي علينا ماغير اتوحوح ما صارت سالفة اختصري اختصري

مها : فارقتش انزين بختصر تدرون انها استغفر الله بويه

نوار : احلفي يمة اشوفها تلحقني اليوم لمى كنت اشتري من المقصف

صافي : يايمه جعلها الماحي شتبي فيتس

بشاير: يعني شتبي بنات تحرسوا منها
الحمدالله الذي عافانا مما ابتلاهم به وفضلنا عن كثر من خلقه

نوف : أي والله مع وضوووح بالجامعه وحده جذي تقول حييييل منتشر
عندهم بالجامعه والتطبيقي
وصاروا ما يستحون بعد يجاهرون بالمعصية

صافي : استغفر الله ياربي قلبي عورني الــــ(يقاطعها)

صوت الجرس يعلن انتهاء الفرصة

(تكمل) يووووه الحين بتطلع ابله عذاري

ثوااااني

ابلة عذاري : نورا ,صافيه, نوف , ساره ,بشاير
(وبصوت عالي ) مهاااااااا يلاااا على الصف

البنات : ان شاء الله ابله (طبعا بس وحده نقزت )

مها : ابله ترى اليوم اشراف العلوم مو اشرافكم
لا اتعبين نفسش ارتاحي
(بصوت واااطي )
ابله خلي المصريات يشتغلون وارتاحي

ابله عذاري (بصوت ضاحك) : مهااا يلاا صفج بسرعة

مها : ابشري من عيني (وتاشر على عيونها )
هذي قبل هذي ( وتركض تلحق ربعها )
نوار لعنبو بليسها قاموس حافظه المدرسة كلها
ما اتأتأ لمى تقول اسم ماتنسى

نوار: قولي ماشاء الله حرام عليج وراها يهال ...
تهبل مسجينه بس فيها طفاقه شتسوي بروحها ​

 

[::صايغة الرند::]

ادخلوووو الصف نوار ومها وبشاير ونوف ادبي

صافي وساره علمي

كانت حصة الامتحان ومس نهله ومعروف عنها الطيبه
بس فلتت زمانها بمادتها
وعندها وبمعني اصح عند قسم الانجليزي
نورا الـ.....ي التوب والمفضله

مس نهله : بنات كل وحده مكانها وبعدوا الطاولات عن بعضيها
نورا تعالي اشرفي على توزيع الطاولات
في ورقتين ناقصين حقيبهم وارقع

نوار : ان شاء مس ...
يلااا بنات اسمعوا الكلام عاااد وعدلوا طاولاتكم

مها : نوارووو لا تصدقييين نفسش بس تعالي ضبطي طاولتش اخلصي


بشاير : مهوووي ترى في رب فوقج يشوفج تعوذي من ابلييس

مها : فكينا من شرش مطوعة بريدة قلت لش بستغفر للحصة الاخيره شتبين بعد

بشاير : انا اذكرج بس اللهم بلغت اللهم فاشهد ياربي بلغت بس ماسمعت

نوف : ههههههههه مسكينه يابشور تبينها تسمعج
هذي مالها شغل باحد وتشوفين بعد شوي
تقعد تقول انا اليوم غشيت
يارب ما اموت لحد ما اكفر عن ذنبي

مها : اقول تلايطي ترى اعرف ربي وبستغفر لحد ما اغش
( وابتدت ) استغفر الله استغفر الله استغفر الله استغفر الله استغفر الله استغفر الله استغفر الله استغفر الله ....

نوار : مها سوي طاولتج عدل

دخلت المس وبدت تجيك على الطاولات وتوزع الامتحان على البنات

بعد مرووور تقريبا عشرين دقيقة

مهااا مستمعته تنقل من ورقت نوار

نوار على اعصابها هي على كلامها بس
عطت الطوفة ظهرها
وتسولف مع المس
ومارفعت ورقتها ومها تنقل الي تقدر اتشوفه

انتهت الحصة وبدت المس تاخذ الاوراق من البنات بسرعة
وطلعت لان الابلة للحصة الي وراها تنطرها
على الباب وكان عليهم العاب

وبدوا البنات يطلعون
ولان رابعه يحسبون حصة الالعاب احتياط مايلعبون
ويأست منهم المدرسة وخصوصا
انا بنات علمي واهو صف وااحد معاهم بنفس الحصة العاب
وطفروا الابلة من كثر ما تقول لهم ييبوا لبس الالعاب
واهم طناش فخلتهم يقعدون يسولفون بالصاله
واهي قاعدة عندهم بغرفتها واهي والمدرسات

على دخلتهم لصالة الالعاب لقوا بنات علمي وصلوا قبلهم

على طول راحوا لساره وصافي الي كانوا قاعدين بمكانهم المعتاد

نوار مها نوف وبشاير : السلام عليكم

صافي و ساره : وعليكم السلام

ساره : هلاا والله شفيكم تاخرتوا

بشاير : كان عندنا امتحان
على مالمت الابله الاوراق وطلعت تاخرنا

صافي : حتى حنا كان عندنا امتحان
بس بنات علمي شطار مو مثلكم يومنا بسنه

مها : اقول بس ألجمي ....
(وتتربع على الارض) يازين القعده على الارض بس ...
نوار شفيش قاعدة فوق تعالي يالحضرية اقعدي على ارض ربش

نوار : اسفه الارض باردة بعدين احافظ على برستيجي يالبدوية

مها : هه هه هه هه ضحكتيني وانا مالي خلق اضحك
تحافظيني على بستيج مدري ستجيش
تراني عارفه اهلش ووالظبي ذي بنت عمش وبيتهم بقطعه 9

صافي : فكي بنت عمي من شرتس بس يالملسونه
وكيفها تقعد وين ماتبي هذاهي نوف قاعده جنبها ليه ما حاكيتيها

مها : بس كيفي احب احارش نوار توسع خاطري

نوار : هههههههه ماعليه خليها صفوي خل تستانس

ساره : نوف ماحددوا عرسج

نوف نزلت راسها وسكتت

بشاير : ساروه يعني من زين الطاري تطرين هل السالفه

** نوف سالفتها سالفه ابوها اسير الله يرده لهم يارب بعايلتها مافي شيء اسمه شاورا البنت قبل الملجه لا ولد عمها ولا من اهلها خطبها املجوا وحتى امها اتكون ماتدري ينصدمون الحريم هذي طريقة يدها الله يسامحه اهي ماخذة ولد ولد عم ابوها واهوا كريه لو تشوفون ويهه صج ينقبض قلبكم منه مو مريح كلش وفوق هذا لاشهادة ولا شي رابعة متوسط وعريف بالشرطة صج صج مايترقع

نوف : لا خليها لا بغوه شهر سبعه بعد الامتحانات

ساره : حسبي الله عليهم ما باجي وقت احنا الحين شهر 5 هذولي مايفكرون

نوف : لا تخافين جدي عيا
يقول بيروح لمزرعته بسوريا
من يعطلون عياله الصغار يمشى

نورا : اول مره يدج ينفع

صافي : أي والله وانتي شراح تسوين

نوف : سوات ربج احسن احتمال كبير شهر 10 يكون
وهذا نصيبي برضى فيه
اهم شي انه موسكير ولا مدمن

مها : خلي امرج لربش يااختش
واكثري من الاستغفار عشان ربي يهون مصيبتش عليش
و(اسكتت لمى لاحظة الكل لاف عليها وفيهم ضحكه)
شفيكم اطالعوني كذا قلت شي

البنات مره وحده انفجروا ضحك

مها معصبه : شضحك يامال السلال

ساره : ههههههه والله جنه بشاير اتكلم مو مهووي

نوار: هههههههه أي والله صاجة مو جنها توها غاشه الحين ابتدت الفتره الدينيه

مها صج افتشلت وبين عليها

بشاير : هههههههه ماعليه خلوها يابنات الله يهدي من يشاء

مها انفجرت : الله هاديين من قبل ما اشوف وجيهكم

صافي : ماعليه يابنات خربتوا عليها الفتره الدينيه

مها : أي والله خربوها
على كنت ابي اكفر عن ذنبي الي سويته
بس ابد مايخلون الوااحد يترزق الله

نوف : تترزقين الله شلون

مها : عشان يروح الذنب عني بسرعه
انصحش بالاستغفار
وكذا اكون كني استغفرت واخلص بسرعه فهمتواااا

وبسرعة غريبة غيرة الجو من الكآبة لضحك وبمعنى اصح هستيريا ضحك
وهذا كان حال نوف تسلي نفسها وتنسى همها هذا طبعها لمتى تكبت ماادري متى الانفجار

ساره : اه يالذيبه ما ينخاف عليج

وخلصت الحصة وكل قسم راح لصفه

بالهده اتيمعوا البنات عند الباب يودعون بعض لان اليوم اخر يوم دواام وكانوا مداومين عشان هل الامتحان الي عليهم الي انعاد لهم لان يوم الامتحان الاصلي صارت مشكله بلمدرسة فطالبوا البنات باعادته فعادوا لعلمي والادبي

عند الباب

مها تلبس نقابها : بنات اشوفكم على خير ان شاء الله

نوف : ان شاء الله ياربي يلااا بشاير البسي
وانتي صافي ماصارت نقاب هل تلبسونه

ساره : احنا المفروض انروح وانخليكم مو جذي نوار

نوار : يلااا خل ننطرهم اخر يوم شنسوي

صافي : نوار انطري اطلع وامشي بعدين اطلعي

نوار : شحقه ياعمري

صافي : لان اليوم بيمرني حمود اخوي
واذا شافتس بيقعد يقرق على راسي
(وتخش صوتها لتقليده) ابن فلان
بنت عمتس ذي وش جاري عليها مااتغطي مع ذا السيقان
لا وخويتها مثلها عاجبتها ذا الشيفه والكشه
بس بنت الحضريه مع عليها شرها

ساره : ولد عمج نوار واخوج صافي هذا متخلف
ماله شغل اهلنا راضين
الله يهدينا ان شاء الله مو شغله مو صج

نوار : انا عناد بروح وبمشي جدام السياره بس جذي
خل يعرف قدره هل الياهل
حتى شاربه توه طالع صج يهااالو

صافي : كيفتس بس ترى مالي شغل فيتس تراه بزر
اذا نزل عليه بخزرانته مالي شغل فيتس

وطلعت نواره بعناد تلحقها ساره ودورا سيارة بيت صافي ومشوا جدامها بعناد
وحمود عيونه صارت حمر من القهر والكل لاحظه
شكله كان نكته​

 

[::صايغة الرند::]

نعووووووووود
14 / 10 / 2007
صحيت من سرحاني على صوت منبهي بسم الله صج خرعني وااااي صارت الساعة 6 ان شاء الله يمديني البس واتمكيج على السريع ورااي طريج

ماعرفتوني آنا نوار شكلي عرفتكم على حبايبي خلاص بس هل الحجي كان قبل نقول اربع سنين لا اربع سنين واشوي دقيقه الحمد الله تسبحت قبل صلاة الفير ابسولف عليكم وانا البس
اليوم اول يوم دوام لي ياحلاة ايام الثانويه انا تخرجت من علوم ادارية والبنات والا اهم يسولفون لكم احس موو جذي

ياربي شلبس كنت مطلع من امس كذا بدله بقولكم

الاولى تنوره قصيره لركبه من بربري مع توب ناعم اسود من كليفن كلين

الثانية سكني جينز من كالفن كلين مع توب طويل بيج من مانغو

الثالثه نفنوف قصيرمن دولتشي & غابانا لونه grey مع تدرجات البنك و الاسود وقلت بلبس تحته لقنق لون اسود

شراايكم اممممممممم

شكلي بختار الثالث لاني عملي ورسمي بنفس الوقت وانا ما اعرف منو معااي يارب متى ينزل اسم سارو واداوم معاي ياقلبي

لبست معاه فلات اسود ناعم مع جنطه سودا بردا

والميك اب صج مابي اكثر ماسكرا وقلوس لحمي جذي وااايد

آنا طولت بسوالف اللبس والميك اب ....آنا متوتره حيل عشان اليوم اول يوم وماني عارفه استايل البنات الي معاي ماابي اكون كائن غريب امبينهم ..... آنا كنت ابي البترول بس ابوي ماراضى قال كل اهلنا هناك عاد رضيت بالماليه يعني وااحد من نسل قبيلة الوالد ماراح يكون فيها الظاهر تفكير الوالد غريب

والله ماتسوى اعيش الدنيا دونك لا ولا تسوى حياتي بهل الوجود

...امبيه تلفوني يدق اكيد وحده من البنات

رديت قبل مااشوف الاسم

نوار: هلو نواره سبيكنك

مها : وجع ذابحش الانجليزي ...
لأ وبعد ادلع نفسها

نوار: امبيه صباحي اليوم موشي صبحت عليج

مها : صباحش عسل ياقلبي احمدي ربش ....
يعني اشوى محد سبقني مبروك الدوام ياقلبي

نوار: ههههه الله يبارك فيج يلااا تخرجي وداومي معاي

مها : هاهاها ياسخفش يعني بخليني علي اداوم معش
عز الله نحرني ممنوع الاختلاط عندنا .....
ادعي لي اتخرج هل الكورس لا عاد الله السنه الي عدتها

مها عادة رابعه ثانوي ورانا يابت دور ثاني بالانجليزي ونسبتها كانت واايد زينه ما الانجليزي عقدتها ورسبت بالدور الثاني خذا قلبها السفر بس عطاها ابوها درس وضرب خلاها تييب 83 ودشت التربيه الاساسيه طبعا تخصص لغة عربيه وععععععع

نوار : تستاهلين ويعني بتردين على علي
انتي مالج شغل فيه كلمتج تمشي على كلمتة
انتي الريل واهو مرتج الظاهر

مها : لااطاولين على حبيبي لو سمحتي

نوار : ان شاء الله .... نطري دقيقه معاي خط

مهووي معااي بشور على الخط احاجيج العصر

مها : سلمي عليها يلاا يوم حلو ان شاء الله ونشوفج اليوم اوكي

نوار : هههههههه ان شاء الله مشكوره باي

(وردت على الخط)

هلااا السلاام عليكم وصباح الخير

بشاير : شوي شوي وعليكم السلام والرحمة
وصباحج ياسمين وفل ان شاء الله
منو سبقني اعترفي

نوار : سبقتج مهوي الله يعين صبحت على صوتها

بشاير : لأ مهووي حلو وجها لأ تخافين المهم كيف النفسيه

نوار : الحمدالله تمام عشر دقائق وامشي

بشاير : خلصتي لبس

نوار : أي بس الحين تذكرت بعطي سويجي السايق يجهز السياره

بشاير : خلااص اخليج توكلي على الله الله يوفقج ان شاء الله

نوار : مشكور ياقلبي لا تنسين الموعد اليوم

بشاير : بأذن الله فمان الله

نوار : بحفظ الرحمن

ودقيت داخلي على الخدامه عشان تاخذ السويج تعطيه السايق يطلع السياره من المصفط

والله مايسوى اعيش الدنيا .... رديت

نوف : صباح الخير ياحلوه

نوار : صباح النور ياقلبي

نوف : شخبار التجهيزات

نوار : تمام ادعي لنا ....
انتي شلونج وشلون الوالده بشري عنها

نوف : نحمد الله انتي شلون اهلج مغبرين

نوار : ادري والله شنسوي بعد انتي ماتمرون

نوف : لأ احسن جمعتنا بره ناخذ راحتنا وبالمره تمشيه

نوار : أي والله صج ....
دقيقه نوفه معاي خط

نوف : لأ خلاص صبحت عليج تجهزي لدوامج

نوار : يعطيج العافيه ما قصرتي

نوف : بااي

نوار : بااي

الووو هلااا يمه

ام عبدالرحمن : هلاا صباح الخير يمه

نوار : صباح النور الغالية

ام عبدالرحمن : قعدتي يمه

نوار : أي قعدت اصلي الفير ما رديت نمت
نايمه من وقت امس الحين جاهزة الحين بطلع
قاعده امرج

ام عبدالرحمن : أي قاعده تعالي غرفتي

نوار : ان شاء الله يايه

رحت لقسم الوالده ابوي وامي ما شاء الله عليهم مايبونا ياعيالهم مسوين لهم نفس الشقه لهم مايبون ازعاج على قولتهم من كثرنا بس
اهما ماخذين بعض عن حب كانوا مع بعض بالجامعه وطبعا عارفين كان فيه معارضة جبيره من الاهل عشانها مو منهم وبعد زودها سبب ثاني اقوله لكم بعدين عرفتوا ليش البنات كانوا يقولون بنت الحضريه امي بمعني اصح نيديه من اهل نجد وابوي بدوي قبلي حتى مرات يتحجى ماتفهم امي لكن انا صافي مدرستني عدل افهم عليه
طقيت باب الشقه ودخلت بعدين طقيت باب غرفة النوم

ابو عبد الرحمن : تفضلي الغالية

نوار : زاااد فضلك الغالي صباح الكادي ( وبست راسه )

ابو عبدالرحمن : صباح السعادة ياعين ابوج تعالي الغالية

نوار : وين الوالده (على كلمتها شافت امها داخله وبايدها النسكافيه مشروب ابوها المقدس )
هلاا الغاليه ( وبست راسها ) شصبحتي

ام عبدالرحمن : بنعمة دام هل الويوه مجابلتني

نوار : الله يخليج لنا ان شاء الله ياربي .... مو جذي نظرعين نوار

ابو عبدالرحمن : جذي يادنيت محمد

ام عبدالرحمن : تريقتي يمه

نوار : لأ يمه انا متوتره اذا تريقت بتلوع جبدي وانا اسوق .....
يلاا انا بتوكل تامروني بشيء

ام عبدالرحمن : سلامتج ديري بالج وانتي تسوقين

ابو عبدالرحمن : الله الله بالعقل يابوج من سيارتج لمكتبج
ولكل شخص حدوده معاج والله يتعداه وقفيه عند حده سمعتي يابوج ....
خليه يقولون محمد الـ.......ي عرف يربي

نوارتأشر على عيونها : من عيوني الغالي برفع راسك بأذن الله

ابو عبدالرحمن : الله يوفقج يابوج

نوار باست روسهم : ادعولي مع السلامه

وطلعت واهي تسمع دعواتهم وتدعي بقلبها ان الله يخليهم لها دخلت دارها ولقت خمسة مس كول 3 من صافي و2 ساره وقالت بتحاجيهم بالسياره

واركبت سيارتها واول ما طلعت من الفريج ولا تلفونها يدق بنغمة عزاه وعرفت منو

نوار : هلااا بالقلب

صافي (بصوت متعب ): هلا فيتس هاا طلعتي

نوار : أي متوكله الحين انتي شخبارج اليوم صوتج احسن

صافي : أي الحمدالله بس صوتي ولأ طيبه بأخذ اذن بداية الدوام

نوار : أي احسن .....
وبعدين ما يصير جذي كل ما يخطبج فهد صار فيج جذيه

صافي : بكيفي هو (تنهدت) والله غصبا عني
ما احس بنفسي الا اتنافض وشايليني الهادي واصحي والمغذي بايدي ....
وبعدين ما ابيه غصب هو ما يفهم

نوار : حرام عليج شاريج حتى لمى قاله ابوي فك الحير
قاله ياعمي ترضى اموت انا ادري افك حيرها اليوم باجر يوها اميه
والغبيه مايقدر يعيش الا لمى يشوف زولج

صافي : الله ياخذه انا شذنبي ماابيه مو غصب هوو ....
(سكت شوي وقالت بمحارش )
اخذيه انتي نسخه مني ونفس الاطباع

نوار : استغفر الله يخليه لامه وحيدهاا مسيجينه وهذا واهي تموت عليج
واهوا يبي صافي مو نورا والناس مو بس بشبه الويه مو جذي

انا وصافي نعتبر توأم نسخة من بعض الا هم الغمازات اهي عندها ثنتين وانا عندي وحده واهي بيضة وانا حنطاويه والي يشوفنا لمى تكون قاطه نقابها يقول خوات اشبها اكثر من خواتها
صافي : استغفر الله .... خلينا من ذا السالفه وصلتي

نوار : لأ قربت بخليج بحاجي سارو قالت لي احاجيها وآنا بالطريج

صافي : خلااص سلمي عليها .... نتلاقى اليوم

نوار : اوكي سلمي

صافي : الله يسلمج

سديته منها ودقيت على سارو عشان يمديني احاجيها قبل مااوصل
ردت وكان شكلها مستعيله

سارو : هلااا نواره

نورا : هلا وينج الحين شكل عندج شي

سارو : أي بنروح الخفجي نتريق

نوار : صج مو صاحيه واليمعه اليوم

سارو : ريوق ورادين حسين خاطره بخبر تميس وفول
قبل ثنتين احنا بالكويت ولا بالبيت بعد

نوار : الله يعافينا ترى عندنا بالكويت خبز تميس وفول
لازم الخفجي وريلج شكبره وهم توكلين فيه
وععععععع بيصير يخرع اكثر من جذي

سارو : انتي شكوور ريلي وراضيه خليه عشان اصير يمه رشيقه ....
شفتي تكتيك رفيجتج

نوار بأستخفاف : أي فلت زمانج المهم وصلت لا تنسين يالله

سارو : لأ ان شاء الله good day

نوار : تك كيييير قلبي وشوي شوي على الطريج

ساروا : اوكي بااي

صفطت سيارتي وسميت بالرحمن وقعدت اقرى ادعية وطلعت بوكي وشفت الصوره

نوار : حبيبي كان ودي تكون معاي اليوم بس قدر الله وما شاء فعل ادع الله يوفقني

نزلت وشفت المبني ودخلت وان اسمي بالله

بسم الله توكلت على الله​

 

[::صايغة الرند::]

انتهى البارت الاول

شتوقعون صار لكل وحده من البنات بهل الاربع سنين الي مرت وهل كلهم سعيدات والسعيده منهم هل سعادتها كامله

ابي توقعاتكم وانتقداتكم وفي اشياء لها تكلمه بالبارتات اليايه يعني لا تستعجلون عليها

وابي تشجيعكم عشان اقدر اكمل

امانه لااحد يخش عني شيء بخاطره يقوله ويناقشني بوجهة نظره ما عندي مشكله

اختكم

 

[احبك بس منت ملكي]

روعه القصه كمليها بليزززززززز

 

[::صايغة الرند::]

part 2

اعوذ بالله من الشيطان الرجيم خلاااص طيرت نوار النوم من عيني بذا الطاري
انا بعرف هي تحب تعومسني
آه ياربي متى افتك من ذا الطاري

عرفتوني انا صافي اسمي بالاصل صافيه بس ما احبه ومحد يدعيني به الا ابوي الله يرحمه من بعدها ما احب احد يدعيني به غيره بس ماعليه مني

وبصراحه انا اصلاا ما احب اسمي وياكثر ما تعلق على مهوي وتناديني لبن الصافي بس ماعلي منها يعني وش اسوي

خلني اقوم وغسل وجهي واشوف من موجود تحت اسمع صوت

غسلت وتجددت وصليت الضحى وخذت جلالها معاها ونزلت الصاله ولقيت الامه كلهم موجودين ماعدى طبعا ابناء المدارسوحريم اخوانها

ام فالح : هلاا والله بصفوي ما رحتي لدوامتس

صافي : صبحكم الله بالخير

الجميع : صبحتس الله بالنور

صافي : لا يمي ماخذ اذن بداية الدوام تسع بروح

ام فالح : الله يوفقتس ما تبين تاكلين شيء يمتس

صافي : لا يمه قلت لسيسي اتجيب لي كابتشينو

ام فالح : وش تبين به يا بنيتي بيحت كبدتس

لف علينا محمد الي كان مشغول مع اخوانه بحكيهم عن نقل عزبتهم

محمد : يعني جعلني افداس قهوتتس ذا الي تصبحين فيها ابد ما تحت الكبد

ام فالح بنرفزه تعدل قرنة برقعها و تصغر عيونها وتلف على محمد : لا ماتحت الكبد
خايلني قدامك صحتي ابرك من حال اختك ذي الي كل يوم ودها ذا الدختر
وعرز ذا الابر في عظامها

صافي : هههههههه الله يخليتس لنا يالغالية انا وش فيني ما فيني الا العافيه

سالم الي كان يخايل صافي من نزلت بطرف عينه : ايه يمه بنتس ذي تمثل علينا كل ماخطبها الفهد سوت لنا كذا ما تحمد ربها انا يبي ذا الشيفه المخنزه

صافي نزلت راسها ولا قلبها يحترق بس اخوها الي اكبر منها ما تقدر اترادده بس غيره برد كبدها

فالح : صافيه ابرك من ذا الوجه الاسود احترم اختك تعاملها كذا وانا قاعد عجل وانا ماني مجود وش تقولها

سالم يقوم ويبوس راس اخوه الكبير : اسمح لي جعلني افداك بس من حرت قلبي امانه الي مثل فهد ينرد والله لو يبي بنت من بنات الجماعة انها له

محمد : وشيبي ابنات الجماعة اخييييه

سالم : من حرم ما أنس له تراه كبري وانا عيالي اسم الله عليهم حولي وهو معلق نفسه فيها قلت له اعرس وخلها ما طاعني

صافي منزله راسها ويعني انها مشغوله بقهوتها ودها تطلع من المكان بس اخوها الكبير موجود ما تقدر تطلع وكذا بدون سبب

فالح : يا صفوي جعنلي قبلتس لمتى ذا الحالة

رفعت راسها اطلع اخوها تبي ترد
بس رفع ايده بمعني اسكتي واسمعيني وكمل كلامه

فالح : ياخوتس انا ما ابي اغصبتس بس ابوي من حياته قايل صفوي للفهد ومعطي عمي كلمة والله انتس غاليه انا لو لاقي عليه حاجة وحده كان ماقربته لكنه ماشاء الله رجال ومنصب وفلوس وخير

ام فالح : حتى امه يايمتس تموت عليتس لو غيرها زوجت ولدها وقالت له خل حجريها واعرس واخرتها لك

سالم : والله يمي اني حاكيته وقلت له العمر راح اعرس بس عيا

محمد لاحظ ضيقت اخته من السالفه : خلونا من ذا السالفه صفوي عادها تعبانه الا يابوطلال وش رايك متى نشد

فالح : والله انا اقول نخليها باخر الشهر على العطله عشان العيال يعطلون ويعاونونا على النقل

سالم : وانا اقول كذا بعد

صافي شافتها فرصة تستاذن عشان تجهز لدوام

صافي : اسمحولي

فالح : وين

صافي : صارت الساعة ثمان وربع يالله يمديني اجهز حمود تقطني المدرسه

محمد : ايه البسي على مالبس عندي محاظرة عشر اقطتس واروح وراي

صافي : ان شاء الله

صعدت غرفتها وهي تركض على الدرج تخاف ينادونها يناقشونها واتدبس
وهي عند باب دارها شافت باب قسم سالم ينفتح وتطلع منيره مرة اخوها

منيره : صباح الخير يالحلوه

صافي : صباح الخيرات يا ام الحلوه

منيره : يعني بس بنتي حلوه ولا عشانها سمتس

صافي : يكفي بنتس اسمي

منيره : معليه انمشيها لتس (باهتمام شديد) شلونتس اليوم

صافي بهم : لا الحمدالله طيبه اصحى منتس انتي ورجلتس

منيره : اعوذ بالله لازم ادخل ابوفالح بالسالفه

صافي : انا محد سام بدني بذا البيت الا هو

وتمشي وتلحقها منيره لداخل الغرفة

منيره : حرام عليتس من حبه لتس والله انتس اغلى من عياله عنده

وتقعد صافي على كرسي التواليت ومنيره وراها على السرير

صافي : منور قولي لرجلتس يفكني من شره ترى الكبد محمضه منه

منيره : حرام عليتس

صافي وهي تبدأ بالميك اب :حرمت عيشتس انتي ورجلتس وعيالتس ماعدا سميتي طبعا
الا هي وينها معقوله ما صحت

منيره : الحين تسبيني انا ورجلي وتبين بنتي ما نبي بنخشها منتس

صافي : وانا علي منكم بادخل واخذها الا صحيح هي وينها

منيره : بالشقه من قاموا خوانها لدوامات وهي ماغير تضحك بوجيهم

صافي : يالبا قلبها جيبيها لي يلا بسرعه

منيره : اتامر بعد احترميني ترا انا اكبر منتس اطلب بأدب

صافي : ان شاء الله لو سمحتي ممكن اتشرف بشوفة بنتس المزيونه سميتي
عاد الله وفرق السن بينا ترى كلها سنه

منيره :هههههههه ايه ابشري من عيوني

وطلعت تجيب بنتها لصافي وصافي قعدت تكمل مكياجها بسرعه عشان يمديها تلاعب صفوي الصغيره وكثرت الفونديش والبودره عشان تخفي التعب وكحلت عينها من داخل بكحل ازرق وكثفت المسكره على رموشها وخفيف من البلاشر على خدها وروج لون فوشي ناعم عشان ينور وجها وفعلا بالاخير رضت عن نفسها

وقامت تلبس وكانت مطلعه سكني جنيز غامج وتوب طويل نفس طريقة البنجابي لون اوف وايت في اخر شيء تدرجات البنك الفاتح مع فلات اوف وايت فيه خط فوشي

كانت مرتبه ورايقه وكاشخة هذا اول يوم دوام بعد اجازة العيد واول سنه لها بهل المدرسه لازم اشوي اترتب لنفسها عشان ايام النفسيه الزفت يعذرونها

وتسمع باب غرفتها ينطق وتروح بسرعة وتفتح

صافي : ياهلاا والله بحياتي (شافت بوجها صفوي الصغيرة تضحك)
يالبى قلبها فديتس فديتس امانه منور ماتشبهني

منيره بمغايض : لاتشبه نوار اكثر

صافي بخزتها المعتاده : يعني بعدتي الزبده تشبهني
منور والله بنتس هاذي احبها تعطوني اياها

منيره : هههههههه ابد واصله بس كلمي اخوتس انا ياله اقدر على المصدع الي عندي

صافي : ههههههههه الا صحيح متى دوامتس

منيره : لااتذكريني الله يخليتس

صافي : ناس نايمه وناس اداوم احسن خل يصير فيه تساوي

منيره : لاتخافين اول 12 دوامي تخلص اجازة الامومة

صافي : هههههههههه احسن انتي تنامين وحنا انداوم ما قلت لتس نوار اول يوم دوام اليوم

منيره : والله ..... الله يوفقها عاد انا اشتقت للبنات والجمعه وكشخت الدوام لاعت كبدي من المبزره بنحاش منهم

صافي : محد قالتس ما تسوين تحديد نسل ...... المهم شكلي اوكي

منيره : ايه حلووه

ويقاطعهم تلفون منيره الي ردت عليه

هلااا .... الحمد الله ..... انت شلونك .... طيبين طاب حالك ......ان شاء الله ابشر ........ثواني ...فحفظ الرحمن

يلااا صافي عطيني صفوي وكملي شغلتس

صافي : يلاا من غير مطرود انتي وبتس

وطلعت منيره وهي تضحك
لبست عباتي ورفعت شعري ولبست نقابي وشيلتي البس من غرفتي احس عشان اطع على طول مالي خلق حمود غطي عيونتس سوي كذا وسوي كذا ...... حطيت مكياجي الي احتاجه بمحفظة صغيره وحطيته بجنطتي وخذيت اغراضي وكتب التحضير يوووووو بغيت انسى تلفوني على الشحن ونزلت اكيد حمود ينطرني تحت

سمعت صوت لجه تحت اكيد عندهم احد والمشكله مبسطين بالصاله الي مقابله الدرج نزلت

صافي : السلام عليكم (وتسمرت مكاني ماتوقعت اشوفه على طول حطيت ايدي على وجهي اعدل نقابي وهو الخايس ما نزل عينه )

الجميع : وعليكم السلام

فهد وعينه مانزلت منها وصافي الصغيره بحظنه : شلونتس صافيه

صافي بنزره : طيبه ..... يلاا حمود تأخرت

محمد : ابشري ..... تامرنا بشي يابوعزيز

فهد : سلامت راسك بس سوق بالهون

محمد : هههههههههه ادري مو عشاني بس ابشر

صافيه طلعت بسرعه وهي تغلي وتركر بصوت وااطي : جعلني افارقه ..... جعلني افارقه.........

محمد طلع وراها : شفيتس صدعتي تحاكين حالتس

صافي : محد غير صدع افتح السياره واخلص
(ركبت وسكرت الباب باقوى ماعندها )
ذا مايستحي قاعد بوسط الصاله ما يقول ذا العرب عندهم بنات لو انا نزلت وماعلى نقاب وش بيكون شكلي قدامكم ولا ام طلال انزلت ناس وقحه

محمد وهو ماسك ضحكته : ليه منور ماقالت لتس

صافي : وش قالت

محمد وهو يطلع السياره ويمشي : هو داق على وقالها تقولتس انه قاعد تحت وقالها تنزل له صفوي الصغيره

صافي : ماقالت لي

محمد بلامباله : خلاص مو مشكلته

بعد لحظة صمت

محمد : ياصافي ابيتس تسمعيني للاخر(حس انها بتقاطعه )طلبتس بس اسمعي ..... والله
يا خوتس ان الفهد شاريتس عمره دق الثلاثين وموب راضي يعرس ..... حتى شفتي بنت سالم سماها عليتس وشوفي منيره محترمتس لو غيرها كان حارشتس بالطالعه والنازله

صافي تقاطعه بعصبيه : ليش انا ضعيفه لها

محمد يقاطعها بطولت بال : ادري انتس منتي بهينه ..... بس هي اخوها وحيدها وسالم كبره وعنده اربعه ..... وترى اخلي عندتس خبر ترى فالح كان بيملتس غصب عنتس بس هو عيا ويبيها برضاتس

صافيه بصدمه : معقوله فالح يسويها

محمد : ايه يسويها ابوي مات وهو يقول لفالح ان صافيه لفهد وفالح تراه ساكت لتس بس ترى الصبر بدى ينفذ وانا اخوتس ....... وانزلي وصلنا

صافي شافته بصدمه بعدين انطقت بغضب : ياليتني رحت مع السايق ولا سمعت علومك

محمد : ههههههههههه يالبا قلبتس ماعليه انمشيها لتس يلا توكلي وراي محاظره

صافي نزلت بعصبيه وصفقت الباب وراها

محمد يطلع راسه من الجام وهو يضحك : الله يعافيتس

صافي لفت عليه : الله لا يعافيك

ودخلت المدرسه بسرعه لا تسوي لها الوكيله سالفه ........طلعت عطرها وتعطرت على السريع

صافي : صباح الخير ابلة كل عام وانت بخير

الوكيله : صباح الخير ياصافيه وانتي بصحة وسلامة تراج متأخره بس بمشيها لج

صافي : هههههههه يعطيتس العافيه ماتقصرين

سوت اذنها وطلعت تقط عباتها وتروح قسمها لا تبدى الفرصة وهي بالساحه قطعوها البنات سلامات وبتخلص الفرصة وهي ماجهزت لحصتها​

 

[::صايغة الرند::]

قعدت من نومتي الغلط ورقبتي شادة على اسمع احد يناديني

حسين : سارونه قعدي

ساره : هلاا شصار

حسين : ماصار شيء نزلي وصلنا المراكز انزلي طبقي

ساره : شحقه انا مو متغطيه مو لازم

حسين : لا نزلي مالي خلق عوار راس طبقي نفتك من المشاكل وبعدين عشان ختم التطبيق

ساره بكسل : ان شاء الله

ولفت ورا وخذت الملفع الي مجهزته ولبست العباية ونزلت
ثواني ورجعت

ساره : حسين وين جوازي

حسين : ها ليش اهو مو معاج

ساره : شنو .... شيابه عندي

حسين : اخر مره لمى سافرتي مع نوار لبيروت

ساره ركبت بسرعه ولفت عليه : لاياقلبي اخر مره سافرت معاك للعمره

حسين يتذكر : ايه ايه صاجه عيل وين جوازج مالقيته بالدرج

ساره بصدمه : شنو وينه وين وديته مايطلعولي بداله بسهوله

حسين : يعني شلون راح على الريوق

ساره بصراخ : وهذا الي هامك بطنك صج بطيني
رد (لف عليها متفاجأ) أي رد خلااص انسدت نفسي

حسين : لا والله ( وبمساحل) اشرايج اقطج عند رحال وتفرجي على الرايح والراد وانا اييب ريوق وارد

ساره بانفعال اكبر : ياربي ياربي شهل الريل انا شسويت بدنيتي ياربي
( وبهستيريا صراخ ) رد اقولك رد لابارك الله فيك ولا باليوم الي اخذتك فيه

حسين : خلااص ان شاء الله بس قصري حسج فضحتينا

ولف بيطلع من المركز الحدودي

وقلبه يتقطع على الاكل

وطول الطريج يحاول يحاجيها واهي معطيته اسكب ​

 

[::صايغة الرند::]

في كلية التربية الاساسية
الساعة 11.45

طالعه من محاظرتها كارهه عمرها والجو اليوم حاااار على عكس الايام الي طافت
وحاسه بنفسها اليوم ثقيله حيييل
دقت على نوف تشوفها وينها

مها : الوووو وينش

نوف : موجوده تعالي انطرج وعندي منال قاعده

منال بنت تعرفوا عليها بالكلية اصلاا معاهم من الثانويه بس كانت وراهم بسنه وبالكلية توثقت علاقتهم حبوبه وشقرديه تنفع ما تقصر وحبوها البنات حييل

مها : حياها الله اوكي جايه

مشت تجر نفسها اليوم عندها تأخير لساعه 3 لازم تضغط على نفسها هل الكورس عشان يكون الكورس الثاني ميداني وتتخرج وتفتك
ادخلت المصلى على البنات ولقت التجمعات بدت عشان وقت الصلاة قرب واغلب البنات بريك من و12 الي الوحده

مها : السلام عليكم

بعض البنات : وعليكم السلام

مها : اه ياربي رحمتك وغفرانك
شلونش نوفه وانتي منال شلونش

منال : بخير والله انت شلونج

نوف : تمام انتي شفيج شكلج تعبانه

مها : الحمدالله ....أي والله بديت اثقل

نوف : الله يعينج وشراح تسوين على الميداني

مها : لا ان شاء الله ولادتي على شهر واحد والدكاتره كلمتهم بيقدمون الامتحانات لي يعني احتمال اداوم الميداني على اخر نفاسي ولا توني طالعه من الاربعين

منال : وليش ما تأجلين الميداني لسنه الجايه

نوف : لا خل تخلص والبيبي ماعليه شر عند امج الا ماطلبتي خدامه


مها : لا تضحكيني ترا بنفجر ممنوع الخدامه بالبيت عمتي مانعه كل وحده تقوم بعايلها

منال : شنو هل العقد انتي ماحملتي بسهوله كلمي زوجج

مها : زوجي يقول اخواني الكبار ما عصوا امي وهم عندها بالبيت انا اكسر كلمتها

نوف : بس سعاد عندها خدامه وحتى جابتها قبل لاتحمل

مها : سعاد غير بنتها وترى مو بس سعاد كل بناتها في شقق برا والخدامه والخدامتين بعد عندهم لكن انا شنو بايدي

نوف : بايدج شغلات واايد كلميه قوليله شوف خواتك عندهم يامها لااتساهلين بحقج
لا تصيرين نفسي

منال : صحيح شصار على زوجج نوف

نوف : لا تقولين زوجج ....قصدج طليقي عرسه بعد شهر

مها : عسى الله لايوفقه

منال : امين

نوف : خلونا مني انتي شراح تسوين بحياتج

مها : سوات ربش ابرك ......

(بعد فترة صمت )
انا لو بكيفي تطلقت منه لكن ابي مو واقف بصفي كل مافكرت ازعل قمعني

نوف ومنال شهقوا بصوت عالي حتى لفتوا انتباه البنات الي قاعدين عندهم بالمصلى يشوفون شفيهم ومنال تبي تكلم ماقدرت وقدرت نوف اخيرا تنطق

نوف : حرام عليج والله زوجج يحبج

مها وهي تمسح دموعها : خلاص يانوف انا تعبت انا ماقلت انه ما يحبني بس لمتى ضعف الشخصيه قدام امه وخواته مايفتح فمه والله ياأمه قبل امس رافستني وانا نايمه على بطني وهو نايمه جنبي وتقولي قولي بالرفله الناس قدهم قايله وانتي مخمر بسريرش والله يابنات انه الساعه كانت سبع منو يقوم يوم العطله الساعه سبع

منال : حسبى الله ونعم الوكيل شلون تدخل غرفتج

مها : هي عندها حكم ياويل لو وحده منا ياحريم العيال قفلت غرفتها عليها واذا لقته مقفول سودت عيشتي بس بناتها عادي خلهم ياخذون راحتهم والمتزوجين ما ياخذون راحتهم

منال : وزوجج راضي حموانج راضين

مها : الكل طلع من البيت بس انا واصغر واحد محد مطنشها الا حماي الصغير الي ماخذ بنت اخوها وما تقوله شيء تخاف من امها
يعني عشان ابي حالف على امي ما تحكي يصير هذا حالي
انا اعترف امي ماتسكت بس ابوي يقول لا هذا ولد اخوي وياويلش اذا قلتي حاجه

وقعدت تمسح عيونها وعطت البنات ظهرها عشان ما يشوفونها فعلا كانت مكبوته وتبي تفرغ

مها : توقعوا احكمت على ان رجالي ما يوديني واروح مع الباص ...(شهقت بين كلامها وزادت دموعها ) يابنات انا ماحملت بسهوله سنتين وانا اعالج ماخليت مكان ما رحت له واخرته تقولي (نزلت راسها تحاول تكبت عبراتها )

نوف : تعوذي من الشيطان ومابعد الشده الا الفرج .... شوفيني جدامج منو يتوقع اني بعيش عقب الي صارلي والحمدالله صبرت لحد ماربي فرج على بس انتي لا تمسكي بزوجج وتعوذي من الشيطان ولا تخلين لهم مجال يخربون حياتج

سمعو صوت الاذان

منال : يلاا يابنات صلاه عشان يمديكم تريحون والي عندها محاظره تروح .....مها قومي غسلي وجهج و توضي واذكري ربج

قامت منهم منال ولفت نوف على مها

نوف : شفيج مره وحده انفجرتي اكيد صاير شي السوالف هذا نعرفها مامن جديد

مها : خليني ساكته بس (وفجأه انقلب مودها ) ههههههه الا ماكلمتي سارو هههههههههههههههههههههههههههههههههههه

نوف : لا شفيها لااحد يموت من الضحك صج عياره توها تبجي والحين تضحك

مها : هههههههههه اعوذ بالله منش ههههههههه حاسديني على الضحكه حتى

نوف : خلصي شفيها عشان نصلي

مها : البطه الي عندها يبي يتريق بالخفجي

نوف : مامن جديد انا اتوقع اصلا يروح البصره عشان بس يشترى قيمر

مها : الخبل وصلها لحد هناك وطلع مضيع جوازها وشقولها هههههههههههه تــ....... هههههههههههههههه يقو....... ههههههههههههه

نوف : خلصي شيقول

مها : يقول عادي انزلش عند رحال وبروح اجيب ريوق وارد

نوف : ههههههههههههه صج موصاحي اتوقعها مصخرته واليوم بالجمعه بس اتحلطم منه

مها : طبعا مايبي لها انا اكلمها وهو عندها تقولي السالفه وبين كل كلمتين تلف عليه تسبه وهو ميت من الضحك ويقول ما على المجنون حرج وهي تزيد
والله يعين روسنا اليوم عليها ما راح تسكت

نوف : أي والله يالله قومي صلي يا ام نوف وامشي نطلع نتمشى

مها : اخيييييييييه مالقيت اسمي بنتي الا عليش انهبلت انا

نوف : احمدي ربج

مها : حامدته قبل لا اشوف

ومرته عندها وحده من البنات الملتزمات

البنت : بنات صلاه الله يجزاكم خير وقصروا اصواتكم في بنات يصلون

نوف بفشله : ان شاء الله اسمحي لنا

هزة راسها وراحت وخلتهم

نوف : قومي فشلتينا

مها : ياربي دامه انا الشماعه لاغلاطهم قايمه عشان ادعي ربي يفرج لي ويفكني من ذا الرجل واهله

مشت ونوف وراها ماتعرف متى هل البنت بتعقل وتخلي منها الكلام الفاضي وتحمد ربها على الي عندها بس الله يعينها ​

 

[::صايغة الرند::]

ماما ثوفي يثور خرب ثعري

بشاير : تعالي نجد اسوي شعرج ويسور بنزعل عليه انا وياج

وركضت نجد بسرعه وقعدت تصرخ

نجد : يثور يثور ماما يتذعل عليك حره ( وتفرك ايدها الصغيره ببعض بمعني حره )

ياسر : اقولج انقلعي يالجاهل قبل لا اطقج

طلعت لسانه له بمغايض و ركضت داخل بسرعه تحتمي في بشاير منه وهو دخل وراها يركض ونخشت ورا بشاير

ياسر : خاله وخري خل اربيها وخري

بشاير : عشاني هل المره حبيبي

ياسر : خاله ماتستحي ماتحترمني (خشن صوته) انا اخوها الكبير

بشاير تضحك : اكيد طبعا بس جاهل سامحها وهي بتعتذر منك
(ولفت على نجد) نجوده صح بتعتذرين منه هذا اخوج الكبير ويحبج

نجد : انا اثفه بث توديني الدمعيه

ياسر ضحك : اول عطيني بوسه واوديج العصر (لف على خالته )
بعد اذنج طبعا خاله

بشاير : اول شي يا حلو روح بدل ملابس المدرسه بعدين قول لابوك الا صج منو جابك من المدرسه

ياسر : ابوي

قاطعهم دخول رجل طويل حيييل وعريض ورجولة الكون كلها فيه ونظرات عينه حاده وكان مصوبها صوب بشاير

بصوت رجولي : السلام عليكم

ركضت نجد بسرعه صوب ابوها ونطت عليه وصاير يطيرها فوق واهي تضحك

بشاير بخوف : وعليكم السلام يابوياسر لو سمحت نزلها لا اطيح

ابو ياسر بدون نفس : جاهل عندج اطيح من ايدي وبعدين بنتي منتي خايفه عليها اكثر مني

نزلت راسها تمسح دمعتها قبل لا يشوفها

ابوياسر يكلم بنته : شسمج يا حلوه

نجد : اسمي نجد عمر ياثر الــ.........ي
ثح بابا

عمر : ثح ياريحة الغاليه ثح ياعمر بابا

حست انها بتنفجر لمتى واهي كابته شالت عمرها وطلعت واهي تبرر له كأنه اهتم لتبريرها
ولا لطلعتها اصلاا

بشاير: بشوف الغدا

عمر : لا ارتاحي انا عازم حبايبي على الغدا برى

ياسر : والله بابا مشكور يلاا خاله البسي بسرعه

رفع راسه لها بمعنى انتي مو من ضمن المعزومين وهي وصلتها الرساله

بشاير بغصه : لا حبيبي روح مع اابوك واختك انا بنام تعبانه

وطلعت بسرعه عشان ما يصرون عليها الجهال ووقتها بيجرحها كالعاده

دخلت غرفتها وقفلت على عمرها ونزلت دموعها بلاا استذان
بشاير : ياربي انا شنو ذنبي ليش مو قادر يسامحني ليش بالاصل يدخلني بالسالفه انا مغصوبه نفسه ماكنت مخيره الله يسامحج يمه الله يسامحج يابشرى فعلاا انا الوحيده الي انظلمت

ودخلت راسها بمخدتها تكتم عبراتها بداخلها عشان محد يحس فيها وتنزل احمال السنين
الاربع الاخيره فيه وفعلاا كانت من مصيبه لمصيبه من مرض بشرى الي ردلها بقوه واخذها من قدامهم بشهرين لوصيتها الي ذبحتها وذبحت عمر قبلها
بشرى تزوجت عمر عن قصة حب طويله ولد خالتها الي كان يحرس باب بيتهم بس عشان يشوفها وكانت بشاير و عمرها وقتها سبع سنين الشاهده على قصة حبهم وكانت بمعنى اصح الناقل للرسايل بينهم وفعلا نطرها خلصت الثانويه وهو كان باخر سنه بدورة ضباط الجيش وتزوجها على طول لكن الفرح ما اكتمل باول سنه مرضت بشرى وطلع فيها الخبيث بأول مراحله وسافر فيها عمر وماردوا الا حالتها متحسنه وبعد سنتين غامرت وحملت بياسر وربي ستر عليها ولكن بعد ولادتها لنجد ظهر المرض مرة ثانيه بس ما امهلها توفت وعمر بنتها اربع شهور ووصت وصية ذبحت عمر وبشاير
عمر فكر انه بشاير بترفض توها صغيره وهو بيخطبها واكيد ماراح ترضى وبجذي يكون نفذ الوصيه من جهته لكن الي صدمه موافقة بشاير الي كانت بضغط من امها الي خيرتها بين رضاها وعمر واكيد اختارت رضى امها
بس عمر حلف ينتقم من بشاير لانها برايه خلته يخون حبيبته واول شيء طلعها من الجامعة وكانت بسنة اول شريعة وخلاها بالبيت ماعندها شغل ولا مشغله مصروفها ينزل شهريا بالبنك واذا كلمته حرقها بنظراته
فكانت حياة حرب نفسية طبعا غير عادة جديد لعمر البيت عباره عن فندق واي غلط ولو بدون قصد يكون الرد عليه كلام جارح مافيه رحمه وحتى قدام الجهال

شالت راسها من المخده وتعوذت من الشيطان
وفرشت سجادتها ومسكت مصحفها تذكر ربها لازم توقف بكي اليوم جمعة البنات اكيد بلاحظون اذا فيها شيء فلازم تمسك عمرها لازم تلبس قناع السعاده والراحة جدامهم
البيوت اسرار مالازم احد يدري بلي فيها وكفاية سؤال خالتها ليش ماحملت بعد تطلع متفخه عيونها من البكي بتشك فيها لانها لازم تمر عليها قبل لا تطلع من البيت

وبدت بقراءة قرآنها بسكينه وهدوء

وفجأة اسمعت

بشااااااااااااااااااااااااااااااااااااااااااير

فزت بخوف وطلعت تركض ​

 

[::صايغة الرند::]

روعه القصه كمليها بليزززززززز

يعطيج العافيه على الرد وانا نزلت بارت مع ان مافي اقبال

انا بشوف اذا مافي اقبال بوقف القصه​

 

[مجنونة شاروخان]

لااختي كملي واااايد حلوه القصه وننطر البارت

 

[::صايغة الرند::]

نبذه مختصره

هذي عباره عن نبذه مختصره عن البنات فقط وباقي الشخصيات بتطلع بسياق القصه بأذن الله
نبدأ من اكبرهم لاصغرهم والفرق بينهم شهور

ساره :عمرها 22 صج اكبرهم لكن بالعقل اصغرهم خريجة علوم اداريه جامعة الكويت قسم محاسبه....... وحيده امها وابوها متبتبه وطويله
ملامحها عاديه شعر اسود قصير ماكو قصه ما قصتها ملامحها كلها صغير من عيونها لخشمها لشفايفها بيضة وربي معطيها نعومه غريبه مو على شكلها لانها اصلا دفشه فلمى اتحجى تنصدم منها متزوجة من حسين صار لهم ست شهور زواج تقليدي
أي وتنطر اسمها ينزل بالديوان خريجة صيفي

بشاير : هم عمرها 22 عاقله ورزينه وتحسب حساب الكلمة قبل لاتطلع كتومه ومستحيل تعرفين شنو وراها ..... امها موكويتيه فكانت غير مفضله عند ابوها يحسبها مثل الغلطه بحياته طبعا امها الي تكلمنا عنها اهي مرت ابوها ربتها مجبور فكانت معاملتها معاها شوي جفسه بس اهي تحبها وتوصلها وشفتوا شسوت عشان رضاها
نور ربي كله بويها بيضه البياض الصافي ابتسامتها تدش القلب ملامحها عاديه جدا وطولها زين ووزنها مناسب لطولها بس ويها فيه قبله

نورا : عمرها 22 مثل ماعرفتوا توها موظفه يديد
عندها اخو وااحد اسمه عبدالرحمن اكبر منها يدرس بأمريكا الماستر
مغروره فيها شوفة نفس عنيده عنيده عنيده بكل ماتعني الكلمه من معنى لو في الامر موتها هم اتعاند
ملامحها طويله وتميل لضعف اكثر من المتن عيونها كبار ورموشها كثيفه خشمها غريب هو حلو عليها بس اهي معقدها عندها غمازه وحده بخدها اليسار

نوف : معروف عمرها مستسلمه للامر الواقع رومنسيه وحالمه وتحلم بالفارس على الحصان الابيض ومثالها (لاحياة مع اليأس ولا يأس مع الحياة)
بالتربية الاساسيه اخر كورس تخصص رياض اطفال آخر تخرجها الظروف الي كانت فيها وطلاقها ونزول معدلها بسبب المشاكل
جميله ويمكن اجمل وحده بالبنات بس مافي جاذبيه جمالها الباهت الي مغلف بحزن
طويله حييييل ومتروسه شوي عيونها عسلي فاتح وشعرها بني على شقار

مها : وحده بايعه الدنيا باللي فيها غشمرجيه ماتسكت على حقها لو شنو لو اهي راعية الحق من طولت اللسان تنقلب السالفه
تدرس بالتربيه الاساسيه اخر سنه تخصص لغة عربيه
سمرا عاديه بس فيها ملح ولمى تسولف تاخذ قلب كل الي قاعدين متزوجه صار لها ثلاث سنين من ولد عمها علي

صافي : اصغرهم بتكمل شهر وااحد 22
نسخه من نوار ماعدى بس في اختلاف صافي اجمل وملامحها منحوته اكثر واقصر شوي من نوار وجسمها على قولتهم جسم البدو بس مو عاجبها
دلوعه ومغروره و قويه ومالها شغل بأحد فيها انانيه ماتحب احد يقرب لاملاكها الخاصه على قولتها البعد عنها اسم للواحد ماتمسك لسانها
خريجة كلية التربية جامعة الكويت تخصص فيزياء اول سنه لها بالتدريس
اعتبار مخطوبه لولد عمها فهد بس راسها يلين وتوافق لانها وابوها حي كانت موافقة ولمى تخرجت من الجامعة غيرة رايها ؟؟؟؟
​

 

[::صايغة الرند::]

لااختي كملي واااايد حلوه القصه وننطر البارت

تسلمين ياقلبي بس صج تحطيم ماكو اقبال ولا حتى ردود مادري الخلل فيني انا ولا قي القصه

مشكور وايد على ردج صج استانست فيه

 

[::صايغة الرند::]

part 3

نوف "نزلت من سيارتي وانا ياله اشوف قدامي فعلاا كنت دايخه محاظراتي من 8 الي 2 ولو اليوم مو دكتوره اعتذرت كان حتى الريوق او بمعني اصح الغدا ماتغديت
فتحت الباب ودخلت الحوش ولقيت تحرير اختي برا بروحها قاعده على الدرج ؟؟
عجيبه هذي شمقعدها بالحوش هل الحزه حر ؟؟؟

نوف : السلام عليكم

تحرير : وعليكم السلام

نوف بتعجب : شفيج ليش قاعده هني

تحرير : انطر متعب

نوف عقدت حواجبها : متعب .... شتبين فيه عنده استلام اليوم

تحرير : لا (بخوف) هو صح عنده استلام بس انا ابي منه شغله وقالي بيجيبها لي وبيرد دوامه

نوف رفعت حاجب بتعجب واستهزاء: وبالله شنهي الشغله الي تخليه يطلع ويجيبها لج

تحرير بتبرير : هااا ... ايه ايه ابي طلبات ضروريه لابلة ..... ايه لابلة الكيمياء ....

نوف وواضح لها توتر اختها : اها ....

قاطعهم دخول اخوها وبيده كيس ماكدونالدز

متعب : السلام عليكم

نوف على طول لفت على اختها وناظرتها نظرت غضب

نوف : وعليكم السلام شلونك ياقلبي شكلك تعبان

متعب بتعب : ايه والله يااخوج استلام صبح وامس سهران كملت
تحرير تعالي هاج اخذي (ومد الكيس الي معاه )

تحرير راحت له بسرعه وخذت الكيس وباسته على خذه : مشكور الله يخليك لي

نوف تلاحق اختها بنظراتها لحد ماادخلت داخل ولفت على اخوها

نوف بعتب : متعب ليش طالع من دوامك

متعب : دقت على تحرير خاطرها بماكدونالدز خليت ربعي يغطون على وطلعت

نوف : ليش ما تقدر تنطر لحد ما اطلع واجيب لها بطريجي ...... ولا تنطر لاحد ماتخلص شفتك انت

متعب : ما فيها شيء انا بالمره جبت للربع معاي ... ويانوف تحرير الي تبيه لازم يوصلها لا تنسين انها ما شافت ابوي الله يرده لنا

نوف : ويعني ماشافت ابوي نخربها بدلالنا .... يامتعب تحرير بدت تخرب بدى لسانها يطول

متعب : يوووووووه عاد لا تعورين راسي بروحي مواصل ادخلي داخل بس الاكل بالسياره برد

نوف : تبي تنحاش من النقاش واضح ....روح الله ايسر امرك

طلع متعب بسرعه حتى بدون لا يسلم كانه يهرب من النقاش ماوده يقول لنوف ماابي تحرير تصير نفسج مكسوره ومستسلمه ابيها قويه اتعود على التملك مو العطاء

نوف تنهدت ودخلت داخل عشان يمديها تنام وتلحق تقعد وتجهز لجمعت البنات اليوم ..... نوف اخوها متعب بالنسبه لها دنيتها كلها محد وقف بصفها وطلقها من ناصر الا هو وقف بوجه الكل وخيرهم بين طلاق اخته او فضيحتهم بالمحاكم جدام الله وخلقه وطبعا هذي من الكبائر عند جدها فاختار طلاقها من ناصر ولا على قولته الفضيحه عند الناس بالطلاق احسن من فضيحتهم بالمحاكم.... وهي تفكر مررت ايدها على عينها وحست بمكان الشق تحت حاجبها الي كانت تخفيه بالمكياج حسبى الله عليك ونعم الوكيل
**نوف من البصمات الي تركها ناصر عليها فقدانها النظر بالعين اليمنى بنسبة 60 % هذي وحده من بصماته طبعا ​

 

[::صايغة الرند::]

مها " نزلت من سيارة سايق اهلي وانا احس نفسي بنفجر خلااص وصلت حدي انا اليوم ياذابح يامذبوح ..... دخلت البيت والا امنا الغوله متربعة بالصاله وقدامها زوجي المصون يعطيها صيوان الطاعه
وقفت بصمت وانا اخايلهم بطرف عيني "

ام فهيد : ما تسلمين داخله على يهود

مها "انا هني فولت عطيتهم ظهري ورحت اصعد فوق وانا اسمع صياحها وهواشها وكلام واجد يجيب الهم .... دخلت غرفتي وسحبت نقابي بقرف والا عنتر زمانه داخل على فاتن "

علي بعصبيه وصراخ : انتي شفيش منتي بصاحيه

مها بعصبيه وتمثل الخوف : يمه اخلعتني ..... (وبصراخ) علي ترى الصبر وصل حده انا خلاص ماعندي قدرت على الاحتمال اكثر من كذا

علي : يعني شقصدش

مها : انتي افهم الي تبي تفهمه ....

علي بعصبية : ترى الي فهمته شيا مهوب بهين اذاش تبينه تراه بصير ....

مها حست انها اختارت وقت غلط وان السحر بدى ينقلب على الساحر.... علي عليه ملابس الدوام يعني توه طالع وراد تعبان وتذكرت انه امس مانام عدل وعلي لمى يواصل يكون بركان ثاير فكرت وقتها انها لازم تلقى حل .....
على طول سوت نفسها دايخه وتمسكت بالسرير وعلي ركض عليها

علي بخوف : مها شفيش

مها : مادري مادري ماني قادره اوقف

علي : اسم عليش (وسحب شيلتها الملتفه حول رقبتها وشلها وسدحها على السرير وقعد جنبها) تغديتي ولا اجيب لش شي تاكلينه

مها لفت وجها عنه بزعل : مابي شي خلني بروحي (ماحست الي بدموعها تصب )

علي بخوف : شفيش يعورش شي اوديش الطبيب

مها (معطيته اسكب وهي متعجبه من دموعها شلون نزلت وقتها مناسب)

قعدوا ربع ساعه ساكتين لحد ما حس علي بأنه اعصابه هدت ويقدر يكلمها ويناقشها هو طفر امه كل يوم تاكل قلبه قبل لاتحمل مها تقوله تزوج والحين تقول خل تقعد بالبيت مولازم تدرس ومها لسانها طويل ماتسكت ماتمشي لامه ولا لخواته وهو تعب هذي امه وهذي مو بس زوجته حبيته والحين حاس انه بين نارين

علي بهدوء وبصوت مبين عليه الضيق والتعب : قلبي حنا لازم نتكلم

مها كسر خاطرها مهما كان هذا علي حب الطفوله والصبا حن قلبها عليه ولفت عليه بتساؤل :بشنو ؟؟

علي بحنيه : مها تحبيني ؟؟

مها ضحكت : شرايك

علي باصرار : ردي تحبيني ؟؟

مها برقه وبدلع : لا

علي بتعجب : لا والله

مها تضحك وتدلع عليه : سؤالك غريب

علي يضحك : لا موغريب ردي تحبيني ؟؟

مها بهدوء وبعد فترة صمت : تدري اني مو بس احبك اموت فيك ولولا حبي لك كان من زمان انا في بيت ابوي

علي بزعل : واهون عليش

مها بتهور : أي تهون على انا مااهون عليك انت بديت ياعلي بالرخص مو انا

علي بنرفزه : مها ما كنا حلوين شفيش قلبتيها

مها تحاول تتكلم بهدوء وعقلانيه : علي انا ابلغك ترى انا الاحتمال عندي قرب يخلص فبليز لا تحدني على شيء ماابيه الله يخليك ( تقربت من ولفت وجهه صوبها وحضنت وجهه بكفوفها )
علي انا ابيع الدنيا كلها واشتريك ولا تنسى امي الي لحد الحين موراضيه على زواجنا بس وقفت بوجها عشانك ....

علي : مها شتيني اسوي هذي امي (وبتاكيد) امي يامها

مها : حبيبي انا مااطلب منك تغلط عليها لا اطلب شيء واحد انها تبعد عن حياتنا تخلينا نعيش بهدوء

علي ابتسم : ان شاء الله تامرين امر كم مها عندي انا

مها بدلع : وحده طبعا

علي : بس عشان خاطري اسكتي ولا تراددينها ترى مهما كان هذي امي وما ارضى عليها ...

مها : ان شاء الله لعيونك بس

علي مسك ايدها برقه وباسها : عسى الله يخليش لي

مها : ويخليك لي ولبيبي

**نقاش مها وعلي دائما ينتهي بهذي الصوره بس هل يدوم انتهائها بهذي الصوره ؟؟

 

[::صايغة الرند::]

بشاير "قعدت وانا امسك قلبي واسمي بالرحمن والله على بالي صاير بنجد شيء على هل الصراخ ..... اخرته ليش الخدامه ماجهزت غترتي ..... وطبعا غير الكلام الي يسم البدن الله يصبرني بس الله يصبرني ....
انزل تحت احسن اشوف خالتي اكيد تغدت الحين ..... نزلت ولقيتها قاعده "

بشاير : السلام عليكم ( وتنزل عليها وتحب راسها )

ام عمر : وعليكم السلام حبيتي الكعبه ان شاء الله
شلونج بشور

بشاير : الحمدالله يمه طيبه

ام عمر بتعجب : انزين ليش ما طلعتي مع زوجج وعيالج عمر يقول تعبانه

بشاير بتوتر : أي والله تعبانه وبغيت انسدح ماجاني نوم قلت اجي واسولف معاج

ام عمر بفرح : بشري يابنيتي عسى في شي بالطريج

بشاير انصدمت ماتوقعت يروح تفكيرها لهشي : لا يمه مافيني شيء

ام عمر : متأكده .... خل ادق على عمر اخليه يوديج تحليلين

بشاير بخوف : لا يمه انا متاكده ما فيني شيء

ام عمر بخيبة امل : الله كريم يابنيتي الله كريم

وساد الصمت بينهم وقطعه دخول خوات عمر التوم زين وزينه رادين من الكلية

زين وزينه : السلام عليكم

ام عمر وبشاير : وعليكم السلام

زين بتحلطم : اه ياربي شهل الحر مووت

زينه بهدوء : شلونج بشاير شخبارج

بشاير بابتسامه : الحمدالله بخير انتي شلونج

زينه : طيبه

زين : اووووه بشور شخباري صج مغبره وينج من زمان ماشفتج

بشاير : موجوده بس انتي ماادري وينج

زين : اسكتي الله يخليج لااتذكريني طوال الاسبوع عندي تاخير بس اليوم طنشت اخر محاظرتين وطلعت

بشاير : الله يوفقكم

زينه بهدوئها الي يميزها : بشاير وين نجد

بشاير : طالعين مع ابوهم يتغدون

زين بتهورها الدائم : وانتي مخليتهم ومجابله امي صج ماعندج سالفه

ام عمر : اا ياجليلة الحيا ....

بشاير : يابعد قلبي خالتي القعده معاها تسوى الدنيا ومافيها

زين : أي هين من ورى قلبج هل الحجي ... مام تكت ايزي خليج كووووول

ام عمر : كولج ربي قولي امين

زينه تقاطعهم : انا طالعه اريح تامرون على شيء

ام عمر : سلامتج يمه

زين : نطري وين رايحه ومخليتني يلا جميعا سي يو

بشاير بضحكه : الله يحفظج

ام عمر لمى شافت البنات طلعوا واستفردت ببشاير مره ثانيه تكلمت : بشاير يابنتي انا بقولج شغله

بشاير باستغراب : امري يمه

ام عمر : مايامر عليج عدو يالغاليه .... ترى حالج مع عمر مو عاجبني وانا ساكته عنكم انطركم تحلون مشاكلكم بدون تدخلات من احد بس اقولكم ترى بنطر عليكم فتره اذا ماحليتوا مشاكلكم ترى بنتدخل انا وامج

بشاير نزلت راسها طول فترة كلام خالتها بس لمى طرت امها رفعت راسها بخوف : لا خالتي الله يخليج امي لا ادخلونها بالسالفه

ام عمر بتعجب : وشمعنى امج

بشاير : امي تعبانه وانا خايفه عليها وانتي تعرفين انها انفعاليه والضغط والسكر لاعب معاها
وبالنسبه لي انا وعمر مافينا الا الخير انتوا يتهيأ لك

ام عمر بصبر : على راحتج يابنيتي بس انا بلغتج

قطع عليهم دخول عمر مع ياسر ونجد وضحكتهم ماليه المكان وبالنسبه لبشاير هذا يسوى عندها الدنيا ومافيها

 

[::صايغة الرند::]

نواره "قاعده اسوق وانا فكري مو معاي حياتي بالفتره الاخيره حيل ملغبطه وحتى انا احس نفسي حيل متغيره وامي كذا مره لمحت لي بهل الشيء "

نوار تنهدت : يعني شسوي الحمدالله طلع لي هل الدوام عشان يضيع وقتي شوي

صفطت سيارتها ولفت بتاخذ اغراضها ولا تشوف تلفونها الي حاطته سايلنت يدق ومبين عليها مكالمه ....

نوار بفرحه : هلاا والله شلونك حبيبي

.....: ههههههه مطفوقه من يومج والله انا زين انتي شخبار الدوام

نوار : بمشيها لك تمام

.......: شفتي شلون اخوج حبيبج قاعد من عز نومه عشان يحاجيج ويطمن عليك

نوار : يابعد عمري والله كنت بدق عليك اطمنك بس قلت الحين الفير عندهم

عبدالرحمن : لا انا موقت المنبه على هل الوقت عشان تعطيني الاخبار وانتي راده من دوامج .....بشري نورا المكان زين

نوار : والله اليوم اول يوم توى ما بين شي .....انتي حمني بشرني عنك وعن دراستك

عبدالرحمن : والله تمام عطلة الكريسمس انا و فيصل عندكم

نوار : اها وشخبارك انت وفيصل مع الامتحانات

عبدالرحمن : ماشي الحال المهم اخليج لا اطير النومه اشوفج بالليل على المسن

نوار : اوكي (بصوت واطي ) سلم على فيصل وخالد

عبدالرحمن : الله يسلمج سلمي على اهلي .... مع السلامه

نوار : الله يسلمك ويحفظك

نوار سكرت من اخوها وتنهدت بضيق وشلت جنطتها ونزلت من السياره .... دخلت البيت لقته هدوء اصلاا هذا حاله من سافر عبدالرحمن يدرس كان معطي البيت حياه غير طبيعيه واكيد امها راده تعبانه من دوامها وابوها لحد الحين ماخلص ....تنهدت من زمان ماتيمعوا على غدا ويمكن الطباخ شال وجبة الغدا من برنامجه اصلاا شحقه يطبخ ومحد ياكل ....

 

[::صايغة الرند::]

ساره " قعدت من النوم مخترعه ياويلي الساعه 6 طافتني صلاة العصر والمغرب انا اذا عصبت احط حرتي بالنوم .... قعدت بسرعه وشفت مكان حسين فاضي ياويله من ربي قعد ولا قعدني خل اتوضى وواصلي بسرعه .....
سلمت من صلاتي وطلعت لصالة ولا هذا الحبيب منسدح على القنفه ورايح بسابع نومه ياويلي بيكسرها علي "

ساره بعصبيه تهزه : حسين اقعد اقعد شمنومك هني

حسين : اهمممممم

ساره : حسينوه اقعد صليت ولا لا

حسين : ها شتبين

ساره بضحكه : ماابي شيء بس اقعد

حسين : صج قاطعة الملذات شتبين فيني مقعدتني

ساره بأستهزاء : شسوي احبك ومو قادره ابعد عنك لحظة

حسين بثقة : هذا الشي من زمان ما يبتي شيء يديد

ساره : لا صج بس اقعد صل لا يأذن العشا وانت ماصليت

حسين : لا انا مصلي خربتي على نومتي على الفاضي صج مزعجه

ساره بنرفزه : دامك قعده شحقه ماقعدتي

حسين : بسألج على بالج انا ليش نايم هني ومخلي سريري الحلو

ساره بفشله : لا تقول

حسين : لا بقول مثل العاده لمى تنامين معصبه تتكلمين وانتي نايمه ولا ترفسين .... عطيتيني رفسه ابطني تقولين مصارعه مو حرمه

ساره بخجل : وشحقه ماقعدتي

حسين : قعدتج بس انتي ماتحسين جان اطلع واخليج اتهاوشين مع روحج

ساره بدلع: اسمح لي حبيبي مو قاصده وربي

حسين بلا مباله : ادري مو قاصده لو قاصده جان وريتج شغلج

ساره اتخصر : لا والله خوفتني

حسين يغطي ويه ويكلم نومته

ساره تهزه : حسين احاجيك (مايرد عليها ) حسين
الشره مو عليك على الي معطيتك ويه

وطلعت من عنده ودخلت غرفتها

حسين يشيل اللحاف من ويهه : احسن فكه

ساره داخل الغرفه تعرفه وتعرف حركاته وتدري اهي ماسوت شي بس تاخذه على قعد عقله وتجاريه حسين انظف قلب شافته بحياتها بس مسؤليه وزواج شي جبير عليه لحد الحين عايش حياته وناسه ولعب وربع وديوانيه ولو بكيفه ماتزوج بس امه وحنتها عليه وساره مناسبته تونس وبايعه الدنيا وماشيه معاه على طول الخط

ساره امسكت تلفونها ودقت على صافي

ساره : هلاا وينج

صافي : بسم الله الواحد يسلم اول

ساره : ترا مالي خلقج طلعتوا ولا تو

صافي : الله يسكنهم مساكنهم

ساره : يووووووه صوفي خلصي

صافي : لا اتفاقنا الساعه 7 بتمرني نوار ونوف بتمر مها وبشاير وانتي

ساره : لا انا بيي بسيارتي عشان ارد على راحتي

صافي : خلاص اعصابج لا احد يقعد مبوز معانا

ساره : لا تخافين بخليج بروح البس

صافي يلاا باي

ساره : باي

 

[::صايغة الرند::]

صافي " سكرت من ساره وانا توني مخلصه مكياجي بس بلبس على السريع واصلن عباتي على بس برد مع نوار بنام عندها
من بعد نقاشنا اليوم انا وحمود وسالم وانا مااكلمهم مالي خلق لهم يضبطون الامور مع فهد عشان خواته اخواني اكبر مصلحجيين
خلصت لبس اوكي مادام انا خالصه خل انزل تحت اسولف مع اهلي على ما تمرني نواره
خذيت عباتي وملفعي ونقابي وجنطتي ونزلت تحت وتسمعت والحمدالله مافي الا صوت امي وخواتي وحرايم اخواني وعلى فكره انا خواتي كلهم متزوجات وفي منهم بالسعوديه وفي بقطر بس هيا ونجلا الي بالكويت

صافي : السلام عليكم يامرحبا بالي زايرينا اليوم

نجلاا وهيا قاموا يسلمون عليها ويردون السلام

صافي : شحالكم خواتي العزيزات

نجلاا وهيا : طيبات طاب حالتس

نجلا : على وين العزم ان شاء الله

صافي : رايحه للبنات اليوم جمعتنا الاسبوعيه

هيا : مانقطعت جمعتكم ولا لكم خلق

صافي بضحك ترش من ماي الفناجيل الي قدامها على اختها : اهبي وجهتس قول ماشاء الله

هيا : بسم الله ماشاء الله لااحد يموت علينا

ام فالح : من بيوديتس

صافي : نوار يمه بتمرني

نجلاا : ياحليلها نورا بنت عمي محمد

صافي : يعني كم نوار عندتس يعني ما تعرفينها ولا تحطين عمرتس ماتعرفين عشانها ردت حماتس

نجلاا بفشله : يمه منتس ما تمشين للواحد وبعدين حماي الف وحده اتمناه

صافي باستهزاء : صح والدليل مزعج عمي مايمر شهر والا راد وخاطب نوار ماتبيه ترى هي موغصب

ام طلال بهدوء : ترى يانجلا حماتس زودها احرج عمه الزواج مو غصب قسمه ونصيب

صافي بغضب : وابشرتس ياام طلال ماغير يدوج على العرب ويقول نورا بنت عمي محمد انا حاجرها ولااحد يفكر يخطبها (تلف على اختها ) لا تحسبين عمي ماعنده خبر بس رافع نفسه عن ذا الاشكال

نجلاا : والله هو صادق بنت عمه وهو اولى به

منيره : بس مهوب بكذا يانجلا

نجلاا بعصبية : وهذا اخوتس يامنيره حاجر صافيه واخواني ماقالوا له شيء

صافي بدفاع : مالتس شغل فيني انا قصتي مع فهد غير عن نوار وراشد ولا تنسين رضى ابوي البنت هذي حتى ابوها مهوب راضي

ام طلال بهدوء : خلاص يابنات تعوذوا من الشيطان السالفه ماتسوى

 

[::صايغة الرند::]

وشوي يسمعون صوت ضحك وسوالف وتدخل عليهم نوار معاها محمد وطلال ولد فالح وماخذتهم السوالف وسلموا وقعدوا

صافي : ماشاء الله اشوفتس بسطتي امشي ورانا مشوار

نوار : دقيقه خل اكمل سالفتي ... لا صج حمود جذي صار

محمد يضحك : والله واسئلي طلال كان معي وقتها

طلال : انا انلجمت ماعرفت اسوي شيء والمره تهز الرجال وتضرب فيه

نوار : افااا وخليتوا رفيجكم

محمد : محد قاله يتعدى حدوده .... الا على وين العزم ان شاء الله

صافي : وانت شدخلكم

نوار : شنو شدخله .... هذا حمود حبيبتي بنروح للبنات متواعدين نطلع

محمد : اعوذ بالله من شرتس .... نواره تكفين ذيك المزيونه معكم

نوار : من تقصد

صافي : خليه يقصد نوف

محمد : ايه نوف عادها على زينها

صافي : انت شدخلك في بنات الناس

نجلاا : لا ياصفوي مزيونه عشان (وبمجاكر) نخطبها لراشد حماي

نوار : وشتبي براشد وععععععععع

صافي : قومي ابتدى الحكي الفاضي .... نجول قولي لراشد خل يشوف شيفته بالمنظره عشان يعرف ليه البنات عايفينه .... امشي بس

واطلعوا وهم يسمعون صوت نجلاا تخانق عاااد نجلاا كل شيء ولا اهل رجلها عندها الدنيا ومافيها

صافي : نوار وين صافطه سيارتس

نوار : كاا جدام الباب مادخلتها داخل خاف احد يسد على

وطلعوا ولقوا سالم وفهد واقفين برا وسالم من شاف نوار اكتئب وشين وجهه

فهد : هلاا نورا شحالتس

نورا : زينه انت شلونك وشلون الوالده

فهد :والله بخير لا تكون ذي سيارتس سدينا عليها

نورا : أي والي يعافيك شوي بطلع

فهد : ان شاء الله ابشري

وراح فهد وحرك سيارته شوي عشان تقدر تطلع وشافها مع صافي تركب السياره وتمشي تنهد بحزن حتى عينها ماتحطها بعيني اعترف انا غلطت بس ماتنسى اذا ربنا غفور رحيم ليه حنا ياعباده كذا
نزل وراح لسالم الواقف وهو سرحان

فهد : الي ماخذ قلبك

سالم بفزع : هااا لا ما به شي

فهد : سالم عادك تحبها

سالم يتنهد : لا يافهد بس(وسكت شوي )لمى اشوفها اتذكر حبي لها وشلون هي رفضتني ولا ام فالح تسوى عندي الدنيا ومافيها

فهد : ماتلام يااخوي بس نصيب وربي كاتب لك خير من الامر

سالم يغير السالفه : الا ماكلمت فيصل وعبدالرحمن

فهد عرف انه يبي يغير الموضوع وجاراه : والله مدري عن اخوك علمي فيه الاسبوع الي فات ويقول بيجون بعطله الكريسميس

سالم بشرود : الله تيسر امش ندخل داخل

فهد : يلااا