فتق بالسرة للبيبي

[عاشقة الككاو]

السلام عليكم ورحمه الله


بنات ولدي عمره شهرين ونص ومعاه فتق بالسرة
سرته متفوخه
وايد خايفة ومتوترة

طموني الله يطمنكم ويخلي لكم عيالكم يا رب
:eh_s(17):

 

[طيبة83]

عادي اذا كبر 3 او شهور وبدا يتحرك ويرافس تدخل السره

ولا احد بقص عليج يقولج ربطيه وحطي مئة فلس

اذا تحرك وشدت عضلاته يروح

بنتي صادها نفس الشي

 

[عاشقة الككاو]

فعلا دكتور الجراحه قالي لا تسوين هالشغلات هذي تزيد الحاله سوء
يعني بنيتج طابت حمدلله!


الله يطمن قلبج حبيبتي مشكورة

 

[M!SS.LOBY]

الله يحفظه لج ولا تشوفين فيه مكروه

 

[M!SS.LOBY]

استشيري طبيب عشان تتطمنين

 

[عاشقة الككاو]

ان شالله يالغالية
والله يوفقج ع هالدعا الحلو

 

[زين ودلال]

الله يطمن قلبج ان شاء الله

 

[ضايعه بينهم]

الله يحفظه لج يالغاليه
ويخليج له

ماعليه إلا العافيه.

 

[Um Tuki]

بنتي من يبتها كان فيها\\لما الدكتور كشف عليها

قال عااااادي .. الياهل كل ما يكبر يروح لفتاق

الحين عمرها 10 شهور والحمدلله راح

 

[عاشقة الككاو]

الله يجزاكم الخير ويخلي لكم عيالكم يارب

 

[الشيخه فطامي]

لاتخلينه يبجي واايد او اذا زادت يحولونج ابن سينا ماعليه انشالله

 

[تبطي عظم!]

ولدي نفسج عشووق عمره شهر و٢٤ يوم والدكتور قال عادي تروح اذا كبر شوي

 

[عاشقة الككاو]

يارب تروح بروحها بدون عملية ولا شي يا تبطي
الله يحفظ عيالنا وعيالكم من كل شر وبلاء

الله يسعدكم بنات

 

[ريتاج_90]

حبيبتي لاااتحاتين ٱ‏​نـِْ♡̨̐ـِْا ولدي صار فيه جذي
مٍـٍْ♡̨̐ـِْْنْ الاربعين وشكله يخرع
والحين عمره سبع شهور راح أٌلُحُمَدُلِلِهُ
وكل مايكبر يخف
ومثل ماقالوا ڵــچ لاتربطين وتحطين اميه فلس
ماله داعي

والاحسسسن روحي لدكتور واستشيريه

 

[عاشقة الككاو]

مشكوورة رتووجه الله يطمن قلبج ويخلي لج الصغير