فاقدتــــــج يمــــه .. ليــش جـــذي

[Um Tuki]

سلام عليكم بنات

طبعا ماكان في بالي اني ادخل واكتب لكم .. بس حسيت بلحظة اني محتاجة افضفض

ماتوقع مشكلتي لها حــــل

اول شي بقولكم عن حياتي من يوم كنت في بطن امي


امي حملت فيني بالغلط .. كانت تاخذ حبوب حمل منتهي .. وماكانت تعرف

ولما اكتشفت حملها حاولت انها تجهض .. يعني حركات قديمة تنط من ع السرير و هالسوالف

لما درت ان اللي في بطنها بنت صادتها حاله هستيرية .. امـــــــي تكــــــره البنات .. !

و دايما كنت اتذكرها تقول من كنت صغيرة ياليتني جبت 10 اولاد .. ولا يبت بنت وحده

طبعا بعد اجازة الولادة على طول سلمتني لعمتي عشان تهتم فيني ورجعت للدوام ( امي ممرضة تشتغل دوامين .. صبح و عصر )

كنا عايشين في بيت يدي ( ابو ابوي ) ربتني عمتي ..

من وعيت ع الدنيا ما فطنت الا بعمتي .. كنت احبها واااااااااااااااااااااااااااااااااااااااايد و اغار عليها

ابيها لي بروحي !!!

كبرت شوي و لقيت امي تميل لأخواني بدرجة كبيرة وانا لا .. بالذات اخوي الكبير

للعلم ( احنا 3 .. ولدين و انا البنت اخر العنقود )

لما ترجع البيت الساعة 2 ونص .. كانت تسأل عن اخواني و لما تنام تمد يدها و تخلي اخواني

ينامون على يدها ..

وانا لا ..

و السبب : امي تكره البنات .. و اللي يضحك .. تقول الدلع للأولاد مو للبنات ..

سنة 2010 ..

تقدم لي شخص بعد علاقة حب دامت 6 شهور تقريبا .. ابوي وافق .. و لما سألني يا فلانة

ترضين تتزوجين اللي متقدم لج .. مع ان ابوي كان يدري اني احب اللي متقدم لي

بس بعد قلت له .. بابا اذا انت موافق انا موافقة .. بس اذا انت ماتبيه .. رضاك أهم

وافق ابوي وصارت كذا مشكلة بسيطة بعد الملجة بسبب مادية زوجي لضعيفة ..

و الحمدلله تمت الامور على خير

يوم ملجتي .. بعد الحفلة صعدت فوق عشان اغير ثيابي و اطلع اتعشى مع زوجي ..

ابوي لقاني ع الدري .. قال لي ( ما أشتهيج و بجوف شلون تعيشين بدوني )

طبعا ابوي ماكان يقصر علي بالفلوس و الاشياء المادية .. على اساس كنت دلوعته

بس دلع بالكلام والعطف ماحسيت كلش !!!!!!!!!!!!!

انصدمت من كلامه و اخوي سمعه بعد قال لي خلاص لا تهتمين .. استانسي هذا يومج

..

المشكلة الاساسية وين !!!!

اهلي كلهم يموتون بزوجة اخوي .. اخوي الكبير

و امي تموت فيها لأنها من نفس اصل امي ..

علاقتي مع زوجة اخوي كانت ممتازة جدا بس بعدها تغيرت لآني انصدمت منها وايد

بداخلها حقد و ممثلة محترفة .. تقول لي شي وجدام اهلي شخصية ثانية

وانا ماحب المنافقين

لقيت امي تطلع معاها .. تحضنها و تدلعها .. استغربت و قلت الله يا الدنيا

لما كنت اقول حق امي يمه لميني ابيج تقول .. مفكرة نفسج ليحين ياهل

و كل ماتجوفني لازم تنتقدني .. على طووووول .. حتى بدون سبب والله العظيم

و لما اتزاعل مع زوجي و يكون غلطان توقف معاه ضدي .. وجدامه

مرت اخوي كانت تقط الوصخ بحمامي قبل ما اتزوج و ابوي كان يقول خلوها على راحتها

خذت غرفتي بدون أذني .. حطت ملابس عيالها في كبتي .. و سكت

أبوي قال لي ( لين بتيين البيت استأذني من زوجة اخوج قبل )

تصدقون والا لا .. ؟؟

آخذ أذن من غريبة اذا بدخل بيت ابوي ...

بالذات اذا زوجي معاي .. لأن يمكن تتضايق

عندها كراج خاص فيها في بيتنا .. حتى لو كانت مو موجودة .. مو مسموح لي اوقف سيارتي

داخل بيتنا .. لأن هذا باركها هههههههههه

اخر مرة .. رحت بيتنا و معاي عيالي .. امي كانت بتاخذ ولدي بتطلع معاه ..

قالت لي ييبي ملابس ثقيلة لأن بطلع .. قلت لها وين بتروحون عشان اعرف شنو أييب له

قالت مادري .. قلت لها شلون ماتدرين .. نط ابوي و قال اي ماندري .. ما خططنا

و انا على نياتي قلت خلاص بييب له اي شي و خلاص ..

بعدين سألتها قلت لها مع من بتطلعين .. قلت مع زوجة اخوي ..

انا هني انكسر خاطري ..

انا اللي امي طوووووول عمرها ما ركبت سيارتي

.. اي ماركبت معاي كلش

و حتى قبل ما اتزوج اخوي كان يوديني السوق آخذ لي ثياب .. تخيلووووووووووووا

قلت لها يمه انا بطلع تعالي معاي .. أبيج .. ابي اكلمج

صرت علي جدامهم كلهم .. قلت لج بطلع مع مرت اخوج خلاص ..

قمت وقفت وقلت حق ابوي ..

اذا امي فيها حب و عطف و اهتمام .. أنا أولى

انا بنتها ..

وقف لي اخوي وقال الحب و الحنان كله لج طال عمرج ( بطنازه )

قلت له اكيد بتوقف مع زوجتك .. هي اقرب لك من اختك

ضحك و باس راس زوجته

قال طبببببببعا بدون شك .. هذي زوجتي اقرب لي من الكل

انحرجت و طلعت من بيت ابوي

و لي اليوم محد فيهم يكلمني

امي ما تكلمنــــــــــــــي

و الله حرام

ابي اذكر موقف حلو ع الاقل بيني و بين امي يا ناس

على اساس ان الدلع للأولاد .. شلون تغير الوضع مع مرت اخوي ..

انا مو حسودة ولا ابي امي تغير معاملتها معاها

بس ع الاقل تعاملني مثلها

تخيلوا صرت اتمنى امي تعاملني مثل ماتعامل زوجة اخوي

انا غلطانة .. ؟؟

اخوي صح اللي سواه ؟؟

يقول هالكلام جدام زوجته ..

الله كريم ..

شنو غلطتي ..

والله اني محتاجة أمي مثل الياهل

ابيها بس تلمني والله

جني يتيمة و انا عندي ام و أبو ..

 

[A p r i l]

قرريت مشكلتج حرف حرف .. واثرت فيني واييد :eh_s(2):

ماقدر اقولج اقطعي هلج لانه مهما كان هذول اهلج وصله الرحم شي اساسي في دينا

ولا اقدر اقوول شي يخص امج لانه الجنه تحت اقدام الامهاات ..
وموقفج ابداا مش غللط انتي كتمتي وايد ف قلبج وهم لازم يعرفون هالشي
شي غريب صرراحه
لازم تقعديين مع امج لاززم وتقولين لها اللي فخاطرج :eh_s(4):

مادري شقول والله :eh_s(2):
ربي يحنن قلب امج عليج يارب وقلب اهلج علييج

 

[Um Tuki]

والله قعدت معاها

و لميتها غصب حتى

سويت كل شي ..

مافي حل .. و انا ماقدر اقطع علاقتي فيهم

أحببببببببببببببببهم واييييييييييييييد ..

 

[جنون هاجري]

كسرتي خاطري وربي
من جد امر يضايق

 

[تولة مسك030]

ياعمري والله شي غريب
بس كوني صابرة
والله يعييينج على هالعايلة

انا مادري بس من كلامج شكلها مرت اخوج ساحرتهم
والله اعلم

عيل في وحده تحب مرت ولدها اكثر من بنتهاا

غربييييييييييييييبة

بس اصبري ياقلبي ان الله مع الصابرين

 

[يستفزني غلاك]

قريت كل كلامج و انا مصدقه كل اللي تقولينهلان في امهات تكره البنت و تحب عيالها




اسسسسمعيني ...... امج غلطانه بس هذي امج بعد لازم تتحملييين كل شي منها
تجاهليها لاتحسسين من اي فعل تسسسويه لغيرك لان مااراح يتغير شي




انتي امج ماتهتم فيج بس عايشه حاسه بوجودها كاافي ان امج في بيت تقدرين تروحين لها
انتي مابيدج الا حل واحد
تششششششششيلين كل الا فكار اللي تضايقج منها
خليهاتدلع اللي تدلعه انتي تحملي و تجنبي التفكير ب انها وانهاا


انا امي من وعيت عالدنيا متوفيه
انتي في نعممممه يمكن تقولين لااا انا مااحسس بحنانها بس بوقف بوجهج واقولج كافي هي موجوده على هالدنيا




ادخلي قوقل واكتبي يوتيوب بر الام و بر الوالدين قصص


اسسسسسسمعيييهم و بتشوفين ان انتي في نعم
عسسسى الله يخليلج امج وامج ويطول بعمرهم

 

[رمادية الهوى]

الله يعينك وربي يحنن قلب امك لك يارب
مالك الا الصبررر

 

[منيره آل ثاني]

قولي اللهم رق قلب أمي وأبي وأخي علي
والحي بالدعاء مع اليقين بالإجابة
ولا تنسين الصلاه لاتتركينها انتي المستفيدة منها
وأقري سوره البقره كل يوم صدقيني بتأخذ من وقتك ساعه او اقل وبتحسين بإنشراح عجيب لا تتركينها
محمد عليه افضل الصلاة والسلام قال(اخذها بركه وتركها حسره ولا يستطيعها البطله )البطله هم السحره
ما قصدي انهم اسحروج
لانها يمكن من وساوس الشيطان والعياذ بالله

في حفظ الرحمن ورعايته

 

[برنسيسة2007]

ياعمري والله شي غريب
بس كوني صابرة
والله يعييينج على هالعايلة

انا مادري بس من كلامج شكلها مرت اخوج ساحرتهم
والله اعلم

عيل في وحده تحب مرت ولدها اكثر من بنتهاا

غربييييييييييييييبة

بس اصبري ياقلبي ان الله مع الصابرين

انا معاها الامر مو طبيعي ابدا شنو هذا امج وابوج واخوج تحت خدمتها وراحتها الا اذا في احداث ماذكرتيها او في شيء

 

[mnoraa]

الله يعينج ولا تنسين هذيل اهلج
مهما يصير وحاولي تكلمين امج
حاولي تتقربين لها بالاشياء الي اهي
تحبها شوفي شتحب شوفي شلون
مرت اخوج تعاملها ييبي لها اشياء
تحبها وحتى ابوج حاولي تتقربين منهم

من وجهة نظري ........ ربي يوفقج ويفك ضيقتج

 

[Um Tuki]

مشكورين كلكم على ردودكم الطيبة
ويكفي دعاءكم لي
بس والله ثم والله
و الله ما اقول شهيد
اني ما زيدت ولا حرف ولا بالغلت
بالعكس انا اختصرت لكم و ماذكرت كل الامور ..
لأن اللي صار وايد ..

امي لين اليوم ماتكلمني .. واذا انا في البيت ( بيت يدي ) ماتقعد معانا
اذا انا في الصالة تتغدى في المطبخ !
و اذا انا في الميلس تقعد في الغرفة
واذا رحت الغرفة تقعد في غرفة ثانية ظلااااام

ليييييييييييييش

انا شسوييييييييييت

انزين حتى زوجي ماتكلمه

ليش انزين .. !!

حسبي الله و نعم الوكيل على من كان السبب

والله يحنن قلبها يارب

 

[mnoooll]

حلك عندي









ايه خلينا نجرب وشوفي اذا تغير الحال والا لا




اول شي قبل لا تروحين لهم وكل يوم








اقري سورة البقره كامله






كل يوم كل يوم خلي لك برنامج ياقلبي جربي وشوفي اذا ماجيتي وبشرتينا بالتغييير






اقريها وروحي لهم غيري بشخصيتك ي عمري لا تطلبين الحنان من اي احد ابداً ابداً


المواضيع الي تضايقك ولا كانك سمعتيها


ابي نظرة التعجب تجي على ملامحهم شصار ايش تغير


هم طبعاً مو اعداءك بالعكس احبابك انتي عارفه هالشي


بس الانسان الي يطلب العاطفه والحب والاحترام ماراح يلاقيها لانه طلبها ً


صلي صلاتك بوقتها وادعي بسجودك يارب سخرلي قلب ابوي وامي


صلي النوافل وصلاة الليل وادددددعي ولا تطلبي منهم شي الي تبينه اطلبيه من ربي وربك


والله بتتغير حياتك شي رهيييييب وعجييييب بس خلك على سورة البقره يومياً


طلبتك جربي ي عمري احساسك هذا يوجع سبق جربته !!

 

[بنوته كيكه]

عورتي قلبي شوفي اختي مهما الانسا او الشخص فقد شي الله عوضه شوفي انا فقده حنان ابوي ولا شفته مات كنت صغيره والله عوضني في اخوي وامي وزوجي وصدق مازلت اني افقد حنان ابوي بْس عندي اخ يشبه ابوي الله يرحمه مايسمع معوض عني كل شي صدق مو مخلين نقص اختي بس صلي وادعي الله انه يحنون عليج وبعدين انتي خلي لج زياره يوم واحد في الاسبوع خليهم يفقدونج. بْــْْ♡ـْْسّ لا تقطعين منهم علشان حرام قطع الرحم

 

[بنوته كيكه]

عورتي قلبي شوفي اختي مهما الانسا او الشخص فقد شي الله عوضه شوفي انا فقده حنان ابوي ولا شفته مات كنت صغيره والله عوضني في اخوي وامي وزوجي وصدق مازلت اني افقد حنان ابوي بْس عندي اخ يشبه ابوي الله يرحمه مايسمع معوض عني كل شي صدق مو مخلين نقص اختي بس صلي وادعي الله انه يحنون عليج وبعدين انتي خلي لج زياره يوم واحد في الاسبوع خليهم يفقدونج. بْــْْ♡ـْْسّ لا تقطعين منهم علشان حرام قطع الرحم

 

[shahad 88]

حاولي تكليمينها بأي طريقة كانت انشاء الله تحس فيك

 

[Um Tuki]

الله كريم ..

ربي يسعدهم وين ما كانوا

 

[أحبك أمي]

الله يحنن قلب امك عليك يارب
ويعوضك بالذريه الصالحه وتقرعينك فيهم?

 

[سحرالعيوون]

قصة صيحتني الصراحة وام تسوي جذي حتى في الشرع والدين ما يقبل تصرفها ابدا امج لها قصة غريبة وياج شنوو عاد مادري
سمعي امج غلطانة والكل غلط السبب تصرفات امج لج لو هي واقفة في صفج ولا قوة تقدر تعاملج معاملة سيئة
انتي روحي في الاسبوع مرة وقعدي لج ساعتين عن عقوق الوالدين روحي حق عمتج اللي ربتج وخليها بمقام امج
واعتبري يبت ابوج زيارة رحم فقط لان انتي مو زين في حقج كل يوم نفسيا تتاثرين عيشي حياتج وول عرض ليش يسببون لج نفسية محبطة وصيري زينه مع زوجج واهله واطلعي وياهم واضح امج مافي امل وياها
تتغدين في الصالة ادش المطبخ عداوة شدعوة وبعدين مرت اخوج مو ساحرتهم امج نظامها جدي

كل قولي (ربي لا تذرني فردا وانت خير الوارثين ) والله يوفقج حبيبتي ويسر لج امورج عورتي قلبي

كلامي كان بناءً على السرد اعلاه

 

[كنوشة 2009]

الله يعينج ويحنن قلب ابوج وامج عليج
والله يهديهم

 

[floor]

عسى الله يسخر اهلج وامج لج
شوفي اختي الغاليه

لا تتركين الدعاء بتسخير اهلج واشكي لرب العالمين

تصدقي بنية رب العالمين يصلح امورج واهلج لج

اهديهم تهادو تحابو

حاولي تكسبينهم بالكلمه الطيبه والمعامله
ع
ومرت اخوج راح يكشفونها على حقيقتها

والمظلوم ربي ينصره ودعوة المظلوم مستجابه