ـ بعد مرور سبع سنين زواج قررت اطلب خدامة ـ تعالو شاركوني همي

[H Style]

ـ السلام عليكم بنات
ـ انا صار تقريبا سبع سنين وما يبت خدامة لأني ما ارتاح لهم نهائيا ويمكن تقولون لي الخدم حظوظ وصح كلامكم بس انا ما كنت احب اجرب وانطر يكون حظي زين مع خدامة وما كان عندي استعداد انصدم مع بلاوي الخدم
ـ بعميكم وصف بسيط عن حياتي بدون خادمه صج تعب جسدي بس بصراحة راحة نفسيه
ـ قبل كانت عندي بنت وحده والحين اكبرت ودشت الروضه وكنت اقزر مرة اوديها عند امي ومرة خالتي وبعدين الحظانه
ـ الحين صار عندي بيبي جديدوانا موظفه وصحة امي وخالتي مو نفس قبل
ـ اهني طقيت بريك وقلت لازم أييب خدامه وفعلا طلبت وناطرتها توصل بس بصراحة من داخلي ادعي انها ما توصل
ـ بنات ابيكم تشاركوني همي ترى انا نفسيتي اتعبت مو متقبله الخدامه في بيتي كلللش بس والله اظطريت
ـ تهقون اقدم استقالتي واقعد بالبيت بس اهي فترة بس تحش البيبي الحظانة خلاص تنحل مشكلتي
ـ اوديها الحظانه بس عمرها ست شهور تكسر الخاطر توها صغيرة
ـ بنات اللي عندها حل تساعدني
ـ والله مو متقبله فكرة وجوح انسانة غريبه في بيتي
ـ ـ بنات انا تحملت شغل البيت سبع سنين بروحي ومستعدة اتحمل هالشي باقي عمري
ـ بس بنتي الصغيرة وين اخليها
ـ طبعا انا راح اوديها مع الخدامه بيت امي
ـ بس انا لايعه جبدي من سالفة اني اذا رديت من الدوام وشفتها
ـ امبييه بنات يمكن عبالكم ابالغ بشعوري بس صدقوني منهارة
ـ اكره الخدم واكره سوالفهم نقمة على المجتمع
ـ قاعدة اكتب ودموعي بعيوني واذا اوصلت الخدامه شراح يصير فيني
ـ امبيه ماراح اخذ راحتي بشقتي تكفون شاركوني هموني وعطوني الحل

 

[اوزة روحي]

جيبي خدامه نص دوام تروح مع بنتج الصبح لامج تساعد امج عليها او جيبي خدامة بس خليها ببيت امج كلش ما تجي بيتج بس اذا جبتي البنت الصبح تشوفها ولي رحتي بيتج لا تاخذينها او ودي بنتج حضانة أحسنلج من الخدامة اذا امج تعبانه وماتقدرين تودين بنتج لها

 

[noo7a]

والله الخدامه شر لا بد منه
صار وجودها نوعا ما ضروري
خليها ببيت اهلج عشان الصبح تكون مع بنتج و هم تساعد اهلج

 

[Om Hessa]

الحمدلله يعني مو بس انا الي اتوتر ويضيق خلقي واتنرفز من وجود الخدامه حوالي واحسها كاتمه نفسي وقاعده على قلبي ولا اتقبل منها شي وماودي بوجودها بس للظروف احكام غصب احتجت لظروفي وحده تساعدني مو تشيل عني لا لاني وسواسيه حييييييييييييييييل بس ابيها للغسيل والتنظيف وعيالي علي ماتجابلهم كلش والله وجودهم بيننا ماوراه الا الهم والمشاكل وكله كوووووم والزوج بكوم انا وحده غيوره بشكل مو طبيعي واتنرفز من اي صوت يطلع منها وهو موجود ودي اقطع لسانه لو كانت تهمس ما احبها تنطق بوجوده انجن مو عن مافي ثقه بس ما احب الخدامه تتفلسف على راسي وهو موجود .. والله يقويج ويعينج اذا لقيتي حل انج ما تجيبيينها حاولي فيه ..

 

[sondos]

رد : ـ بعد مرور سبع سنين زواج قررت اطلب خدامة ـ تعالو شاركوني همي

تقدرين تسوين لج نظام دام عيالج صغار وماتحتاجينها وايد.......تخلص شغلها س 7 وتدخل غرفتها وتقدرين تاخذين راحتج .........بس الخدامه الحين شر لابد منه .....لاتقولين ما ابيها ...على الاقل وحده نص دوام تنظف وتقعد مع الصغار وقت الدوام وتروح

 

[noynoy]

وديها بيت امج لصبح مع بنتج و الظهر بس اخذي بنتج حطيها بالبيبي سيت ورا و خلي خدامتج اب بيت امج

 

[رحيل المرافيء]

رد : ـ بعد مرور سبع سنين زواج قررت اطلب خدامة ـ تعالو شاركوني همي

اخذي اجازة اموومة سنتين لين تكبر بنتج وتالي دخليها حضانة
الخدامة خليها للتنظيف الكوي
اما العيال والطباخ انتي توليهم وبس

 

[العاطفية]

حبيبتي انا نفسج اكره الخدم وصارلي سنة ونص بدون خدامة وناسة وراحة ويحنون علي الناس يبي خدامة بس طاااااااف اهم شي الراحة النفسيه عن تجربة حبيبتي راحتج النفسية اهم من الجسدية رتبي نفسج ويومج يعني اذا اميمتج قادرة عالبيبي وديه عندها واذا ماتقدر اخذي اجازة لين يكبر شوي ويشيل عمره عالاقل يروح حضانة وانتي مرتاحة او تخلينه عند يدته بدون لا ياذيها واذا ماتقدرين ييبي خدامة خليها عند امج لي اخر الدوام اخذيه وخليها عند امج او اخذيها ترتبلج كرفيها شوي ورديها بيت اهلج بالليل وصدقيني ولا وحدة فينا تقدر تفيدج عدل لان انتي عايشة الوضع قعدي مع نفسج وفكري عدل وراح تلقين الي يريحج باذن الله والله يعينج يارب