ــــ حبوب منع الحمل ( مارفيلون )

[نبض قلبي M]

السلام عليكم

شلونكم بنات

ابي رايكم انا استخدم حبوب مارفيلون بس من انساها يوم يومين تنزل الدورة


صارت تجيني الدوره بالشهر مرتين :eh_s(11): تعبت من هالحاله


كل شهر جذي رايكم يابنات اغير الحبوب وشنو احسن حبوب مانع :eh_s(17):


ملاحظه : انا من النوع اللي ينسى :eh_s(17):​

 

[ظبية بوظبي]

وقتي فونش يدق و يذكرش
انا الحبوب الوحيده الي وقفت دورتي هي مارفلون لان عندي استحاضه ونزيف
لكن سببت لي اكتئاب و وجع فالراس ورفعت ضغطي

 

[سميره مملوحه]

روووووووعه عن تجربه والدكاتره ينصحون فيها ليش انها آمنه بالمنع الحمل ويستعملونها كعلاج سبحان الله

حق اكياس المبيض وينظم الدوره
انا ننظم دورتي

 

[نبض قلبي M]

طبيه بوظبي

فكرتج حلوه وبجربها وان شاء الله تنفع معاه

 

[نبض قلبي M]

اختي سميره


اهي فعلا تنظم الدورة بس المشكلة انا انساها


عيالي صغار ما خذين كل تفكيري


فكره باللولب اشرايكم

 

[سميره مملوحه]

اللولب على حسب شطاره الردكتوره وانا مااحبه قوي على الجسم
خلج على المارفيلون وحطي منبه

لا يمتن ولا يطيح الشعر ولا يلعب بالنفسيه

 

[انين السعوديه]

انا استعمله حلوه وإذا تنسين حطي منبه انا اكبر نسائه عشان مانسها موقت منبه علي الساعه١٢م كتابه حبوب منع الحمل وبكيذا مانسها ويصير اخذها بوقته تعرفين المنبه مايسكت الا اذا طفيته المنبه هو الحل الافضل

 

[.:lady bug :.]

ماقريت شنو كتبو البنات
هالحبوب سمتها ام خالد الهاجري بحبوب التعاسه
سببت لي نزيييييييف وصداع و كاني وحام لايعه جبدي وطايحه وويهي كركم

تعد الحيل

دشي اكاونتها بالتنستغرام واقري تجارب البنات وام خالد شقالت

 

[.:lady bug :.]

وقتي فونش يدق و يذكرش
انا الحبوب الوحيده الي وقفت دورتي هي مارفلون لان عندي استحاضه ونزيف
لكن سببت لي اكتئاب و وجع فالراس ورفعت ضغطي

همن انا سببت لي مابه مو طبيعيه


لا تجربينهم

 

[a7la.moon]

يالله هالحبوب خذيتهم وانا ٣٠ يوم بالنفاس

وبعد النفاس بسافر يعني سفر ووناسه وانا مستانسه

بس اللي يشوفني ولا احاجي احد يقول شهالنفسيه وضيقه

ماحبيتهم واذا ماكليتيهم نفس الوقت ينزل دم بني يعني اكلهم ١١ بليل لازم ١١ بليل واذا تأخرت شويه نص ساعه نزل دم بني ....!!!!!؟؟؟؟

 

[Moon light30]

والله انا كنت استخدمهم خفاف ،، ومعروف كل انواع الموانع لونسيتيها يومين راح تنزل الدوره لانها هرمون ،، نصيحتى لج جربي اللولب او لزقه الموانع

 

[كوكيز بالكريمة]

هلا أخيتي غلطة عمري اخذتهم على كلام رفيجتي ما ناسبوني للأسف صدااااااع و غثيااااان و انتفخت صرت كبت. . الله المستعان بس

لازم تروحين لدكتورج يسوي لج تحليل هرمونات و بناء عليه يعطيج اللي يناسبج. . دكتوري زفني غلطانه شلون تاخذين حبوب منع حمل بدون تحليل هرمونات و استشارة طبيب! ! !

صج اللي يناسب غيرج يمكن ما يناسبج. .ديري بالج ياقلبي لا تلعبين بهرموناتج