ــــــــ أبي رايــكم يالمتزوجـــات ـــــــــ

[نبض قلبي M]

السلام عليكم

بدش بالموضوع علي طول

انا متزوجة لي 6 سنين وعندي 4 اطفال

واللي قاهرني وسبب مشاكلنا زوجي كل يوم يجيب طاري الزواج يسوي نفسه يتغشمر

وقلت له والله لو تسويها اني ما اقعد علي ذمتك دقيقه واحده وصدق

قاال اتغشمر

وللعلم

زوجي ما يشتغل

ولا عنده بيت ولا سيارة ضرو فه جدا صعبه ومديون

ما عنده دينار واحد امه تصرف عليه وانا الحمدلله موظفه بس راتبي قليل جدا

لان احنا خليجيين رغم كل هذا صبرت عليه وتحملت ظروفه ومآبين بعينه

صار لنا 3 سنين وهو كل اشوي يجيب طاري زواج

زعلت عليه ورحت لهلي رفع ضغطي كل ما قعدنا مع بعض جاب الطاري

وزعلت قلت له ماصارت غشمره بديت اصدق :krkrkr:

قالي انتي غبيه اضحك عليج بس ابيج تغارين انا مولاقي اكل عشان اتزوج عيالي ماصرفت عليهم

بس ابيج تغارين :eh_s(2):

وحلف بالمصحف ان ماله نيه قلت له خلاص الغشمر هذه مابيها تزعلني سكرعالموضوع


ثاني مره اذ جبت الطاري والله مراح اقعد عندك :eh_s(2):
وماكو فايده



للعلم زوجي يحبني ويهتم فيني حيل تهقون اللي يسولف له نيه بالزواج بعدين لين تتعدل ضروفه راح يسويها ولا بس كلام



انا اخاف اذا تعدلت ضروفه بعد كم سنه يتزوج مع انه ماظن راح تتعدل لان مديون بمبالغ كبير
وعليه قضايا وضبط واحضار


انا اخايفه انه يسويها بعدين مع انه حلف بالمصحف جدامي ان ماله نيه بس يبي يستفزني :eh_s(14):


طمنوني والله بدا بالي ينشغل واحاتي احس اني مو مرتاحه

 

[كاملة الدسم]

تعلقي في الله مو في زوجج وسوي اللي عليج قومي فيه وفي عيالح فيما يرضي الله وحسب مافهمت منح ماظن يسويها بس انتي لا تعايرينه بفقره وظروفه خاصة بينكم اطفال اربعة لان ممكن يلقى وحدة تبيه وتصرف عليه وماتفرق معاها

 

[$كشوخه$]

حبيبتي لا تشغلين نفسج بموضوع زواجه وتفكيره
مبين هو يبي يغيضج بس انتي لا تعطينه مجال
ارضي ربج ولا تقصرين معاه ولا مع عيالج
وعيشي حياتج واستانسو ولا تزيدون الهموم
اذا قالج بتزوج عليج اضحكي وقوليله ماتقدر ع فرقاي .. لا تقلبينها لهواش ونكد
وقوليله خلاص لا عاد تجيب طاري الموضوع تمللنا غير الموجه
خلج واثقه بنفسج و دامه مو مقصر معاج فا الحمدالله شي احسن من ولا شي :eh_s(7):
ويمكن قعدته بالبيت ومن الملل يقول جذي لا تلومينه .. اذا تكلم عن هالموضوع انتي غيريه بدون لا يحس وسولفي عن اشياء ثانيه .. وساعديه يقدم ع وظيفه حتى لو الراتب مو عالي بس اهم شي يشغل نفسه ويجيب منها مدخول تساعده يسدد ديونه

والله يوفقكم وييسر لكم امركم

 

[noo7a]

معروفه لا تخافين من الي يتحجى خافي من السكوتي الي شغله كله من تحت لي تحت

اهو صج غشمرته بايخه و ثقيله بس اخذيه على جوه مو يبي غيره

لوعي جبده بالغيره لمن يحرم يفكر يخليج تغارين عليه لووول

الله يخليه لج و لعيالج و يسخره لكم و يرزقه بالوظيفه الزينه

 

[!! شعر بنات !!]

مبين يتغشمر في رياييل يحسون انهم مقصرين مع زوجاتهم

ويحب يحس بقيمته عندج فيغيظج بموضوع الزواج علشان يحس انه لازال
رغم ظروفه وتقصيره مرغوب من ناحيتج . نصيحه

الي بيسوي شي ما يتكلم ولازم تفهمين اهو ليش يكرر الموضوع

 

[نبض قلبي M]

مشكورين بنات



على النصيحه

 

[ملح و سكر]

الله يهداج بس انتي بنفسج تقولين ماعنده ياكل يقوم يتزوج مثل ماقالج يبيج تغارين عليه وتلحلحين معاه شوى موتعصبين وتسوينها سالفه انتي خليج شاطره وردي عليه بكل دلع ترى الريال طفل كبير يبيج تدلعينه وتعطينه اهتمام ومايصير كل شوى تقوليله بزعل وبروح لاهلي ترى بعدين انتي بتندمين واذا قالج مره ثانيه بتزوج عليج قوليله روح تزوج وسوي نفسج مومهتمه صدقيني وقتها ماراح يقولج إياها مره ثانيه لان خلاص ماعاد يهمج الموضوع بس سافة كل شوى زعلانه ورايحه عند اهلج لاتدخلين اهلج بالموضوع وحليها مثل ماقلت لج والله المستعان.......

 

[غرور الزين]

تدرووون شنووو سبب تعاستنا الزوجيه ان احنا حكرنا سعادتنا فيهم وهالشي غلط الرجاجيل مالهم امان والبنات على افا من يشيل بس تبي رجال اهي تصرف واهي تسوي كل شي تخيلو وين وصل الزمن ! اعرف واجد يتمنون اسم رجال يقولون حتى المهر علينا بس هو وينه عشان جذي خواتي لاتشوفونه ملاك او انه مايغلط لاتشوفينه كامل ولاتعلقين سعادتج فيه والله الرجال مهما تثقين فيه هم تضلين تخافين منه وعلى فكره خوفج من السكووتي رجلج شكله صج فاقد الغيره منج مرات من كثر ما احنا نحبهم ونثق انهم لنا مانغار نحس اننا ممتلكينهم وهالشي غلط لازم تحسسينه بالحب والغيره لاتحسسينه انه ناقص تقبلي مرووري والله لايفرقكم ولايخشر بينكم ثالث غير عيالكم