غييييرة الرجل !!!!!!!!!! ساعدوووني

[lulu0]

السلام عليكم
انا بطرح موضوعي بهالقسم لاني محتاجه مساعدتكم ونصايحكم انا عرسي عقب اسبوعين وخطيبي يغار وايد مرات احسه يبالغ بالموضوع انا متفهمه الموضوع ومرات اجاريه بس مرات احسه انه وايد مزودها وخايفه عقب الزواج يزيييد اكثر والي مصبرني اني احبه وادري اهو يحبني

خلووني اقولكم غيرته اشلون مايحب احط ميكب كلش خصوصا اذا رحت الدوام يقولي ماله داعي شكو اتحطين وحق منووووو والله والله اني خففته وايد وانا طبيعي ماحط ميك اب وايد حتيييي اخف السوالف يمنعني منها وتدروووون والله اني سمعت كلامه

وطبعااااا عنده مشكله وياااالكعب مايحب البسه يقووووولي يغري واي وملفت :eh_s(16): معني انا من النوع الي اهتم بنفسي واااايد واحب البس واكشخ المهم هديييييييته الكعب احتراما له ولاني احبه وماابي ازعله

والله غييييرته موطبيعيه اهوووو شي جميل انه يغااااار بس والله والله يشهد انه بس اطلع معاه ومرات فيه ريايييل جليلين الحيا يخزوووون اهوووو يعصب ويحسسني بالذنب جنه انا السببب

المهم ابي مصيحتكم هالهالشي طبيعي وتعتقدووون راح يزيييد عقب الزواج ولا انا مشكلتي اني قاعده اسمع كلامه عشان جذي مرات يزودها ؟؟؟؟؟؟؟؟ شنووووو اسوي وعفيه لا تقولولي هديييه اهو بصير ريلي عقب اسبوعين وانا احبه :eh_s(16):​

 

[lulu0]

الي قاعده تمر بنفس الحاله تشاركنه واتقولنه اشلون قاعده تتعامل مع الموضوع ​

 

[يتيمة جابر العز]

انا اشوف طبيعي جداً

كل غيرته تقتصر على

ميك اب وكعب وخز رياجيل !!!!

ما أشوف ان هالاسباب معظله شي طبيعي حبيبتي ولا تخافين هذه الحياة حالتها بالغيرة

الا اذا وصلت بالشك أهني خط احمر والحمد الله ماوصلتي هالحاله

ونصيحتي دام عرسج قرب ادفعي صدقات بنية ربي يسخرلج زوجج وان شاءالله تدفع البلاء عنج

والف مبروك

 

[lulu0]

بعد عمري مشكووووره وربيً يحفظج انشاءالله الصدقه شي ضرووووري والحمدالله الشك مو موجوووود من الطرفيين ومشكوووره علي المشاركه الجميله​

 

[حرم_الغلا]

عاااااادي صار عندي تبلد من هالموضووع


بعد 3 شهور من العرس لبسني عباية راس
وكعب مافي

وبعد سنه ونص قطوووه( غششوه)

والحين نقاااب كااامل
ودسووس

قبل ما احط صبغ اضافر ولا نقشش
وما اطلع بروحي لازم احد معاي
ونا اروح مع السايق بروحي لازم احد من اخوانه الصغار معااي



انتي اشواا مني بوااااااجد


الحمدالله ع كل حال
سويت كل اللي يبيه لانه مو عيب ولاحرام

صح متضايقه ومو مقتنعه بس تعوووودت



الله يسخرهم لناااا

دام المعامله زينه وماوصلت للشك الحمدالله


مافي رجال كامل
والغيرع موجوده بكل رجال هذي فطره فيهم
بس المهم ماتوصل للشك


الله يسخره لج ويهديه

 

[lulu0]

حرم الغلا صح كلامج لا عيب ولا حرام وانا صح مرات اسويه بدووون اقتناع بس عشان رضاه وهم قاعده اتعود اهوو لولا اخلاقه الحسنه جان ماسويت هالشي بس ادعي ربي انه مايغصبني علي يوم من الايام

الله يوفقج ياقلبي ويحفظج ​

 

[M!SS.LOBY]

من حقه يغار عليج

 

[شادن33]

خلي لبسج محتشم وترتاحين
ترضين ربج وزوجج وهذا كله لصالحج
والميك اب يعتبر زينه تظهرينها للغرب !!!
والكعب العالي الملفت اللي يطلع صوت بعد فتنه
مع اني البس كعب بس النوع العريض اللي ماله صوت

 

[منال $]

انتي شوفي الاشياء الي بضايقة وبعدي عنها
من حقة يغار عليكي
بس بعد الزواج راح تخف هالامور

 

[Patcholli]

عادي كلنا عانينا من هالمشكله اول الزواج
حبيبتي اهو تقريبا يغار وبنفس الوقت يختبرج تسمعين كلامه ولا لا
مع الايام راح يطخ شوي شوي ..
لاتحاتين

 

[اذوب بكلامه]

ياقلبي اي زوج يكون رجال بمعنى الكلمه الطبيعي انه يغار على محارمه
حمدي ربك انه مو ديوث في ازواج ماينقال عنهم رجاجيل يمشي مع زوجته وهي لابسه فرق الركبه وتضخك وتتمصخر مع اصحابه وهو واقف يتفرج هذا رجال؟!!

 

[كويتيه فرنسيه]

اغلب الرجااال جذي هذي فطره فيهم المفروض تستانسين

 

[زوجة عزيز]

حبيبتي كشخي في البيت بس مولازم اتحطين وايد مكياج واتروحين الدوام الريايل مايحبون جذي ترا وكل واحد مكانه بيقول نفس الكلام حق زوجته او اخته او خطيبته

 

[queen92]

اي ماعليه سوي اللي يبيه هذي غيره طبيعيه جداً مو اوفر كل اللي طلبه منج نو ميك اب و نو كعب مافيها شي تبين تكشخين و تلبسين لبسي له كل الرياييل الطبيعيين جذي لاتحاتين و الله يسخره لج و يوفقكم

 

[lulu0]

يعطيكم العافيه علي ردوودكم طمنتوني وصح كلامكم اكيد هالشي راح يخف واذا تبون الصج كل الي يطلبه مافيه شي بس اتوقع الانسان بس احد يطلب منه التغير اتكون صعبه عليه بس اهو يستاهل والله يوفق الجميع انشاءالله ويسعدكم

 

[مييريآ]

ما ادري شقول لج

احس انه يبي يتحكم وبس

انا فاهمة انه الميك اب اللي تبينه فونديشن وماسكارا وتحديد حواجب

واذا بيعصب عليهم بكون مريض نفسي

ما احب الرياييل الي من هالنوع ، لا صرتي ببيته يغار بكيفه مو الحين

اسفه اتكلم بعصبيه ، بس رفيجتي مرت بنفس الحاله ، هو كان اوفر

والله عقدها ودمر نفسيتها وقلل ثقتها بنفسها ، صارت تشك بعمرها

اول شي لبساها عباية ، هي كانت محجبة بس ما تلبس عباية

وبعدها قال لها تخفف ميك اب ، وبعدها الكعب

بعدين يوم صارو يطلعون صار يحط ايده على خدها عشان يتأكد انه مافي كريم اساس

ولو لقى انه فيه يقوم الدنيا على راسها ، مع انها تحطه خفيف عشان يشيل عيوب البشره

وبعدها صار يدقق على الاكل ، انها لازم تخفف شوكليت وحلويات ، وللعلم البنت كانت ضعيفة وجسمها حلو

صارت تاكل من وراه بالخش ، وحتى منعها من الببسي ، و بعدين صار يقول لها اسنانج صفرا ، مع ان لونهم كان طبيعي

وبعدها صار يقول لها ان في خط يطلع لما تبتسم بويهها ولازم تسويله بوتكس ، للعلم البنيه صغيره عمرها 22

تخيلو لدرجة انه ايام الدورة تطلع حبه او 2 بالويه ، لو صدفت وشاف حبه يهاوشها ، يقول لها كليتي شوكليت من وراي

والله البنيه تحطمت وما عاد لها ثقة بنفسها ، وقامت تاكل بشراهه ومتنت وايد ، وصار يقول لها طلع لج كرش ويهاوشها

وكل هذا بسبته هو ، وبعدها انفصلو لانها ما قدرت تتحمل

في شباب وايد يسوون هالاشياء عشان يتحكمون بالبنت ويلغون شخصيتها ، مو شرط انه يغار وبس

 

[مييريآ]

حبيبتي ما قلت هالكلام عشان تهدينه

بس لازم يفهم انج عندج رأي وشخصية وانه لازم يحترمج

هو حبج وانتي تحطين ميك اب وانتي تلبسين كعب

حب فيج وايد اشياء ، واذا عطيتيه مجال يغير فيج شوي شوي

راح يغير كل شي ، وراح تصحين بيوم ما تعرفين نفسج

وراح تلاقين انج مو انتي وراح تكرهين كل شي تسوينه

وبتلاقين نفسج تسوين اشياء غريبه عنج ومو طبعج

بتحسين انج قاعدة تمثلين عشان ترضينه

انا قاريه كتب عن علم النفس وايد ، في كتاب اسمه رجال سيئو الطباع ، وكتاب اسمه النساء من الزهرة والرجال من المريخ

لازم تقرونهم بنات ، وبتلاقون حل لاكثر مشكلاتكم ، وتعرفون ان العيوب فيهم مو فيكم ،


لازم تفهمينه انج تسوين هالشي لانج تحبينه وما تبين تبعدين عنده ، وبنفس الوقت تفهمينه ان كل شي يزيد عن حده ينقلب ضده

لازم يعرف انج طول 20 سنه او مهما كان عمرج تعودتي على نمط حياه معين ، وهو ما يقدر بيوم وليله يغيره

وتقدرين تخلينه يقيس هالشي على نفسه ، مثلا لو كان متعود يلبس ثوب وجيتي قلتي له البس جينز او بدله شنو راح يحس

او لو كان يدخن وقلتي له اترك التدخين << مع انه هذا حقج 100%

لازم تعيدين وتزيدين فوق راسه انج سمعتي كلامه وتغيرتي باشياء بس ماراح تتغيرين بكل شي

ولازم يحبج ويتقبلج مثل ما انتي ،، وبس

 

[lulu0]

ما ادري شقول لج

احس انه يبي يتحكم وبس

انا فاهمة انه الميك اب اللي تبينه فونديشن وماسكارا وتحديد حواجب

واذا بيعصب عليهم بكون مريض نفسي

ما احب الرياييل الي من هالنوع ، لا صرتي ببيته يغار بكيفه مو الحين

اسفه اتكلم بعصبيه ، بس رفيجتي مرت بنفس الحاله ، هو كان اوفر

والله عقدها ودمر نفسيتها وقلل ثقتها بنفسها ، صارت تشك بعمرها

اول شي لبساها عباية ، هي كانت محجبة بس ما تلبس عباية

وبعدها قال لها تخفف ميك اب ، وبعدها الكعب

بعدين يوم صارو يطلعون صار يحط ايده على خدها عشان يتأكد انه مافي كريم اساس

ولو لقى انه فيه يقوم الدنيا على راسها ، مع انها تحطه خفيف عشان يشيل عيوب البشره

وبعدها صار يدقق على الاكل ، انها لازم تخفف شوكليت وحلويات ، وللعلم البنت كانت ضعيفة وجسمها حلو

صارت تاكل من وراه بالخش ، وحتى منعها من الببسي ، و بعدين صار يقول لها اسنانج صفرا ، مع ان لونهم كان طبيعي

وبعدها صار يقول لها ان في خط يطلع لما تبتسم بويهها ولازم تسويله بوتكس ، للعلم البنيه صغيره عمرها 22

تخيلو لدرجة انه ايام الدورة تطلع حبه او 2 بالويه ، لو صدفت وشاف حبه يهاوشها ، يقول لها كليتي شوكليت من وراي

والله البنيه تحطمت وما عاد لها ثقة بنفسها ، وقامت تاكل بشراهه ومتنت وايد ، وصار يقول لها طلع لج كرش ويهاوشها

وكل هذا بسبته هو ، وبعدها انفصلو لانها ما قدرت تتحمل

في شباب وايد يسوون هالاشياء عشان يتحكمون بالبنت ويلغون شخصيتها ، مو شرط انه يغار وبس

مسكييينه لا عاد مو لي هالدرجه حرام عليه بس انا فاهمه شنو قصدج عشان مااظلمه بالعكس اهو عمره مانتقدني من اي ناحيه من هالنواحي بس اهو مشكلة. الميك اب بالدوام يعني عادي مسكرا وكحل وانا سمعت كلامه لانه حسيت ماله داعي اكسر كلماه بهالشي بس والخووووف من عقب الزواج بس شايفه اغلبية المتزوجات يقولوون يخف عقب العشره والزواج انشاءالله

بس كسرت خاطري رفيجتج اشدعوه عليه حبطت البنيه جذي مسكينه الي يسمعه يقول هذا كلش مافيه عيب استغفرالله نرفزني والله هذا مستحيل انسانه بهالدنيا تعيش معاه وزين سوت فكت عمرها

انا بس اتمني من الله انه مايي يوم ويغصبني عل شي لانه عندي قناعه البنيه لو سوت شي من عندها مستحيل ايي اليوم واتغيره او تتنازل عنه

 

[خاشعة للرحمن]

حبيبتي لاتخسرين حياتج وسعادتج على اشياء تافهه ترا في بعضهم مايبون تطلعين كشختج براا يبي له بسس وتراا حتى لو كنتوا حريم وهذا صراحة اشوفه زين يبي الرجال كشخة مرتة لنفسه بس
واحسن لج بااجر يتغير مع الوقت مع الحياه وباجر يهال وان شاء الله تتغير الاوضاع والله يوفقج يارب ويسخرة ج

 

[مييريآ]

مسكييينه لا عاد مو لي هالدرجه حرام عليه بس انا فاهمه شنو قصدج عشان مااظلمه بالعكس اهو عمره مانتقدني من اي ناحيه من هالنواحي بس اهو مشكلة. الميك اب بالدوام يعني عادي مسكرا وكحل وانا سمعت كلامه لانه حسيت ماله داعي اكسر كلماه بهالشي بس والخووووف من عقب الزواج بس شايفه اغلبية المتزوجات يقولوون يخف عقب العشره والزواج انشاءالله

بس كسرت خاطري رفيجتج اشدعوه عليه حبطت البنيه جذي مسكينه الي يسمعه يقول هذا كلش مافيه عيب استغفرالله نرفزني والله هذا مستحيل انسانه بهالدنيا تعيش معاه وزين سوت فكت عمرها

انا بس اتمني من الله انه مايي يوم ويغصبني عل شي لانه عندي قناعه البنيه لو سوت شي من عندها مستحيل ايي اليوم واتغيره او تتنازل عنه

الله يسخركم لبعض حبيبتي

اي والله عقدها ، والله يعين اللي بتاخذه ،

ومعاج حق لو سويتي شي عن قناعه راح تستمرين عليه ، بس اي شي بالغصب ما في حد راح يحبه او يتم يسويه طول العمر :eh_s(17):